ꓟꓲ ꓠꓯ ꓗꓪ ꓟꓬꓱꓺ ꓓꓳꓽ ꓮ ꓘꓶ. ꓙꓳ ꓟ ꓛꓵ ꓠꓲꓻ ꓚꓳꓟꓑꓮꓠꓬ ꓔꓯ ꓔꓶ ꓢꓴ ꓚꓱ, (Phiꓡ Knight)
ꓧꓪ. ꓧꓪ ꓠꓬꓲ. ꓠꓬꓲ ꓟꓬꓱꓺ ꓓꓳꓽ ꓙꓳ ꓢꓴ ꓚꓺ ꓟꓲꓽ ꓚꓱ, ꓗꓪ ꓐꓰ ꓟꓲ ꓠꓯ ꓗꓪ ꓟꓬꓱꓺ ꓓꓳꓽ ꓮ ꓘꓶ. ꓙꓳ ꓟ ꓠꓲꓗꓰ ꓛꓵ ꓠꓲꓻ ꓚꓳꓟꓑꓮꓠꓬ ꓔꓯ ꓔꓶ ꓓꓴ ꓑꓧꓲ ꓗꓠꓲꓖꓧꓔ ꓚꓺ ꓟꓲꓽ ꓔꓯ ꓚꓺ ꓟ. ꓖꓶ ꓓꓴ ꓥ ꓡꓳ꓿
ꓠꓬꓲ. ꓠꓬꓲ ꓟꓲ ꓠꓯ ꓗꓪ ꓔꓬ ꓟ ꓡ ꓞꓳ ꓮ ꓙꓵꓽ ꓢꓴ ꓐꓴ ꓠꓬ ꓠꓲꓗꓰ ꓛꓵ ꓠꓲꓻ ꓔꓯ ꓢꓷ. ꓢꓴ ꓐꓴ ꓡꓰ ꓥ ꓡꓳ꓿ ꓠꓴ ꓥꓪ ꓥ ꓟꓲ ꓠꓲꓗꓰ ꓛꓵ ꓠꓲꓻ ꓔꓯ ꓓꓱ ꓠꓬꓲ ꓗꓷ ꓡ?
ꓕꓱ ꓠꓲꓗꓰ ꓛꓵ ꓠꓲꓻ ꓠꓬ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓒꓵꓽ ꓟ ꓛꓵ ꓠꓲꓻ ꓚꓳꓟꓑꓮꓠꓬ ꓔꓯ ꓔꓶ ꓢꓴ ꓠꓬ ꓟꓳ‐ꓓꓳ ꓘꓴꓽ ꓗꓪ ꓛꓵ ꓠꓲꓻ ꓔꓯ ꓪꓴꓽ ꓔꓴ ꓡꓳ ꓐꓰ ꓐꓯ ꓠꓬ ꓠꓴ ꓙꓵꓻ ꓡ?
ꓠꓬꓲ. ꓠꓬꓲ ꓠꓬ ꓠꓲꓗꓰ ꓛꓵ ꓠꓲꓻ ꓚꓳꓟꓑꓮꓠꓬ ꓔꓯ ꓔꓶ ꓢꓴ ꓠꓬ ꓮ ꓡꓲ ꓐꓰ ꓫ. ꓓꓴ ꓔꓯ ꓧꓪ. ꓡꓰ ꓚꓱ, ꓔꓯ ꓣꓳ ꓐꓴ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓓꓽ ꓪꓴ. ꓔꓴ ꓗꓷ ꓟ ꓙꓵ, ꓔꓯ ꓬꓲ ꓠꓬ ꓮ ꓘꓶ. ꓛꓲ ꓠꓲ, ꓟ ꓫ. ꓓꓴ ꓔꓳ, ꓜꓳ ꓡꓰ ꓪ꓿ ꓑꓧꓲꓡ ꓗꓠꓲꓖꓧꓰ ꓠꓬ ꓢꓳꓻ ꓦꓲꓻ ꓗꓪ ꓢꓳꓻ ꓟ ꓙꓳ ꓟ ꓙꓵ, ꓕꓯ ꓬꓲ ꓠꓬ ꓔꓶ ꓔꓯꓺ ꓡꓯꓽ ꓘꓳ, ꓟ ꓗꓪ ꓐ ꓢꓴ ꓕꓲ ꓣꓳ ꓥ ꓡꓳ꓿
ꓬꓲ ꓠꓬ ꓔꓶ ꓔꓯꓺ ꓡꓯꓽ ꓘꓳ, ꓟ ꓑꓮꓲꓽ ꓐꓱ ꓶ ꓙ ꓖꓶ ꓔꓬ ꓟ ꓙꓵ, ꓕꓯ ꓬꓲ ꓒꓵꓽ ꓮ ꓘꓶ. ꓟꓽ ꓐꓯ ꓟ ꓛꓵ ꓠꓲꓻ ꓠꓬ ꓮ ꓡꓲ ꓐꓰ ꓪꓽ ꓓ ꓢꓰ ꓐꓰ ꓓꓴ ꓙ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓬꓲ ꓒꓴꓽ ꓥ ꓟꓲ ꓮ ꓘꓶ. ꓟꓽ ꓐꓯ ꓛꓵ ꓠꓲꓻ ꓥ ꓟꓲ ꓙꓲ ꓟ ꓛꓵ ꓠꓲꓻ ꓪ ꓠ, ꓟ ꓓꓴ ꓙ ꓗꓷ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ 1964 ꓘꓳꓼ ꓕꓯ ꓬꓲ ꓠꓬ ꓬꓲ ꓐ, ꓐ, ꓒꓴ (ꓴꓢꓮ) ꓒꓴ (50) ꓒꓯ, ꓛꓵꓽ ꓢꓲ ꓠꓬꓲ ꓙꓮꓑꓮꓠ ꓗꓴꓷꓼ ꓳꓠꓲꓔꓢꓴꓗꓮ ꓔꓲꓖꓰꓣ ꓛꓵ ꓠꓲꓻ ꓴꓢꓮ ꓗꓴꓷꓼ ꓗꓪ ꓪꓴꓽ ꓠ, ꓟ ꓪꓽ ꓡꓯꓽ ꓘꓳ, ꓗꓷ ꓟ ꓥ ꓡꓳ꓿
ꓖꓳ ꓕꓲ ꓙꓵ, ꓗꓪ ꓬꓲ ꓔꓯ ꓔꓶ ꓔꓯꓺ ꓡꓯꓽ ꓘꓳ, ꓟ ꓗꓪ ꓟ. ꓖꓶ ꓢꓴ ꓟ. ꓒ ꓐꓰ ꓔ ꓢꓲ ꓠꓬꓲ ꓐꓡꓴꓣꓰ ꓣꓲꓐꓐꓳꓠ ꓢꓑꓳꓣꓔꓢ ꓟꓬꓱꓺ ꓔ ꓟ ꓚꓳꓟꓑꓮꓠꓬ ꓔꓯ ꓒꓴ ꓗꓷꓳ꓿ ꓕꓱ ꓡꓱ ꓐꓰ ꓚꓳꓟꓑꓮꓠꓬ ꓔꓯ ꓒꓴ ꓗꓷ ꓥ ꓟꓲ ꓶꓻ ꓤ ꓛ ꓠ, ꓟ ꓙꓵꓽ ꓔꓶ ꓟꓽ ꓥꓪ. ꓘꓴ ꓢꓲ ꓟ ꓪꓴ. ꓠꓬꓲ ꓟꓳ‐ꓓꓳ ꓘꓴꓽ ꓗꓪ ꓡꓰ ꓶꓻ ꓤ ꓔꓯ ꓘꓶ ꓔ ꓢꓲ ꓠꓬꓲ ꓪꓴꓽ ꓗꓷꓳ꓿
ꓠꓲꓗꓰ ꓚꓳꓟꓑꓮꓠꓬ ꓮ ꓡꓲ ꓐꓰ ꓒꓬꓱꓼ ꓡ ꓟ ꓚꓱ, ꓔꓯ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓑꓧꓲꓡ ꓠꓬ ꓠꓲꓗꓰ ꓛꓵ ꓠꓲꓻ ꓚꓳꓟꓑꓮꓠꓬ ꓟꓬꓱꓽ ꓔꓯ ꓒꓴ ꓗꓷ ꓙꓵ, ꓕꓯ ꓢꓽ ꓢꓽ ꓡꓰ ꓬꓰ ꓒꓬꓱꓼ ꓡ ꓟ ꓟꓽ ꓥ꓿ ꓬꓲ ꓠꓬ ꓴꓢꓮ ꓗꓴꓷꓼ ꓗꓪ ꓐꓰ ꓙꓮꓑꓮꓠ ꓗꓴꓷꓼ ꓗꓪ ꓙꓰ ꓢꓲ ꓠꓬꓲ ꓛꓵ ꓠꓲꓻ ꓫꓬ, ꓢꓴ ꓙꓮꓑꓮꓠ ꓚꓳꓟꓑꓮꓠꓬ ꓠꓯ, ꓗꓪ ꓙꓰ ꓢꓲ ꓠꓬꓲ ꓮ ꓘꓶ. ꓛꓲ ꓫꓵꓽ ꓪꓴꓽ ꓔꓳ, ꓜꓳ ꓡꓰ ꓟ ꓥ ꓡꓳ꓿
ꓖꓳ ꓗ. ꓠꓯ ꓬꓲ ꓠꓬ ꓛꓵ ꓠꓲꓻ ꓫꓬ, ꓔ ꓟ ꓙꓮꓑꓮꓠ ꓚꓳꓟꓑꓮꓠꓬ ꓐꓴ ꓡꓰ ꓧ, ꓗꓷꓳ꓿ ꓝꓮꓲ ꓬꓲ ꓔꓯ ꓴꓢꓮ ꓗꓴꓷꓼ ꓗꓪ ꓐꓮꓠꓗ ꓗꓪ ꓐꓰ ꓒꓴ ꓛꓵꓽ ꓖꓶ ꓟ ꓔꓯ ꓥ ꓟꓲ ꓟꓽ ꓪ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓡꓰ ꓢꓯꓼ ꓕꓵꓼ ꓔ ꓟ ꓚꓳꓟꓑꓮꓠꓬ ꓠꓬ ꓒꓴ ꓟꓽ ꓙꓳ ꓡꓰ ꓗꓷ ꓡꓰ ꓢꓲꓠꓬꓲ ꓞꓳꓺ ꓡꓰ ꓗꓪ ꓛꓲ ꓫꓵꓽ ꓪꓴꓽ ꓔꓳ, ꓜꓳ ꓥ ꓟꓲ ꓬꓲ ꓠꓬ ꓠꓲ, ꓟ ꓟꓽ ꓐꓬ ꓮ ꓘꓶ. ꓛꓲ ꓢꓯꓼ ꓕꓵꓼ ꓗꓷꓳ꓿
ꓑꓧꓲꓡ ꓗꓠꓲꓖꓧꓔ ꓠꓬ ꓠꓲ, ꓟ ꓟꓽ ꓐꓬ 1971 ꓘꓳꓼ ꓔꓯ ꓠꓲꓗꓰ ꓡꓳꓖꓳ ꓬꓲ ꓫꓵꓼ ꓔꓯ ꓫꓬ, ꓢꓲ ꓠꓬꓲ ꓬꓲ ꓚꓲ. ꓛꓬ ꓚꓳꓟꓑꓮꓠꓬ ꓔꓯ ꓝꓮꓲ ꓪꓴ. ꓔꓴ ꓗꓷꓳ꓿
ꓖꓣꓰꓰꓗ ꓗꓴꓷꓼ ꓗꓪ ꓐꓰ ꓟꓬꓱꓺ ꓓꓳꓽ ꓙꓳ ꓟ ꓠꓲꓗꓰ ꓟꓬꓱꓺ ꓔꓯ ꓣꓴ ꓔ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓬꓲ ꓛꓵ ꓠꓲꓻ ꓗꓪ ꓗꓷ ꓠ, ꓟ ꓡꓳꓖꓳ ꓔꓯ ꓢꓳꓻ ꓟ ꓕꓲ ꓣꓳ ꓔꓯ ꓴꓢꓮ ꓒꓴ (35) ꓒꓯ, ꓖꓶ ꓢꓲ ꓠꓬꓲ ꓐꓳ ꓝꓲ ꓟ ꓥ ꓡꓳ꓿
ꓬꓲ. ꓟ. ꓒ ꓥ ꓟꓲ ꓬꓲ ꓟꓬꓱꓽ ꓗꓪ ꓮ ꓘꓶ. ꓛꓲ ꓬꓰ ꓗꓷ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓑꓧꓲꓡ ꓠꓬ ꓔꓶꓺ ꓔꓯ ꓡꓯꓽ ꓘꓳ, ꓢꓴ ꓐꓴ ꓓꓱ ꓟ ꓛꓵ ꓠꓲꓻ ꓔꓯ ꓬꓲ ꓒꓳ, ꓒꓳ, ꓗꓪ ꓮ ꓘꓶ. ꓛꓲ ꓙꓲ ꓟ ꓫꓬ, ꓒꓱ ꓢꓲ ꓠꓬꓲ ꓟꓬꓱꓺ ꓓꓳꓽ ꓙꓳ ꓢꓴ ꓐꓴ (ꓟꓲꓚꓧꓮꓰꓡ ꓙꓳꓣꓓꓮꓠ ) ꓐꓴ ꓙ ꓡꓯꓽ ꓘꓳ, ꓢꓲ ꓠꓬꓲ ꓚꓳꓟꓑꓮꓠꓬ ꓟꓬꓱꓺ ꓙꓳ ꓡ ꓟ ꓢꓯꓼ ꓕꓵꓼ ꓗꓷꓳ꓿
ꓮ ꓟꓶ ꓟ ꓙꓵ, ꓗꓪ ꓠꓲꓗꓰ ꓛꓵ ꓠꓲꓻ ꓠꓬ ꓮ ꓘꓶ. ꓛꓲ ꓬꓲ ꓒꓵ ꓙꓳ ꓟꓬꓱꓺ ꓓꓳꓽ ꓙꓳ ꓟ ꓚꓳꓟꓑꓮꓠꓬ ꓓ ꓕꓲ ꓟ ꓒꓬꓱꓼ ꓡ ꓟ ꓥꓡꓳ꓿
ꓣꓳ ꓞꓳ ꓡꓱ ꓐꓴ ꓥ ꓟꓲ ꓢꓔꓮꓣꓔ ꓢꓟꓮꓡꓡ, ꓓꓣꓰꓮꓟ ꓐꓲꓖ
ꓣꓳ ꓣꓳ ꓗꓪ ꓐꓰ ꓪꓴ. ꓔꓴ ꓢꓲ ꓠꓬꓲ ꓮ ꓘꓶ. ꓛꓲ ꓪꓴꓽ ꓟ ꓔꓶ ꓙꓱ ꓒꓬꓱꓼ ꓡ ꓠ, ꓟ ꓣꓳ ꓐꓴ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿
ꓑꓮꓢꓢꓲꓳꓠ ꓓꓣꓲꓦꓰꓢ ꓑꓰꓣꓢꓲꓢꓔꓰꓠꓚꓰꓽ ꓣꓳ ꓠꓲ, ꓟ ꓐ ꓟ ꓟꓬꓱꓽ ꓗꓪ ꓮ ꓘꓶ. ꓓ ꓒꓽ ꓓ ꓟ ꓐꓴ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓡꓯ꓿ ꓫ. ꓓꓴ ꓔꓳ, ꓜꓳ ꓡ ꓥ ꓟꓲ ꓠꓲ, ꓟ ꓟꓽ ꓐꓬ ꓡꓰ ꓧꓪ. ꓡꓰ ꓝꓲ꓿
ꓙꓴꓢꓔ ꓓꓳ ꓲꓔ. ꓕꓽ ꓓꓴ ꓙ ꓟꓬ꓾ ꓮ ꓟꓶ ꓠꓴ ꓥꓪ ꓓꓴ ꓙ ꓔ ꓟ ꓟꓬꓱꓽ ꓔꓯ ꓪꓴ. ꓔꓴ ꓓꓴ ꓬꓰ ꓡꓯ꓿ ꓠꓴ ꓥꓪ ꓓꓴ ꓙ ꓔ ꓟ ꓠꓬ ꓒꓬꓱꓼ ꓡ ꓟꓽ ꓓ ꓕꓽ ꓓꓴ ꓙ꓿ ꓠꓲ, ꓟ ꓟꓽ ꓐꓬ ꓟꓽ ꓠꓽ ꓠꓽ ꓢꓯꓼ ꓕꓵꓼ ꓠꓬ ꓠꓴ ꓥꓪ ꓬꓲ ꓙꓵ, ꓛꓲ ꓡ ꓓꓴ ꓥꓳ꓿ ꓫ.
