ꓝꓴꓲ ꓕꓲꓽ ꓟ ꓒꓬꓱꓼ ꓡ ꓠ, ꓟ (ꓥ ꓠꓬ) ꓝꓴꓲ ꓐꓯ_ ꓟ ꓮ ꓫꓵ ꓔꓯ ꓐꓯ_ ꓡ꓾

ꓝꓲ ꓕꓲ ꓟ ꓒꓬꓱꓼ ꓡ ꓠ, ꓟ ꓠꓬ ꓝꓴꓲ ꓐꓰ ꓐꓯ ꓐ ꓡ ꓠ, ꓟ ꓠꓬ ꓬꓲ. ꓚꓱ, 3 ꓚꓱ, ꓙꓳ_ ꓡꓳ꓾ ꓬꓲ. ꓪꓴ. ꓕꓲꓽ ꓚꓱ, ꓠꓬ ꓢꓷ. ꓢꓷ. ꓡꓰ ꓬꓰ_ ꓟ꓾ (2) ꓚꓱ, ꓠꓬ ꓠꓲ, ꓟ ꓙꓳ ꓙꓳ ꓡꓰ ꓬꓰ_ ꓟ꓾ (3) ꓠꓬ ꓮꓽ ꓟꓽ ꓥ ꓟꓲ ꓟꓽ ꓗꓽ ꓕ ꓮꓽ ꓟ ꓥ ꓟꓲ ꓬꓲ ꓔꓯ ꓬꓲ ꓜꓲ ꓐꓰ ꓟꓽ ꓧ, ꓟ ꓔꓯ ꓟꓽ ꓬꓰ ꓬꓰ ꓐꓰ ꓚꓲ. ꓛꓬ ꓠꓲ, ꓡꓶꓽ ꓗꓪ ꓐꓰ ꓬꓰ ꓟ ꓥ ꓡꓳ꓿

ꓠꓲ, ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓬꓲ ꓪꓴ. ꓕꓲꓽ ꓚꓱ, ꓔꓯ ꓡꓳ. ꓠꓬꓲ ꓡꓯ꓾ ꓢꓷ. ꓢꓷ. ꓡꓰ ꓬꓰ ꓐꓯ ꓟ ꓠꓬ ꓕꓱ ꓟ ꓔꓯ ꓬꓰ ꓠꓬ ꓟꓽ ꓧ, ꓕꓱ ꓟ ꓔꓯ ꓝꓴꓲ ꓓꓽ ꓟ ꓥꓳ꓾ ꓕꓱ ꓟ ꓔꓯ ꓬꓰ ꓠꓬ ꓟꓽ ꓜꓳ ꓟꓽ ꓙꓲ ꓝꓴꓲ ꓙꓳ_ ꓡꓳ ꓐꓰ ꓐꓯ ꓟ ꓔꓯ ꓢꓷ. ꓢꓷ. ꓡꓰ ꓥ ꓟꓲ ꓢꓷ. ꓢꓷ. ꓡꓰ ꓬꓰ_ ꓟ ꓥ ꓡꓳ꓾ (2) ꓚꓱ, ꓠꓬ ꓝꓴꓲ ꓖꓳ ꓟ ꓠꓬ ꓟꓽ ꓜꓳ ꓟꓽ ꓙꓲ ꓟꓽ ꓧ, ꓟ ꓔꓯ ꓥ ꓟꓲ ꓬꓲ ꓢꓷ. ꓢꓲ ꓠꓬꓲ ꓠꓲ, ꓟ ꓙꓳ ꓙꓳ ꓡꓰ ꓬꓰ ꓟ ꓥ ꓡꓳ꓾ ꓝꓮꓲ (3) ꓚꓱ, ꓠꓬ ꓝꓴꓲ ꓕꓱ ꓟ ꓔꓯ ꓠꓴ ꓛꓬ ꓗꓷ ꓟꓽ ꓛꓬ ꓗꓷ ꓐꓯ ꓠꓬ ꓥꓪ ꓠꓴ ꓔꓯ ꓢꓰꓼ ꓗꓷ ꓥꓳ ꓐꓰ ꓕꓱ ꓡꓱ ꓐꓯ ꓢꓴ ꓟꓲ ꓟꓽ ꓙꓳ꓾ ꓮꓽ ꓟ ꓥ ꓟꓲ ꓬꓲ ꓔꓯ ꓟꓽ ꓬꓰ ꓝꓲ ꓬꓲ ꓚꓲ ꓛꓬ ꓔꓱ, ꓚꓲ ꓛꓬ ꓓꓵꓽ ꓙ ꓢꓲ ꓠꓬꓲ ꓠꓲ, ꓟ ꓗꓪ ꓐꓰ ꓓꓳ ꓡ ꓟ ꓥ ꓡꓳ꓿

ꓖꓳ ꓟ ꓑꓶ ꓓꓴ ꓝꓴꓲ ꓕꓲ ꓟ ꓒꓬꓱꓼ ꓡ ꓠ, ꓟ ꓠꓬ ꓢꓷ. ꓢꓷ. ꓡꓰ ꓬꓰ_ ꓟ꓾ ꓠꓲ, ꓟ ꓙꓳ ꓙꓳ ꓡꓰ ꓬꓰ_ ꓟ ꓐꓰ ꓮꓽ ꓟ ꓥ ꓟꓲ ꓬꓲ ꓔꓯ ꓜꓲ ꓜꓲ ꓟꓽ ꓬꓰ ꓝꓲ ꓟ ꓔꓯ ꓬꓰ ꓟ ꓥ ꓡꓳ꓾ ꓠꓲ, ꓠꓵꓻ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓣꓳ ꓝꓴꓲ ꓕꓲꓽ ꓟ ꓒꓬꓱꓼ ꓡ ꓠ, ꓟ ꓠꓬ ꓮ ꓡꓰ ꓫꓵ ꓔꓯ ꓐꓯ_ ꓡ ꓔꓯ ꓣꓳ ꓢꓷ. ꓡꓰ ꓥꓳ ꓐꓯ ꓠꓬ ꓕꓱ ꓟ ꓔꓯ ꓣꓳ ꓤ ꓟꓳ ꓓꓴ ꓬꓰ ꓡꓯ꓾ ꓢꓷ. ꓢꓷ. ꓡꓰ ꓕꓽ ꓬꓰ ꓪ ꓡꓰ ꓝꓲ ꓮꓽ ꓟ ꓡꓰ ꓣꓳ ꓔꓯ ꓟꓽ ꓬꓰ ꓝꓲ ꓟ ꓔꓯ ꓟꓽ ꓧ, ꓟ ꓔꓯ ꓣꓳ ꓠꓬ ꓬꓰ ꓟꓽ ꓓ ꓐꓯ ꓟ ꓔꓯ ꓣꓳ ꓢꓷ. ꓡꓰꓳ꓿