ꓬꓲꓻ ꓙꓬ ꓘꓴꓽ ꓗꓪ ꓔꓬ ꓟ ꓢꓯ. ꓫꓵꓽ ꓐꓴ ꓫꓵꓻ ꓡꓰ ꓟ ꓐꓬ ꓡꓰ ꓟ ꓚꓱ, (Lose biodiversity)
ꓟꓲ ꓠꓯ ꓗꓪ ꓬꓲꓻ ꓙꓬ ꓘꓴꓽ ꓗꓪꓢꓯ. ꓫꓵꓽ ꓢꓯ. ꓙꓵꓽ ꓮ ꓟꓬ, ꓔꓬ ꓟ ꓐꓰ ꓕꓲ ꓐꓱ ꓔꓯ ꓠꓬ ꓬꓲ ꓟꓬꓱꓺ ꓡꓰ ꓟꓽ ꓢꓷ. ꓟ ꓢꓯ. ꓫꓵꓽ ꓮ ꓟꓬ, ꓔꓬ ꓟ ꓔꓯ ꓥ ꓟꓲ ꓙꓳ ꓡꓳ ꓐꓰ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓐꓯ ꓔ ꓡꓳ꓿ ꓕꓱ ꓐꓱ ꓢꓯ. ꓫꓵꓽ ꓢꓯ. ꓙꓵꓽ ꓐꓴ ꓠꓬ ꓬꓲ ꓟꓬꓱꓺ ꓡꓰ ꓟꓽ ꓢꓷ. ꓕꓯ ꓡꓰ ꓫꓵꓻ ꓡꓰ ꓟ ꓐꓬ ꓡꓰ ꓟ ꓔꓯ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓠꓲ, ꓟ ꓟꓽ ꓢꓽ ꓓꓽ ꓟ ꓙꓳ ꓟ ꓥ ꓡꓳ꓿
ꓠꓬꓲ. ꓠꓬꓲ ꓬꓲꓻ ꓙꓬ ꓘꓴꓽ ꓗꓪ ꓔꓬ ꓟ ꓢꓯ. ꓫꓵꓽ ꓔꓯ ꓐꓬ ꓡꓰ ꓝꓲ ꓟ ꓫꓵꓻ ꓡꓰ ꓝꓲ ꓟ ꓠꓬ ꓙꓼ ꓒꓱ ꓝꓮꓲ ꓙꓼ ꓶꓻ ꓤ ꓑꓶ. ꓓꓴ ꓥ ꓡꓳ꓿ ꓙꓼ ꓶ ꓤ ꓗꓪ ꓐꓰ ꓓꓳ ꓡ ꓟ ꓟꓽ ꓫꓬ, ꓟ ꓬꓲꓻ ꓙꓬ ꓟꓽ ꓫꓬ, ꓟ ꓟꓵꓽ ꓘꓴꓽ ꓡꓰ ꓬꓲꓻ ꓙꓬ ꓗꓪ ꓔꓬ ꓟ ꓢꓯ. ꓫꓵꓽ ꓔꓯ ꓫꓵꓻ ꓡꓰ ꓝꓲ ꓟ ꓟꓶ ꓡꓰ ꓝꓲ ꓓꓴ ꓒꓬꓱꓼ ꓡꓰ ꓝꓲ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓓꓳꓼ ꓙꓳ ꓡꓰ ꓟ ꓪꓴ. ꓠꓬꓲ ꓢꓯ. ꓫꓵꓽ ꓐꓴ ꓠꓬ ꓫꓵꓻ ꓡꓰ ꓟ ꓟꓽ ꓫꓵꓻ ꓥ ꓟꓲ ꓡ ꓞꓳ ꓜꓽ ꓟꓽ ꓙꓲ ꓟ ꓒꓬꓱꓼ ꓡ ꓟ ꓥ ꓡꓳ꓿
ꓕꓱ ꓡꓰ ꓐꓰ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓟ ꓬꓲꓻ ꓙꓬ ꓬꓲꓻ ꓡꓳ ꓐꓱ ꓘꓴꓽ ꓗꓪ ꓬꓲꓻ ꓙꓬ ꓔꓯ ꓐꓬ ꓡꓰ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓐꓳ ꓑꓳ ꓢꓲ ꓠꓬꓲ ꓥꓪ. ꓧꓪ. ꓟ ꓝꓮꓲ ꓙꓼ ꓖꓴ ꓫꓬ, ꓟ ꓙꓵ, ꓕꓯ ꓐꓳ ꓔꓯ ꓣꓱ ꓟ ꓪꓴ. ꓠꓬꓲ ꓬꓲꓻ ꓙꓬ ꓗꓪ ꓔꓬ ꓟ ꓢꓯ. ꓫꓵꓽ ꓔꓯ ꓟꓶ ꓡꓰ ꓝꓲ ꓟ ꓐꓬ ꓡꓰ ꓝꓲ ꓟ ꓒꓬꓱꓼ ꓡ ꓝꓲ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲꓻ ꓙꓬ ꓘꓴꓽ ꓗꓪ ꓔꓬ ꓟ ꓢꓯ. ꓫꓵꓽ ꓢꓯ. ꓙꓵꓽ ꓔꓯ ꓟꓽ ꓟꓶ ꓡꓰ ꓠ, ꓟ ꓟꓽ ꓐꓬ ꓡꓰ ꓠ, ꓟ ꓤ ꓟꓳ ꓓꓴ ꓬꓰ ꓡꓯ꓿ ꓪꓴ‐ꓢ ꓡꓰ ꓚꓰ ꓔ ꓟ ꓢꓯ. ꓫꓵꓽ ꓮ ꓙꓵꓽ ꓔꓯ ꓞꓳ ꓒꓵꓽ ꓡꓯ꓿ ꓫ. ꓟꓳ ꓪ꓿
