ꓔꓲ ꓒ ꓪ ꓔꓲ. ꓝꓣꓮꓠꓚꓲꓢ ꓠꓬ 11ꓦ 24 ꓠꓬꓲ꓾ ꓢꓲ‐ꓒ‐ꓦꓬꓼ‐ꓠꓬꓲ꓾ ꓙꓲ‐ꓢꓴ ꓪ ꓔꓲ. ꓑꓮꓲꓽ ꓮꓠꓖꓰꓡꓴꓢ ꓪꓽ ꓘꓴ ꓓꓳ ꓡꓰ ꓗ ꓠꓯ.꓾ ꓞꓳ ꓤ ꓮ ꓙꓵꓽ ꓐˍ ꓟ ꓣꓱꓽ ꓬꓰ ꓚꓱ, ꓠꓬ ꓢꓲ ꓡꓲ ꓟ ꓐꓱ ꓶ ꓮ ꓘꓶ. ꓬꓳ. ꓚꓵˍ ꓟ ꓚꓱ, ꓥ ꓟ ꓔꓯ꓾ ꓧꓶ. ꓕꓯ ꓐꓯ ꓗꓷ ꓟ ꓡꓰ ꓮ ꓟꓶ ꓗꓪˍ ꓟꓲ ꓝꓮꓲ ꓕꓲ ꓧꓪ, ꓕꓵꓼ ꓪ ꓖꓶ ꓗꓷꓳ꓿
ꓔꓲ ꓒ ꓪ ꓔꓲ. ꓠꓬ ꓬꓲ ꓐꓰ ꓕꓲ ꓪꓽ “ꓮꓠꓖꓰꓡꓴꓢ” ꓪꓽ ꓘꓴ ꓠ, ꓟ ꓙꓲꓻ ꓫꓬ ꓢꓴ ꓒꓲ‐ꓕꓱ ꓗ, ꓑꓼ ꓓꓰꓺ ꓗꓪ ꓦꓴꓻ ꓠꓬ, ꓔꓬ ꓟ (ꓡꓳ. ꓠꓬ, ꓔꓬ ꓟ) ꓟꓵꓽ ꓗꓳ, ꓓꓵ ꓓꓵ ꓗꓪ ꓐꓰ ꓡ ꓢꓴ ꓐꓴ ꓔꓯ꓾ ꓟꓵꓽ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓗꓴꓷꓼ ꓫꓵꓽ ꓪꓴ ꓑꓶ. ꓓꓴ ꓫ. ꓙꓵ ꓡꓰ ꓢꓴ ꓐꓴ ꓐꓱ ꓶ ꓟꓬꓽ ꓠꓬꓲ ꓪꓽ ꓘꓴ ꓙ ꓖꓶ ꓠ, ꓟ꓾ ꓟꓬꓽ ꓠꓬꓲ ꓠꓬ ꓧꓶꓽ ꓡꓰ ꓖꓴ ꓟ ꓟꓬ‐ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓖꓶ ꓠ, ꓟ꓾ ꓕꓵꓼ ꓪ ꓖꓶ ꓗꓷꓳ꓿
(1920 ꓘꓳꓼ꓾ 11ꓦ 25 ꓠꓬꓲ) ꓠꓬ ꓟꓬ‐ꓟ ꓗꓴꓷꓼ ꓗꓪ ꓬꓲ ꓪꓴ. ꓟꓴ ꓕꓲ. ꓢꓳ ꓤ ꓐꓴ ꓒꓳ, ꓔꓳ,ˍ ꓟ ꓔꓯ ꓬꓰ ꓗꓷ ꓟ ꓘꓳꓼ ꓚꓳꓻ ꓠꓬꓲ ꓥ ꓡꓳ꓾ ꓐꓰ ꓔꓲ ꓒ ꓪ ꓔꓲ ꓡꓰ ꓚꓺ ꓟꓲꓽ ꓐꓰ ꓕꓲ ꓪꓽ ꓐꓯ ꓟ. ꓖꓶ ꓗꓷꓳ꓿
ꓔꓲ ꓒ ꓪ ꓔꓲ. ꓡꓰ ꓝ. ꓢꓲ ꓕꓱ ꓡꓱ ꓐꓯˍ ꓡꓳ꓿ “ꓢ. ꓠꓯ 11ꓦ 25 ꓠꓬꓲ ꓠꓬ꓾ ꓬꓲ ꓪꓴ. ꓟꓴ ꓕꓲ. ꓢꓳ ꓤ ꓐꓴ ꓒꓳ, ꓔꓳ,ˍ ꓟ ꓘꓳꓼ ꓚꓳꓻ ꓠꓬꓲˍ ꓟꓲ ꓥ ꓡꓳ꓿ ꓖꓳ ꓟˍ ꓡꓰ ꓐꓰ ꓬꓳ, ꓚꓵ.ˍ ꓟ ꓠꓬꓲˍ ꓟꓲ ꓥ ꓡꓳ꓿ ꓒꓳ, ꓔꓳ,ˍ ꓟ ꓖꓳ ꓟ ꓠꓬ ꓒꓲꓼ ꓡꓰ ꓗꓷ ꓟ ꓗꓴꓷꓼ ꓑ ꓫꓬ ꓪ ꓙꓵꓽ ꓪ ꓝꓮꓲ ꓟꓶ ꓡ ꓠ, ꓟ ꓕꓲ ꓗꓴꓷꓼ ꓡꓱꓸꓼ ꓗꓪ ꓟ ꓑ ꓫꓬꓼ ꓐꓴ ꓔꓯ ꓙꓻ ꓖꓴ ꓓꓽ ꓟ ꓗꓪ ꓓꓳꓻ ꓡ ꓝꓲꓳ꓿ ꓖꓳ ꓟ ꓡꓰ ꓐꓰ ꓢꓲ ꓡꓲ ꓟ꓾ ꓓꓲ‐ꓟꓳ‐ꓗ‐ꓣꓰ‐ꓢꓰ ꓔꓯ ꓥꓳ ꓡꓳ. ꓢꓲ ꓟꓬ‐ꓟ ꓗꓴꓷꓼ ꓑ ꓫꓬ ꓐꓴ ꓠꓬ ꓮ ꓟꓶ ꓗꓪ ꓛꓲ ꓢꓯꓼ ꓕꓵꓼ ꓔꓬ ꓪˍ ꓡꓳ꓿ ꓙꓳꓺ ꓦꓰ. ꓡꓰ ꓠ ꓬꓰˍ ꓟ ꓔꓯ ꓗꓳ. ꓘꓳ ꓔꓬ ꓪˍ ꓟ ꓟꓬ‐ꓟ ꓗꓴꓷꓼ ꓑ ꓫꓬ ꓐꓴ ꓔꓯ ꓥꓪ ꓮ ꓘꓶ. ꓠꓲ, ꓟ ꓠꓻ ꓙˍ ꓡꓳ꓾ ꓟꓬꓽ ꓠꓬꓲ ꓢꓰꓼ ꓡꓯ ꓘꓳ, ꓔꓬ ꓟ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ꓾ ꓮ ꓟꓶ ꓗꓴꓷꓼ ꓫꓵꓽ ꓪꓴ ꓗꓪ ꓢꓯꓼ ꓩꓴ ꓔꓬ ꓢꓴ ꓐꓴ ꓮ ꓙꓵꓽ ꓔꓯ꓾ ꓬꓲ ꓪ ꓔꓯ, ꓔ ꓟ ꓑꓳꓻ (ꓡꓽ‐ꓛꓬꓴ.) ꓐꓴ ꓔꓯ ꓛꓵꓽ ꓩꓴ ꓔ ꓢꓲ ꓠꓬꓲ꓾ ꓫꓬꓽ ꓫꓬꓽ ꓡꓬ. ꓡꓬ. ꓠꓬꓲ ꓗ, ꓟ꓾ ꓞꓳ ꓤ ꓮ ꓙꓵꓽ ꓔ, ꓐ ꓡˍ ꓟ꓾ ꓬꓲ ꓦꓬꓼ ꓠꓬꓲ ꓟꓶ ꓤ ꓗꓪ ꓛꓲ ꓕꓶꓻ ꓞ, ꓐ ꓡˍ ꓟ ꓢꓲ ꓡꓲ ꓟ ꓟꓶ ꓠ, ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓬꓰ ꓪꓴ. ꓔꓴ ꓠ, ꓟ ꓥꓪ ꓡꓰ ꓥꓪ ꓠꓲ, ꓟ ꓗꓪ ꓚꓳ. ꓠꓲ, ꓒꓵꓽ ꓠꓲ, ꓡꓱ ꓐꓯ ꓖꓶ ꓠꓲ, ꓫꓵˍ ꓡꓳ꓾” ꓐꓰ ꓔꓲ ꓒ ꓪ ꓔꓲ. ꓡꓰ ꓐꓯˍ ꓡꓳ꓿
ꓖꓳ ꓟ ꓡꓰꓽ ꓟꓽ ꓞꓲ ꓬꓴ‐ꓗ‐ꓣꓲ,꓾ ꓑ‐ꓡꓯ.‐ꓢ‐ꓔꓮꓲ,꓾ ꓬꓲ‐ꓢꓲ‐ꓡꓲ꓾ ꓡꓰ‐ꓐꓯ‐ꓠꓷ ꓐꓰ ꓢꓴ‐ꓓꓯ ꓗꓴꓷꓼ ꓐꓴ ꓐꓱ ꓶ ꓥˍ ꓟꓲ ꓪꓽ ꓘꓴ ꓙ ꓖꓶ ꓠ, ꓟ ꓓꓰꓽ ꓗꓷꓳ꓿
Photo Courtesy: Vatican
