ꓲ‐ꓔ‐ꓡꓲ ꓟꓵꓽ ꓙꓴꓽ ꓚꓵ, ꓓꓴ ꓔꓳ, ꓜꓳ ꓡꓰ ꓟ (50) ꓘꓳꓼ ꓐꓲ ꓚꓵ. ꓟꓶ ꓓꓴ ꓬꓰ_ ꓟ꓾
ꓞꓳ ꓤ 1,000 ꓣꓳ ꓛꓲ ꓫꓵꓻ ꓡꓰ ꓢꓲ 150,000 ꓣꓳ ꓟꓽ ꓞꓲ ꓔꓬ ꓦꓲꓻ ꓟꓽ ꓙꓳ ꓗꓷ ꓡꓰ ꓟ ꓝꓣꓲꓴꓡꓲ ꓟꓵꓽ ꓙꓴꓽ ꓚꓵ, ꓟ 50 ꓘꓳꓼ ꓐꓲ ꓚꓵ. ꓟꓶ ꓓꓴ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓕꓱ ꓠꓲ, ꓫ. ꓟꓬ ꓫ. ꓓꓴ ꓗꓷ ꓡꓰ ꓟ ꓗꓪ ꓐꓰ ꓬꓲꓼ ꓠꓬꓲ ꓤ ꓠꓲ, ꓟ ꓐꓰ ꓬꓰ ꓙ ꓡꓳ. ꓙ ꓟ ꓬꓲ ꓒꓵꓽ ꓔꓯ ꓢꓷ. ꓡꓰ ꓝꓲ ꓟ ꓥ ꓡꓳ꓿
ꓲ‐ꓔ‐ꓡꓲ ꓗꓴꓷꓼ ꓝꓣꓲꓴꓡꓲ ꓟꓵꓽ ꓗꓪ ꓗꓷ ꓡꓰ ꓟ ꓟꓵꓽ ꓙꓴꓽ ꓚꓵ, ꓟ 50 ꓘꓳꓼ ꓐꓲ ꓚꓵ. ꓟꓶ ꓓꓴ ꓠꓯꓼ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓕꓱ ꓡꓱ ꓔꓳ, ꓜꓳ ꓡꓰ ꓢꓲ ꓫꓵꓻ ꓡꓰ ꓢꓴ ꓦ ꓐꓰ ꓕꓲ ꓪ ꓔꓬ ꓡꓳ꓾ ꓖꓳ ꓗꓪ ꓐꓰ ꓔꓲꓺ ꓒ ꓓꓽ ꓣꓲꓚꓚꓮꓣꓓꓳ ꓡꓮꓟꓐꓮ ꓡꓰ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓬꓰ ꓖꓶ_ ꓟ ꓟꓲ‐ꓢ ꓪꓽ ꓘꓴ ꓙꓵ, ꓗꓪ ꓦ ꓕꓲ ꓒꓳ, ꓗꓪ ꓐꓰ ꓕꓲ ꓪ ꓐ ꓔꓬ ꓡꓳ꓾ ꓐꓰ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓫꓵꓻ ꓡꓰ ꓢꓴ ꓐꓴ ꓬꓲ ꓪ ꓕꓲ ꓦꓲꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓐꓰ ꓠꓲ, ꓠꓵꓻ ꓢꓴ ꓐꓴ ꓔꓯ ꓞꓳ. ꓡꓰ ꓟ ꓑꓶ ꓓꓴ ꓠꓲ, ꓫ. ꓟꓬ ꓫ. ꓔꓬ ꓢꓴ ꓐꓴ ꓐꓱ ꓶ ꓠꓲ, ꓗꓳ ꓟꓬ ꓗꓳ ꓘꓶꓽ ꓫ ꓕꓱ ꓗꓷ ꓟ ꓥꓳ꓿
ꓚꓮꓣꓓꓲꓠꓮꓡ ꓑꓲꓰꓔꓣꓳ ꓑꓮꓣꓳꓡꓲꓠ ꓡꓰ ꓐꓯ ꓔ ꓟ ꓗꓪ ꓟꓵꓽ ꓙꓴꓽ ꓚꓵ, ꓓꓴ ꓗꓷ ꓡꓰ ꓔꓬ ꓟ ꓙꓵ, ꓗꓪ ꓕꓲ ꓣꓳ ꓛꓳ ꓕꓲ ꓣꓳ ꓬꓰ ꓙ ꓔꓳ, ꓙ ꓟ ꓔꓯ ꓬꓲꓼ ꓠꓬꓲ. ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓕꓲ ꓗꓴꓷꓼ ꓡꓲ ꓕꓲ ꓗꓴꓷꓼ ꓗꓪ ꓐꓰ ꓡ ꓢꓲ ꓬꓰ ꓙ ꓔꓳ, ꓙ ꓡ ꓢꓴ ꓮ ꓙꓵ ꓔꓯ ꓫ. ꓟꓳ ꓘꓶꓽ ꓐꓯ ꓢꓲ꓾ ꓫꓱ. ꓖꓶ ꓗꓷ ꓟ ꓥꓳ꓿
