ꓝꓣꓮꓠꓚꓰ ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ ꓔꓲꓺ ꓒ ꓪ ꓔꓲ ꓚꓳ ꓙꓰ ꓠ, ꓟ ꓚꓺ ꓟꓲꓽ ꓚꓱ, ꓔꓯ ꓐꓯ ꓑꓶ_ ꓟ꓾

ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓔꓲꓺ ꓒ ꓪ ꓔꓲ ꓡꓰꓳ 5 ꓧꓪ, ꓕꓲꓽ ꓧꓪ, ꓟ ꓢ‐ꓢꓲ‐ꓠ ꓶꓼ ꓓꓳꓽ ꓫꓱ, ꓓꓳꓽ ꓚꓳ ꓙꓰ ꓠ, ꓟ ꓚꓱ, ꓔꓯ ꓐꓯ ꓑꓶ ꓗꓷ ꓟ ꓥꓳ꓿ 9 ꓦ ꓟ 25 ꓠꓬꓲ ꓗꓪ ꓐꓰ 28ꓠꓬꓲ ꓗꓪ ꓛꓲ 4 ꓠꓬꓲ ꓘꓴꓽ ꓗꓪ ꓔꓲꓺ ꓒ ꓪ ꓔꓲ ꓠꓬ ꓑꓮꓣꓲꓢ꓾ꓢꓮꓲꓠꓔ‐ꓓꓰꓠꓲꓢ꓾ ꓡꓳꓴꓣꓓꓰꓢ ꓐꓰ ꓟꓰꓔꓜ ꓡꓳ ꓒꓱ ꓗꓪ ꓚꓳ ꓙꓰ ꓠ, ꓟ ꓥꓳ꓿

ꓕꓱ ꓟ ꓗꓪ ꓠꓬ 2008 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓐꓰꓠꓰꓓꓲꓚꓔ ꓫꓦꓲ ꓡꓰ ꓚꓳ ꓙꓰ ꓗ. ꓠꓯ. ꓝꓣꓮꓠꓚꓰ ꓗꓴꓷꓼ ꓗꓪ ꓬꓲ. ꓪꓴ. ꓕꓲꓽ ꓧꓪ, ꓟ ꓚꓳ ꓙꓰ ꓟ ꓚꓺ ꓟꓲꓽ ꓬꓲ. ꓚꓱ, ꓥ ꓡꓳ꓿

9 ꓦ ꓟ 24 ꓠꓬꓲ (ꓠꓽ ꓥꓪꓽ ꓠꓬꓲ)꓾ ꓝꓣꓮꓠꓚꓰ ꓐꓰ ꓢꓮꓲꓠꓔ‐ꓓꓰꓠꓲꓢ

‐ ꓠꓯꓼ 10 ꓙꓵ, ꓕꓯ ꓣꓳ‐ꓟ ꓡꓳ ꓒꓱ ꓗꓪ ꓐꓰ ꓑꓮꓣꓲꓢ ꓡꓳ ꓒꓱ ꓳꓣꓡꓬ ꓙꓱꓻ ꓦꓲꓻ ꓠꓽ ꓔꓶ. ꓗꓪ ꓛꓲ ꓓꓴ ꓥꓳ꓿

‐ ꓰꓡꓬꓢꓰꓰ ꓑꓮꓡꓮꓚꓰ ꓗꓪ ꓗꓴꓷꓼ ꓙꓵꓽ ꓢꓲ ꓒꓽ ꓰꓟꓮꓠꓴꓰꓡ ꓟꓮꓚꓣꓳꓠ ꓐꓰ ꓜꓲ ꓓꓴ ꓥ ꓡꓳ꓿

‐ ꓠꓳꓔꓣꓰ‐ꓓꓮꓟꓰ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓓꓴ ꓥ ꓡꓳ꓿

‐ ꓢꓮꓲꓠꓔ‐ꓓꓰꓠꓲꓢ ꓗꓪ ꓔꓬ ꓟ ꓢꓔꓮꓓꓰ ꓓꓰ ꓝꓣꓮꓠꓚꓰ ꓡꓳ ꓖꓪ ꓔꓶ. ꓗꓪ ꓞꓳ ꓡꓱ ꓤ ꓐꓴ ꓐꓰ ꓕꓲꓽ ꓪ ꓪꓽ ꓘꓴ ꓓꓴ ꓥ ꓡꓳ꓿

9 ꓦ 26 (ꓠꓽ ꓛꓳꓼ ꓠꓬꓲ)꓾ ꓑꓮꓣꓲꓢ ꓐꓰ ꓡꓳꓴꓣꓓꓰꓢ ꓬꓰ ꓙ ꓔꓳ, ꓙ ꓟ ꓔꓶ. ꓗꓪ ꓙꓰ ꓓꓴ ꓥꓳ꓿ ꓗ‐ꓕꓳ‐ꓡꓲꓗ ꓢꓷ. ꓠꓲ, ꓢꓳ ꓔꓶ. ꓗꓪ ꓜꓲ ꓓꓴ ꓥ ꓡꓳ꓿ ꓑꓡꓮꓚꓰ ꓓꓰ ꓡꓮ ꓚꓳꓠꓚꓳꓣꓓꓰ ꓗꓪ ꓟꓲ‐ꓢ ꓪꓽ ꓘꓴ ꓓꓴ ꓥꓳ꓿ ꓡꓳꓴꓣꓓꓰꓢ ꓡꓳ ꓒꓱ ꓗꓪ ꓛꓲ ꓢꓲ ꓟ, ꓟ ꓟ‐ꓡꓲ ꓭ. ꓛꓲ ꓗꓪ ꓪꓽ ꓘꓴ ꓓꓴ ꓥꓳ꓿

9 ꓦ 27 (ꓠꓽ ꓦꓬꓼ ꓠꓬꓲ) ꓡꓳꓴꓣꓓꓰꓢ ꓝꓣꓮꓠꓚꓰ ꓔꓲꓺ ꓒ ꓓꓽ ꓐꓴ ꓐꓰ ꓜꓲ ꓢꓲ ꓙꓲ‐ꓢꓴ ꓢꓲ ꓤ ꓐꓴ ꓐꓱ ꓶ ꓟꓲ‐ꓢ ꓪꓽ ꓘꓴ ꓖꓶ ꓓꓴ ꓥ ꓡꓳ꓿ ꓮꓚꓚꓴꓰꓲꓡ ꓠꓳꓔꓣꓰ ꓓꓮꓟꓰ ꓗꓪ ꓔꓬ ꓟ ꓟꓬꓱꓽ ꓬꓰ ꓢꓴ ꓐꓴ ꓐꓰ ꓠꓻ ꓢꓴ ꓐꓴ ꓔꓯ ꓜꓲ ꓓꓴ ꓥꓳ꓿ ꓟꓶꓽ ꓘꓶꓼ ꓙꓵ, ꓕꓯ ꓣꓳꓢꓮꓣꓬ ꓪꓽ ꓘꓴ ꓓꓴ ꓥꓳ꓿

9 ꓦ 28 (ꓠꓽ ꓕꓲꓽ ꓠꓬꓲ) ꓟꓰꓔꓜ ꓗꓪ ꓐꓰ ꓣꓳ‐ꓟ ꓘꓴ ꓜꓲꓼ ꓞꓳ ꓮ ꓙꓵ ꓜꓲ ꓶꓯ ꓘꓳ_ ꓟ ꓗꓪ ꓜꓲꓼ ꓓꓴ ꓥꓳ꓿ ꓢꓮꓲꓠꓔ ꓢꓔꓰꓑꓧꓰꓠ ꓪꓽ ꓘꓴ ꓦꓲꓻ ꓗꓪ ꓟꓲ‐ꓢ ꓪꓽ ꓘꓴ ꓖꓶ ꓓꓴ ꓥꓳ꓿ ꓟꓶꓼ ꓘꓶꓼ 7 ꓙꓵ, ꓕꓯ ꓣꓳ‐ꓟ ꓗꓪ ꓡ ꓙꓰ ꓓꓴ ꓥ ꓡꓳ꓿

ꓕꓱ ꓟꓲ ꓠꓯ ꓢꓯ. ꓔꓬ ꓐ ꓡ ꓠ, ꓟ ꓐꓰ ꓥꓳ ꓡꓳ. ꓓꓴ ꓐꓰ ꓫꓱ, ꓡꓯ ꓘꓳ ꓠ, ꓟ ꓐꓱ ꓶ ꓡꓵ. ꓔꓴ ꓟ ꓬꓲ. ꓕꓲ ꓟꓴ ꓐꓰ ꓥ ꓡꓳ꓿  ꓔꓲꓺ ꓒ ꓪ ꓔꓲ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓟꓽ ꓔꓱ, ꓟ ꓔꓳ, ꓜꓳ ꓡꓰ ꓢꓴ ꓐꓴ ꓐꓰ ꓥ ꓟꓲ ꓜꓲ ꓠ, ꓟ ꓙ ꓖꓶ ꓔ ꓟ