ꓕꓲ ꓟꓵꓽ ꓕꓲ ꓫꓰ ꓗꓪ ꓔꓬ ꓟ ꓮꓽ ꓐ ꓮ ꓟ ꓬꓲꓼ ꓤ ꓠꓬꓲ ꓤ ꓐꓴ ꓮ ꓙꓵꓽ ꓔꓯ ꓧꓪ. ꓧꓪꓸꓼ꓾ ꓠꓬꓲ. ꓠꓬꓲ ꓠꓯꓼ ꓠꓯꓼ ꓗꓪ ꓠꓬ ꓚꓲ. ꓛꓬ ꓦꓲ ꓘꓴꓽ ꓐꓱ ꓶ ꓮ ꓕꓯ ꓟꓲ ꓢꓯꓼ ꓕꓵꓼ ꓔꓬ ꓟ ꓮꓽ ꓐ ꓮ ꓟ ꓐꓴ ꓔꓯ ꓕꓲ ꓘꓶ ꓫ. ꓕꓱ ꓠꓲ, ꓫꓵˍ ꓡꓳ꓿
ꓐ, ꓐ ꓟ, ꓟ ꓒꓬꓱꓼ ꓡˍ ꓕꓯ ꓚꓲ. ꓛꓬ ꓐꓱ ꓶ ꓢꓶ. ꓟꓽ ꓞꓲ ꓤ ꓠꓱ ꓐꓴ ꓐꓱ ꓶ ꓪ ꓜꓲ ꓓꓵꓽ ꓙꓽ ꓖꓶˍ ꓡꓳ꓾ ꓟꓽ ꓥ ꓡ꓿
“ꓥꓪ ꓤ ꓥꓪ ꓮ. ꓟꓲꓽ ꓐꓴ ꓧꓪ. ꓧꓪꓸꓼ ꓔꓬ ꓖꓴˍ ꓡ?”
“ꓬꓲ ꓪ ꓟꓬꓱꓽ ꓬꓰ ꓔꓬ ꓟ ꓮ ꓡꓲ ꓥ ꓡ?”
“ꓜ ꓜꓽ ꓓꓳ ꓡꓰ ꓥ ꓟꓽ ꓢꓷ.” ꓐꓯ ꓢꓲ ꓤ ꓠꓱ ꓐꓴ ꓔꓯ ꓡꓰꓽ ꓓꓵꓽ ꓙꓽ ꓟꓶ ꓔꓬ ꓗꓴ.ˍ ꓡꓳ꓿
ꓕꓲ ꓖ ꓕꓲ ꓧꓪ, ꓤ ꓠꓱ ꓐꓴ ꓠꓬ ꓟꓬꓱꓽ ꓮ ꓘꓶ. ꓟꓬꓽ ꓔꓬ ꓟ ꓪꓴ. ꓠꓬꓲ ꓬꓲ ꓙꓵ, ꓖꓶ ꓟꓽ ꓐ ꓡ ꓦꓬꓼ ꓠꓬꓲˍ ꓟꓲ ꓙꓳˍ ꓥꓳ꓿ ꓦꓲꓻ ꓗꓪ ꓑꓧꓳꓠꓰ ꓟ: ꓘꓴꓻ ꓪ ꓡꓰ ꓟ꓾ ꓮ: ꓐ ꓮ ꓟ ꓐꓴ ꓔꓬ ꓟ ꓦꓲꓻ ꓗꓪ ꓙꓰ ꓟ: ꓐ ꓡ ꓟ ꓟˍ ꓟꓲ ꓙꓳˍ ꓥꓳ=
ꓖꓳ ꓡꓱ ꓒꓬꓱꓼ ꓡˍ ꓕꓯ ꓮ: ꓐ ꓮ ꓟ ꓬꓰ ꓢꓴ ꓐꓴ ꓡꓰ ”ꓥꓪ ꓤ ꓠꓱ ꓠ: ꓥꓪ ꓔꓯ ꓟ: ꓠꓲꓹ ꓠꓵ ꓓꓻꓳˍ ꓟ: ꓢꓷ.” ꓐꓯ ꓢꓲ ꓕ: ꓓꓵ: ꓙ: ꓟꓬ:=
ꓬꓲ ꓪ ꓐꓴ ꓥˍ ꓟꓲ ꓬꓲ ꓪ ꓤꓶꓻ ꓗꓪ ꓢꓯꓼ ꓕꓵꓼ ꓪˍ ꓟ ꓙꓳˍ ꓡꓳ=
ꓚꓲ. ꓛꓬ ꓤ ꓠꓱ ꓔꓯ ꓠꓲꓹ ꓠꓵˍ ꓟ ꓡꓰ ꓐꓰ ꓚꓲ. ꓛꓬ ꓔꓯ ꓥ ꓟꓲ ꓠꓲꓹ ꓠꓵ ꓙꓰ ꓓꓴ ꓬꓰ ꓡꓯ=
ꓤ ꓠꓱ ꓐꓱ ꓶˍ ꓡꓰ: ꓓꓵ: ꓙ ꓢꓲ ꓜ: ꓠꓲꓹ ꓫꓵˍ ꓟ ꓔꓯ ꓟ: ꓜ: ꓗꓷ ꓟ꓾ ꓙꓰ ꓠꓲꓹ ꓫꓵˍ ꓟ ꓗꓪ ꓟ: ꓙꓰ ꓗꓷ ꓟ꓾ ꓕꓱ ꓡꓱ ꓬꓰˍ ꓟ ꓔꓯ ꓥ ꓟꓲ ꓠ: ꓗꓷ=
ꓤ ꓠꓱ ꓐꓴ ꓔꓯ ꓮ ꓙꓵ: ꓖꓶ ꓗꓷ ꓢꓲ ꓚꓲ. ꓛꓬ ꓐꓱ ꓶ ꓮ ꓫꓵ: ꓕꓲ ꓙꓰ:ˍ ꓡꓰ. ꓟ: ꓤꓰꓻ ꓞꓹ ꓗꓪ ꓛꓲ ꓕ: ꓗꓷ ꓡꓰ ꓝꓲ=
ꓠꓯꓼ ꓝꓲ. ꓗꓪ ꓡ: ꓚꓬ. (ꓛ: ꓬꓰꓹ) ꓕꓲ ꓗꓶ. ꓤ ꓓꓳꓻ ꓠꓬꓲ꓾ ꓚꓳꓝꓝꓰꓰ ꓤ ꓓꓳꓻ ꓠꓬꓲ ꓬꓰ ꓢꓲ ꓠꓱ ꓫꓳ. ꓟ. ꓗꓪ ꓙ ꓖꓴ ꓫꓱ: ꓚꓳꓻ ꓙꓰ= ꓗꓪ ꓛꓳ:꓾ ꓛꓳ: ꓒꓯꓹ ꓐꓴ ꓐꓰ ꓜꓲ ꓡꓯ ꓘꓳ ꓢꓲ ꓫ. ꓕꓱ ꓡꓯ ꓘꓳ=
ꓚꓲ. ꓛꓬ ꓠꓲꓹ ꓟ ꓙꓳˍ ꓟ ꓠꓲꓹ ꓟ ꓐˍ ꓟ ꓔꓯ ꓬꓰ=
ꓤ ꓠꓱ ꓐꓴ ꓔꓯ ꓠꓲꓹ ꓠꓵ ꓗꓴ. ꓠ ꓗꓹ ꓟˍ ꓡꓰ ꓐꓰ ꓕꓲ ꓡꓰꓹ ꓚꓲ. ꓛꓬ ꓤꓶꓻ ꓔꓯ ꓥ ꓟꓲ ꓗꓹ ꓗꓹ ꓛꓲ: ꓛꓲ:ˍ ꓡꓰ: ꓞꓳ ꓙꓳ ꓠ ꓗꓹ ꓡꓳ ꓟ: ꓥ ꓡ=
ꓡꓳꓹ ꓬꓰˍ ꓕꓲ ꓘꓶ ꓐꓯ ꓠꓲꓹ ꓫꓵˍ ꓟ ꓠꓬ
ꓮ: ꓐ ꓮ ꓟ ꓬꓰ ꓠ ꓔˍ ꓟ ꓟꓬꓱ: ꓔꓯ ꓮ ꓟꓬꓹ ꓘꓳꓼ ꓮ ꓙꓵ: ꓬꓰ ꓗꓷ ꓠꓬꓲ ꓚꓲ. ꓛꓬ ꓔꓯ ꓚꓲ. ꓛꓬ ꓫ. ꓟꓳ ꓖꓶ=
”ꓥꓪ ꓕꓱ ꓟꓬ ꓛꓲ ꓢꓯꓼ ꓕꓵꓼ ꓖꓶ ꓗꓷ ꓐꓷ” ꓐꓰ ꓚꓲ. ꓛꓬ ꓔꓯ ꓐꓯ ꓖꓶ=
ꓠꓬꓲ. ꓠꓬꓲ ꓗꓪ ꓚꓳ. ꓪꓴ. ꓔꓴ ꓢꓲ ꓤ ꓠꓱ ꓐꓱ ꓶˍ ꓡꓰ: ꓓꓵ: ꓙˍ ꓟ ꓟ: ꓬꓰ ꓬꓰ ꓚꓲ. ꓛꓬ ꓐꓱ ꓶ ꓥˍ ꓟꓲ ꓮ ꓟꓬꓹ ꓓꓵ: ꓙ ꓢꓲ ꓠꓬꓲ ꓣꓱ: ꓬꓰ=
ꓠꓬꓲ. ꓠꓬꓲ ꓗꓪ ꓮ ꓐ ꓮ ꓟ ꓐꓴ ꓮ ꓙꓵ: ꓠꓲꓹ ꓟ ꓗꓹ ꓛꓲ: ꓝꓲ꓾ ꓚꓲ. ꓛꓬ ꓤ ꓠꓱ ꓐꓴ ꓐꓰ ꓥˍ ꓟꓲ ꓠꓲꓹ ꓒꓵ: ꓠꓲꓹ ꓡꓱꓻ ꓙ ꓡꓯ ꓘꓳ ꓟꓶ ꓝꓲ= ꓖꓳ ꓓꓱ: ꓐꓰ ꓠꓲꓹ ꓟ ꓔꓬ ꓢꓻ ꓢꓲ ꓗꓹ ꓛꓲ ꓠꓲꓹ ꓒꓴˍ ꓦꓬꓼ ꓠꓬꓲ ꓔꓯ ꓘꓳ ꓣꓴ ꓟꓶ ꓝꓲ=
