ꓟꓬ‐ꓟ ꓗꓴꓷꓼ ꓗꓪ ꓣꓦꓮ ꓓꓳꓽ ꓫꓵꓽ ꓐꓯ ꓑꓶ ꓔꓶ. ꓬꓲ ꓫꓵꓼ ꓠꓬꓲꓽ ꓟ ꓔꓯ ꓒꓴ ꓗꓷ ꓟ ꓓꓳꓽ

5 ꓦ ꓟ 24 ꓠꓬꓲ 2026 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓐꓰ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓐꓯ ꓑꓶ. ꓟ ꓓꓳꓽ ꓫꓵꓽ ꓐꓯ ꓑꓶ ꓔꓶ. ꓬꓲ ꓫꓵꓼ ꓠꓬꓲꓽ ꓟ ꓔꓯ ꓒꓴ ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿

ꓕꓱ ꓓꓳꓽ ꓫꓵꓽ ꓐꓯ ꓑꓶ ꓔꓶ. ꓐꓴ ꓠꓬ ꓣꓦꓮ ꓮꓗꓧꓮ ꓐꓰ ꓣꓦꓮ ꓗꓮꓬꓮꓠ ꓐꓰ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓓꓳꓽ ꓫꓵꓽ ꓐꓯ ꓑꓶ ꓔꓶ. ꓬꓲ ꓫꓵꓼ ꓬꓲ ꓟ ꓒꓴ ꓟ ꓔꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓬ‐ꓖꓳꓥ ꓡꓳ ꓒꓱ ꓗꓪ ꓢꓔ.ꓟꓮꓣꓬ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓬꓰ ꓗꓷ ꓟ ꓥ ꓡꓳ꓿

ꓕꓱ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓐꓯ ꓑꓶ ꓟ ꓒꓴ ꓟ ꓔꓯ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓓꓽ ꓚꓮꓣꓓꓲꓠꓮ ꓚꓧꓮꓣꓡꓰꓢ ꓐꓳ ꓡꓰ ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓣꓦꓮ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓐꓯ ꓑꓶ ꓔꓶ. ꓮ ꓙꓵꓽ ꓠꓬ (12) ꓟ ꓙꓳ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿