ꓮꓲ ꓤꓶ., ꓗꓪ ꓞꓳ ꓤ ꓤꓶ., ꓔꓯ ꓮꓽ ꓡꓰ ꓘꓪ ꓫꓵꓽ ꓠꓽ ꓟ ꓐꓱ ꓶ ꓔꓲ.. ꓒ ꓪ ꓔꓲ ꓡꓰꓳ (14 ) ꓡꓰ ꓕꓳꓽ ꓶ ꓓꓳ. ꓡ ꓓꓴ ꓙꓳˍꓟ ꓓꓳꓽ
ꓮꓲ ꓢꓷ. ꓠꓲ., ꓮꓽ ꓟꓬ ꓛꓲ ꓪꓽ ꓠꓬꓲ ꓡ, ꓟ ꓤꓶ., ꓗꓪ ꓞꓳ ꓤ ꓤꓶ., ꓔꓯ ꓮꓽ ꓡꓰ ꓐꓰ ꓖꓪ ꓫꓵꓽ ꓢꓲ꓾ ꓔꓬ ꓠꓽ ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓓꓽ ꓪꓴ ꓕꓳꓽ ꓶ ꓥ ꓟ Magnifca humanitas ꓔꓯ ꓡ ꓠ, ꓟ 25 ꓠꓬꓲ ꓕꓯ ꓐꓯ ꓐꓶ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓕꓱ ꓚ.ꓟꓲ ꓕꓳꓽ ꓶ ꓔꓯ ꓔꓲ.. ꓒ ꓪ ꓔꓲ ꓡꓰꓳ (14) ꓬꓲꓽ ꓛꓲ ꓚꓬ ꓕꓳꓽ ꓶ ꓐꓳ ꓓꓴ ꓥ ꓢꓲ꓾ 2026 ꓘꓳꓼ 5 ꓦ ꓟ 25 ꓠꓬꓲꓽ ꓠꓯꓽ ꓠꓯꓼ 11 ꓙꓵꓽ ꓕꓯ ꓦꓮꓔꓲꓚꓮꓠ ꓗꓪ ꓙꓳˍꓟ Synod Hall ꓗꓪ ꓬꓰ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿ꓟꓽ ꓞꓲ ꓕꓱ ꓚ. ꓟꓲ ꓐꓰ ꓕꓳꓽ ꓶ ꓐꓳ ꓓꓴ ꓗꓪ ꓔꓲ.. ꓒ ꓪꓽ ꓔꓲ ꓡꓰꓳ 14 ꓐꓰ ꓚꓮꓣꓓꓲꓠꓮꓡ ꓐꓴ ꓢꓷ. ꓠꓲ., ꓙꓳ ꓢꓴ ꓐꓴ ꓮꓽ ꓟꓬ, ꓜꓲꓼ ꓡꓯꓼ ꓘꓳ ꓢꓲ꓾ ꓖꓪ ꓙꓰ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓬꓲꓽ ꓟꓶ ꓗꓪ ꓠꓬ ꓗꓴꓷꓼ ꓔꓯ ꓙꓵꓽ ꓢꓴ ꓢꓲꓽ ꓒ ꓥˍꓟ ꓚꓮꓓꓲꓠꓮꓡ ꓑꓲꓰꓔꓣꓳ ꓑꓮꓣꓳꓡꓲꓠ ꓢꓯꓼ ꓖꓶ ꓘꓶꓼ ꓫ. ꓕꓱ ꓖꓶ ꓢꓲ꓾ ꓠꓬꓲ ꓬꓲꓽ ꓟꓶ ꓗꓪ ꓠꓬ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓶꓽ ꓥꓳꓽ ꓙꓰ ꓖꓶ ꓢꓲ꓾ ꓖꓪ ꓙꓰ ꓜꓲꓼ ꓓꓴ ꓕꓱ ꓟ ꓔꓯ ꓠꓽ ꓖꓶ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓮꓲ ꓤꓶ., ꓐꓰ ꓞꓳ ꓤ ꓤꓶ., ꓡ ꓠꓽ ꓟ ꓗꓪ ꓮꓽ ꓡꓰ ꓬꓰ ꓠꓯꓼ ꓟ ꓐꓱ ꓶ ꓦꓮꓔꓲꓚꓮꓠ ꓗꓪ ꓐꓰ ꓟ. ꓖꓶ ꓡˍꓟ ꓛꓳ ꓫꓱꓽ ꓓꓴ ꓔꓯ ꓡꓳ. ꓔꓬ ꓓꓴ ꓬꓰ ꓡꓯ꓿
