ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠ ꓠ, ꓢꓯꓼ ꓖꓶ ꓔꓬ ꓟ ꓠ ꓠ, ꓢꓴ ꓐꓰ ꓜꓲꓼ ꓡꓯꓽ ꓘꓳ, ꓟ ꓠꓬꓲ (RVA DAY) ꓬꓰˍ ꓟ
ꓠꓬꓲ. ꓠꓬꓲ 5 ꓦ ꓟ 11 ꓠꓬꓲ 2026 ꓘꓳꓼ ꓕꓯ ꓟꓲ‐ꓚꓲ‐ꓠ ꓡꓳ ꓒꓱ ꓚꓬ‐ꓑꓳ‐ꓛꓯ ꓞꓳ ꓘ, ꓢꓲꓽ ꓫꓬ ꓢꓴ ꓬꓳ‐ꓦ ꓪꓽ ꓘꓴ ꓦꓲꓻ ꓗꓪ ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠ ꓠ, ꓢꓯꓼ ꓖꓶ ꓔꓬ ꓢꓴ ꓐꓴ ꓐꓰ ꓜꓲꓼ ꓡꓯꓽ ꓘꓳ ꓟ ꓑꓮꓲꓽ (ꓣꓦꓮ ꓓꓮꓬ) ꓔꓯ ꓬꓰ ꓗꓷꓳ꓿
ꓣꓦꓮ ꓓꓮꓬ ꓑꓮꓲꓽ ꓦꓬꓼ ꓠꓬꓲ ꓔꓯ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓗꓪ ꓐꓰ ꓔꓲꓺ ꓒ Dr. Peter HKa Awng Tu ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ‐ꓢ ꓔꓲ ꓖꓶ ꓗꓷ ꓟ ꓥ ꓡꓳ꓿
ꓝꓮꓲ ꓟꓲ‐ꓢ ꓔꓲ ꓟ ꓙꓵ, ꓕꓯ ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓓꓽ ꓪꓴ. ꓧꓳꓽ ꓪꓴ. ꓟꓴ ꓗꓷ ꓢꓴ ꓔꓲꓺ ꓒ ꓜ‐ꓬꓳ ꓒꓴ ꓡꓰ ꓟ. ꓟꓲꓽ ꓚꓺ ꓖꓶ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓡꓰ ꓢꓲꓽ ꓫꓬ ꓟ‐ꓦ ꓪꓴ‐ꓢ ꓡꓰ ꓮ ꓡꓲ ꓐꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓙ ꓖꓴ ꓧꓳꓽ ꓟꓳ ꓖꓶ ꓟ ꓚꓱ, ꓔꓯ ꓟ. ꓟꓲꓽ ꓚꓺ ꓟ. ꓖꓶ ꓗꓷꓳ꓿
ꓔꓲꓺ ꓒ ꓐꓴ (12) ꓣꓳ ꓐꓰ ꓔꓲꓺ ꓟ ꓐꓴ ꓟ. ꓒ꓾ ꓟ. ꓟ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓣꓦꓮ ꓑꓮꓲꓽ ꓦꓬꓼ ꓠꓬꓲ ꓗꓪ ꓗ, ꓛꓲ ꓡꓰ ꓐ ꓗꓷ ꓟ ꓥ ꓡꓳ= ꓣꓦꓮ ꓓꓮꓬ ꓑꓮꓲꓽ ꓦꓬꓼ ꓠꓬꓲ ꓗꓪ ꓟꓲ‐ꓢ ꓔꓲ ꓖꓶ ꓓꓴ ꓓꓳ ꓡꓰ ꓗ. ꓠꓯ ꓚꓬ‐ꓐꓳ‐ꓛ ꓘ, ꓗꓪ ꓔꓬ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓡꓰ ꓛꓵ ꓡꓴ ꓡꓯꓼ ꓡꓴ ꓗ ꓟ. ꓖꓶ ꓟ ꓬꓰ ꓗꓷ ꓟ ꓥ ꓡꓳ꓿ ꓝꓮꓲ ꓣꓦꓮ ꓓꓮꓬ ꓑꓮꓲꓽ ꓗꓪ ꓡ ꓓꓴ ꓐꓴ ꓔꓯ ꓣꓦꓮ ꓡꓲ‐ꓢꓴ ꓢꓯꓼ ꓡꓴ ꓔꓶ. ꓗꓪ ꓐꓰ ꓡꓯꓽ ꓫꓴꓻ ꓖꓶ ꓟ ꓔꓯ ꓥ ꓟꓲ ꓬꓰ ꓗꓷ0
