ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓚꓱ, (St. Anthony of Padua)
ꓟꓲꓽ ꓚꓺ ꓟ ꓗꓪ ꓮ ꓘꓶ. ꓛꓲ ꓓ ꓟ ꓑꓶ. ꓓꓴ ꓝꓴꓲ ꓠꓯ, ꓗꓪ ꓔꓬ ꓢꓴ ꓐꓴ ꓪꓴ‐ꓢ ꓔꓯ ꓟꓽ ꓦꓻ ꓡꓱ ꓢꓴ ꓐꓴ ꓮ ꓟꓬ, ꓪꓴ‐ꓢ ꓔꓯ ꓘꓳ, ꓣꓴ ꓡ ꓟ ꓮ ꓟꓬ, ꓙꓳ ꓟ ꓐꓰ ꓬꓲ ꓠꓬ ꓮ ꓟꓬ, ꓛꓲ ꓟ. ꓟꓲ ꓚꓺ ꓟ ꓗꓪ ꓓꓽ ꓥ ꓐꓯ ꓠꓬ ꓟꓲ ꓠꓯ ꓡ ꓞꓳ ꓐꓴ ꓡꓰ ꓟꓽ ꓞꓲ ꓬꓲꓻ ꓡꓳ ꓐꓱ ꓘꓴꓽ ꓗꓪ ꓔꓬ ꓟ ꓥꓪ. ꓐꓴ ꓥ ꓟꓲ ꓬꓲ ꓟ. ꓟꓲ ꓚꓺ ꓟ ꓗꓪ ꓠ ꓠ, ꓗꓷ ꓟ ꓙꓲꓻ ꓫꓬ ꓢꓴ ꓕꓲ ꓣꓳ ꓚꓱ, ꓔꓯ ꓚꓺ ꓟ. ꓖꓶ ꓓꓴ ꓥ ꓡꓳ꓿
ꓧꓪ ꓧꓪ ꓠꓬꓲ. ꓠꓬꓲ ꓙꓲꓻ ꓫꓬ ꓢꓴ ꓚꓱ, ꓗꓪ ꓐꓰ ꓟ. ꓟꓲꓽ ꓚꓺ ꓟ ꓗꓪ ꓮ ꓘꓶ. ꓛꓲ ꓓ ꓢꓴ ꓪꓴ‐ꓢ ꓡꓰ ꓡꓯ ꓫꓴ, ꓖꓶ ꓔ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓚꓱ, ꓔꓯ ꓚꓺ ꓟ. ꓖꓶ ꓓꓴ ꓥ ꓡꓳ꓿ ꓬꓲ ꓟꓬꓱꓺ ꓠꓬ ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓥ ꓡꓳ꓿ ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓠꓬ ꓟ. ꓟꓲꓽ ꓚꓺ ꓟ ꓗꓪ ꓮ ꓟꓬ, ꓛꓲ ꓓꓽ ꓥ ꓐꓯ ꓠꓬ ꓟꓲ ꓠꓯ ꓡ ꓞꓳ ꓐꓴ ꓡꓰ ꓟꓽ ꓛꓲ ꓬꓲꓻ ꓙꓬ ꓐꓱ ꓘꓴꓽ ꓗꓪ ꓔꓬ ꓥꓪ. ꓐꓴ ꓐꓰ ꓠꓬ ꓫꓵꓽ ꓠꓬ ꓙꓱ ꓢꓴ ꓥ ꓟꓲ ꓬꓲ ꓡꓰ ꓟ. ꓟꓲꓽ ꓚꓺ ꓟ ꓔꓯ ꓠ ꓠ, ꓗꓷ ꓟ ꓔꓯ ꓚꓺ ꓟꓲꓽ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿
ꓬꓲ ꓞꓲꓼ ꓣꓳ ꓙꓵ, ꓐꓰ ꓔꓲꓺ ꓒ ꓒꓬꓱꓼ ꓡ ꓟ ꓚꓱ,
ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓔꓯ 1195 ꓘꓳꓼ ꓕꓯ ꓑꓳꓣꓔꓴꓖꓬ ꓗꓴꓷꓼ ꓡꓲꓢꓐꓳꓠ ꓡꓳ ꓒꓱ ꓗꓪ ꓮ ꓘꓶ. ꓛꓲ ꓒꓴ ꓫꓵꓺ ꓙꓳ ꓟ ꓦꓵꓻ ꓗꓷ ꓟ ꓥ ꓡꓳ꓿ ꓬꓲ ꓟꓬꓱꓺ ꓠꓬ ꓝꓰꓣꓠꓮꓠꓓꓳ ꓥ ꓡꓳ꓿
ꓬꓲ ꓠꓬ ꓝꓣꓮꓠꓚꓲꓢ ꓔꓲꓺ ꓒ ꓜꓴꓻ ꓗꓪ ꓓꓴ ꓡꓰ ꓢꓲ ꓠꓬꓲ ꓙꓲꓻ ꓫꓬ ꓢꓴ ꓮꓴꓖꓴꓢꓔꓲꓠꓲꓮꓠ ꓔꓲꓺ ꓒ ꓜꓴꓻ ꓡꓰ ꓒꓴ ꓔ ꓟ ꓢꓳꓻ ꓦꓲꓻ ꓗꓪ ꓟꓲ ꓠꓯ ꓢꓷ. ꓠꓲ, ꓐꓰ ꓪꓴ‐ꓢ ꓐꓯ ꓘꓶ ꓔꓯ ꓢꓳꓻ ꓣꓴ ꓗꓷ ꓟ ꓥ ꓡꓳ꓿
ꓬꓲ ꓠꓬ ꓮꓝꓣꓲꓚꓮꓠ ꓟꓵꓽ ꓗꓪ ꓪꓴ‐ꓢ ꓟꓯ ꓗꓷ ꓟ ꓙꓲꓻ ꓫꓬ ꓢꓴ ꓐꓴ ꓔꓯ ꓮ ꓕꓯ ꓥ ꓟꓲ ꓟꓬꓱꓺ ꓓꓳꓽ ꓖꓶ ꓢꓴ ꓥ ꓡꓳ꓿ ꓬꓲ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓲ ꓠꓬꓲ ꓪꓴ‐ꓢ ꓐꓱ ꓶ ꓢꓯꓼ ꓟꓬ ꓖꓶ ꓗꓷ ꓢꓴ ꓐꓴ ꓙꓲꓻ ꓫꓬ ꓢꓴ (ꓝꓣꓮꓠꓢꓲꓚꓮꓠ) ꓔꓲꓺ ꓒ ꓐꓴ ꓔꓯ ꓮ ꓘꓶ. ꓛꓲ ꓓꓳ ꓟꓴ ꓢꓴ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓠꓬ ꓙꓲꓻ ꓫꓬ ꓢꓴ ꓝꓣꓮꓠꓚꓲꓢ ꓔꓲꓺ ꓒ ꓜꓴꓻ ꓠꓯ, ꓗꓪ ꓓꓵ ꓡꓰ ꓢꓲꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓠ ,ꓟ ꓮꓠꓔꓧꓳꓠꓬ ꓟꓬꓱꓺ ꓔꓯ ꓣꓴ ꓗꓷꓳ꓿
ꓬꓲꓻ ꓫꓬ ꓢꓴ ꓮꓠꓔꓧꓳꓠꓬ ꓠꓬ ꓟ. ꓟꓲꓽ ꓚꓺ ꓟ ꓗꓪ ꓮ ꓘꓶ. ꓓ ꓢꓴ ꓙꓲꓻ ꓫꓬ ꓢꓴ ꓥ ꓡꓳ꓿ ꓬꓲ ꓡꓰ ꓟ. ꓟꓲ ꓚꓺ ꓗꓷ ꓟ ꓠꓬ ꓡ ꓞꓳ ꓐꓴ ꓠꓲ, ꓟ ꓘꓴꓽ ꓗꓪ ꓓꓵ ꓡꓰ ꓟ ꓟ. ꓟꓲ ꓚꓺ ꓒ ꓓ ꓕꓲ ꓣꓳ ꓥ ꓡꓳ꓿
ꓬꓲ ꓡꓰ ꓟ. ꓟꓲ ꓚꓺ ꓟ ꓮ ꓟꓬ, ꓛꓲ ꓓ ꓥ ꓐꓯ ꓠꓬ ꓙꓲꓻ ꓫꓬ ꓢꓴ ꓟꓽ ꓥ ꓢꓴ ꓐꓴ ꓙ ꓖꓴ ꓙ ꓐ ꓗꓪ ꓔꓬ ꓢꓴ ꓟꓽ ꓙꓲ ꓟ ꓟꓬꓱ ꓬꓰ ꓜ ꓢꓴ ꓐꓴ ꓥ ꓟꓲ ꓬꓲ ꓡꓰ ꓟ. ꓟꓲ ꓚꓺ ꓗꓷ ꓟ ꓔꓯ ꓠ ꓠ, ꓪ ꓡꓰ ꓠꓬ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓢꓲ ꓠꓬꓲ ꓟꓽ ꓙꓲ ꓟ ꓟꓬꓱꓽ ꓔꓯ ꓡꓳ ꓗꓷ ꓢꓴ ꓐꓴ ꓒꓬꓱꓼ ꓡ ꓟꓥ ꓡꓳ꓿
ꓬꓲ ꓡꓰ ꓟ. ꓟꓲ ꓚꓺ ꓗꓷ ꓕꓯ ꓟꓲ ꓠꓯ ꓡ ꓞꓳ ꓐꓴ ꓡꓰ ꓟꓽ ꓛꓲ ꓬꓲꓻ ꓙꓬ ꓐꓱ ꓗꓪ ꓥꓪ. ꓐꓰ ꓠꓬ ꓫꓵꓽ ꓠꓬ ꓙꓱ ꓐꓴ ꓠ ꓠ, ꓗꓷ ꓟ ꓥ ꓡꓳ꓿
ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓐꓬꓱ ꓔꓯ ꓮ‐ꓐꓲ ꓢꓲꓺ ꓒ ꓬꓰ‐ꓢꓴ ꓔꓯ ꓛꓲꓽ ꓔ ꓟ ꓐꓬꓱ ꓔꓯ ꓣꓳ ꓡꓳ. ꓟꓳ ꓪ ꓟ ꓥ ꓡꓳ꓿ ꓕꓱ ꓟ ꓠꓬ ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓪꓽ ꓘꓴ ꓟ ꓙꓵ, ꓕꓯ ꓢꓲꓺ ꓒ ꓬꓰ‐ꓢꓴ ꓡ ꓢꓲ ꓠꓬꓲ ꓬꓲ ꓐ ꓕꓲ ꓗꓪ ꓔꓬ ꓡ ꓡꓳ ꓐꓰ ꓐꓯ ꓔ ꓟ ꓥ ꓡꓳ꓿
ꓝꓮꓲ ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓠꓬ ꓟꓶ ꓡꓰ ꓟ ꓠꓬ ꓙꓻ ꓤ ꓔꓯ ꓧꓪ. ꓖꓶ ꓢꓴ ꓙꓲꓻ ꓫꓬ ꓢꓴ ꓥ ꓡꓳ꓿
ꓬꓲ ꓔꓯ ꓠꓬ ꓟꓶ ꓡꓰ ꓟ ꓶꓻ ꓤ ꓔꓯ ꓝꓮꓲ ꓧꓪ. ꓖꓶ ꓢꓴ ꓙꓲꓻ ꓫꓬ ꓢꓴ ꓐꓰ ꓮ ꓫꓵꓽ ꓑꓶ. ꓓꓴ ꓟꓬꓱꓺ ꓖꓶ ꓔ ꓠꓬ ꓐꓯ ꓠꓬ ꓕꓲ ꓧꓪ ꓙꓳ ꓕꓯ ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓢꓲꓽ ꓫꓬ ꓕꓳ ꓶ ꓔꓯ ꓬꓲ ꓛꓳꓽ ꓒꓯ, ꓕꓲ ꓣꓳ ꓡꓰ ꓘꓴꓽ ꓔꓯ ꓙꓰ ꓟ ꓥ ꓡꓳ꓿
ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓬꓲ ꓢꓲꓽ ꓫꓬ ꓕꓳ ꓶ ꓐꓷ ꓔꓯ ꓬꓲ ꓛꓳꓽ ꓒꓯ, ꓡꓰ ꓡꓲ. ꓖꓶ ꓠ, ꓟ ꓪꓴ‐ꓢ ꓠꓯ, ꓗꓪ ꓪꓽ ꓘꓴ ꓗꓷ ꓟ ꓙꓵ, ꓕꓯ ꓬꓲ ꓛꓳꓽ ꓒꓯ, ꓗꓪ ꓙ ꓖꓴ ꓗꓪ ꓮ ꓘꓶ. ꓛꓲ ꓙꓳꓺ ꓓꓴ ꓔꓳ, ꓜꓳ ꓗꓷ ꓢꓲ ꓠꓬꓲ ꓙꓲꓻ ꓫꓬ ꓢꓴ ꓮꓠꓔꓧꓳꓠꓬ ꓖꓶ ꓙꓬ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓔꓯ ꓡꓲ. ꓖꓶ ꓗꓷꓳ꓿
ꓖꓳ ꓕꓲ ꓙꓵ, ꓗꓪ ꓐꓰ ꓟꓶ ꓡꓰ ꓟ ꓦꓻ ꓐꓴ ꓔꓯ ꓢꓲꓺ ꓒ ꓠꓯ, ꓗꓪ ꓡ ꓡ ꓠ, ꓟ ꓢꓔ. ꓮꓠꓔꓧꓳꓠꓬ ꓡꓰ ꓢꓲꓺ ꓒ ꓠꓯ, ꓗꓪ ꓪꓽ ꓘꓴ ꓙ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿
