ꓬ‐ꓖꓳꓥ ꓡꓳ ꓒꓱ ꓓꓽ ꓗꓪ ꓟꓵꓽ ꓙꓴꓽ ꓙꓵˍ ꓟ ꓓꓳꓽ
5 ꓦ ꓟ 18 ꓠꓬꓲ 2026 ꓘꓳꓼ꓾ ꓠꓬꓲ. ꓠꓬꓲ ꓠꓯꓼ 8ꓽ ꓙꓵ, 30 ꓧꓶ, ꓕꓯ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓥ ꓟ ꓬ‐ꓖꓳꓥ ꓡꓳ ꓒꓱ ꓬꓲ ꓔꓶ. ꓮ ꓟꓬ, ꓗꓪ ꓟꓵꓽ ꓙꓴꓽ ꓚꓵ, ꓗꓷꓳ ꓐꓰ ꓐꓯ ꓔ ꓡꓳ꓿
ꓕꓱ ꓟꓵꓽ ꓙꓴꓽ ꓚꓵ, ꓗꓷ ꓟ ꓬ‐ꓖꓳꓥ ꓡꓳ ꓒꓱ ꓓꓽ ꓘꓴꓽ ꓗꓪ ꓙꓳˍ ꓟ ꓔ‐ꓗꓰ‐ꓔ꓾ ꓗ‐ꓟ‐ꓬꓴꓔ꓾ ꓢꓧꓪꓰ‐ꓑꓬꓲ‐ꓔ꓾ ꓐꓰ ꓠꓱ. ꓐꓯꓼ ꓬꓲ ꓔꓶ. ꓮ ꓟꓬ, ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓥ ꓡꓳ꓿
ꓬ‐ꓖꓳꓥ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓡꓰ ꓫ. ꓕꓱ ꓔ ꓟ ꓠꓬ “ꓕꓱ ꓡꓰ ꓐꓰ ꓟꓵꓽ ꓙꓴꓽ ꓚꓵ, ꓡ ꓟ ꓑꓶ. ꓓꓴ ꓮ ꓘꓶ. ꓙꓳꓺ ꓡꓰꓳ” ꓐꓰ ꓐꓯ ꓔ ꓡꓳ꓿ ꓟꓵꓽ ꓙꓴꓽ ꓚꓵ, ꓗꓷ ꓟ ꓬꓲ ꓙꓵ, ꓠꓬ ꓬꓲ ꓙꓵ, ꓢ ꓧꓶ, ꓕꓯꓽ ꓢꓲ ꓚꓵ, ꓗꓷ ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ꓿
ꓕꓱ ꓡꓰ ꓐꓰ ꓠꓬꓲ. ꓠꓬꓲ ꓚꓵ, ꓗꓷ ꓟ ꓟꓵꓽ ꓙꓴꓽ ꓠꓬ (3) ꓧꓪ, ꓚꓵ, ꓗꓷꓳ꓾ ꓐꓰ ꓐꓯ ꓔ ꓡꓳ꓿ ꓕꓱ ꓟꓵꓽ ꓙꓴꓽ ꓬꓲ ꓢꓯꓼ ꓠꓬ (5.3) ꓙꓳˍ ꓟ ꓟꓵꓽ ꓙꓴꓽ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓗꓳ. ꓗꓷ ꓟ ꓘꓳꓼ ꓕꓯ ꓥ ꓟꓲ ꓟꓵꓽ ꓙꓴꓽ ꓚꓵˍ ꓗꓷ ꓟ ꓥ ꓡꓳ꓿
