ꓜꓽ ꓚꓸ ꓦꓲꓸꓹ ꓗꓪ ꓟ ꓠꓵꓸꓹ ꓠꓲꓹ ꓐꓰ ꓔꓲꓸꓸ ꓒ ꓐꓴ ꓮ ꓙꓵꓽ ꓢꓴ ꓐꓱ ꓶ ꓟꓹꓟ (25) ꓘꓳꓼ ꓐꓲˍꓟ Jubilee ꓑꓮꓲ ꓬꓰˍꓟ꓾
ꓪꓴ-ꓢ ꓟꓬꓱꓽ ꓬꓰˍꓟ ꓠꓬ ꓪꓴ-ꓢ ꓬꓲꓽ ꓟꓸ ꓟꓲ ꓚꓸ ꓟ ꓔꓲ ꓖ ꓡꓰ ꓟ ꓥ꓾ ꓜꓽ ꓚꓸ ꓦꓲꓸꓹ ꓗꓪ ꓠꓵꓸꓹ ꓠꓲꓹ ꓮ ꓙꓵꓽ ꓗꓷ ꓔꓽ ꓢꓲ꓾ ꓔꓲꓸꓸ ꓒ ꓐꓴ ꓐꓱ ꓶ ꓠꓲꓸꓹ ꓟ ꓟꓽ ꓐꓬ ꓐꓬ ꓡꓰ ꓜꓽ ꓚꓸ ꓖꓶˍꓟꓹ ꓟꓲ ꓪꓴ-ꓢ ꓟꓬꓱꓼ ꓬꓰ ꓔꓬ ꓟ ꓥ ꓡꓳ=
ꓕꓱ ꓡꓱ ꓢꓲ ꓡꓲꓸ ꓐꓰ ꓔꓬ ꓢꓲ꓾ ꓪꓴ-ꓢ ꓟꓬꓱꓼ ꓬꓰˍꓟ ꓠꓬ ꓮ ꓟꓶ (25) ꓘꓳꓼ ꓐꓲˍ ꓡꓰ ꓟ ꓥ ꓡꓳ= ꓬꓲ ꓦꓵꓸꓹ ꓔꓶꓸ ꓠꓬ ꓔꓮꓴꓠꓖꓳꓳ ꓥ ꓢꓲ꓾ (56) ꓡꓳˍꓟ Mrs. Esther Magufoul ꓥ ꓡꓳ=ꓬꓲ ꓠꓬ (2001) ꓘꓳꓼ ꓗꓪ ꓐꓰ ꓪꓴꓸ ꓓꓴ ꓢꓲ꓾ (25) ꓘꓳꓼ ꓗꓪ ꓛꓲ ꓗꓬꓴ-ꓔꓴꓠꓖ ꓡꓳ ꓒꓱ ꓙꓲ ꓢꓴ ꓫꓵꓸꓹ ꓠꓲꓸꓹ ꓟ ꓔꓲꓸꓸ ꓒ ꓒꓬꓱꓼ ꓦꓲꓸꓹ ꓗꓪ ꓗꓹ ꓛꓲ ꓥˍꓟꓲ ꓠꓲꓸꓹ ꓫꓸ ꓓꓴ ꓙꓳ ꓥˍꓟꓲ ꓤ ꓠꓱ ꓤ ꓐꓴ ꓐꓰ ꓕꓲ ꓠꓲꓸꓹ ꓕꓲ ꓪ ꓔꓬ ꓗꓷ ꓟ ꓥ ꓡꓳ=
ꓖꓳ ꓟ ꓡꓰ ꓐꓰ ꓟꓽ ꓞꓲ ꓕꓱ ꓦꓲꓸꓹ ꓗꓪ ꓔꓬ ꓟ ꓔꓲꓸꓸꓒ ꓒꓬꓱꓼ ꓤ ꓠꓱ ꓤ ꓐꓴ ꓔꓯ ꓥˍꓟꓲ ꓙꓲˍꓟ ꓚꓱꓹ ꓗꓪ ꓟꓸ ꓖꓶ ꓢꓴ ꓟꓲ ꓥ ꓡꓳ=
Mrs. Esther Magufoul (25) ꓘꓳꓼ ꓐꓲˍꓟ Jubilee ꓟꓲ-ꓢ ꓔꓯ ꓡꓳꓹ ꓬꓰˍꓟ 2026 ꓘꓳꓼ 1 ꓦ ꓟ 29 ꓠꓬꓲꓽ ꓕꓯ ꓙꓲ ꓢꓴ ꓫꓵꓸꓹ ꓠꓲꓸꓹ ꓟ ꓪꓽ ꓘꓴ ꓦꓲꓸꓹ ꓗꓪ ꓔꓲꓸꓸ ꓒ ꓓ ꓐꓰ ꓔꓲꓸꓸ ꓒ ꓐꓴ ꓮ ꓟꓬꓹ ꓣꓳ ꓗꓪ ꓐꓰ ꓟꓲ-ꓢ ꓪ ꓘꓴ ꓖꓶ ꓗꓷ ꓟ ꓥ ꓡꓳ=
