St. Regina (St. Regina)
ꓧꓪ. ꓧꓪ ꓠꓬꓲ. ꓠꓬꓲ ꓠꓬ ꓪꓴ‐ꓢ ꓔꓯ ꓦꓻ ꓡꓱ ꓟ ꓑꓶ. ꓓꓴ ꓢꓯꓼ ꓟꓬ ꓖꓶ ꓗꓷ ꓗꓪ ꓙꓲꓻ ꓫꓬ ꓢꓴ ꓕꓲ ꓣꓳ ꓚꓱ, ꓔꓯ ꓚꓺ ꓟ. ꓖꓶ ꓓꓴ ꓥ ꓡꓳ꓿ ꓬꓲ ꓟꓬ ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓟꓬꓱꓺ ꓔ ꓢꓴ ꓥ ꓡꓳ꓿ ꓬꓲ ꓔꓯ ꓮꓓ (240) ꓘꓳꓼ ꓕꓯ ꓐꓲ‐ꓔꓲ ꓗꓴꓷꓼ ꓗꓪ ꓐꓬꓱ ꓟꓳ ꓗꓷ ꓟ ꓥ ꓡꓳ꓿
ꓬꓲ ꓟ, ꓟ ꓠꓬ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓥ ꓢꓲ ꓠꓬꓲ ꓬꓲ ꓐ, ꓐ ꓠꓬ ꓪꓴ‐ꓢ ꓔꓯ ꓟꓽ ꓦꓻ ꓡꓱ ꓢꓴ ꓥ ꓡꓳ꓿ ꓣꓰꓖꓲꓠꓮ ꓐꓬꓱ ꓟꓳ ꓦꓵꓻ ꓗꓷ ꓟ ꓦꓬꓼ ꓠꓬꓲ ꓠꓬ ꓬꓲ ꓟ, ꓟ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓡꓳ ꓬꓰ ꓟ ꓦꓬꓼ ꓠꓬꓲ ꓒꓬꓱꓼ ꓬꓰꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓐ, ꓐ ꓠꓬ ꓬꓲ ꓔꓯ ꓠꓯꓼ ꓞꓲꓼ ꓦꓲꓻ ꓗꓪ ꓟꓬꓱꓽ ꓬꓰ ꓢꓴ ꓠꓯꓼ ꓞꓲꓼ ꓟ, ꓟ ꓔꓯ ꓬꓲ ꓔꓯ ꓦꓵꓻ ꓤ ꓠ, ꓟ ꓖꓶ ꓩꓴ ꓗꓷ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓣꓰꓖꓲꓠꓮ ꓠꓬ ꓠꓯꓼ ꓞꓲꓼ ꓟ, ꓟ ꓐꓰ ꓕꓲ ꓪ ꓔꓬ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓚꓱ, ꓔꓯ ꓢꓳꓻ ꓣꓴ ꓗꓷ ꓟ ꓥ ꓡꓳ꓿ ꓬꓲ ꓞꓲꓼ ꓪꓴꓽ ꓡ ꓟ ꓙꓵ, ꓔꓯ ꓖꓳ ꓓꓱ ꓔꓲ ꓟꓶ ꓡꓰ ꓟ ꓥ ꓡꓳ꓿
ꓣꓰꓖꓲꓠꓮ ꓠꓬ ꓮ ꓘꓶ. ꓛꓲ ꓪꓽ ꓘꓴ ꓟ ꓡꓰ ꓟꓽ ꓞꓲ ꓬꓲ ꓠꓬ ꓮ ꓘꓶ. ꓛꓲ ꓢꓲꓽ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓯ, ꓗꓪ ꓬꓲ ꓙꓵ, ꓙꓳ ꓟ ꓔꓯ ꓪꓽ ꓘꓴ ꓟ ꓗꓪ ꓐꓰ ꓬꓲ ꓙꓵ, ꓣꓴ ꓟ ꓥꓡꓳ꓿
ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓬꓲ ꓞꓲꓼ (15) ꓘꓳꓼ ꓙꓳ ꓡ ꓟ ꓙꓵ, ꓕꓯ ꓖꓮꓴꓡ ꓟꓵꓽ ꓔꓯ ꓙꓵꓽ ꓢꓴ ꓢꓲꓽ ꓒ (ꓳꓡꓬꓐꓣꓲꓴꓟ ) ꓠꓬ ꓬꓲ ꓮ ꓘꓶ. ꓐꓲ ꓟ ꓡꓳ. ꓟꓳ ꓡꓰ ꓢꓲꓠꓬꓲ ꓬꓲ ꓔꓯ ꓦꓲꓻ ꓢꓲꓽ ꓟ ꓬꓰ ꓠ, ꓟ ꓙ ꓖꓶ ꓔꓬ ꓡꓳ꓿
ꓢꓲꓽ ꓒ ꓳꓡꓬꓐꓣꓲꓟ ꓠꓬ ꓪꓴ‐ꓢ ꓔꓯ ꓟꓽ ꓦ ꓡꓱ ꓢꓴ ꓡꓰ ꓟꓽ ꓞꓲ ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓔꓯ ꓬꓲ ꓦꓲꓻ ꓢꓲꓽ ꓟ ꓬꓰ ꓠ, ꓟ ꓙ ꓖꓶ ꓔꓬ ꓟ ꓔꓯ ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓠꓬ ꓟꓽ ꓘꓳ, ꓣꓴ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓔꓯ ꓐꓬꓱ ꓓꓴ ꓗꓪ ꓐꓱ ꓗꓷ ꓢꓲ ꓠꓬꓲ ꓮ ꓘꓶ. ꓛꓲ ꓫ. ꓟꓳ ꓗꓷ ꓟ ꓥ ꓡꓳ꓿
ꓬꓲꓻ ꓫꓬ ꓢꓴ ꓣꓰꓖꓲꓠꓮ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓮ ꓡꓲ ꓫꓵꓽ ꓫ. ꓓꓴ ꓔꓳ, ꓜꓳ ꓥ ꓟꓲ ꓟꓽ ꓡꓳ ꓗꓷꓳ꓿ ꓝꓮꓲ ꓬꓲ ꓔꓯ ꓟꓽ ꓙꓲ ꓬꓰ ꓢꓴ ꓐꓴ ꓡꓰ ꓬꓲ ꓔꓯ ꓮ ꓘꓶ. ꓛꓲ ꓫ. ꓟꓳ ꓫ. ꓛꓬ ꓬꓰ ꓥ ꓟꓲ ꓬꓲ ꓠꓬ ꓟꓽ ꓙꓳ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓢꓲꓽ ꓒ ꓳꓡꓬꓐꓣꓲꓴꓟ ꓠꓬ ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓔꓯ ꓔꓳ ꓦꓲꓻ ꓐꓬꓱ ꓓꓴ ꓗꓪ ꓢꓰꓼ ꓗꓷ ꓟ ꓥ ꓡꓳ꓿
ꓙꓲꓻ ꓫꓬ ꓢꓴ ꓣꓰꓖꓲꓠꓮ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓟ ꓔꓯ ꓬꓲ ꓢꓯꓼ ꓟ ꓑ ꓢꓲ ꓠꓬꓲ ꓗꓽ ꓕꓽ ꓗꓷ ꓟ ꓥ ꓡꓳ꓿ ꓬꓲ ꓙꓬ ꓮ ꓘꓶ. ꓛꓲ ꓙꓵꓻ ꓠꓲ, ꓙꓳ ꓟ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿
