ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓕꓱ ꓕꓲ ꓘꓳꓼ ꓦ ꓐ 11 ꓦ ꓕꓯ ꓝꓣꓮꓠꓚꓰ ꓗꓪ ꓚꓳ ꓙꓰ ꓠ, ꓟ꓾
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓕꓱ ꓕꓲ ꓘꓳꓼ 11 ꓦ ꓟ 25 ꓠꓬꓲ ꓗꓪ ꓐꓰ 28 ꓠꓬꓲ ꓗꓪ ꓛꓲ ꓝꓣꓮꓠꓚꓰ ꓗꓴꓷꓼ ꓗꓪ ꓪꓴ‐ꓢ ꓶ ꓓꓳꓽ ꓫꓱ, ꓓꓳ ꓚꓳ ꓙꓰ ꓓꓴ ꓥ ꓢꓲ ꓠꓬꓲ ꓕꓱ ꓟ ꓠꓬ 18 ꓘꓳꓼ ꓘꓴꓽ ꓗꓪ ꓖꓳ ꓗꓪ ꓬꓲ. ꓪꓴ. ꓕꓲꓽ ꓧꓪ, ꓟ ꓚꓳ ꓙꓰ ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓧꓳꓡꓬ ꓢꓰꓰ ꓑꓣꓰꓰ ꓣꓳ. ꓦꓲꓻ ꓚꓰ ꓗꓪ ꓐꓰ ꓐꓯ ꓑꓶ ꓔ ꓟ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ 2026 ꓘꓳꓼ 11 ꓦ ꓟ 25 ꓠꓬꓲ ꓗꓪ ꓐꓰ 28 ꓠꓬꓲ ꓗꓪ ꓛꓲ ꓝꓣꓮꓠꓚꓰ ꓗꓴꓷꓼ ꓗꓪ ꓚꓳ ꓙꓰ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓕꓱ ꓟ ꓗꓪ ꓠꓬ ꓗꓴꓷꓼ ꓙꓵꓽ ꓢꓴ꓾ ꓘꓴ ꓜꓲꓼ ꓞꓳ ꓗꓪ ꓐꓰ ꓴꓠꓰꓢꓚꓳ ꓙꓵꓽ ꓪꓴ ꓢꓴ ꓐꓴ ꓡꓰ ꓘꓴ ꓔ ꓟ ꓔꓯ ꓘꓳ, ꓣꓴ ꓟ ꓗꓪ ꓐꓰ ꓚꓳ ꓙꓰ ꓓꓴ ꓥ ꓡꓳ꓾ ꓐꓰ ꓐꓯ ꓑꓶ ꓔ ꓡꓳ꓿ ꓶ ꓓꓳꓽ ꓫꓱ, ꓓꓳ ꓚꓳ ꓙꓰ ꓟ ꓗꓪ ꓔꓲꓺ ꓒ ꓪ ꓔꓲ ꓠꓬ ꓴꓠꓰꓢꓚꓳ ꓣꓳ. ꓦꓲꓻ ꓚꓰ ꓗꓪ ꓚꓳ ꓙꓰ ꓓꓴ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ ꓝꓣꓮꓠꓚꓰ ꓗꓴꓷꓼ ꓙꓵꓽ ꓢꓴ ꓰꓟꓟꓮꓠꓴꓰꓡ ꓟꓮꓚꓣꓳꓠ ꓐꓰ 4 ꓦ ꓟ 10 ꓠꓬꓲ ꓕꓯ ꓬꓲ. ꓪꓴ. ꓕꓲꓽ ꓧꓪ, ꓟ ꓜꓲ ꓡꓯ ꓘꓳ ꓗꓷ ꓟ ꓥꓳ꓿
