Palm Sunday ꓑꓮꓲ ꓬꓰˍ ꓟ
29.3.2026
ꓠꓬꓲ. ꓠꓬꓲ ꓠꓬ ꓟꓵꓽ ꓗꓳ, ꓓꓵ ꓓꓵ ꓗꓪ ꓟ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓢꓲ, ꓒꓬ: ꓐꓱ ꓖꓶˍ ꓟ ꓑꓮꓲ (Palm Sunday ꓑꓮꓲ) ꓔꓯ ꓬꓰ ꓔꓬ ꓟ ꓥ ꓡꓳ꓿
ꓑꓮꓲꓽ ꓕꓱ ꓟ ꓔꓯ ꓠꓬ “ꓢꓲ ꓒ ꓬꓰ‐ꓢꓴ ꓠꓬ ꓙꓱ‐ꓣꓴ‐ꓢ‐ꓡꓱ ꓗꓪ ꓧꓪ. ꓡꓰ ꓟ ꓐꓰ ꓓꓵꓽ ꓙꓰˍ ꓟ ꓑꓮꓲ”꓾ ꓥ ꓠꓬ꓾ “ꓟꓽ ꓙꓲꓻ ꓟ ꓔꓯ ꓙꓲˍ ꓟ ꓗꓪ ꓐꓰ ꓧꓪ. ꓡꓰˍ ꓟ ꓑꓮꓲ” ꓐꓰˍ ꓟꓲ ꓐꓯˍ ꓟ ꓥ ꓡꓳ꓿
ꓡ ꓠ, ꓟ ꓕꓲ ꓠꓽ ꓠꓬ ꓢꓲꓽ ꓫꓬˍ ꓟ ꓠꓽ Holy Week ꓥ ꓡꓳ꓿ ꓟꓽ ꓟꓶ ꓫꓵˍ ꓟ ꓦꓬꓼ ꓠꓬꓲ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓣꓳ ꓝꓴꓲ. ꓐꓱ ꓶ ꓫꓵꓻ ꓙˍ ꓟ ꓦꓬꓼ ꓠꓬꓲ ꓛꓲ ꓡ ꓟ ꓔꓬ ꓟ ꓪꓴ. ꓠꓬꓲ ꓢꓲ ꓒ ꓫꓵꓻ ꓢꓲ ꓢꓯ. ꓬꓲꓼ ꓡ ꓑꓮꓲꓽ ꓗꓪ ꓒꓵꓽ ꓒꓵꓽ ꓡꓰ ꓔ, ꓐ ꓡ ꓠ, ꓟ ꓐꓱ ꓶ ꓝꓴꓲ. ꓣꓷꓠˍ ꓟ ꓢ‐ꓗ‐ꓣ‐ꓟꓯ,‐ꓔꓴ ꓔꓯ ꓘꓳ ꓣꓴ ꓐ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿
ꓣꓳ ꓠꓬ ꓧꓪꓽ ꓖꓳ ꓓꓱꓽ ꓔꓬ ꓢꓻ ꓓꓴ ꓐꓱ ꓶ ꓣꓳ ꓖꓳ ꓓꓱꓽ ꓐꓱ ꓶ ꓟꓽ ꓙꓲꓻ ꓟ ꓔꓯ ꓤ ꓟꓳˍ ꓟ ꓡꓰ ꓐꓰ ꓣꓳ ꓦ ꓐꓱ ꓶ ꓟꓽ ꓙꓲꓻ ꓟ ꓝꓴꓲ. ꓐꓴ ꓔꓯ ꓤ ꓟꓳ ꓐ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓪꓽ ꓘꓴˍ ꓟ ꓗꓪ ꓐꓰ ꓜꓽ ꓓꓴ ꓚꓲ.ˍ ꓟ ꓗꓪ ꓐꓰ ꓣꓳ ꓦ ꓔꓬ, ꓢꓻ ꓓꓴ ꓐꓱ ꓶ ꓣꓱꓽ ꓬꓰ ꓓꓴ ꓬꓰ ꓡꓯ꓿
ꓮ ꓟꓶ ꓟꓳꓻ ꓪˍ ꓐꓬꓱꓽ ꓐꓴ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ꓾ ꓚꓬ‐ꓑꓳ‐ꓛ ꓞꓳ ꓘ,꓾ ꓙꓲꓻ ꓫꓬ ꓓꓴ ꓬꓳ‐ꓦ ꓪꓽ ꓘꓴ ꓦꓲ ꓗꓪ Palm Sunday ꓑꓮꓲ ꓬꓰ ꓔꓬ ꓟ ꓐꓬꓱꓽ ꓥ ꓡꓳ꓿
