ꓝꓣꓮꓠꓚꓰ ꓗꓴꓷꓼ꓾ ꓢ‐ꓕ‐ꓣꓮ‐ꓢꓶ‐ꓐꓯꓸꓼ ꓡꓳ ꓒꓱ ꓗꓪ ꓬꓰ ꓗꓷ ꓟ ꓰꓴꓣꓳꓑꓰ ꓑ‐ꓡꓲ‐ꓟꓯ ꓖꓪ ꓙꓱ ꓜꓲꓼ ꓓꓴ ꓗꓪ ꓦꓮꓔꓲꓚꓮꓠ ꓗꓴꓷꓼ ꓘꓴꓽ ꓗꓪ ꓟꓬꓱꓽ ꓬꓰ ꓔꓬ ꓟ ꓚꓮꓣꓓꓲꓠꓮꓡ ꓑꓲ‐ꓬꓰ‐ꓔ‐ꓣꓳ ꓑ‐ꓣꓳ‐ꓡꓲꓠ (Cardinal Pietro Parolin) ꓡꓰ ꓟꓲ ꓠꓯ ꓗꓴꓷꓼ ꓟꓽ ꓢꓲ ꓡꓲ ꓟ ꓮ ꓟꓬ, ꓒꓬꓱꓼ ꓡ ꓔꓬ ꓟ ꓦꓬꓼ ꓠꓬꓲ ꓗꓪ ꓢꓲ ꓡꓲ ꓟ ꓔꓯ ꓗꓽ ꓕ. ꓠ, ꓟ ꓔꓲꓺ ꓒ ꓪ ꓔꓲ. ꓡꓰꓳ (14) ꓬꓲ ꓕꓵꓼ ꓪ ꓖꓶˍ ꓟ ꓕꓳꓽꓶ ꓔꓯ ꓵ ꓗꓷꓳ꓿
ꓚꓮꓣꓓꓲꓠꓮꓡ ꓑ‐ꓣꓳ‐ꓡꓲꓠ ꓠꓬ ꓰꓴꓣꓳꓑꓰ (ꓰꓴ) ꓬꓲ ꓕꓲ ꓠꓲ, ꓕꓲ ꓪˍ ꓗꓷ ꓡꓰ ꓝꓲˍ ꓟ ꓐꓰ ꓬꓲ ꓒꓵꓽ ꓔꓯ ꓛꓵ ꓔꓴˍ ꓟ ꓗꓪ ꓮ ꓘꓶ. ꓢꓯꓼ ꓕꓵꓼ ꓢꓲ ꓣꓱꓽ ꓬꓰ ꓗꓷ ꓟ ꓑꓶ. ꓓꓴ ꓬꓲ ꓪꓴ. ꓖꓶˍ ꓟ “ꓰꓴꓣꓳꓑꓰ ꓟꓬꓱ ꓓꓳꓽ ꓖꓶ ꓡꓯꓼ ꓫꓴ” (European Order of Merit) ꓔꓯ ꓘꓳ ꓣꓴ ꓟꓶ ꓗꓷꓳ꓿
ꓡꓯꓼ ꓫꓴ ꓕꓱ ꓟ ꓔꓯ ꓚꓮꓣꓓꓲꓠꓮꓡ ꓐꓰ ꓕꓲ ꓪˍ ꓙ‐ꓟ‐ꓠꓲ ꓟꓯꓼ ꓡꓵꓺ ꓯ‐ꓙ‐ꓡ ꓟ‐ꓗꓯ꓾ ꓑꓳ‐ꓡꓮꓠ ꓢꓲꓽ ꓒ ꓡꓵꓺ ꓡꓯ‐ꓛꓵ ꓪ‐ꓡꓰ‐ꓢ ꓐꓴ ꓐꓰ ꓕꓲ ꓪˍ ꓟꓬꓱ ꓓꓳꓽ ꓙꓳˍ ꓟ ꓪꓴ. ꓓꓵ ꓣꓱꓽ ꓢꓴ (20) ꓣꓳ ꓔꓯ ꓡꓯꓼ ꓫꓴ ꓖꓶ ꓗꓷ ꓟ ꓥ ꓡꓳ꓿
ꓚꓮꓣꓓꓲꓠꓮꓡ ꓑ‐ꓣꓳ‐ꓡꓲꓠ ꓬꓲ ꓐꓯ ꓗꓷ ꓟ꓾ ꓢꓲ ꓡꓲ ꓟ ꓔꓯ ꓫꓬ, ꓔꓶ꓾ ꓞꓳ ꓫꓵꓽ ꓐꓴ ꓠꓬꓲꓽ ꓗꓴ. ꓚꓸꓼ ꓗꓪ ꓧꓳ, ꓡꓯ ꓘꓳˍ ꓟ ꓠꓬ ꓮ ꓕꓯ ꓟꓲ ꓫꓬ, ꓜꓶ ꓔꓬ ꓪˍ ꓟ ꓪꓵꓼ ꓘꓶꓽ ꓕꓲ ꓟ ꓥ ꓢꓲ ꓡꓯꓼ ꓕꓲꓺ ꓣꓱꓽ ꓬꓰˍ ꓟ ꓐꓰ ꓢꓲ ꓡꓲ ꓟ ꓔꓯ ꓗꓽ ꓕ. ꓠ ꓗ, ꓡꓳ꓿ ꓞꓳ ꓤ ꓒꓵꓽ ꓶ ꓔꓯ ꓒꓵꓽ ꓗ ꓬꓰ꓾ ꓰꓴꓣꓳꓑꓰ ꓚꓺ ꓟꓲꓽ ꓬꓲ ꓒꓵꓽ ꓗꓪ ꓞꓳ ꓤ ꓬꓲ ꓒꓵꓽ ꓠꓬ ꓒꓬ, ꓟꓽ ꓓꓻ ꓟ ꓥ ꓢꓲ ꓠꓬꓲ ꓞꓳ ꓤ ꓕꓲ ꓞꓲꓼ ꓡꓱꓸꓼ ꓮ ꓕꓯ ꓟꓲ ꓗꓪꓽ ꓫꓵꓼ ꓗꓽ ꓕ. ꓠ ꓗ, ꓡꓳ꓿
ꓢꓲ ꓡꓲ ꓟ ꓔꓯ ꓫꓬ, ꓔꓶ ꓢꓴ꓾ ꓦꓮꓔꓲꓚꓮꓠ ꓬꓳ, (Holy See) ꓠꓬ ꓰꓴꓣꓳꓑꓰ ꓗꓪ ꓟ ꓜꓴ ꓐꓴ ꓐꓰ ꓕꓲ ꓪˍ ꓬꓰ ꓢꓲ ꓮ ꓙꓵꓽ ꓠꓬ ꓢꓲ ꓡꓲ ꓟ ꓫꓬ, ꓔꓶ ꓢꓴ ꓬꓰ ꓠ, ꓟ ꓙꓽ ꓖꓶ ꓔˍ ꓡꓳ꓾ ꓐꓰ ꓐꓯ ꓖꓶ ꓗꓷꓳ꓿
Photo credit : Vatican News
