ꓕꓱ ꓕꓲꓽ ꓠꓽ ꓫ. ꓢꓴ ꓟꓷꓼ ꓢꓴ ꓐꓰ ꓫ. ꓕꓱˍꓟ ꓗꓪ ꓠꓬ ꓫ.ꓢꓴ ꓟꓷꓼ ꓢꓴ ꓐꓴ ꓠꓬ ꓚꓲ ꓛꓬ ꓟ ꓟꓵꓽ ꓗꓪ ꓬꓲ. ꓪ ꓮꓽ ꓫꓵꓼ ꓖꓶ ꓑ ꓡꓽ ꓡ? ꓐꓯˍꓟ ꓚꓱ, ꓔꓯ ꓚ. ꓢꓲ꓾ ꓠꓽ ꓠ ꓓꓴ ꓬꓰ ꓡꓯ꓿ꓫ. ꓢꓴ ꓟꓷꓼ ꓢꓴ ꓐꓰ ꓐꓯ ꓕꓯ ꓕꓲ ꓖ ꓕꓲ ꓧꓪꓽ ꓬꓲ. ꓪ ꓔꓯ ꓜꓽ ꓓꓴ ꓧꓪ ꓓꓴ ꓖꓶ ꓕꓯ ꓡꓰ ꓓ ꓡꓰ ꓐꓰ ꓓꓵ ꓙ ꓡꓳ꓿ ꓣꓳ ꓗ‐ꓕꓳ‐ꓡꓘꓲ ꓗꓪ ꓐꓰ ꓟ. ꓖꓶ ꓡ ꓟ ꓠꓬ ꓫ.ꓢꓴ ꓟꓷꓼ ꓢꓴ ꓐꓰ ꓐꓯ ꓕꓯ ꓬꓲ. ꓪ ꓠꓬ ꓘꓴ ꓣꓴ ꓢꓴ ꓐꓴ ꓡꓰ ꓟꓽ ꓥ ꓥ ꓬꓲ. ꓪ ꓥˍꓟꓲ ꓖꓶ ꓑ ꓡ ꓢꓴ ꓥꓳ ꓐꓰ ꓢꓷ. ꓠꓽ ꓗ. ꓡꓳ꓿
ꓬꓲ. ꓪꓴꓽ ꓕꓲ ꓟ ꓠꓬ ꓞꓳ ꓤ ꓮꓽ ꓙꓵꓽ ꓠꓬ ꓚꓲ ꓛꓬ ꓠꓯꓼ ꓗꓪ ꓬꓰ ꓑ ꓡ ꓟ ꓐꓰ ꓢꓷ. ꓠꓲ., ꓙꓳ ꓡꓳ ꓐꓰ ꓓꓵ ꓙ ꓠꓽ ꓗ. ꓡꓳ꓿ ꓫ. ꓢꓴ ꓟꓷꓼ ꓢꓴ ꓐꓴ ꓠꓬ ꓜꓽ ꓓꓴ ꓓꓳꓽ ꓓꓴ ꓔꓯ ꓡꓰ ꓘꓴ ꓣꓴ ꓢꓴ ꓟꓽ ꓥ꓾ ꓬꓲ. ꓪ ꓤꓶ., ꓔꓯ ꓗꓪ ꓫꓵꓽ ꓠꓲ., ꓫꓵˍꓟ ꓐꓰ ꓐꓯ ꓠꓲ., ꓫꓵˍꓟ ꓮ ꓟꓬ, ꓛꓲ ꓙꓳ ꓟ ꓥ ꓡꓳ꓿ ꓕꓲ ꓐꓱ ꓠꓬ ꓟꓽ ꓫ. ꓠꓬꓲ ꓟ ꓪꓴꓽ ꓠꓬꓲ ꓫ. ꓔꓬ ꓢꓴ ꓐꓴ ꓔꓯ ꓫꓱꓼ ꓤ ꓟꓽ ꓑ ꓡ? ꓖꓳ ꓡꓰ ꓐꓯ ꓥˍꓟꓲ ꓫ. ꓫ. ꓡꓰ ꓐꓰ ꓦꓰꓼ ꓡ ꓢꓴ ꓐꓴ ꓠꓬ ꓫ. ꓐꓯˍꓟ ꓮ ꓡꓰ ꓥˍꓟ ꓔꓯ ꓢꓷ. ꓔꓬ ꓡꓳ꓿
ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓠꓬ ꓜꓽ ꓓꓵ ꓓꓳꓽ ꓓꓴ ꓖꓶˍꓟ ꓠꓬ ꓙꓲˍꓟ ꓐꓰ ꓜꓳˍꓟ ꓬꓰ ꓙꓵꓽ ꓙꓳˍꓟ ꓚꓱ, ꓥ ꓡꓳ꓿ ꓖꓳ ꓡꓰ ꓐꓯ ꓥˍꓟꓲ ꓬꓲꓽ ꓬꓰ ꓐ ꓡ, ꓟ ꓙꓳ ꓢꓰꓼ ꓡꓳ꓿ ꓕꓱ ꓟ ꓡꓰ ꓐꓰ ꓢꓲꓽ ꓒ ꓬꓰ‐ꓢꓴ ꓥˍꓟꓲ ꓣꓳ ꓐꓴ ꓮꓽ ꓙꓵꓽ ꓠꓬ ꓞꓳ ꓜꓴ ꓐꓰ ꓔꓬ ꓖꓴ ꓠ, ꓟ ꓟ. ꓖꓶ ꓔꓽ ꓟ ꓥ ꓡꓳ=
