ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ 2025 ꓘꓳꓼ ꓗꓪ ꓐꓰ ꓪꓴ. ꓓꓵ ꓢꓲ꓾ ꓠꓬꓲ ꓣꓳ‐ꓟ ꓡꓳ ꓒꓱ ꓗꓪ ꓙꓳˍꓟ Verano ꓡꓱꓽ ꓜꓴ ꓗꓪ ꓫꓵ., ꓢꓴ ꓐꓱ ꓶ ꓟꓲ‐ꓢ ꓬꓰ ꓪꓽ ꓘꓴ ꓖꓶˍꓟ ꓔꓯ ꓬꓰ ꓗꓷ ꓟ ꓥ ꓡꓳ꓿ ꓡꓳ, ꓬꓰ ꓟ ꓕꓲ ꓙꓵꓽ ꓗꓪ ꓠꓬ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯˍꓟ ꓠꓬ ꓢꓲꓽ ꓒ ꓬꓰ‐ꓢꓴ ꓫꓵ., ꓗꓪ ꓐꓰ ꓢꓯꓼ ꓬꓲ., ꓡ ꓢꓲ꓾ ꓣꓳ ꓦ ꓡꓱ ꓢꓴ ꓐꓱ ꓶ ꓡ ꓠ, ꓟ ꓗꓪ ꓦꓽ ꓡꓱ ꓖꓴ ꓥ, ꓟ ꓔꓯ ꓢꓷ.ꓠ, ꓟ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔꓽ ꓟ ꓥ ꓡꓳ꓿
ꓖꓳ ꓟ ꓡꓰ ꓐꓰ ꓟꓽ ꓞꓲ ꓔꓲ.. ꓒ ꓪ ꓔꓲ ꓟꓬꓱꓼ ꓬꓰ ꓠꓽ ꓗ, ꓟ ꓟꓬꓱꓼ ꓮ ꓙꓵꓽ ꓔꓯ ꓮ ꓟꓰ, 2026 10 ꓦ ꓟ 27 ꓠꓬꓲ ꓕꓯ ꓐꓯ ꓐꓶ ꓗꓷ ꓟ ꓥ ꓡꓳ꓿ꓟꓽ ꓞꓲꓼ 11 ꓦ 2 ꓠꓬꓲ ꓕꓯ ꓠꓬ ꓫꓵ., ꓢꓴ ꓐꓱ ꓶ ꓪꓽ ꓘꓴ ꓙ ꓓꓴ ꓥˍꓢꓲ꓾ 11 ꓦ ꓟ 5 ꓠꓬ ꓕꓯ ꓠꓬ ꓡꓳ, ꓬꓰ ꓟ ꓕꓲ ꓙꓵꓽ ꓕꓯ ꓢꓲꓽ ꓒ ꓠꓯꓼ ꓗꓪ ꓬꓲ., ꓟꓶ ꓡꓰ ꓢꓴ ꓐꓴ Cardinalsꓐꓴ ꓐꓰ Bishops ꓐꓴ ꓐꓱ ꓶ ꓟꓲ‐ꓢ ꓪꓽ ꓘꓴ ꓖꓶ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
11 ꓦ ꓟ 6 ꓠꓬꓲ ꓗꓪ ꓐꓰ 17 ꓠꓬꓲ ꓗꓪ ꓛꓲ ꓠꓬ Uruguay, Argentina, ꓐꓰ America ꓗꓴꓷꓼ ꓗꓪ ꓙꓰ ꓢꓲ꓾ ꓪꓴ‐ꓢ ꓶꓽ ꓓꓳꓽ ꓫꓱ ꓓꓳꓽ ꓙ ꓟ. ꓙꓰ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿ 11 ꓦ ꓟ 18 ꓠꓬꓲ ꓕꓯ ꓠꓬ ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ Vatica ꓗꓪ ꓙꓳ, ꓟ ꓪꓽ ꓘꓴ ꓦꓲ., (400) ꓘꓳꓼ ꓐꓲ ꓡꓰˍꓟ ꓟꓲ‐ꓢ ꓔꓯ ꓬꓰ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
