ꓠꓬꓲ. ꓠꓬꓲ ꓠꓬ ꓫ. ꓢꓴ ꓟꓷꓼ ꓢꓴ ꓐꓰ ꓫ. ꓕꓱˍꓟ ꓚꓱ, ꓗꓪ ꓐꓰ ꓗ‐ꓕꓳ‐ꓡꓲꓘ ꓘꓴꓽ ꓜꓲꓼ ꓳꓳ ꓗꓪ ꓐꓰ ꓟ. ꓖꓶ ꓡˍꓟ ꓫ. ꓢꓴ ꓟꓷꓼ ꓢꓴ ꓐꓴ ꓚꓱ, ꓗꓪ ꓐꓰ ꓝ. ꓢꓲ꓾ ꓠꓽ ꓠ ꓓꓴ ꓬꓰ ꓡꓯ꓿ꓣꓳ ꓘꓴꓽ ꓜꓲꓼ ꓞꓳ ꓗꓪ ꓐꓰ ꓫ. ꓢꓴ ꓟꓷꓼ ꓢꓴ ꓔꓯ ꓚꓳ. ꓙꓰ ꓙꓳ ꓢꓲ꓾ ꓮꓽ ꓡꓰ ꓐꓯ ꓔꓽ ꓡ? ꓐꓯ ꓠꓬ ꓥꓽ ꓡꓳ꓾ ꓬꓲ. ꓪ ꓔꓯ ꓬꓰ ꓙ ꓠ, ꓟ ꓡꓳ. ꓙ ꓠ, ꓟ ꓐꓯ ꓔꓽ ꓟ ꓔꓯ ꓣꓳ ꓡꓳ. ꓟꓳ ꓪ ꓡꓳ꓿ ꓟꓬ ꓠꓬꓲ ꓐꓭ ꓠꓬꓲ ꓘꓴꓽ ꓜꓲꓼ ꓞꓳ ꓗꓪ ꓐꓰ ꓣꓳ ꓔꓯ ꓢꓯꓼ ꓖꓶ ꓔꓽ ꓟ ꓠꓬ ꓮꓽ ꓫꓵꓽ ꓑꓶ. ꓓꓴ ꓫ. ꓢꓴ ꓟꓷꓼ ꓢꓴ ꓒꓬꓱꓼ ꓔꓬ ꓡ? ꓖꓳ ꓡꓰ ꓗꓷ ꓡꓰ ꓝꓲˍꓟ ꓠꓬ ꓮꓽ ꓫꓵꓽ ꓥ ꓡ? ꓢꓷ. ꓠꓲ., ꓥ ꓡ? ꓮꓽ ꓡꓰ ꓟ ꓔꓯ ꓶ ꓙꓳˍꓡ? ꓐꓯˍꓟ ꓚꓱ, ꓔꓯ ꓠꓽ ꓠꓬꓲ ꓝꓲ ꓠꓲ., ꓫꓵˍꓟ ꓥ ꓡꓳ꓿
ꓕꓱ ꓟ ꓕꓯ ꓢꓲ ꓪꓴˍꓟ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓠꓬ ꓫꓵꓼ ꓪꓴ ꓟꓽ ꓥ꓾ ꓬꓲꓽ ꓪ ꓠꓬ ꓪꓴ‐ꓢ ꓒꓬꓱꓼ ꓔꓯ ꓚꓳ ꓢꓲ꓾ ꓚꓰꓼ ꓔꓽ ꓟ ꓥ ꓡꓳ꓿ ꓒꓴ ꓠꓲ., ꓙꓳˍꓟ ꓞꓳ ꓤ ꓥ ꓡꓳ꓿ ꓣꓳ ꓟꓲ ꓠꓯ ꓞꓳ ꓤ ꓤꓶ., ꓗꓪ ꓠꓬ ꓫꓵꓼ ꓪꓴ ꓓꓴ ꓡ ꓗꓴ. ꓡꓳ꓿ ꓫꓵꓼ ꓪꓴ ꓓꓴ ꓡ ꓕꓯ ꓕꓱ ꓟ ꓔꓯ ꓧꓪ ꓡꓰ ꓠ, ꓟ ꓬꓲ. ꓚꓱ, ꓧꓪ ꓔꓬ ꓡꓳ꓿ ꓖꓳ ꓡꓰ ꓐꓯ ꓥˍꓟꓲ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓟꓳ ꓕꓯ ꓕꓱ ꓟ ꓠꓬ ꓫꓵꓽ ꓪꓴ ꓟꓽ ꓥ꓾ ꓐꓰ ꓗ‐ꓕꓳ꓿ꓡꓲꓘ ꓘꓴꓽ ꓜꓲꓼ ꓞꓳ ꓗꓪ ꓐꓰ ꓣꓳ ꓔꓯ ꓟ. ꓖꓶ ꓔꓽ ꓟ ꓥ ꓡꓳ꓿ ꓖꓳ ꓡꓰ ꓠꓬꓲ ꓣꓳ ꓕꓱ ꓡꓱ ꓐꓰ ꓐꓯ ꓕꓯ ꓫ. ꓢꓴ ꓟꓷꓼ ꓢꓴ ꓠꓯ.ꓼ ꓘꓴ ꓗꓪ ꓪꓴ‐ꓢ ꓦ ꓒꓬꓱꓼ ꓙꓳ ꓡꓳ꓾ ꓐꓰ ꓘꓴꓽ ꓜꓲꓼ ꓞꓳ ꓡꓰ ꓣꓳ ꓔꓯ ꓟ. ꓖꓶ ꓡ, ꓟ ꓔꓯ ꓙ ꓟꓶ ꓠꓽ ꓗ. ꓡꓳ꓿
ꓫ.ꓢꓴ ꓟꓷꓼ ꓢꓴ ꓐꓴ ꓔꓯ ꓪꓴ‐ꓢ ꓠꓲ., ꓟ ꓘꓴꓽ ꓗꓪ ꓗꓷ ꓔꓽ ꓟ ꓔꓯ ꓣꓳ ꓡꓳ. ꓟꓳ ꓡꓳ꓿ ꓢꓲꓽ ꓒ ꓬꓰ‐ꓢꓴ ꓬꓲ. ꓟ. ꓟꓲ ꓚ. ꓓꓴ ꓡ ꓕꓯ ꓥˍꓟꓲ ꓫ. ꓢꓴ ꓟꓷꓼ ꓢꓴ ꓔꓯ ꓧꓶꓽ ꓕꓯ ꓬꓲ. ꓠꓬꓲ ꓚ ꓟ. ꓖꓶ ꓔꓬ ꓟ ꓔꓯ ꓣꓳ ꓡꓳ. ꓟꓳ ꓪꓽ ꓡꓳ꓿ ꓖꓳ ꓡꓰ ꓠꓬꓲ ꓬꓲꓽ ꓤ ꓠꓬꓲ ꓤ ꓐꓴꓳ꓾ ꓫ. ꓢꓴ ꓟꓷꓼ ꓢꓴ ꓐꓯˍꓟ ꓠꓬ ꓫꓵꓼ ꓪꓴ ꓟꓽ ꓥ꓾ ꓬꓲꓽ ꓪ ꓠꓬ ꓒꓴ ꓙꓳ ꓢꓴ ꓐꓴ ꓕꓯ ꓢꓲ ꓶ ꓙꓳ ꓫꓱꓼ ꓙꓳ ꓡꓳ꓿
