ꓡꓮꓔꓲꓠ ꓮꓟꓰꓣꓲꓚꓮ ꓗꓪ ꓚꓳ ꓙꓰ ꓠ, ꓟ ꓔꓯ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓥꓳ ꓡꓳ. ꓔꓬ ꓟ꓾
ꓔꓲꓺ ꓒ ꓪ ꓔꓲ ꓠꓬ ꓴꓣꓴꓖꓴꓮꓬ꓾ ꓮꓖꓰꓠꓔꓲꓠꓮ ꓐꓰ ꓑꓰꓣꓴ ꓗꓪ 11 ꓦ ꓟ 6 ꓠꓬꓲ ꓗꓪ ꓐꓰ 17 ꓠꓬꓲ ꓗꓪ ꓛꓲ ꓝꓲ ꓓꓴ ꓟꓬꓱꓽ ꓚꓳ ꓙꓰ ꓓꓴ ꓥ ꓡꓳ꓾ ꓕꓱ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓮ ꓘꓶ. ꓛꓲ ꓠꓲ, ꓡꓱ ꓢꓲ ꓥꓳ ꓡꓳ. ꓔꓬ ꓟ ꓔꓯ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ ꓝꓲ ꓓꓴ ꓟꓬꓱꓽ ꓙꓰ ꓚꓳ ꓟ ꓠꓬ ꓙꓲ ꓢꓴ ꓢꓲ ꓤ ꓐꓴ ꓐꓰ ꓟꓬ ꓠꓬꓲ ꓠꓶꓽ ꓞ, ꓠ, ꓟ ꓐꓰ ꓴꓣꓴꓖꓴꓮꓬ꓾ ꓮꓖꓰꓠꓔꓲꓠꓮ ꓐꓰ ꓑꓰꓣꓴ ꓗꓪ ꓔꓬ ꓟ ꓙꓲ ꓢꓴ ꓢꓲ ꓤ ꓐꓴ ꓠꓯꓼ ꓗꓪ ꓙꓵꓻ ꓠꓲ,꓾ ꓥꓳ ꓡꓳ. ꓓꓴ ꓐꓰ ꓢꓲ ꓡꓲ, ꓟ ꓔꓯ ꓧꓳꓽ ꓔꓯ, ꓖꓶ ꓠ, ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓗꓪ ꓔꓬ ꓟ ꓙꓲ ꓢꓴ ꓢꓲ ꓤ ꓐꓴ ꓙꓵꓻ ꓠꓲ, ꓔꓯ ꓘꓳ, ꓣꓴ ꓟꓶ ꓢꓲ꓾ ꓢꓲ ꓒ ꓬꓰ‐ꓢꓴ ꓡꓰ ꓕꓱ ꓟꓲ ꓠꓯ ꓗꓪ ꓔꓯ, ꓖꓶ ꓡ ꓟ ꓥꓳ ꓡꓳ. ꓓꓴ ꓐꓰ ꓢꓲ ꓡꓲ, ꓟ ꓔꓯ ꓐꓱꓻ ꓖꓶ ꓠ, ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ “ꓬꓲ ꓤꓶꓻ ꓗꓪ ꓬꓲ. ꓙꓵ, ꓮ ꓘꓶ. ꓗꓳ. ꓗꓷ ꓟ ꓕꓱ ꓟ ꓗꓪ ꓝꓮꓲ ꓙꓰ ꓠ, ꓟ ꓮ ꓘꓶ. ꓥꓳ ꓡꓳ. ꓔ ꓡꓳ꓾ ꓕꓱ ꓟ ꓠꓬ ꓕꓲ ꓣꓳ ꓣꓳ ꓐꓰ ꓕꓲ ꓣꓳ ꓠꓲ, ꓟ ꓗ. ꓘꓶꓽ ꓔꓯ ꓒꓴ ꓢꓲ ꓠꓬꓲ ꓬꓲꓼ ꓠꓬꓲ ꓤ ꓡꓰ ꓐꓰ ꓟꓬ ꓠꓬꓲ ꓕꓶꓻ ꓞ, ꓢꓲ ꓠꓬꓲ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓔꓯ ꓠꓲ, ꓡꓱ ꓗ, ꓛꓲ ꓛꓲ ꓡꓰ ꓚꓺ ꓒꓬꓱꓽ ꓠ, ꓟ ꓬꓲ. ꓚꓱ, ꓕꓲꓽ ꓟ ꓗꓷ ꓡꓰ ꓝꓲ꓾ ꓐꓰ ꓐꓯ ꓔ ꓡꓳ꓿
