ꓢ ꓣꓳ ꓕꓲꓽ ꓖꓳ ꓓꓱ ꓪꓴ‐ꓢ ꓔꓯ ꓟꓽ ꓘꓳ, ꓣꓴ ꓢꓴ ꓙꓳ ꓗꓳ. ꓡ ꓡꓳ꓾ ꓬꓲ ꓪ ꓠꓬ ꓟꓽ ꓘꓳ, ꓣꓴ ꓐꓯ ꓥ ꓟꓲ ꓮ ꓫꓵ ꓑꓶ ꓓꓴ ꓟꓽ ꓘꓳ, ꓣꓴ ꓡ꓾ ꓢ ꓣꓳ ꓕꓲꓽ ꓖꓳ ꓓꓱ ꓪꓴ‐ꓢ ꓔꓯ ꓠꓬ ꓬꓲ ꓪ ꓠꓬ ꓮ ꓡꓰ ꓢꓪ. ꓟꓶ. ꓢꓲ ꓠꓬꓲ ꓮ ꓡꓰ ꓐꓰ ꓙꓵꓻ ꓗꓳ. ꓡ ꓡ꓾ ꓐꓰ ꓐꓯ ꓟ ꓔꓯ ꓠ ꓠ, ꓓꓴ ꓬꓰ ꓡꓯ꓿
(1) ꓟꓳꓓꓮꓡꓲꓢꓟ꓾ ꓐ, ꓐ꓾ ꓤ ꓔꓲ꓾ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓠꓬ ꓢ ꓣꓳ ꓕꓲꓽ ꓖꓳ ꓓꓱ ꓪꓴ‐ꓢ ꓐꓯ ꓥ ꓟꓲ ꓬꓲ ꓪ ꓠꓬ ꓢꓲ ꓒ ꓬꓰ‐ꓢꓴ ꓔꓬ ꓗꓪ ꓕꓲ ꓑ, ꓤ ꓡ ꓢꓲ ꓪꓴ‐ꓢ ꓬꓰ_ ꓟ꓾ ꓐ, ꓐ ꓪꓴ‐ꓢ ꓔꓬ ꓗꓪ ꓙꓰ ꓢꓲ ꓐ,ꓐ, ꓪꓴ‐ꓢ ꓕꓲ ꓑ, ꓤ ꓬꓰ_ ꓟ꓾ ꓥ ꓠꓬ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓔꓬ ꓗꓪ ꓙꓰ ꓢꓲ ꓠꓬ ꓢꓲ‐ꓫꓬ‐ꓟ‐ꓦ ꓕꓲ ꓑ, ꓤ ꓬꓰ ꓟ꓾ ꓕꓱ ꓡꓱ ꓙꓵꓻ ꓗꓳ. ꓡ ꓢꓴ ꓟꓲ ꓙꓳ_ ꓡꓳ꓿
(2) ꓮꓣꓲꓮꓠꓲꓢꓟ꓾ ꓢ ꓣꓳ ꓕꓲ ꓖꓳ ꓓꓱ ꓪꓴ‐ꓢ ꓙꓳ ꓡꓳ ꓐꓯ ꓥ ꓟꓲ ꓢꓲ ꓒ ꓬꓰ‐ꓢꓴ ꓔꓯ ꓠꓬ ꓐ, ꓐ ꓪꓴ‐ꓢ ꓡꓰ ꓚꓰꓼ ꓔ ꓡꓳ꓾ ꓐꓰ ꓙꓵꓻ ꓔꓬ ꓢꓴ ꓟꓲ ꓙꓳ_ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓚꓵ ꓚꓵ ꓒ ꓐꓲ ꓟꓽ ꓥ꓾ ꓐꓰ ꓘꓳ, ꓣꓴ ꓔꓬ ꓟ ꓙꓳ ꓡꓳ꓿
(3) ꓑꓮꓣꓔꓲꓮꓡꓲꓢꓟ꓾ ꓐ, ꓐ ꓤ ꓔꓲ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓔꓯ ꓠꓬ ꓢ ꓣꓳ ꓕꓲ ꓖꓳ ꓓꓱ ꓪꓴ‐ꓢ ꓐꓯ ꓥ ꓟꓲ ꓐ, ꓐ ꓪꓴ‐ꓢ ꓠꓬ ꓮ ꓔꓲ. ꓤ꓾ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓟꓲ ꓮ ꓔꓲ. ꓤ꓾ ꓢꓲ ꓒ ꓬꓰ‐ꓢꓴ ꓥ ꓟꓲ ꓪꓴ‐ꓢ ꓮ ꓔꓲ. ꓤ ꓕꓱ ꓡꓱ ꓘꓶ ꓢꓲ ꓠꓬꓲ ꓞꓲ ꓐꓱ ꓗꓪ ꓠꓬ ꓐ, ꓐ ꓪꓴ‐ꓢ ꓠꓬ ꓢ ꓐꓱ꓾ ꓢꓲ‐ꓫꓬ‐ꓟ‐ꓦ ꓠꓬ ꓢ ꓐꓱ꓾ ꓢꓲ ꓒ ꓬꓰ‐ꓢꓴ ꓠꓬ ꓢ ꓐꓱ ꓕꓱ ꓡꓱ ꓘꓶꓽ ꓢꓲ ꓥ ꓡꓳ꓾ ꓐꓰ ꓙꓵꓻ ꓗꓳ. ꓡ ꓢꓴ ꓟꓲ ꓙꓳ_ ꓡꓳ꓿
(4) ꓢꓴꓐꓳꓣꓓꓲꓠꓮꓔꓲꓳꓠꓲꓢꓟ꓾ ꓢꓲ ꓒ ꓬꓰ‐ꓢꓴ ꓠꓬ ꓐ,ꓐ, ꓪꓴ‐ꓢ ꓠꓯꓼ ꓗꓪ ꓣꓳꓺ ꓟ꓾ ꓐ, ꓐ ꓪꓴ‐ꓢ ꓡꓰ ꓟꓽ ꓪꓴꓽ ꓓꓰ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓠꓬꓲ. ꓠꓬꓲ ꓗꓳ. ꓡ ꓗꓷ ꓟ ꓢ ꓣꓳ ꓕꓲ ꓖꓳ ꓓꓱ ꓪꓴ‐ꓢ ꓔꓯ ꓟꓽ ꓘꓳ, ꓣꓴ ꓗꓷ ꓢꓴ ꓬꓲ. ꓜꓴꓻ ꓕꓱ ꓡꓱ ꓙꓳ ꓗꓳ. ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓠꓬꓲ. ꓠꓬꓲ ꓣꓳ ꓠꓬ ꓔꓱ, ꓚꓵ_ ꓟ ꓪꓴ‐ꓢ ꓟ. ꓖꓶ_ ꓟ ꓗꓪ ꓐꓰ ꓢ ꓣꓳ ꓕꓲ ꓖꓳ ꓓꓱ ꓪꓴ‐ꓢ ꓠꓬ ꓢ ꓣꓳ ꓡꓱꓼ ꓪꓴ‐ꓢ ꓥ ꓡꓳ꓾ ꓐ, ꓐ ꓮ ꓐꓲ ꓢꓲ‐ꓫꓬ‐ꓟ‐ꓦ ꓢ ꓣꓳ ꓐꓯ ꓥ ꓟꓲ ꓕꓲ ꓖꓳ ꓓꓱ ꓟ ꓪꓴ‐ꓢ ꓔꓯ ꓠꓬ ꓣꓳ ꓔꓱ, ꓚꓵ_ ꓟ ꓙꓵꓻ ꓠꓲ, ꓐꓰ ꓣꓳ ꓙꓵꓻ ꓪ ꓟ ꓑꓶ ꓓꓴ ꓪꓴ‐ꓢ ꓔꓯ ꓫ ꓟꓳ ꓡꓯ꓿
