ꓧꓮꓲꓔꓲ ꓗꓴꓷꓼ ꓗꓪ ꓣꓴ ꓦ ꓢꓴ ꓐꓴ ꓔꓯ ꓡꓲ, ꓖꓶ ꓠ, ꓟ ꓐꓰ ꓠꓰꓑꓮꓡ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓟꓵꓽ ꓡꓶꓽ ꓡ ꓟ ꓑꓶ. ꓓꓴ ꓫ. ꓓꓴ ꓟꓷꓼ ꓓꓴ ꓕꓳꓼ ꓜꓳꓼ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ꓾
Castel Gandolfo ꓗꓪ ꓬꓰ ꓗꓷ ꓟ Angelo ꓪꓽ ꓘꓴ ꓓꓴ ꓡꓰ ꓕꓯ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰꓧꓮꓲꓔꓲ ꓗꓴꓷꓼ ꓗꓪ ꓣꓴ ꓦ ꓢꓴ ꓐꓴ ꓔꓯ ꓡꓲ, ꓠ, ꓟ ꓐꓰ ꓠꓰꓑꓮꓡ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓟꓵꓽ ꓡꓶꓽ ꓡ ꓟ ꓑꓶ. ꓓꓴ ꓫ. ꓓꓴ ꓟꓷꓼ ꓓꓴ ꓕꓳꓼ ꓜꓳꓼ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ ꓥ ꓡꓳ꓿ ꓧꓮꓲꓔꓲ ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯꓼ ꓘꓳꓼ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓮꓽ ꓟꓬ, ꓫꓵꓼ ꓡꓰ ꓟ ꓥ ꓢꓲ꓾ ꓠ., ꓓꓴ ꓡꓰ ꓢꓴ ꓐꓴ ꓐꓰ ꓣꓴ ꓟꓶ ꓡꓰ ꓢꓴ ꓐꓴ ꓮꓽ ꓟꓬ, ꓛꓲ ꓙꓳ ꓗꓷ ꓟ ꓪꓴ. ꓠꓬꓲ ꓕꓱ ꓟ ꓔꓯ ꓔꓲ.. ꓒ ꓪ ꓔꓲ ꓥˍꓟꓲ ꓠꓲ., ꓫ. ꓙ ꓢꓲ꓾ ꓪꓽ ꓘꓴ ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
ꓟꓽ ꓞꓲ ꓠꓰꓑꓮꓡ ꓗꓴꓷꓼ ꓙꓵꓽ ꓢꓲꓺ ꓒ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰꓳ ꓡꓰ ꓮ ꓟꓶ ꓒꓬꓱꓼ ꓔꓬ ꓟ ꓫ. ꓓꓴ ꓟꓶ ꓓꓴ ꓑꓶ. ꓓꓴ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓫꓵꓻ ꓡꓰ ꓢꓴ ꓐꓴ ꓝꓮꓲ ꓞꓰ ꓤ ꓢꓴ ꓐꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓟ ꓚꓱ, ꓔꓯ ꓐꓯ ꓖꓶ ꓗꓷ ꓟ ꓥ ꓡꓳ꓿ ꓠꓰꓑꓮꓡ ꓗꓴꓷꓼ ꓗꓪ ꓑ ꓫꓬ 700 ꓣꓳ ꓟꓽ ꓞꓲ ꓫꓵ., ꓡꓰ ꓢꓲ꓾ 3000 ꓣꓳ ꓟꓽ ꓞꓲ ꓟꓶ ꓡꓰ ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓖꓳ ꓟ ꓑꓶ. ꓓꓴ ꓑ ꓡ ꓟꓬ ꓛꓲ ꓬꓰ ꓙ ꓓꓴ ꓬꓰ ꓡꓯ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ ꓥˍꓢꓲ꓾ ꓜꓽ ꓓꓴ ꓓꓳꓽ ꓓꓴ ꓥˍꓟꓲ ꓮꓽ ꓟꓬ, ꓛꓲ ꓬꓰ ꓙ ꓗꓷ ꓟ ꓥ ꓡꓳ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓢꓷ. ꓪ ꓓ ꓡꓳ꓿
