ꓟꓲ ꓠꓯ ꓕꓯ ꓟ ꓗꓪ ꓠꓬ ꓜ ꓦꓰꓼ ꓟꓷꓼ ꓢꓲ ꓫꓵˍ ꓟ ꓢꓶ. ꓟꓽ ꓞꓲ ꓠꓵ ꓠꓲ, ꓦꓰꓼ ꓟꓷꓼ ꓢꓲ ꓫꓵˍ ꓟ ꓟꓬꓽˍ ꓡꓳ ꓐꓰ ꓙꓲꓻ ꓫꓬ ꓢꓴ ꓔꓰꓣꓰꓢꓮ ꓡꓰ ꓐꓯ ꓔ ꓡꓳ꓿ ꓧꓪꓽ ꓖꓳ ꓓꓱꓽ ꓐꓱ ꓶ ꓜ ꓦꓰꓼ ꓟꓷꓼˍ ꓟ ꓠꓬ ꓕꓲ ꓑ, ꓤ ꓥ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓠꓵ ꓠꓲ, ꓦꓰꓼ ꓟꓷꓼˍ ꓟ ꓠꓬ ꓮ ꓕꓯ ꓟꓲ ꓓ, ꓡꓳ꓿ ꓞꓳ ꓤ ꓠꓬ ꓠꓵ ꓠꓲ, ꓦꓰꓼ ꓟꓷꓼˍ ꓟ ꓑꓶ. ꓓꓴ ꓫꓵˍ ꓫꓵꓽ ꓪ ꓜꓲ ꓟꓬꓽˍ ꓡꓳ ꓐꓰ ꓙꓲ ꓫꓬ ꓢꓴ ꓔꓰꓣꓰꓢꓮ ꓡꓰ ꓐꓯ ꓡꓳ꓿ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓪꓴ‐ꓢ ꓠꓬ ꓠꓵ ꓠꓲ, ꓥ ꓡꓳ꓿ ꓪꓴ‐ꓢ ꓠꓵ ꓠꓲ, ꓠꓬ ꓮ ꓡꓲ ꓘꓶ ꓛꓲ ꓪꓴꓽˍ ꓡ꓾ ꓐꓯˍ ꓟ ꓢꓲ ꓫꓬ ꓕꓳꓽ ꓶ ꓔꓯ ꓣꓳ ꓧꓶ. ꓕꓯ ꓠ ꓠ, ꓓꓴ ꓬꓰ ꓡꓯ꓿
ꓢ. ꓠꓯ ꓠꓬ (18) ꓠꓽ ꓟ ꓢꓲ ꓒ ꓦꓬꓼ ꓠꓬꓲ ꓥ ꓡꓳ꓿ ꓟ‐ꓕꓲ 14ꓽ13‐21꓿
ꓕꓱ ꓟ ꓔꓯ ꓬꓰ-ꓢꓴ ꓑ ꓙꓽ ꓗꓷ ꓠꓬ꓾ ꓬꓲ ꓖꓳ ꓗꓪ ꓐꓰ ꓡꓲꓺ ꓜꓶꓽ ꓢꓲ꓾ ꓘꓳ ꓫꓱ ꓫꓱˍ ꓟ ꓡꓲ ꓛꓲ ꓕꓲ ꓔꓳꓸ ꓗꓪ ꓙꓵꓺ ꓙꓰˍ ꓡꓳ꓿ ꓡꓳ ꓒꓱ ꓘꓹ ꓒꓱ ꓗꓪ ꓔꓬ ꓟ ꓞꓳ ꓜꓴꓻ ꓐꓴ ꓕꓱ ꓟ ꓔꓯ ꓢꓷꓸ ꓡꓰ ꓠꓬ꓾ ꓙ ꓖꓴ ꓫꓱꓽ ꓢꓲ ꓬꓲ ꓔꓯ ꓧꓪ ꓙꓰˍ ꓡꓳ꓿
ꓬꓰ-ꓢꓴ ꓠꓬ ꓡꓲ ꓗꓪ ꓐꓰ ꓓꓳ ꓡ ꓢꓲ ꓞꓳ ꓜꓴ ꓞꓳ ꓟꓯꓼ ꓔꓯ ꓟꓳꓻ ꓗꓷ ꓠꓬ ꓬꓲ ꓪꓽ ꓔꓯ ꓫꓱꓸ ꓤ ꓠꓬꓲ꓾ ꓬꓲ ꓪꓽ ꓗꓪ ꓟ ꓠꓻ ꓢꓴ ꓒꓬꓽ ꓢꓴ ꓔꓯ ꓫꓬꓹ ꓓꓻ ꓡꓰ ꓝꓲˍ ꓡꓳ꓿ ꓟꓰꓻ ꓬꓰ ꓕꓯ ꓛꓳꓽ ꓒꓯꓹ ꓐꓴ ꓬꓲ ꓔꓯ ꓡ ꓢꓲ꓾ ꓕꓱ ꓗꓪ ꓠꓽ ꓡꓲ ꓛꓲ ꓥ ꓢꓲ꓾ ꓟꓰꓻˍ ꓟꓲ ꓟꓰꓻ ꓬꓰꓳ꓿ ꓞꓳ ꓜꓴꓻ ꓔꓯ ꓘꓹ ꓗꓪ ꓚꓲꓸ ꓛꓬ ꓜꓽ ꓓꓴ ꓪꓴꓻ ꓜꓽ ꓬꓰ ꓝꓲ ꓠꓹ ꓟ ꓬꓲ ꓪꓽ ꓔꓯ ꓙꓰ ꓝꓲ꓾ ꓐꓯˍ ꓡꓳ꓿
ꓬꓰ-ꓢꓴ ꓠꓽ ꓬꓲ ꓪꓽ ꓔꓯ꓾ ꓬꓲ ꓪꓽ ꓙꓰ ꓟꓽ ꓛꓵ꓾ ꓬꓲ ꓪꓽ ꓔꓯ ꓠꓴ ꓪꓽ ꓡꓰ ꓖꓶꓽ ꓜ꓾ ꓐꓯˍ ꓡꓳ꓿ ꓬꓲ ꓪꓽ ꓡꓰ ꓬꓲ ꓔꓯ꓾ ꓥꓪ ꓠꓴꓽ ꓠꓬ ꓕꓱ ꓗꓪ ꓑ ꓑ ꓥꓪꓽ ꓑꓬˍ ꓐꓰ ꓥꓪꓸ ꓠꓬꓲꓽ ꓟˍ ꓡꓰꓽ ꓙꓳˍ ꓡꓳ꓾ ꓐꓯˍ ꓡꓳ꓿ ꓬꓲ ꓡꓰ꓾ ꓖꓳ ꓟ ꓕꓻ ꓥꓪ ꓔꓯ ꓔꓯꓹ ꓖꓶ ꓡꓯ꓾ ꓐꓯˍ ꓡꓳ꓿
ꓬꓲ ꓠꓬ ꓞꓳ ꓜꓴ ꓔꓯ ꓟꓳꓼ ꓕꓯꓽ ꓢꓲ ꓗꓪ ꓠꓬꓲꓸ ꓠꓸ ꓠꓹ ꓟ ꓕꓵꓼ ꓪꓽ ꓖꓶ ꓢꓲ꓾ ꓑ ꓑ ꓥꓪꓽ ꓑꓬˍ ꓐꓰ ꓥꓪꓸ ꓠꓬꓲꓽ ꓟ ꓣꓴ ꓔ ꓢꓲ ꓠꓬꓲ꓾ ꓟꓴꓽ ꓗꓪ ꓗꓪ ꓡꓳꓸ ꓢꓲ ꓶꓼ ꓥꓳ ꓙꓱꓽ ꓗꓷ ꓠꓬ꓾ ꓑ ꓑ ꓦꓶꓹ ꓢꓲ ꓛꓳꓽ ꓒꓯꓹ ꓐꓴ ꓔꓯ ꓖꓶ ꓢꓲ ꓠꓬꓲ꓾ ꓛꓳꓽ ꓒꓯꓹ ꓐꓴ ꓡꓰ ꓞꓳ ꓜꓴꓻ ꓔꓯ ꓑꓶꓺ ꓖꓶˍ ꓡꓳ꓿
ꓖꓳ ꓡꓱ ꓠꓬ ꓬꓲ ꓪꓽ ꓮꓽ ꓙꓵ ꓢꓴ ꓜꓽ ꓐꓳ ꓡꓰ ꓗ ꓠꓯꓸ꓾ ꓜꓰꓻ ꓡꓰ ꓟ ꓬꓲ ꓧꓶꓽ ꓬꓲ ꓟꓲ ꓞꓲ ꓠꓬꓲꓽ ꓠꓳꓸ ꓘꓴꓽ ꓒ ꓐꓲꓺꓼ ꓖꓳ ꓫ ꓟꓶˍ ꓡꓳ꓿ ꓜꓽ ꓢꓴ ꓠꓬ ꓤ ꓟꓶ ꓤˍ ꓐꓰ ꓤ ꓠꓱ ꓤ ꓟꓽ ꓢꓪꓸ ꓢꓪꓸ ꓞꓳ ꓑꓸ ꓤˍ ꓡꓰꓽ ꓥꓪ ꓔꓴ ꓣꓳ ꓛꓲ ꓙꓳˍ ꓡꓳ꓿
ꓕꓱ ꓟ ꓠꓬ ꓪꓴ‐ꓢꓴ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓥ ꓡꓳ꓿
ꓬꓲꓼ ꓤ ꓠꓬꓲ ꓤ ꓐꓴꓳ ꓢꓲꓽ ꓫꓬ ꓕꓳꓽ ꓶ ꓕꓱ ꓟ ꓗꓪ ꓢꓲ ꓒ ꓬꓰ‐ꓢꓴ ꓬꓲ ꓝꓲ ꓓꓴ ꓐꓰ ꓢꓲ ꓒ ꓬꓰ‐ꓢꓴ ꓬꓲ ꓠꓲ, ꓟ ꓔꓯ ꓣꓳ ꓟꓳˍ ꓡꓳ꓿ ꓬꓲ ꓝꓲ ꓓꓴ ꓐꓴ ꓠꓬ ꓡ ꓞꓳ ꓮ ꓟꓬ, ꓔꓯ ꓟꓳˍ ꓕꓯ ꓬꓲ ꓪ ꓫ. ꓙꓵ ꓡꓰˍ ꓟ ꓙꓳˍ ꓡꓳ꓿ ꓬꓲ ꓪ ꓪꓴꓽ ꓧꓶ ꓡꓰˍ ꓟ ꓔꓯ ꓙꓳˍ ꓡꓳ꓿ ꓬꓲ ꓪ ꓠꓻ ꓡꓰ ꓟ ꓔꓯ ꓙꓳˍ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓞꓳ ꓜꓴ ꓐꓴ ꓪꓴꓽ ꓧꓶ ꓡꓰ ꓟ ꓔꓯ ꓙꓳˍ ꓡꓳ꓿ ꓞꓳ ꓜꓴ ꓠꓻ ꓡꓰ ꓟ ꓔꓯ ꓬꓲ ꓙꓳˍ ꓡꓳ꓿ ꓖꓳ ꓡꓱ ꓠꓬꓲ ꓢꓲ ꓒ ꓬꓰ‐ꓢꓴ ꓐꓰ ꓬꓲ ꓝꓲ ꓓꓴ ꓐꓴ ꓓꓵꓽ ꓙˍ ꓟ ꓟꓽ ꓫꓱ. ꓡꓯ ꓘꓳ꓿ ꓬꓲ ꓝꓲ ꓓꓴ ꓐꓴ ꓠꓬ ꓚꓲ. ꓛꓬ ꓐꓱ ꓶˍ ꓡꓰꓽ ꓓꓵꓽ ꓙꓽˍ ꓡꓳ꓿ ꓚꓲ. ꓛꓬ ꓫ. ꓙꓵ ꓡꓰˍ ꓟ꓾ ꓚꓲ. ꓛꓬ ꓠꓻ ꓡꓰˍ ꓟ ꓔꓯ ꓓꓵꓽ ꓙꓽˍ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓞꓳ ꓜꓴ ꓐꓴ ꓐꓱ ꓶ ꓓꓵꓽ ꓙˍ ꓡꓳ꓿ ꓕꓱ ꓟ ꓠꓬ ꓪꓴ‐ꓢ ꓬꓲ ꓠꓵ ꓠꓲ, ꓥ ꓡꓳ꓿
