ꓐꓳꓽ ꓡꓽ ꓛꓴ. ꓶꓻ ꓤꓼ ꓐꓰ ꓢꓲ ꓡꓲ, ꓟ ꓔꓯ ꓧꓪ_ ꓓꓰ ꓢ ꓖꓪ ꓙꓱ ꓡꓯ ꓘꓳ ꓟ ꓚꓱ, ꓗꓪ ꓚꓱ, ꓬꓲꓼ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓟ꓾
ꓔꓲꓺ ꓒ ꓪ ꓔꓲ ꓡꓰ ꓗꓴꓷꓼ ꓝꓲ ꓓꓴ ꓐꓴ ꓐꓰ ꓜꓲ ꓡꓯ ꓘꓳ ꓟ ꓗꓪ ꓟꓲ ꓠꓯ ꓢꓲ ꓡꓲ, ꓟ ꓚꓱ, ꓔꓯ ꓟꓳ. ꓬꓲꓼ ꓠꓬꓲ. ꓐꓯ ꓖꓶ ꓔ ꓡꓳ꓿
ꓢꓲꓰꓣꓣꓮ ꓡꓰꓳꓠꓮ꓾ ꓐꓮꓠꓖꓡꓮꓓꓰꓢꓧ꓾ ꓬꓰꓟꓰꓠ꓾ ꓣꓪꓮꓠꓓꓮ꓾ ꓠꓮꓟꓲꓐꓲꓮ꓾ ꓟꓮꓴꓣꓲꓔꓲꓴꓢ꓾ ꓚꓧꓮꓓ ꓐꓰ ꓢꓣꓲ ꓡꓮꓠꓗꓮ ꓗꓪ ꓐꓰ ꓜꓲꓼ ꓛꓲ ꓡ ꓟ ꓗꓴꓷꓼ ꓝꓲ ꓓꓴ ꓐꓴ ꓔꓯ ꓘꓳ, ꓣꓴ ꓢꓲ ꓖꓳ ꓟ ꓔꓯ ꓬꓲꓼ ꓠꓬꓲ. ꓢꓯꓼ ꓖꓶ ꓔ ꓡꓳ꓿
ꓔꓱ, ꓟ ꓖꓪ ꓙꓱ ꓜꓲꓼ ꓓꓴ ꓬꓰ ꓠ, ꓟ꓾ ꓐꓳꓽ ꓡꓽ ꓛꓴ. ꓗꓪ ꓐꓰ ꓚꓲ. ꓛꓬ ꓙꓵꓽ ꓪ ꓐꓰ ꓙꓵꓽ ꓟ. ꓢꓲ ꓠꓬꓲ ꓢꓲ ꓡꓲ, ꓟ ꓔꓯ ꓧꓪ ꓔ ꓟ ꓮ ꓟꓶ ꓤꓶꓻ ꓗꓪ ꓗꓴꓷꓼ ꓠꓬꓲꓽ ꓗꓴꓷꓼ꓾ ꓗꓴꓷꓼ ꓘꓴꓽ ꓐꓰ ꓟꓵꓽ ꓗꓳ. ꓓꓵ ꓓꓵ ꓠꓯꓽ ꓗꓪ ꓬꓲ. ꓚꓱ, ꓮ ꓟꓬ, “ꓖꓪ ꓙꓱ ꓡꓯ ꓘꓳ ꓟ ꓔꓯ ꓬꓰ ꓢꓲ ꓠꓬꓲ ꓮ ꓙꓵ ꓪ ꓟ ꓚꓱ, ꓔꓯ ꓧꓪ ꓜꓲꓼ ꓠ, ꓟ ꓬꓲ. ꓚꓱ, “ꓠꓯꓼ ꓗꓪ ꓒꓳ, ꓠ, ꓟ ꓣꓱ ꓬꓯꓼ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓚꓲ ꓛꓬ ꓐꓰ ꓐꓯ ꓟ ꓔꓯ ꓒꓰ, ꓗꓷ ꓢꓲ ꓮ ꓙꓵ ꓐꓱ ꓶ ꓙꓲ ꓖꓴ ꓙꓳ_ ꓟ ꓔꓯ ꓬꓲ ꓔꓶꓻ ꓙꓱꓼ ꓐꓰ ꓮ ꓡꓰ ꓕꓲ ꓗꓴꓷꓼ ꓔꓯ ꓥ ꓟꓲ ꓮꓽ ꓟ ꓔꓯ ꓥ ꓟꓲ ꓒꓰ, ꓗꓷ ꓟ ꓗꓪ ꓐꓰ ꓚꓲ ꓛꓬ ꓧꓪ. ꓡꓰ ꓟ (ꓥ ꓠꓬ) ꓙꓵꓽ ꓪ (ꓥ ꓠꓬ) ꓜ ꓟꓲ ꓔꓬ ꓢ ꓟ ꓗꓪ ꓐꓰ ꓡꓰ ꓙ ꓔꓬ ꓠꓬ ꓔꓱ, ꓜꓳ ꓢꓲ ꓟꓲ ꓠꓯ ꓞꓳ ꓙꓳ ꓚꓱ, ꓙꓳ_ ꓡꓳ ꓐꓰ ꓐꓯ ꓗꓷ ꓟꓽ ꓓ꓾ ꓮ ꓙꓵ ꓐꓱ ꓶ ꓙꓲ ꓖꓴ ꓙꓳ ꓟ ꓶ ꓡꓯꓼ ꓚꓱ, ꓐꓱ ꓶ ꓚꓲ ꓛꓬ ꓐꓱ ꓶ ꓶ ꓡꓯꓼ ꓚꓱ, ꓔꓯ ꓒꓰ, ꓗꓷ ꓠ, ꓟ ꓣꓱ ꓬꓯꓼ ꓡꓳ꓿
ꓝꓲ ꓓꓴ ꓐꓴ ꓠꓬ ꓙꓵꓻ ꓠꓲ, ꓚꓱ, ꓐꓱ ꓶ ꓓꓽ ꓖꓴ ꓥ ꓡꓳ꓿ ꓗꓴꓷꓼ ꓝꓲ ꓓꓴ ꓐꓴ ꓬꓰ ꓟ ꓟꓬꓱꓽ ꓚꓱ, ꓠꓬ ꓚꓲ. ꓛꓬ ꓗꓴꓷꓼ ꓐꓰ ꓦꓮꓔꓲꓚꓮꓠ ꓠꓬꓲꓽ ꓗꓳ. ꓚ. ꓗꓪ ꓙꓵꓻ ꓠꓲ, ꓐꓰ ꓪꓽ ꓡꓯ ꓘꓳ ꓠ, ꓟ ꓗꓪ ꓮ ꓘꓶ. ꓒꓵꓽ_ ꓟ ꓓꓽ ꓖꓴ ꓕꓲꓽ ꓟ ꓥ ꓢꓲ ꓡ ꓞꓳ ꓗꓳ, ꓡꓳ ꓗꓪ ꓒꓰ, ꓗꓷ ꓟ ꓟꓶ ꓢꓴ ꓐꓴ ꓔꓯ ꓠꓬꓲ. ꓠ. ꓠ, ꓟ ꓐꓱ ꓶ ꓬꓲꓼ ꓠꓬꓲ. ꓠ, ꓟ ꓥ ꓡꓳ꓿
“ꓟꓲ ꓠꓯ ꓗꓴꓷꓼ ꓔꓶ. ꓓꓴ ꓘꓴꓽ ꓠꓯꓼ ꓗꓪ ꓣꓳ ꓟꓲ ꓠꓯ ꓔꓯ ꓟꓬ ꓠꓬꓲ ꓐꓬ ꓡꓰ ꓝꓲ_ ꓟ ꓮ ꓟꓶ ꓟ ꓙꓵ, ꓗꓪ ꓟꓬ ꓠꓬꓲ ꓢꓯꓼ ꓕꓵꓼ ꓠ, ꓟ ꓟꓬ ꓠꓬꓲ ꓙꓲ ꓖꓴ ꓙꓳ ꓠ, ꓟ ꓐꓰ ꓟꓲ ꓠꓯ ꓡ ꓞꓳ ꓐꓴ ꓪꓽ ꓡꓯ ꓘꓳ ꓫꓱ, ꓡꓯ ꓘꓳ ꓠ, ꓟ ꓠꓯꓼ ꓗꓪ ꓪꓴ. ꓔꓴ ꓠ, ꓟ ꓣꓱ ꓬꓯꓼ ꓡꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿
ꓗꓴꓷꓼ ꓝꓲ ꓓꓴ ꓐꓴ ꓟꓬꓱꓽ ꓠꓬ ꓪꓽ ꓶꓯ ꓘꓳ ꓫꓱ, ꓡꓯ ꓘꓳ ꓟ ꓔꓯ ꓬꓲ. ꓠꓯ. ꓡꓰ ꓝꓲ ꓢꓲ ꓟꓲ ꓯ ꓐꓱ ꓶ ꓮ ꓟꓬ, ꓣꓱ ꓬꓯꓼ ꓔꓬ ꓟ ꓢꓲ ꓡꓲ, ꓟ ꓔꓯ ꓧꓳꓽ ꓔꓯ, ꓖꓶ ꓠ, ꓟ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ ꓢꓲ ꓬꓲ. ꓟꓶꓽ ꓢꓰꓼ ꓗꓷ ꓟ ꓥꓳ꓿
