Flue ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Nicholas ꓑꓮꓲ꓿
ꓙꓲꓻ ꓫꓬ ꓢꓴ Nicholas ꓔꓯ Switzerland ꓗꓴꓷꓼ ꓦꓵꓻ ꓗꓷ ꓟ ꓥ ꓡꓳ꓿ ꓬꓲ, ꓠꓬ ꓓꓽ ꓪꓴ. ꓕꓯ ( Protestant ) ꓐꓯ ꓟ ꓬꓲ. ꓤ ꓠꓬꓲ ꓤ ꓘꓴ ꓜꓲꓼ ꓞꓳ ꓗꓪ ꓐꓰ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓓꓵꓽ ꓡ ꓢꓴ ꓥ ꓡꓳ꓿ Flue ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Nicholas ꓔꓯ ꓮ.ꓓ 1417 ꓘꓳꓼ ꓕꓯ ꓦꓵꓻ ꓗꓷ ꓟ ꓥ ꓡꓳ꓿
Flue ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Nicholas ꓠꓬ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓐꓰ ꓡꓯ ꓒꓯ, ꓝ ꓗꓷ ꓢꓲ ꓠꓬꓲ ꓤ ꓠꓱ ꓤ (10) ꓣꓳ ꓘꓳ, ꓣꓴ ꓟꓶ ꓡꓰꓳ꓿ ꓬꓲ. ꓠꓬ ꓠꓱ ꓤ ꓐ, ꓐ ꓕꓲ ꓣꓳ ꓥ ꓢꓲ ꓠꓬꓲ ꓟꓬꓱꓽ ꓬꓰ ꓜ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ. ꓠꓬ ꓟꓲ ꓠꓯ ꓞꓳ ꓙꓳ ꓚꓱ, ꓗꓪ ꓮ ꓘꓶ. ꓢꓯꓼ ꓕꓵꓼ ꓢꓴ ꓟꓲ ꓥ ꓡꓳ꓿
ꓬꓲ. ꓠꓬ ꓙꓵꓻ ꓠꓲ, ꓮ ꓟꓬ, ꓙꓳ ꓢꓴ ꓕꓲ ꓣꓳ ꓥ ꓡꓳ꓿ Flue ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Nicholas ꓠꓬ ꓬꓲ. ꓦꓲꓻ ꓢꓲꓽ ꓟ ꓐꓰ ꓕꓲ ꓪ (20) ꓘꓳꓼ ꓔꓬ ꓗꓷ ꓗ, ꓠꓯ ꓪꓴ‐ꓢ ꓟꓬꓱꓽ ꓗꓪ ꓮ ꓘꓶ. ꓢꓯꓼ ꓕꓵꓼ ꓗꓷꓳ꓿
ꓬꓲ. ꓠꓬꓲ ꓜ ꓓꓴ ꓟꓽ ꓜ ꓦꓬꓼ ꓠꓬꓲ ꓟꓶ ꓤ ꓔꓬ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓧꓪꓽ ꓖꓳ ꓓꓱ ꓔꓯ ꓘꓳ, ꓣꓴ ꓢꓲ ꓠꓬꓲ ꓢꓯ. ꓔꓬ ꓢꓴ ꓥ ꓡꓳ꓿
A. D 1481 ꓘꓳꓼ ꓕꓯ Switzerland ꓗꓴꓷꓼ ꓔꓯ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓘꓴꓽ ꓗꓪ ꓟꓽ ꓪ ꓡꓯ ꓘꓳ, ꓓꓴ ꓙꓳ ꓡꓰꓳ꓿ ꓕꓱ ꓡꓱ ꓒꓬꓱꓼ ꓔꓬ ꓟ ꓙꓵ, ꓗꓪ Flue ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Nicholas ꓠꓬ ꓢꓷ. ꓠꓲ, ꓚꓳ ꓬꓲꓻ ꓖꓶ ꓗꓷ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓢꓲꓽ ꓒꓽ ꓐꓴ ꓪꓽ ꓡꓯ ꓘꓳ, ꓓꓴ ꓙꓳ ꓡꓰꓳ꓿
Flue ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Nicholas ꓠꓬ ꓬꓲ. ꓞꓲꓼ (70) ꓘꓳꓼ ꓕꓯ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿
