ꓣꓳ ꓔꓬ ꓟ ꓟꓵꓽ ꓗꓪ ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓡ ꓟ ꓚꓱ, (Urban Heat & Our Future)
ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓗꓪ ꓐꓰ ꓣꓳꓔꓬ ꓟ ꓟꓵꓽ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓫꓵꓽ ꓑꓶ. ꓓꓴ ꓞ ꓡ ꓟ ꓚꓱ, ꓔꓯ ꓐꓯ ꓟ. ꓖꓶ ꓓꓴ ꓥ ꓡꓳ꓿
ꓣꓳ ꓔꓬ ꓟ ꓟꓬ‐ꓟ ꓗꓴꓷꓼ ꓗꓪ ꓥ ꓟꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓶ ꓞ ꓮ ꓘꓶ. ꓞ ꓡ ꓟ ꓔꓯ ꓣꓳ ꓢꓷ. ꓟ ꓥ ꓡꓳ꓿ ꓣꓳ ꓔꓬ ꓟ ꓦꓲꓻ ꓬꓲ ꓐ ꓢꓲ ꓠꓬꓲ ꓗꓪ ꓙꓰ ꓟ ꓙꓵ, ꓔꓯ ꓮ ꓘꓶ. ꓛꓲ ꓡ ꓟ ꓔꓯ ꓣꓳ ꓔꓳ, ꓜꓳ ꓟ ꓥ ꓡꓳ꓿
ꓣꓳ ꓔꓬ ꓟ ꓟꓵꓽ ꓗꓪ ꓝꓮꓲ ꓡꓳ ꓒꓱ ꓓꓽ ꓗꓪ ꓢꓲ, ꓜꓲ ꓮ ꓘꓶ. ꓟꓽ ꓙꓳ ꓗꓷ ꓡꓰ ꓟ꓾ ꓟꓳ‐ꓓꓳ ꓮ ꓘꓶ. ꓙꓳ ꓟ꓾ ꓙꓼ ꓦꓲꓻ ꓮ ꓟꓬ, ꓙꓳ ꓟ ꓪꓴꓽ ꓠꓬꓲ ꓕꓱ ꓡꓰ ꓫꓵꓽ ꓐꓴ ꓠꓬ ꓟꓶ ꓞ ꓔꓯ ꓮ ꓘꓶ. ꓞ ꓡ ꓝꓲ ꓟ ꓥ ꓡꓳ꓿
ꓖꓳ ꓡꓱ ꓠꓬꓲ ꓣꓳ ꓐꓴ ꓣꓳ ꓔꓬ ꓟ ꓟꓵꓽ ꓗꓪ ꓟꓵꓽ ꓞ ꓮ ꓘꓶ. ꓟꓽ ꓞ ꓡ ꓠ, ꓟ ꓮ ꓡꓲ ꓐꓰ ꓟꓬꓱꓽ ꓬꓰ ꓠ, ꓟ ꓚꓱ,
1. ꓠꓬ (ꓖꓣꓰꓰꓠ ꓢꓑꓮꓚꓰꓢꓰꓢ) ꓐꓯ ꓟ ꓡꓳ ꓒꓱ ꓗꓪ ꓠꓲ, ꓛꓵꓽ ꓛꓵꓽ ꓔ ꓟ ꓢꓲ, ꓪꓰ ꓐꓱ ꓝꓮꓲ ꓡꓳ ꓒꓱ ꓗꓪ ꓢꓲ, ꓜꓲ ꓮ ꓟꓬ ꓔꓶ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿ ꓣꓳ ꓔꓬ ꓟ ꓦꓲꓻ ꓒ ꓕꓲ ꓗꓪ ꓙ ꓖꓴ ꓮ ꓙꓵꓽ ꓢꓲ, ꓜꓲ ꓮ ꓟꓬ, ꓔꓶ ꓠ, ꓟ ꓥ ꓡꓳ꓿
2, ꓠꓬ (ꓚꓳꓳꓡ ꓢꓴꓣꓝꓮꓚꓰ) ꓐꓯ ꓟ ꓭ ꓦꓲꓻ ꓓꓽ ꓗꓪ ꓒꓴ ꓒꓴ ꓔ ꓟ ꓠꓱ. ꓠꓯꓼ ꓤ. ꓔ ꓠꓬ ꓮ ꓘꓶ. ꓛꓲ ꓞ, ꓟ ꓔꓯ ꓣꓳ ꓡꓰ ꓝꓲ. ꓟ ꓥ ꓡꓳ꓿
3, ꓠꓬ ꓣꓳ ꓔꓬ ꓟ ꓦꓲꓻ ꓗꓪ ꓟꓲ ꓦꓲꓻ ꓓꓵꓽ ꓡ ꓟ ꓠ, ꓙꓲ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿ ꓦꓲꓻ ꓕꓲ ꓦꓲꓻ ꓐꓰ ꓕꓲ ꓦꓲꓻ ꓟꓽ ꓞꓲ ꓡꓰ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓦꓲꓻ ꓡ ꓠ, ꓟ ꓙꓲˍ ꓕꓯ ꓠꓬ ꓞ ꓢꓯꓼ ꓔꓯ ꓮ ꓘꓶ. ꓟꓽ ꓙꓳ ꓡꓰ ꓝꓲ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓞꓳ ꓡꓱ ꓞꓳ ꓡꓯ. ꓐꓴ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓠ,ꓟ ꓟꓬꓱꓽ ꓔꓯ ꓣꓳ ꓬꓰ ꓡꓯ꓿
ꓕꓱ ꓡꓰ ꓐꓰ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓠ, ꓟ ꓣꓳ ꓔꓬ ꓟ ꓗꓴꓷꓼ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓡ ꓟ ꓔꓯ ꓗꓽ ꓕꓽ ꓠ, ꓟ ꓔꓯ ꓣꓳ ꓗꓪ ꓐꓰ ꓪꓴ. ꓔꓴ ꓢꓲ ꓠꓬꓲ ꓟꓬꓱꓽ ꓬꓰ ꓓꓴ ꓬꓰ ꓡꓯ꓿
ꓕꓱ ꓡꓱ ꓐꓰ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓐꓰ ꓕꓲ ꓪ ꓟꓬꓱꓽ ꓬꓰ ꓢꓲ ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓠ, ꓟ ꓢꓯꓼ ꓕꓵꓼ ꓡꓯ꓿
ꓣꓳ ꓔꓬ ꓟ ꓦꓲꓻ ꓒ ꓕꓲ ꓗꓪ ꓢꓲ, ꓜꓲ ꓮ ꓟꓬ, ꓔꓶ ꓓꓴ ꓬꓰ ꓡꓯ꓿
ꓮ ꓔꓳ ꓙꓼ ꓔꓯ ꓮ ꓘꓶ. ꓟꓽ ꓣꓱ ꓟ ꓠꓬ ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓡ ꓟ ꓔꓯ ꓗꓽ ꓕꓽ ꓟ ꓟꓲ ꓥ ꓡꓳ꓿ ꓢꓳꓡꓮꓣ ꓔꓯ ꓮ ꓟꓬ, ꓣꓱ ꓠ,ꓟ ꓣꓳ ꓢꓯꓼ ꓕꓵꓼ ꓡꓯ꓿
