ꓪꓴ‐ꓢ ꓔꓯ ꓔꓱ, ꓔꓱ, ꓚꓵ ꓚꓵ ꓢꓷ. ꓠꓲ, ꓫꓵ_ ꓡꓳ꓾ ꓖꓳ ꓡꓱ ꓥ ꓟꓲ ꓪꓴ‐ꓢ ꓔꓯ ꓥꓪ ꓮ ꓡꓲ ꓢꓷ. ꓐ ꓡ_ ꓡ?
ꓘꓴ ꓜꓲꓼ ꓞꓳ ꓟ. ꓖꓶ ꓚꓱ, ꓗꓪ ꓐꓰ ꓬꓲ ꓚꓱ, ꓠꓬꓲꓽ ꓚꓱ, ꓐꓯ ꓟ. ꓖꓶ ꓔ ꓡꓳ꓿ ꓬꓲ. ꓪꓴ. ꓕꓲ ꓚꓱ, ꓠꓬ ꓪꓴ‐ꓢ ꓚꓲ. ꓛꓬ ꓡꓰ ꓚꓰꓼ ꓔ ꓟ ꓟꓵꓽ ꓚꓰꓼ ꓟꓲ ꓚꓰꓼ ꓟ ꓮ ꓙꓵ ꓔꓯ ꓡꓳ ꓠꓬꓲ ꓢꓲ ꓠꓬꓲ ꓪꓴ‐ꓢ ꓙꓳ_ ꓡꓳ꓾ꓪꓴ‐ꓢ ꓠꓬ ꓮ ꓡꓲ ꓫꓵ ꓪꓴ‐ꓢ ꓥ ꓡꓳ꓾ ꓐꓰ ꓐꓯ_ ꓟ ꓔꓯ ꓡꓳ. ꓢꓷ. ꓓ_ ꓟ ꓥ ꓡꓳ꓿ ꓔꓯ ꓥꓳꓽ ꓐꓯ ꓠꓬ ꓢꓲ, ꓜꓲ ꓕꓲꓽ ꓜꓲ ꓥ ꓠꓬ ꓢꓲ, ꓪꓰ ꓕꓲꓽ ꓪꓰ ꓥ ꓠꓬ ꓙꓱ ꓤ ꓕꓲꓽ ꓟ ꓡꓳ. ꓠꓬꓲ ꓮ ꓘꓶ. ꓡꓳ. ꓐꓲ ꓟ ꓥ ꓡꓳ꓿ ꓕꓱ ꓟꓬ ꓐꓲ_ ꓟ꓾ꓕꓱ ꓟꓬ ꓙꓲ_ ꓟ꓾ ꓮ ꓙꓵ ꓔꓯ ꓚꓰꓼ ꓔ ꓢꓴ ꓪꓴ‐ꓢ ꓠꓬ ꓮ ꓟꓬ ꓛꓲ ꓙꓲ_ ꓟ ꓪꓴ‐ꓢ ꓥ ꓡꓳ꓾ ꓐꓯ_ ꓟ ꓔꓯ ꓡꓳ. ꓢꓷ. ꓓ_ ꓟ ꓥ ꓡꓳ꓿
ꓠꓬꓲꓽ ꓚꓱ, ꓕꓲ ꓚꓱ, ꓠꓬ ꓪꓴ‐ꓢ ꓬꓲ ꓚꓲ. ꓛꓬ ꓡꓰ ꓞꓳ ꓤ ꓔꓯ ꓡꓳ. ꓠꓬꓲ ꓢꓲ ꓠꓬꓲ ꓪꓴ‐ꓢ ꓙꓳ_ ꓡꓳ꓾ ꓪꓴ‐ꓢ ꓠꓬ ꓮ ꓡꓰ ꓫꓵ ꓪꓴ‐ꓢ ꓥ ꓡꓳ꓾ꓐꓯ_ ꓟ ꓔꓯ ꓡꓳ. ꓢꓷ. ꓓ ꓟ ꓥ ꓡꓳ꓿ ꓠꓬꓲ. ꓠꓬꓲ ꓣꓳ ꓞꓳ ꓤ ꓔꓯ ꓡꓳ. ꓠꓬꓲ ꓮ ꓫꓵ ꓟꓲ ꓣꓱ ꓬꓰ ꓗꓴ.꓾ ꓮ ꓫꓵ ꓟꓲ ꓢꓪ. ꓗꓴ._ ꓟ꓾ ꓐꓲ ꓟꓲ ꓐꓲ_ ꓟ꓾ ꓥ ꓠꓬ ꓕꓱ ꓟꓲ ꓠꓯ ꓞꓳ ꓤ ꓠꓬ ꓙꓱ ꓤ ꓡꓰ ꓟꓽ ꓥ꓾ ꓠꓱ. ꓐꓯꓼ ꓢꓲ, ꓜꓲ ꓡꓳ ꓜꓲ ꓡꓰ ꓟꓽ ꓥ꓾ꓬꓲ ꓠꓬ ꓢꓪ. ꓠꓬꓲ ꓗꓴ._ ꓟ꓾ꓦꓻ ꓙꓳ_ ꓟ꓾ꓮ ꓙꓵ ꓔꓯ ꓡꓳ. ꓠꓬꓲ ꓢꓲ ꓠꓬꓲ ꓟꓲ ꓠꓯ ꓞꓳ ꓤ ꓔꓯ ꓚꓰꓼ ꓔ ꓟ ꓪꓴ‐ꓢ ꓠꓬ ꓮ ꓟꓬ ꓛꓲ ꓪꓴꓽ ꓓꓰ ꓡ꓾ ꓮ ꓟꓬ ꓛꓲ ꓪꓽ ꓠꓬꓲ_ ꓡ꓾ꓮ ꓟꓬ ꓛꓲ ꓐꓲ ꓞ, ꓟ ꓥ ꓡ꓾ꓐꓯ_ ꓟ ꓔꓯ ꓡꓳ. ꓢꓷ. ꓔ ꓡꓳ꓾ ꓕꓱ ꓟ ꓑꓶ ꓓꓴ ꓠꓬꓲ. ꓠꓬꓲ ꓪꓴ‐ꓢ ꓔꓯ ꓠꓴ ꓢꓷ. ꓠꓲ, ꓫꓵ_ ꓠꓬ ꓪꓴ‐ꓢ ꓚꓰꓼ ꓔ ꓟ ꓔꓯ ꓟꓬ ꓠꓬꓲ ꓡꓳ. ꓢꓷ. ꓡꓰ ꓝꓲ꓾ꓪꓴ‐ꓢ ꓚꓰꓼ ꓔ ꓟ ꓞꓳ ꓤ ꓔꓯ ꓡꓳ. ꓠꓬꓲ ꓢꓷ. ꓡꓰ ꓗꓴ. ꓠꓬ ꓕꓱ ꓠꓬꓲꓽ ꓙꓵ ꓟ ꓔꓯ ꓚꓰꓼ ꓔ ꓢꓴ ꓪꓴ‐ꓢ ꓠꓬ ꓮ ꓟꓬ ꓛꓲ ꓣꓳ ꓐꓱ ꓶ ꓙꓲ_ ꓡ꓾ ꓪꓴ‐ꓢ ꓥ ꓡꓳ ꓐꓯ_ ꓟ ꓔꓯ ꓡꓳ. ꓢꓷ. ꓥꓳ꓿ ꓡꓳ, ꓬꓰ ꓕꓯ ꓠꓬ ꓞꓳ ꓤ ꓠꓬ ꓟꓲ ꓠꓯ ꓗꓪ ꓟ ꓡꓰ ꓐꓰ ꓪꓴ‐ꓢ ꓠꓬ ꓕꓱ ꓟ ꓕꓯ ꓢꓲ ꓠꓲ, ꓠꓵꓻ ꓢꓲ ꓣꓳ ꓔꓯ ꓚꓰꓼ ꓔ ꓟ ꓪꓴ‐ꓢ ꓥ ꓡꓳ꓿ ꓪꓴ‐ꓢ ꓣꓳ ꓔꓯ ꓚꓬꓴ ꓖꓶ_ ꓟ ꓪꓴ‐ꓢ ꓐꓰ ꓣꓳ ꓡꓳ. ꓢꓷ. ꓡꓰ ꓥꓳ꓾ ꓐꓰ ꓐꓯ ꓠꓬ ꓕꓱ ꓟ ꓠꓬ ꓣꓳ ꓪꓴ‐ꓢ ꓔꓯ ꓢꓷ. ꓡꓰ ꓟ ꓥ ꓡꓳ꓿
