rva lisu rva lisu, Author at Rva Lisu Kachin https://rvalisukachin.org/author/rva-lisu/ Rva Lisu Kachin Fri, 03 Jan 2025 05:24:05 +0000 en-US hourly 1 https://wordpress.org/?v=6.7.1 ꓔꓯ‐ꓑ‐ꓬ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱ, https://rvalisukachin.org/2025/01/03/%ea%93%94%ea%93%af%e2%80%90%ea%93%91%e2%80%90%ea%93%ac-%ea%93%a2%ea%93%b6%ea%93%bd-%ea%93%99%ea%93%b2%ea%93%bb-%ea%93%96%ea%93%b4-%ea%93%99%ea%93%b3%cb%8d-%ea%93%9f-%ea%93%9a%ea%93%b1/ https://rvalisukachin.org/2025/01/03/%ea%93%94%ea%93%af%e2%80%90%ea%93%91%e2%80%90%ea%93%ac-%ea%93%a2%ea%93%b6%ea%93%bd-%ea%93%99%ea%93%b2%ea%93%bb-%ea%93%96%ea%93%b4-%ea%93%99%ea%93%b3%cb%8d-%ea%93%9f-%ea%93%9a%ea%93%b1/#respond Fri, 03 Jan 2025 05:24:02 +0000 https://rvalisukachin.org/?p=1375 ꓔꓯ‐ꓑ‐ꓬ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱ, ꓣꓳ ꓟꓬ‐ꓟ ꓜꓽ ꓫꓵꓽ ꓪꓳꓽ ꓒꓬꓽ ꓑꓯ. ꓜꓽ ꓫꓳꓽ ꓜꓽˍ ꓕꓯ ꓔꓯ‐ꓑ‐ꓬ ꓢꓶꓽ ꓐꓰ ꓟ‐ꓙꓲ, ꓢꓶꓽ ꓔꓯ ꓧꓳꓽ ꓜꓽ ꓔꓬ ꓟ ꓥꓳ꓿ ꓔꓯ‐ꓑ‐ꓬ ꓢꓶꓽ ꓠꓬ ꓬꓲ ꓐꓵꓽ ꓫꓬꓺˍ ꓟ (ꓛꓱꓽ ꓠꓱ ꓗ, ꓛꓲꓽˍ ꓟ) ꓑꓶ. ꓓꓴ ꓪꓳꓽ ꓒꓬꓽ ꓬꓲ ꓐꓵꓽ ꓔꓯ ꓥ ꓟꓲ ꓖꓳ ꓟꓬ ꓟꓽ ꓛꓱꓽ ꓠꓱ […]

The post ꓔꓯ‐ꓑ‐ꓬ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱ, appeared first on Rva Lisu Kachin.

]]>

ꓔꓯ‐ꓑ‐ꓬ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱ,

ꓣꓳ ꓟꓬ‐ꓟ ꓜꓽ ꓫꓵꓽ ꓪꓳꓽ ꓒꓬꓽ ꓑꓯ. ꓜꓽ ꓫꓳꓽ ꓜꓽˍ ꓕꓯ ꓔꓯ‐ꓑ‐ꓬ ꓢꓶꓽ ꓐꓰ ꓟ‐ꓙꓲ, ꓢꓶꓽ ꓔꓯ ꓧꓳꓽ ꓜꓽ ꓔꓬ ꓟ ꓥꓳ꓿ ꓔꓯ‐ꓑ‐ꓬ ꓢꓶꓽ ꓠꓬ ꓬꓲ ꓐꓵꓽ ꓫꓬꓺˍ ꓟ (ꓛꓱꓽ ꓠꓱ ꓗ, ꓛꓲꓽˍ ꓟ) ꓑꓶ. ꓓꓴ ꓪꓳꓽ ꓒꓬꓽ ꓬꓲ ꓐꓵꓽ ꓔꓯ ꓥ ꓟꓲ ꓖꓳ ꓟꓬ ꓟꓽ ꓛꓱꓽ ꓠꓱ ꓝꓲ ꓟ ꓥ ꓡꓳ꓿ ꓠꓲ, ꓶˍ ꓟ ꓜꓽ ꓫꓵꓽ ꓜꓽ ꓗꓷ ꓕꓯ꓾ ꓪꓴ. ꓟꓶ ꓟꓶ ꓡ ꓕꓯ ꓔꓯ‐ꓑ‐ꓬ ꓬꓲꓻ ꓔꓯ ꓓꓳꓻ ꓗꓷ ꓠꓬ ꓪꓴ. ꓓꓵ ꓔꓯ ꓫꓬꓽ ꓡꓰ ꓝꓲ ꓐ ꓡˍ ꓡꓳ꓿ ꓗ, ꓘꓶꓽ ꓓꓳ ꓙꓰˍ ꓕꓯ ꓥ ꓟꓲ ꓟꓳ‐ꓓꓳ ꓬꓲꓼ ꓡ ꓕꓯ ꓔꓯ‐ꓑ‐ꓬ ꓢꓶꓽ ꓬꓲ ꓐꓵ ꓠꓱꓽ ꓗꓷ ꓠꓬ ꓔꓬ ꓢꓻ ꓡꓰˍ ꓡꓳ꓿ ꓕꓱ ꓡꓱ ꓣꓱꓽ ꓬꓯꓼ ꓖꓴ ꓮ ꓟꓬ, ꓙꓳˍ ꓟ ꓔꓯ‐ꓑ‐ꓬ ꓢꓶꓽ ꓠꓬ ꓧꓪꓽ ꓖꓳ ꓓꓱꓽ ꓐꓱ ꓶ ꓮ ꓡꓲ ꓕꓲ ꓒꓳ, ꓗꓪ ꓐꓰ ꓙꓲꓻ ꓖꓴ ꓖꓶ ꓔꓬ ꓡ꓾ ꓐꓯ ꓟ ꓔꓯ ꓠ ꓡꓳ. ꓓꓴ ꓬꓰ ꓡꓯ꓿

ꓔꓯ‐ꓑ‐ꓬ ꓢꓶꓽ ꓠꓬ ꓦꓲꓔꓮꓟꓲꓠ ꓚ ꓮ ꓟꓬ, ꓓꓵˍ ꓟ ꓢꓲ, ꓢꓶꓽ ꓕꓲ ꓙꓰꓽ ꓥ ꓡꓳ꓿ ꓝꓲꓐꓰꓣ ꓢꓯꓼ ꓐꓰ ꓚꓮꓡꓚꓲꓴꓟ꓾ ꓲꓣꓳꓠ ꓢꓯꓼ꓾ ꓑꓳꓔꓮꓢꓢꓲꓴꓟ꓾ ꓚꓳꓑꓑꓰꓣ꓾ ꓟꓮꓖꓠꓰꓢꓲꓴꓟ ꓕꓱ ꓡꓱ ꓫꓵꓽ ꓟꓲꓠꓰꓣꓮꓡꓢ ꓢꓯꓼ ꓮ ꓟꓬ, ꓓꓵˍ ꓟ ꓡꓰꓽ ꓟꓽ ꓞꓲ ꓬꓲ ꓗꓴ, ꓙꓲꓻ ꓗꓪˍ ꓟꓲ ꓑꓳꓡꓬꓑꓧꓰꓠꓳꓡ ꓐꓰ ꓔꓰꓣꓑꓰꓠꓰ ꓐꓴˍ ꓡꓰ ꓐꓰ ꓑꓧꓬꓔꓳꓚꓧꓰꓟꓲꓚꓮꓡ ꓢꓯꓼ ꓙꓳˍ ꓟ ꓥ ꓡꓳ꓿

ꓔꓯ‐ꓑ‐ꓬ ꓢꓶꓽ ꓬꓲ ꓙꓲꓻ ꓖꓴ ꓐꓴ ꓠꓬ꓾

ꓖꓳ ꓓꓱꓽ ꓗꓪ ꓦꓲꓔꓮꓟꓲꓠ ꓚ ꓬꓲ ꓢꓯꓼ ꓠꓲ.ˍ ꓟ ꓑꓶ. ꓓꓴ ꓒꓬꓱꓼ ꓡ ꓟ ꓢꓚꓴꓣꓦꓬ ꓠꓻ ꓔꓯ ꓓꓻ ꓡꓰ ꓝꓲ ꓐ ꓡˍ ꓡꓳ꓿

ꓝꓮꓲ ꓧꓪꓽ ꓗꓴ, ꓙꓲꓻ ꓐꓱ ꓶ ꓥˍ ꓟꓲ ꓮ ꓘꓶ. ꓙꓲˍ ꓟ ꓥ ꓡꓳ꓾

ꓔꓯ‐ꓑ‐ꓬ ꓢꓶꓽ ꓔꓯ ꓬꓲ ꓬꓲꓻ ꓫꓬ, ꓢꓲ ꓓꓳꓻ ꓐ ꓡˍ ꓟ ꓡꓰꓽ ꓟꓽ ꓞꓲꓻ ꓧꓪꓽ ꓗꓴ, ꓙꓲ ꓐꓱ ꓶ ꓥˍ ꓟꓲ ꓮ ꓟꓬ, ꓚꓱ, ꓣꓱꓽ ꓐ ꓡˍ ꓟ ꓥ ꓡꓳ꓿ ꓦꓲꓔꓮꓟꓲꓠ ꓚ ꓑꓶ. ꓓꓴ ꓧꓪꓽ ꓗꓴ, ꓙꓲ ꓔꓯ ꓬꓲ ꓫꓵꓼ ꓗꓷ ꓡꓰ ꓝꓲ ꓢꓲ ꓠꓻ ꓚꓲ. ꓡˍ ꓟ ꓗꓪ ꓐꓰ ꓗꓽ ꓕ. ꓙ ꓖꓶˍ ꓡꓳ꓿ ꓖꓳ ꓓꓱꓽ ꓚꓵ, ꓬꓲꓻ ꓬꓲ ꓐꓵꓽ ꓛꓱꓽ ꓠꓱˍ ꓟ ꓔꓯ ꓥˍ ꓟꓲ ꓓꓻ ꓡꓰ ꓝꓲˍ ꓡꓳ꓿ ꓔꓯ‐ꓑ‐ꓬ ꓢꓶꓽ ꓗꓪ ꓮꓠꓔꓲꓳꓫꓲꓓꓮꓠꓔ ꓐꓰ ꓐꓶꓽ ꓓꓲ ꓢꓰꓼ ꓐ ꓡˍ ꓟ ꓬꓲ ꓢꓯꓼ ꓙꓳˍ ꓟ ꓑꓶ. ꓓꓴ ꓧꓪꓽ ꓗꓴ, ꓙꓲ ꓗꓪ ꓣꓱꓽˍ ꓕꓯ ꓧꓪꓽ ꓗꓴ, ꓙꓲꓻ ꓚꓰꓡꓡ ꓬꓲ ꓫꓵꓻ ꓔꓯ ꓞ, ꓦˍ ꓟ ꓗꓪ ꓮ ꓘꓶ. ꓙꓲꓻˍ ꓟ ꓥ ꓡꓳ꓿

ꓜꓽ ꓓꓴ ꓙꓲꓺ ꓐ ꓡ ꓡꓳ꓾

ꓔꓯ‐ꓑ‐ꓬ ꓢꓶꓽ ꓠꓬ ꓟꓷꓽ ꓠꓷ, ꓘꓴꓽ ꓗꓪ ꓟꓶꓽ ꓶ ꓪ ꓜꓲ ꓓꓳꓻ ꓡ ꓝꓲ ꓐ ꓡˍ ꓟ ꓪꓴ. ꓠꓬꓲ ꓜꓽ ꓓꓴ ꓙꓲꓺˍ ꓟ ꓗꓪ ꓬꓰ ꓙ ꓔꓳ, ꓙ ꓖꓶˍ ꓡꓳ꓿ ꓔꓯ‐ꓑ‐ꓬ ꓢꓶꓽ ꓗꓪ ꓓꓵˍ ꓟ ꓮꓚꓲꓓ ꓢꓯꓼ ꓐꓰ ꓝꓡꓮꓦꓳꓠꓳꓲꓓꓢ ꓢꓯꓼ ꓑꓶ. ꓓꓴ ꓜꓽ ꓓꓴ ꓙꓲꓺˍ ꓟ ꓔꓯ ꓡꓵ, ꓫꓴ ꓖꓶ ꓢꓲ꓾ ꓦꓰꓼ ꓟ ꓙꓲꓺ ꓖꓶˍ ꓟ ꓮꓚꓲꓓ ꓔꓯ ꓪ ꓜꓲ ꓓꓳ ꓡ ꓝꓲˍ ꓡꓳ꓿

ꓖꓳ ꓓꓱꓽ ꓦꓯ. ꓡꓰ ꓠ ꓝꓱ ꓡꓰ ꓠ ꓬꓰ ꓙ ꓖꓶˍ ꓡꓳ꓾

ꓔꓯ‐ꓑ‐ꓬ ꓕꓲ ꓢꓶꓽ ꓧꓳꓽ ꓔ ꓟ ꓬꓲꓻ ꓡꓱ ꓕꓲ ꓗꓶ. ꓠꓬ ꓖꓳ ꓓꓱꓽ ꓦꓯ. ꓡꓰ ꓠ ꓝꓱ ꓡꓰ ꓠ ꓬꓰˍ ꓟ ꓗꓪ ꓮ ꓘꓶ. ꓙꓲꓻˍ ꓟ ꓕꓲ ꓚꓱ, ꓥ ꓟ ꓡꓰ ꓐꓰ꓾ ꓪꓴ. ꓓꓵ ꓫꓬꓽ ꓡꓰ ꓝꓲˍ ꓟ ꓓꓳꓻ ꓓꓴ ꓕꓲ ꓙꓰꓽˍ ꓟꓲ ꓥ ꓡꓳ꓿ ꓕꓲ ꓠꓬꓲ ꓗꓪ ꓠꓬꓲꓽ ꓗꓶ. ꓓꓳꓻ ꓖꓶˍ ꓠꓬ ꓕꓲ ꓠꓽ ꓘꓴꓽ ꓠꓯꓸꓼ ꓗꓪ ꓢꓷ. ꓓꓻ ꓓꓻ ꓡꓰ ꓦꓯ. ꓡ ꓝꓱ ꓡˍ ꓥꓳ꓾ ꓐꓰ ꓐꓯ ꓡꓳ꓿

ꓢꓰ,‐ꓛꓬꓳ ꓔꓪꓰ,‐ꓛꓬꓳ ꓠꓻ ꓔꓯ ꓓꓻ ꓡꓰ ꓝꓲˍ ꓡꓳ꓾

ꓔꓯ‐ꓑ‐ꓬ ꓡꓰ ꓐꓰ ꓚꓱ,ˍ ꓟ ꓢꓲ, ꓢꓶꓽ ꓐꓴ ꓠꓬ ꓢꓰ,‐ꓛꓬꓳ ꓔꓪꓰ,‐ꓛꓬꓳ ꓠꓻ ꓙꓳ ꓢꓴ ꓐꓴ ꓐꓱ ꓶ ꓮ ꓘꓶ. ꓙꓲꓻˍ ꓟ ꓢꓲ, ꓢꓶꓽ ꓥ ꓡꓳ ꓐꓰ ꓮ‐ꓟꓰ‐ꓣꓲ‐ꓗ ꓢꓰ,‐ꓛꓬꓳ ꓔꓪꓰ,‐ꓛꓬꓳ ꓠꓻ ꓔꓯ ꓟꓳ. ꓬꓲ ꓜꓴ ꓡꓰ ꓐꓯ ꓡꓳ꓿ ꓝꓲꓐꓰꓣ ꓢꓯꓼ ꓮ ꓟꓬ, ꓓꓵˍ ꓟ ꓑꓶ. ꓓꓴ ꓖꓳ ꓓꓱꓽ ꓗꓪ ꓐꓰ ꓞꓼ ꓛꓵꓻ ꓢꓯꓼ ꓛꓵꓼ ꓣꓴˍ ꓟ ꓔꓯ ꓔꓲ ꓟꓴ. ꓗꓷ ꓡꓰ ꓝꓲ ꓢꓲ ꓠꓬꓲ ꓫꓵꓽ ꓘꓴꓽ ꓗꓪ ꓞꓼ ꓛꓵꓻ ꓢꓯꓼ ꓮ ꓘꓶ. ꓟꓽ ꓟꓴ ꓡꓰ ꓠ꓾ ꓮ ꓘꓶ. ꓟꓽ ꓬꓯꓼ ꓡꓰ ꓠ ꓬꓰ ꓙ ꓖꓶˍ ꓡꓳ꓿

ꓠꓲ, ꓟ ꓠꓻ ꓐꓱ ꓶ ꓥˍ ꓟꓲ ꓙꓲꓻˍ ꓟ ꓥ ꓡꓳ꓾

ꓫꓵꓽ ꓘꓴꓽ ꓗꓪ ꓟ ꓞꓼ ꓛꓵꓻ ꓢꓯꓼ ꓔꓯ ꓔꓲ ꓟꓴ. ꓗꓷ ꓡꓰ ꓝꓲ ꓐ ꓡˍ ꓟ ꓝꓲꓐꓰꓣ ꓢꓯꓼ ꓪꓴ. ꓠꓬꓲ ꓫꓵꓼ ꓢꓯꓼ ꓔꓯ ꓥˍ ꓟꓲ ꓬꓯꓼ ꓡꓰ ꓝꓲ ꓢꓲ ꓗꓳ‐ꓡꓯ.‐ꓢ‐ꓕ‐ꓣꓮꓪ ꓐꓴ ꓔꓯ ꓣꓴ ꓦ ꓖꓶ ꓐ ꓡˍ ꓡꓳ꓿ ꓖꓳ ꓟ ꓡꓰꓽ ꓟꓽ ꓞꓲ ꓫꓵꓽ ꓙꓴꓽ ꓳʼˍ ꓟ ꓔꓯ ꓥˍ ꓟꓲ ꓠꓲ. ꓡꓰ ꓝꓲˍ ꓟ ꓑꓶ. ꓓꓴ ꓠꓲ, ꓟ ꓠꓻ꓾ ꓠꓲ, ꓟ ꓟꓬꓱꓽ ꓬꓰˍ ꓟ ꓞꓼ ꓠꓽ ꓡꓰˍ ꓟ ꓔꓯ ꓗꓽ ꓕ. ꓙ ꓖꓶˍ ꓡꓳ꓿

ꓬꓲ ꓝꓲ. ꓠꓻˍ ꓟ ꓔꓯ ꓓꓻ ꓡꓰ ꓝꓲˍ ꓟ꓾

ꓬꓲ ꓝꓲ. ꓬꓲ ꓟꓲ ꓠꓻ ꓡꓰ ꓝꓲˍ ꓟ ꓬꓲ ꓚꓱ, ꓘꓴꓽ ꓠꓯꓸꓼ ꓗꓪ ꓕꓲ ꓟ ꓠꓬ ꓖꓳ ꓓꓱꓽ ꓗꓪ ꓴꓣꓲꓚ ꓮꓚꓲꓓ ꓮ ꓘꓶ. ꓟꓬꓽˍ ꓟ ꓪꓴ. ꓠꓬꓲ ꓥ ꓡꓳ꓿ ꓴꓣꓲꓚ ꓮꓚꓲꓓ ꓐꓯ ꓟ ꓠꓬ ꓖꓳ ꓓꓱꓽ ꓘꓴꓽ ꓠꓯꓸꓼ ꓗꓪ ꓚꓳ. ꓤꓲꓽ ꓐꓰ ꓕꓲ ꓡꓰ, ꓣꓴ ꓓꓳ ꓦ ꓠꓯ, ꓟ ꓥ ꓡꓳ꓿ ꓔꓯ‐ꓑ‐ꓬ ꓢꓶꓽ ꓗꓪ ꓟ ꓚꓲꓣꓲꓔꓚ ꓮꓚꓲꓓ ꓠꓬ ꓴꓣꓲꓚ ꓮꓚꓲꓓ ꓔꓯ ꓙꓲꓺ ꓡꓰ ꓝꓲˍ ꓟ ꓥ ꓢꓲ ꓠꓬꓲ ꓴꓣꓲꓚ ꓮꓚꓲꓓ ꓔꓯ ꓤꓲ ꓐꓰ ꓕꓲ ꓛꓳˍ ꓓꓳꓺ ꓙꓰ ꓝꓲˍ ꓡꓳ꓿

ꓟꓬ ꓢꓶꓽ ꓐꓱ ꓶ ꓥˍ ꓟꓲ ꓙꓲꓻˍ ꓡꓳ꓾

ꓦꓲꓔꓮꓟꓲꓠ ꓚ ꓙꓳˍ ꓟ ꓑꓶ. ꓓꓴ ꓟꓬ ꓢꓶꓽ ꓠꓯꓼ ꓠꓯꓼ ꓶꓻ ꓡꓰˍ ꓟ ꓔꓯ ꓗꓽ ꓕ. ꓙ ꓖꓶ ꓐ ꓡˍ ꓡꓳ꓿

ꓛꓴꓻ ꓢꓯꓼ ꓬꓯꓼ ꓡꓰ ꓝꓲˍ ꓟ꓾

ꓖꓳ ꓓꓱꓽ ꓛꓴꓻ ꓔꓬ ꓢꓴ ꓕꓲ ꓣꓳ ꓐꓱ ꓶ ꓔꓯ‐ꓑ‐ꓬ ꓬꓲꓻ ꓠꓬ ꓮ ꓘꓶ. ꓙꓲꓻˍ ꓡꓳ꓾ ꓐꓰ ꓢꓷ. ꓪ ꓡꓳ꓿ ꓬꓲ ꓬꓲꓻ ꓮ ꓟꓬ, ꓓꓵˍ ꓟ ꓢꓲ, ꓢꓶꓽ ꓐꓴ ꓠꓬ ꓟꓬꓽ ꓠꓬꓲ ꓛꓴꓻ ꓢꓯꓼ ꓬꓯꓼ ꓡꓰ ꓝꓲˍ ꓟ ꓬꓲ ꓢꓯꓼ ꓦꓲꓔꓮꓟꓲꓠ ꓚ ꓮ ꓟꓬ, ꓓꓵˍ ꓟ ꓑꓶ. ꓓꓴ ꓖꓳ ꓓꓱꓽ ꓛꓴꓻˍ ꓟ ꓔꓯ ꓓꓻ ꓡꓰ ꓝꓲˍ ꓟ ꓥ ꓡꓳ꓿

ꓤꓲ ꓚꓱ, ꓗꓪ ꓙꓳˍ ꓟ ꓠꓻ ꓐꓴ ꓔꓯ ꓓꓻ ꓡꓰ ꓝꓲˍ ꓡꓳ꓾

ꓑꓳꓔꓮꓢꓢꓲꓴꓟ ꓮ ꓟꓬ, ꓓꓵˍ ꓟ ꓪꓴ. ꓠꓬꓲ ꓪꓳꓽ ꓓꓲꓻ ꓐꓰ ꓤꓲꓽ ꓒꓴꓽ ꓘꓴꓽ ꓠꓯꓸꓼ ꓗꓪ ꓡꓳꓽ ꓔꓬ ꓟ ꓬꓲ ꓓꓳꓼ ꓐꓴ ꓔꓯ ꓣꓴ ꓦˍ ꓟ ꓗꓪ ꓬꓰ ꓙ ꓖꓶ ꓐ ꓡˍ ꓡꓳ꓿ ꓠꓻ ꓐꓶ ꓓꓲꓻ ꓐꓴ ꓔꓯ ꓫꓵꓻ ꓝꓲˍ ꓟ ꓬꓲ ꓢꓯꓼ ꓓꓵˍ ꓟ ꓪꓴ. ꓠꓬꓲ ꓤꓲꓽ ꓚꓱ, ꓗꓪ ꓐꓶ ꓓꓲꓻ ꓓꓵꓽ ꓡꓰˍ ꓟ ꓔꓯ ꓥˍ ꓟꓲ ꓫꓬ, ꓖꓶ ꓐ ꓡˍ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓤ ꓑ. ꓤ ꓐꓴ ꓗꓪ ꓟꓬꓽ ꓠꓬꓲ ꓒꓬꓱꓼ ꓡˍ ꓟ ꓤꓲꓽ ꓒꓴꓽ ꓠꓻ ꓘꓴ. ꓒꓬꓱꓼ ꓡˍ ꓟ ꓔꓯ ꓗꓽ ꓕ. ꓙ ꓖꓶ ꓢꓲ ꓤꓲꓽ ꓚꓱ, ꓠꓯꓸꓼ ꓗꓪ ꓚꓮꓡꓚꓲꓴꓟ ꓡꓳꓽ ꓔꓬ ꓟ ꓪꓴ. ꓠꓬꓲ ꓬꓲ ꓚꓱ, ꓛꓵꓽ ꓡꓰ ꓟ ꓔꓯ ꓫꓬꓽ ꓡꓰ ꓝꓲˍ ꓡꓳ꓿

ꓮ ꓡꓲ ꓫꓵꓽ ꓥˍ ꓟꓲ ꓡꓳꓼ ꓠ ꓛꓲˍ ꓡꓰꓽ ꓣꓱꓽˍ ꓠꓬ ꓠꓯꓻ ꓞꓲꓼ ꓒꓬꓱꓼ ꓡꓰˍ ꓥ ꓟꓲ꓾ ꓣꓱꓽ ꓟꓬꓽ ꓡꓰ ꓕꓯ ꓠꓽ ꓖꓳ ꓓꓱꓽ ꓗꓪ ꓟꓽ ꓙꓲꓻ ꓗꓷ ꓡꓰ ꓝꓲˍ ꓟ ꓪꓴ. ꓠꓬꓲ꓾ ꓔꓯ‐ꓑ‐ꓬ ꓬꓲꓻ ꓠꓬ ꓖꓳ ꓓꓱꓽ ꓐꓱ ꓶ ꓮ ꓘꓶ. ꓙꓲꓻˍ ꓡꓳ ꓐꓯ ꓥ ꓟꓲ ꓓꓳꓻ ꓟꓬꓽ ꓡꓰ ꓠꓬ꓾ ꓢꓶꓽ ꓛꓲ ꓐꓬ ꓡꓰˍ ꓟ꓾ ꓜꓽ ꓓꓴ ꓙꓲꓺ ꓚꓱ, ꓔꓯ ꓠꓻ ꓡꓰ ꓝꓲˍ ꓟ ꓕꓱ ꓡꓱ ꓫꓵꓽ ꓒꓬꓱꓼ ꓡ ꓝꓲˍ ꓡꓳ꓿ ꓔꓯ‐ꓑ‐ꓬ ꓬꓲꓻ ꓗꓪ ꓙꓳˍ ꓟ ꓮꓚꓲꓓ ꓬꓲ ꓢꓯꓼ ꓠꓬ ꓦꓰꓼ ꓟ ꓐꓰ ꓬꓲ ꓪꓴꓻ ꓚꓱ, ꓗꓪ ꓠꓻ ꓡꓰ ꓝꓲˍ ꓡꓳ꓿ ꓔꓯ‐ꓑ‐ꓬ ꓬꓲꓻ ꓓꓳꓻ ꓗꓷˍ ꓕ ꓑꓳꓸꓼ ꓟꓷꓽ ꓠꓷ, ꓔꓯ ꓬꓲꓻ ꓙꓬ ꓡꓰ ꓡꓯ, ꓖꓶ ꓠ ꓔ ꓟ ꓥ ꓡꓳ꓿ ꓝꓮꓲ ꓔꓯ‐ꓑ‐ꓬ ꓬꓲꓻ ꓓꓳꓻ ꓗꓷ ꓗ ꓠꓯ. ꓫꓵꓽ ꓫꓵ ꓕꓲ ꓙꓵ, ꓘꓴꓽ ꓠꓯꓸꓼ ꓗꓪ ꓢꓶꓽ ꓛꓲ ꓞꓲꓽˍ ꓟ ꓔꓯ ꓥˍ ꓟꓲ ꓤ ꓟꓳ ꓠ ꓔ ꓡꓳ꓾ ꓐꓰ ꓢꓶꓽ ꓛꓲ ꓔꓯ ꓟꓳ. ꓠꓯꓻ ꓞꓲꓼ ꓟ. ꓒ ꓐꓴ ꓡꓰ ꓐꓯ ꓔ ꓡꓳ꓿

ꓮ ꓟꓶ ꓐꓯ ꓟꓳ. ꓖꓶ ꓗꓷ ꓟ ꓔꓯ‐ꓑ‐ꓬ ꓬꓲꓻ ꓙꓲꓻ ꓖꓴ ꓙꓳˍ ꓟ ꓚꓱ, ꓔꓯ ꓠꓬ ꓧꓰꓡꓡꓳ ꓢꓮꓬꓮꓣꓪꓴꓠ ꓪꓰꓐꓢꓲꓔꓰ ꓗꓪ ꓐꓯ ꓖꓶ ꓔ ꓟ ꓚꓱ, ꓗꓪ ꓐꓰ ꓠ ꓠ, ꓢꓴ ꓐꓴ ꓐꓱ ꓶ ꓟꓬꓽ ꓠꓬꓲ ꓙꓲꓻˍ ꓟ ꓔꓯ ꓣꓴ ꓢꓲ ꓣꓦꓮ ꓡꓲ‐ꓢꓴ ꓗꓪ ꓚꓳ. ꓐꓯ ꓟ. ꓖꓶ ꓩꓴ ꓡ ꓟ ꓥ ꓡꓳ꓿ ꓮ ꓙꓵꓽ ꓢꓴ ꓗ, ꓛꓲꓽ ꓔꓬ, ꓢꓻˍ ꓟ ꓤꓶꓻ ꓔꓯ ꓘꓳ ꓣꓴ ꓟꓶ ꓝꓲ꓿ ꓧꓪ. ꓧꓪ. ꓔꓬ,꓿

The post ꓔꓯ‐ꓑ‐ꓬ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱ, appeared first on Rva Lisu Kachin.

]]> https://rvalisukachin.org/2025/01/03/%ea%93%94%ea%93%af%e2%80%90%ea%93%91%e2%80%90%ea%93%ac-%ea%93%a2%ea%93%b6%ea%93%bd-%ea%93%99%ea%93%b2%ea%93%bb-%ea%93%96%ea%93%b4-%ea%93%99%ea%93%b3%cb%8d-%ea%93%9f-%ea%93%9a%ea%93%b1/feed/ 0 1375 ꓪꓴ‐ꓢ ꓬꓲ ꓮ ꓣꓳ ꓤ https://rvalisukachin.org/2025/01/03/%ea%93%aa%ea%93%b4%e2%80%90%ea%93%a2-%ea%93%ac%ea%93%b2-%ea%93%ae-%ea%93%a3%ea%93%b3-%ea%93%a4/ https://rvalisukachin.org/2025/01/03/%ea%93%aa%ea%93%b4%e2%80%90%ea%93%a2-%ea%93%ac%ea%93%b2-%ea%93%ae-%ea%93%a3%ea%93%b3-%ea%93%a4/#respond Fri, 03 Jan 2025 05:00:00 +0000 https://rvalisukachin.org/?p=1370 (ꓬꓳ‐ꓦ꓿1ꓽ29‐34) ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓝꓴꓲ. ꓐꓰ ꓥꓶˍ ꓟ ꓠꓬ ꓣꓳ ꓐꓴ ꓔꓯ ꓗ, ꓛꓲꓽ ꓡꓰ ꓠ ꓬꓰ ꓟꓽ ꓐ ꓡ ꓟ ꓪꓴ. ꓠꓬꓲ꓾ ꓣꓳ ꓝꓴꓲ. ꓔꓯ ꓣꓴ ꓦ ꓗꓷ ꓠ, ꓟ ꓬꓰ‐ꓢꓴ ꓠꓬ ꓟꓲ ꓠꓯ ꓗꓪ ꓬꓯꓼ ꓡ ꓗꓷꓳ꓿ ꓝꓴꓲ. ꓠꓬ ꓚꓬꓴ. ꓟꓶ ꓠ, ꓟ ꓐꓱ ꓶ ꓗꓽ ꓕ. ꓓꓴ […]

The post ꓪꓴ‐ꓢ ꓬꓲ ꓮ ꓣꓳ ꓤ appeared first on Rva Lisu Kachin.

]]> (ꓬꓳ‐ꓦ꓿1ꓽ29‐34)

ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓝꓴꓲ. ꓐꓰ ꓥꓶˍ ꓟ ꓠꓬ ꓣꓳ ꓐꓴ ꓔꓯ ꓗ, ꓛꓲꓽ ꓡꓰ ꓠ ꓬꓰ ꓟꓽ ꓐ ꓡ ꓟ ꓪꓴ. ꓠꓬꓲ꓾ ꓣꓳ ꓝꓴꓲ. ꓔꓯ ꓣꓴ ꓦ ꓗꓷ ꓠ, ꓟ ꓬꓰ‐ꓢꓴ ꓠꓬ ꓟꓲ ꓠꓯ ꓗꓪ ꓬꓯꓼ ꓡ ꓗꓷꓳ꓿ ꓝꓴꓲ. ꓠꓬ ꓚꓬꓴ. ꓟꓶ ꓠ, ꓟ ꓐꓱ ꓶ ꓗꓽ ꓕ. ꓓꓴ ꓕꓲ ꓟ ꓥ ꓡꓳ꓿ ꓝꓴꓲ. ꓠꓬ ꓣꓳ ꓔꓯ ꓫ. ꓙꓵ ꓡꓰ ꓝꓲˍ ꓡꓳ꓿ ꓖꓳ ꓡꓱ ꓠꓬꓲ ꓣꓳ ꓔꓯ ꓞꓲꓽ ꓫꓬ ꓡꓰ ꓝꓲ ꓠ, ꓟ ꓢꓲ ꓒ ꓠꓬ ꓟꓲ ꓠꓯ ꓗꓪ ꓬꓯꓼ ꓡ ꓗꓷꓳ꓿  

ꓠꓬꓲ. ꓠꓬꓲ ꓣꓳ ꓑ ꓙꓽ ꓗꓷ ꓟ ꓬꓳ‐ꓦ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓬꓳ. ꓚꓰꓽˍ ꓟ ꓬꓲꓼ ꓠꓬꓲ. ꓘꓶꓽ (3) ꓙꓰꓽ ꓙꓳˍ ꓡꓳ꓿ ꓬꓲ ꓪꓴ. ꓠ ꓑ (1) ꓠꓬ꓾ ꓣꓳ ꓠꓬ ꓠꓲ, ꓟ ꓠꓬꓲꓽ ꓔꓱ, ꓣꓱꓽ ꓢꓲ ꓟꓽ ꓞꓳ ꓙꓳ ꓔꓬ ꓠ, ꓟ ꓬꓲꓼ ꓠꓬꓲ. ꓖꓶ ꓔ ꓡꓳ꓿ ꓠꓲ, ꓟ ꓠꓬꓲꓽ ꓔꓱ, ꓣꓱꓽˍ ꓐꓯ ꓟ ꓠꓬ꓾ ꓣꓳ ꓠꓬ ꓕꓲ ꓙꓰꓽ ꓙꓰꓽ ꓐꓯ ꓗꓷ ꓥˍ ꓟꓲ꓾ ꓝꓮꓲ ꓕꓲ ꓙꓰꓽ ꓔꓯ ꓬꓰˍ ꓟ ꓔꓯ ꓐꓯ ꓟ ꓥ ꓡꓳ꓿ ꓖꓳ ꓡꓱ ꓠꓬꓲ ꓣꓳ ꓐꓯˍ ꓟ ꓡꓰꓽ ꓣꓳ ꓛꓳ ꓫꓱꓽ ꓙꓰ ꓡꓯ꓿ ꓚꓲ. ꓛꓬ ꓤ ꓠꓱ ꓤ ꓔꓯ ꓙꓲꓻˍ ꓟ ꓚꓱ, ꓗꓪ ꓟ. ꓖꓶˍ ꓟ ꓡꓰ ꓮꓽ ꓐ ꓮ ꓟ ꓣꓱꓽ ꓢꓴ ꓥˍ ꓟꓲ ꓖꓳ ꓡꓱ ꓛꓳ ꓫꓱꓽ꓿ ꓟ. ꓒ ꓟ. ꓟ ꓐꓴ ꓥˍ ꓟꓲ ꓢꓴ ꓔꓯ ꓟ. ꓖꓶˍ ꓟ ꓡꓰ ꓚꓲ. ꓛꓬ ꓥˍ ꓟꓲ ꓛꓳ ꓫꓱꓽ ꓐ ꓡ ꓠ, ꓟ ꓢꓯꓼ ꓕꓵꓼ꓿ ꓞꓳ ꓡꓱ ꓐꓴ ꓔꓯ ꓟ. ꓖꓶˍ ꓟ ꓡꓰ ꓪꓴꓽ ꓢꓴ ꓟꓴ ꓢꓴ ꓐꓴ ꓥˍ ꓟꓲ ꓖꓳ ꓡꓱ ꓢꓯꓼ ꓕꓵꓼ ꓠ ꓔ ꓡꓳ꓿ ꓚꓲ. ꓛꓬ ꓤꓶꓻ ꓔꓯ ꓪ ꓜꓲ ꓙꓲꓻ ꓡꓰ ꓠ ꓞꓳ ꓙꓳ ꓠ ꓗ, ꓡꓳ꓿ ꓕꓲ ꓠꓬꓲ ꓕꓲ ꓠꓬꓲ ꓪ ꓜꓲ ꓙꓲꓻˍ ꓟ ꓞꓳ ꓤ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓠ, ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓕꓵꓼ ꓪ ꓖꓶ ꓡ ꓔꓬ ꓟ ꓬꓲ ꓪꓴ. ꓕꓲ ꓚꓱ, ꓥ ꓡꓳ꓿

ꓝꓮꓲ 2 ꓚꓱ, ꓕꓲ ꓚꓱ, ꓟ ꓠꓬ꓾ ꓖꓳ ꓓꓱꓽ ꓔꓲ, ꓖꓶ ꓢꓴ ꓬꓳ‐ꓦ ꓡꓰ ꓐꓰ꓾ ꓡ ꓞꓳ ꓐꓴ ꓔꓯ ꓪꓴ‐ꓢ ꓔꓯ ꓖꓴ ꓟ. ꓖꓶ ꓠ, ꓟ ꓠꓬ ꓣꓳꓽ ꓶꓻ ꓥ ꓡꓳ꓿ ꓬꓰ‐ꓢꓴ ꓠꓬ ꓪꓴ‐ꓢ ꓬꓲ ꓮ ꓣꓳ ꓤ ꓥ ꓡꓳ꓾ ꓐꓯ ꓟ ꓔꓯ ꓢꓷ. ꓙ ꓟꓳ ꓠ, ꓟ ꓣꓳ ꓔꓯ ꓶꓻ ꓙꓳˍ ꓡꓳ꓿ ꓟꓲ ꓠꓯ ꓞꓳ ꓤ ꓐꓴ ꓔꓯ ꓪꓴ‐ꓢ ꓚꓱ, ꓟ. ꓖꓶ ꓠ ꓔ ꓡꓳ꓿ ꓙꓳˍ ꓟ ꓮ ꓙꓵꓽ ꓕꓯꓽ ꓢꓲ ꓪꓴ‐ꓢ ꓠꓬ ꓪꓴꓽ ꓓꓰ ꓡꓰ ꓢꓴ ꓥ ꓡꓳ꓾ ꓐꓯ ꓟ ꓔꓯ ꓣꓳ ꓢꓷ. ꓙ ꓟꓳ ꓙ ꓠ ꓔ ꓡꓳ꓿ ꓚꓲ. ꓛꓬ ꓘꓴ ꓜꓲꓼ ꓞꓳ ꓗꓪ ꓥˍ ꓟꓲ꓾ ꓚꓲ. ꓛꓬ ꓦꓲ ꓘꓴꓽ ꓗꓪ ꓥˍ ꓟꓲ꓾ ꓚꓲ ꓛꓬ ꓜꓴ꓾ ꓥ ꓠꓬ꓾ ꓚꓲ. ꓛꓬ ꓛꓲ ꓬꓰˍ ꓟ ꓟꓵꓽ ꓗꓪ ꓙꓲꓻˍ ꓟ ꓬꓰ ꓢꓲ ꓠꓬꓲ ꓪꓴ‐ꓢ ꓔꓯ ꓢꓷ. ꓙ ꓟꓳ ꓙ ꓠ ꓔ ꓡꓳ꓾ ꓐꓯ ꓟ ꓥ ꓡꓳ꓿

ꓡꓳ, ꓬꓰˍ ꓕꓲ ꓚꓱ, ꓠꓬ꓾ ꓢꓲꓽ ꓫꓬ ꓢꓴ ꓐꓯ ꓟ ꓠꓬ ꓪꓴ‐ꓢ ꓠꓲ, ꓡꓶꓽ ꓙꓳˍ ꓟ ꓔꓯ ꓮ ꓕꓯ ꓟꓲ ꓣꓱꓽ ꓬꓰ ꓢꓴ ꓥ ꓡꓳ꓿ ꓖꓳ ꓡꓱ ꓠꓬꓲ ꓣꓳ ꓥˍ ꓟꓲ ꓝꓴꓲ. ꓠꓯꓸꓼ ꓗꓪ ꓐꓰ ꓡꓲ, ꓓꓳ ꓙꓰ ꓟꓶ ꓢꓲ ꓠꓬꓲ ꓢꓲꓽ ꓫꓬ ꓢꓴ ꓒꓬꓱꓼ ꓡ ꓠ, ꓟ ꓐꓱ ꓶ꓾ ꓚꓲ. ꓛꓬ ꓝꓴꓲ. ꓐꓱ ꓶ ꓠꓲ, ꓥꓴꓻ ꓢꓲ ꓠꓲ, ꓟ ꓡꓶ. ꓢꓲ ꓠꓬꓲ ꓢꓲ ꓒ ꓠꓲ, ꓡꓶꓽ ꓙꓳˍ ꓟ ꓡꓰ ꓛꓳ ꓫꓱꓽ ꓐ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿

https://youtu.be/rrnOExtAYtQ

The post ꓪꓴ‐ꓢ ꓬꓲ ꓮ ꓣꓳ ꓤ appeared first on Rva Lisu Kachin.

]]> https://rvalisukachin.org/2025/01/03/%ea%93%aa%ea%93%b4%e2%80%90%ea%93%a2-%ea%93%ac%ea%93%b2-%ea%93%ae-%ea%93%a3%ea%93%b3-%ea%93%a4/feed/ 0 1370 ꓬꓳ‐ꓦ ꓡꓰ ꓬꓰ‐ꓢꓴ ꓙ ꓖꓴ ꓐꓯ ꓟ. ꓖꓶˍ ꓟ (ꓬꓳ‐ꓦ꓿1ꓽ19‐28) https://rvalisukachin.org/2025/01/02/%ea%93%ac%ea%93%b3%e2%80%90%ea%93%a6-%ea%93%a1%ea%93%b0-%ea%93%ac%ea%93%b0%e2%80%90%ea%93%a2%ea%93%b4-%ea%93%99-%ea%93%96%ea%93%b4-%ea%93%90%ea%93%af-%ea%93%9f-%ea%93%96%ea%93%b6%cb%8d-%ea%93%9f/ https://rvalisukachin.org/2025/01/02/%ea%93%ac%ea%93%b3%e2%80%90%ea%93%a6-%ea%93%a1%ea%93%b0-%ea%93%ac%ea%93%b0%e2%80%90%ea%93%a2%ea%93%b4-%ea%93%99-%ea%93%96%ea%93%b4-%ea%93%90%ea%93%af-%ea%93%9f-%ea%93%96%ea%93%b6%cb%8d-%ea%93%9f/#respond Thu, 02 Jan 2025 05:00:00 +0000 https://rvalisukachin.org/?p=1352 https://youtu.be/jahpwkPAj4s YO-V 1:19-28 ꓕꓲ ꓣꓳ ꓣꓳ ꓡꓰ ꓣꓳ ꓔꓯ “ꓠꓴ ꓮꓽ ꓟ ꓥ ꓡ” ꓐꓰ ꓠ ꓠꓬꓲ ꓡˍ ꓕꓯ ꓮ ꓡꓲ ꓒꓳ, ꓖꓶˍ ꓡ? ꓖꓳ ꓡꓱ ꓠ ꓠꓬꓲ ꓡˍ ꓕꓯ ꓠꓬ ꓣꓳ ꓟꓬꓱ꓾ ꓣꓳ ꓔꓬ, ꓖꓴ꓾ ꓣꓳ ꓟꓬꓱꓽ ꓔꓯ ꓟꓬꓽ ꓠꓬꓲ ꓒꓳ, ꓖꓶˍ ꓥꓳ꓿ ꓮꓽ ꓟ ꓤ ꓮ. ꓟꓲꓽ ꓥ ꓟ ꓔꓯˍ ꓟꓲ ꓐꓯ ꓟ. […]

The post ꓬꓳ‐ꓦ ꓡꓰ ꓬꓰ‐ꓢꓴ ꓙ ꓖꓴ ꓐꓯ ꓟ. ꓖꓶˍ ꓟ (ꓬꓳ‐ꓦ꓿1ꓽ19‐28) appeared first on Rva Lisu Kachin.

]]>

https://youtu.be/jahpwkPAj4s

YO-V 1:19-28

ꓕꓲ ꓣꓳ ꓣꓳ ꓡꓰ ꓣꓳ ꓔꓯ “ꓠꓴ ꓮꓽ ꓟ ꓥ ꓡ” ꓐꓰ ꓠ ꓠꓬꓲ ꓡˍ ꓕꓯ ꓮ ꓡꓲ ꓒꓳ, ꓖꓶˍ ꓡ? ꓖꓳ ꓡꓱ ꓠ ꓠꓬꓲ ꓡˍ ꓕꓯ ꓠꓬ ꓣꓳ ꓟꓬꓱ꓾ ꓣꓳ ꓔꓬ, ꓖꓴ꓾ ꓣꓳ ꓟꓬꓱꓽ ꓔꓯ ꓟꓬꓽ ꓠꓬꓲ ꓒꓳ, ꓖꓶˍ ꓥꓳ꓿ ꓮꓽ ꓟ ꓤ ꓮ. ꓟꓲꓽ ꓥ ꓟ ꓔꓯˍ ꓟꓲ ꓐꓯ ꓟ. ꓖꓶˍ ꓥꓳ꓿ “ꓥꓪ ꓠꓬ ꓪꓴ‐ꓢ ꓤ ꓠꓱ ꓥꓳ” ꓐꓰ ꓐꓯ ꓢꓴ ꓠꓽ ꓮ ꓗꓶ. ꓠꓲ.ˍ ꓥꓳ꓿ ꓕꓱ ꓟ ꓠꓬ ꓔꓱ, ꓚꓵˍ ꓟ ꓥ ꓢꓲ ꓠꓬꓲ꓾ ꓣꓳ ꓘꓳ, ꓣꓴˍ ꓥ ꓟꓲ ꓟꓽ ꓘꓳ ꓣꓴ ꓥ ꓟꓲ ꓣꓳ ꓮ ꓙꓵꓽ ꓠꓬ ꓪꓴ‐ꓢ ꓬꓲ ꓤ ꓠꓱ ꓐꓴˍ ꓡꓰꓽ ꓥ ꓡꓳ꓿ ꓖꓳ ꓓꓱꓽ ꓔꓲ,ˍ ꓟ ꓗꓪ ꓐꓰ ꓡꓰꓽ ꓣꓳꓽ ꓠꓬ ꓪꓴ‐ꓢ ꓤ ꓠꓱ ꓚꓵ ꓒꓬꓱꓼ ꓡˍ ꓡꓳ꓿

ꓚꓵ ꓚꓵ ꓬꓰ‐ꓢꓴ ꓙꓲ‐ꓢꓴ ꓠꓬ ꓣꓳ ꓠꓯꓸꓼ ꓗꓪ ꓔꓬ ꓡꓳ꓾ ꓣꓳ ꓐꓰ ꓔꓬ ꓡꓳ꓿ ꓖꓳ ꓡꓱ ꓥˍ ꓟꓲ ꓮ ꓟꓬ, ꓟ ꓞꓳ ꓤ ꓐꓴ ꓠꓬ ꓕꓱ ꓟ ꓔꓯ ꓟꓽ ꓓꓵꓽ ꓙ ꓟꓶ꓿ ꓖꓳ ꓓꓱꓽ ꓔꓲ, ꓖꓶ ꓢꓴ ꓬꓳ‐ꓦ ꓠꓽ ꓕꓱ ꓟ ꓔꓯ ꓢꓷ.ˍ ꓡꓳ꓿ (ꓬꓳ‐ꓦ 1ꓽ26) ꓗꓪ “ꓠꓴ ꓪ ꓟꓽ ꓢꓷ. ꓟ ꓕꓲ ꓣꓳ ꓠꓽ ꓠꓴ ꓪ ꓗꓳ ꓡꓳ ꓗꓪ ꓦꓰꓼ ꓞ, ꓡꓳ” ꓐꓰ ꓐꓯ ꓔ ꓡꓳ꓿ ꓥ ꓡꓳ꓾ ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓢꓲ ꓣꓳ ꓐꓰ ꓕꓲ ꓪ ꓔꓬ ꓥˍ ꓟꓲ꓾ ꓣꓳ ꓠꓯꓸꓼ ꓗꓪ ꓔꓬ ꓥˍ ꓟꓲ꓾ ꓞꓳ ꓤ ꓮ ꓟꓬ, ꓠꓬ ꓕꓱ ꓟ ꓔꓯ ꓟꓽ ꓚꓬ, ꓪ ꓔꓬ꓿ ꓣꓳ ꓐꓴ ꓠꓬ ꓒ‐ꓡꓲ‐ꓢꓷ ꓐꓴ ꓡꓰ ꓐꓰ ꓢꓷ. ꓠꓲ, ꓙꓳ ꓢꓴ ꓕꓲ ꓐꓱ ꓥ ꓗꓴ.ˍ ꓥꓳ꓿ ꓖꓳ ꓡꓱ ꓥˍ ꓟꓲ ꓙꓵꓻ ꓠꓲ, ꓟꓬꓽ ꓢꓶꓽ ꓟꓽ ꓙꓳ ꓠꓬ꓾ ꓣꓳ ꓤꓶꓻ ꓠꓯꓸꓼ ꓗꓪ ꓢꓲ ꓒ ꓔꓬ ꓟ ꓔꓯ ꓣꓳ ꓚꓬ, ꓪ ꓟꓽ ꓓꓻ꓾ ꓢꓷ. ꓟꓽ ꓓꓻ꓿

ꓖꓳ ꓡꓱ ꓥ ꓟꓲ꓾ ꓣꓳ ꓮ ꓙꓵꓽ ꓠꓬ ꓢꓲ ꓒ ꓬꓲ ꓚꓱ, ꓐꓱ ꓶ ꓙꓽ ꓖꓶˍ ꓟ ꓟꓬꓱꓽ ꓔꓯ ꓝ. ꓢꓲ ꓣꓱꓽ ꓬꓰˍ ꓟ ꓤꓶꓻ ꓦꓬꓼ ꓠꓬꓲ ꓬꓲ ꓫꓵꓼ ꓗꓪ ꓟ ꓖꓳ ꓓꓱꓽ ꓔꓲ, ꓖꓶ ꓢꓴ ꓬꓳ‐ꓦ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓡꓯ꓿ ꓢꓲ ꓒ ꓠꓬ ꓕꓲ ꓧꓪ, ꓬꓯꓼ ꓡ ꓗꓷꓳ꓾ ꓝꓮꓲ ꓕꓲ ꓧꓪ, ꓬꓯꓼ ꓡˍ ꓥꓳ꓿ ꓢꓲ ꓒ ꓬꓲ ꓠꓬꓲꓽ ꓧꓪ, ꓕꓲ ꓧꓪ, ꓡˍ ꓟ ꓗꓪ ꓢꓲ ꓒ ꓬꓲ ꓚꓱ, ꓔꓯ ꓙꓽ ꓖꓶˍ ꓟ ꓟꓬꓱꓽ ꓬꓰˍ ꓟ ꓗꓪ ꓗꓽ ꓕ. ꓓꓴ꓾ ꓤ ꓠꓬꓲ ꓓꓴ ꓙꓳ ꓡˍ ꓥꓳ꓾ ꓖꓳ ꓡꓱ ꓥ ꓟꓲ ꓣꓳ ꓔꓯ ꓮ ꓫꓵꓽ ꓥˍ ꓟꓲ ꓗꓽ ꓔ ꓟꓽ ꓐ ꓡ꓿ ꓣꓳ ꓠꓯꓸꓼ ꓗꓪ ꓙꓳ ꓔꓬ ꓟ ꓢꓲ ꓒ ꓠꓬ ꓢꓯ. ꓔꓬ ꓟ ꓥ ꓢꓲ ꓠꓬꓲ꓾ ꓬꓲ ꓠꓬ ꓣꓳ ꓢꓯꓼ ꓪꓽ꓾ ꓠꓬꓲ. ꓠꓬꓲ ꓐꓱ ꓶˍ ꓡꓰꓽ ꓟꓽ ꓞꓲꓺ ꓣꓳ ꓕꓲ ꓤꓶꓻ ꓡꓱꓸꓼ ꓐꓱ ꓶ ꓢꓯꓼ ꓪ ꓓꓽ ꓟ ꓥ ꓡꓳ꓿ ꓖꓳ ꓡꓱ ꓠꓬꓲ ꓢꓲ ꓒ ꓬꓲ ꓚꓬꓴ. ꓙˍ ꓟ ꓓꓳꓽ ꓔꓯ ꓡꓲ ꓛꓲ ꓗꓪ ꓢꓯꓼ ꓓꓽ ꓟ ꓡꓰ ꓘꓴ ꓔꓴ ꓓꓴ ꓡꓯ꓿

The post ꓬꓳ‐ꓦ ꓡꓰ ꓬꓰ‐ꓢꓴ ꓙ ꓖꓴ ꓐꓯ ꓟ. ꓖꓶˍ ꓟ (ꓬꓳ‐ꓦ꓿1ꓽ19‐28) appeared first on Rva Lisu Kachin.

]]> https://rvalisukachin.org/2025/01/02/%ea%93%ac%ea%93%b3%e2%80%90%ea%93%a6-%ea%93%a1%ea%93%b0-%ea%93%ac%ea%93%b0%e2%80%90%ea%93%a2%ea%93%b4-%ea%93%99-%ea%93%96%ea%93%b4-%ea%93%90%ea%93%af-%ea%93%9f-%ea%93%96%ea%93%b6%cb%8d-%ea%93%9f/feed/ 0 1352 A RO LO. SU BU WU. Dꓵ ꓕꓱ; L_ M https://rvalisukachin.org/2025/01/01/a-ro-lo-su-bu-wu-d%ea%93%b5-%ea%93%95%ea%93%b1-l_-m/ https://rvalisukachin.org/2025/01/01/a-ro-lo-su-bu-wu-d%ea%93%b5-%ea%93%95%ea%93%b1-l_-m/#respond Wed, 01 Jan 2025 05:00:00 +0000 https://rvalisukachin.org/?p=1367 https://youtu.be/iqa9MxHv6Mg ꓡꓴ‐ꓘ꓿2ꓽ16‐21 ꓬꓲ ꓪꓽ ꓖꓳ ꓗꓪ ꓠꓲꓹ ꓞ ꓙꓰ ꓗꓷ ꓠꓬ꓾ ꓟ-ꓡꓲˍ ꓐꓰ ꓬꓳ-ꓢꓷˍ ꓐꓰ ꓡꓴꓻ ꓕꓴ ꓗꓪ ꓫꓵꓸ ꓔ ꓟ ꓞꓳ ꓫꓵꓼ ꓤꓽ ꓔꓯ ꓧꓪ ꓟꓶˍ ꓡꓳ꓿ꓬꓲ ꓪꓽ ꓬꓲ ꓔꓯ ꓟꓳꓻ ꓗꓷ ꓠꓬ꓾ ꓤ ꓠꓱ ꓤ ꓔꓯ ꓖꓴ ꓢꓲ ꓬꓲ ꓪꓽ ꓔꓯ ꓐꓯ ꓖꓶ ꓡ ꓟ ꓐꓯ ꓘꓶꓽ ꓖꓳ ꓟ ꓐꓯ ꓐꓯ ꓒꓬꓱ ꓙꓰˍ […]

The post A RO LO. SU BU WU. Dꓵ ꓕꓱ; L_ M appeared first on Rva Lisu Kachin.

]]> https://youtu.be/iqa9MxHv6Mg

ꓡꓴ‐ꓘ꓿2ꓽ16‐21

ꓬꓲ ꓪꓽ ꓖꓳ ꓗꓪ ꓠꓲꓹ ꓞ ꓙꓰ ꓗꓷ ꓠꓬ꓾ ꓟ-ꓡꓲˍ ꓐꓰ ꓬꓳ-ꓢꓷˍ ꓐꓰ ꓡꓴꓻ ꓕꓴ ꓗꓪ ꓫꓵꓸ ꓔ ꓟ ꓞꓳ ꓫꓵꓼ ꓤꓽ ꓔꓯ ꓧꓪ ꓟꓶˍ ꓡꓳ꓿ꓬꓲ ꓪꓽ ꓬꓲ ꓔꓯ ꓟꓳꓻ ꓗꓷ ꓠꓬ꓾ ꓤ ꓠꓱ ꓤ ꓔꓯ ꓖꓴ ꓢꓲ ꓬꓲ ꓪꓽ ꓔꓯ ꓐꓯ ꓖꓶ ꓡ ꓟ ꓐꓯ ꓘꓶꓽ ꓖꓳ ꓟ ꓐꓯ ꓐꓯ ꓒꓬꓱ ꓙꓰˍ ꓡꓳ ꓖꓳ ꓕꓯ ꓮ ꓣꓳ ꓡꓳꓸ ꓢꓴ ꓐꓴ ꓡꓰ ꓐꓯˍ ꓟ ꓔꓯ ꓑ ꓙꓽ ꓢꓴ ꓮꓽ ꓙꓵ ꓓꓵꓽ ꓙ ꓟꓶ ꓡꓰˍ ꓡꓳ꓿ ꓖꓳ ꓡꓱ ꓥ ꓟꓲ ꓟ-ꓡꓲ ꓠꓬ ꓐꓯ ꓘꓶꓽ ꓕꓱ ꓟꓬ ꓟ ꓔꓯ ꓬꓲ ꓠꓲꓹ ꓟ ꓗꓪ ꓗꓶ ꓔꓸ ꓢꓲ ꓓꓵꓽ ꓙ ꓠꓬꓲ ꓔꓬ ꓡꓳ꓿ 

ꓮ ꓣꓳ ꓡꓳꓸ ꓢꓴ ꓐꓴ ꓠꓬ ꓟꓴꓽ ꓗꓪ ꓝꓲ ꓓꓴ ꓡꓰ ꓬꓲ ꓪꓽ ꓔꓯ ꓐꓯ ꓖꓶ ꓡ ꓟ ꓡꓰ ꓐꓰ꓾ ꓑˍ ꓟꓲ ꓑꓺ ꓙꓽ ꓢꓲ ꓟꓳˍ ꓟꓲ ꓟꓳꓻ ꓗꓷ ꓠꓬꓲ꓾ ꓬꓲ ꓪꓽ ꓠꓬ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓠꓬꓲ ꓫꓱꓸ ꓖꓶ ꓠꓬꓲ ꓐꓰ ꓬꓲꓼ ꓙꓰˍ ꓡꓳ꓿ 

ꓦꓰꓼ ꓠꓬꓲ ꓕꓲ ꓠꓬꓲ ꓗꓪ꓾ ꓤ ꓠꓱ ꓤ ꓔꓯ ꓶꓺˍ ꓟ ꓗ ꓫꓵꓺ ꓬꓰˍ ꓟ ꓦꓬꓼ ꓠꓬꓲ ꓐꓲꓺ ꓡ ꓠꓬ꓾ ꓧꓶꓸ ꓕꓯ ꓬꓲ ꓟꓹ ꓟ ꓖꓳ ꓓꓱꓽ ꓗꓪ ꓟꓽ ꓶꓻ ꓡꓰ ꓢꓰ ꓕꓯˍ ꓡꓰ ꓟꓴꓽ ꓗꓪ ꓝꓲ ꓓꓴ ꓡꓰ ꓐꓯ ꓖꓶ ꓡ ꓟ ꓡꓰ ꓐꓰ꓾ ꓬꓲ ꓔꓯ꓾ ꓬꓰ-ꓢꓴ꓾ ꓟꓬꓱꓺ ꓖꓶˍ ꓡꓳ꓿

The post A RO LO. SU BU WU. Dꓵ ꓕꓱ; L_ M appeared first on Rva Lisu Kachin.

]]> https://rvalisukachin.org/2025/01/01/a-ro-lo-su-bu-wu-d%ea%93%b5-%ea%93%95%ea%93%b1-l_-m/feed/ 0 1367 ꓡꓲꓽ ꓒꓰꓼ ꓐꓰ ꓫꓸ ꓕꓱˍ ꓟ ꓣꓳ ꓬꓰˍ ꓕꓯ ꓪꓴ-ꓢ ꓡꓲꓽ ꓒꓰꓼ ꓟ ꓮ ꓫꓵꓽ ꓥ꓾ https://rvalisukachin.org/2024/12/31/%ea%93%a1%ea%93%b2%ea%93%bd-%ea%93%92%ea%93%b0%ea%93%bc-%ea%93%90%ea%93%b0-%ea%93%ab%ea%93%b8-%ea%93%95%ea%93%b1%cb%8d-%ea%93%9f-%ea%93%a3%ea%93%b3-%ea%93%ac%ea%93%b0%cb%8d-%ea%93%95%ea%93%af/ https://rvalisukachin.org/2024/12/31/%ea%93%a1%ea%93%b2%ea%93%bd-%ea%93%92%ea%93%b0%ea%93%bc-%ea%93%90%ea%93%b0-%ea%93%ab%ea%93%b8-%ea%93%95%ea%93%b1%cb%8d-%ea%93%9f-%ea%93%a3%ea%93%b3-%ea%93%ac%ea%93%b0%cb%8d-%ea%93%95%ea%93%af/#respond Tue, 31 Dec 2024 09:00:00 +0000 https://rvalisukachin.org/?p=1353 https://youtu.be/NN1RfHdTtyA ꓢꓲ ꓒ ꓠꓯꓼˍ ꓗꓪ ꓠꓲꓹ ꓠꓵ ꓟ ꓬꓲ ꓤ ꓠꓬꓲꓸ ꓤ ꓐꓴ ꓮꓽ ꓙꓵꓹ ꓢꓴ ꓧꓪꓽ ꓧꓪꓼˍ ꓡꓲꓽ ꓒꓰꓼ ꓐꓰ ꓫꓸ ꓕꓱˍ ꓟ ꓣꓳ ꓬꓰˍ ꓕꓯ ꓪꓴ-ꓢ ꓡꓲꓽ ꓒꓰꓼ ꓟ ꓮ ꓫꓵꓽ ꓥ꓾ ꓐꓰ ꓣꓳ ꓓꓵ ꓙ ꓠꓬ ꓪꓴ-ꓢ ꓡꓲꓽ ꓒꓰꓼ ꓪꓴ-ꓢ ꓚꓱꓹ ꓠꓬ ꓕꓲ ꓫꓵꓽ ꓡꓰ ꓙꓳˍ ꓡꓳ= ꓕꓱ ꓟ ꓮ ꓫꓵꓽ ꓥ꓾ […]

The post ꓡꓲꓽ ꓒꓰꓼ ꓐꓰ ꓫꓸ ꓕꓱˍ ꓟ ꓣꓳ ꓬꓰˍ ꓕꓯ ꓪꓴ-ꓢ ꓡꓲꓽ ꓒꓰꓼ ꓟ ꓮ ꓫꓵꓽ ꓥ꓾ appeared first on Rva Lisu Kachin.

]]> https://youtu.be/NN1RfHdTtyA

ꓢꓲ ꓒ ꓠꓯꓼˍ ꓗꓪ ꓠꓲꓹ ꓠꓵ ꓟ ꓬꓲ ꓤ ꓠꓬꓲꓸ ꓤ ꓐꓴ ꓮꓽ ꓙꓵꓹ ꓢꓴ ꓧꓪꓽ ꓧꓪꓼˍ ꓡꓲꓽ ꓒꓰꓼ ꓐꓰ ꓫꓸ ꓕꓱˍ ꓟ ꓣꓳ ꓬꓰˍ ꓕꓯ ꓪꓴ-ꓢ ꓡꓲꓽ ꓒꓰꓼ ꓟ ꓮ ꓫꓵꓽ ꓥ꓾ ꓐꓰ ꓣꓳ ꓓꓵ ꓙ ꓠꓬ ꓪꓴ-ꓢ ꓡꓲꓽ ꓒꓰꓼ ꓪꓴ-ꓢ ꓚꓱꓹ ꓠꓬ ꓕꓲ ꓫꓵꓽ ꓡꓰ ꓙꓳˍ ꓡꓳ= ꓕꓱ ꓟ ꓮ ꓫꓵꓽ ꓥ꓾ ꓐꓯ ꓠꓬ ꓟꓵꓽ ꓗꓪ ꓗꓪ ꓟ ꓐꓽ ꓐ ꓬꓲ ꓔꓲꓸ ꓠꓬꓲ ꓟꓲ ꓠꓯ ꓞꓳ ꓤ ꓮ ꓙꓵꓹ ꓔꓯ ꓚꓬꓱꓼ ꓙ ꓠꓹ ꓟ ꓟꓲ ꓠꓯ ꓗꓪ ꓬꓯꓼ ꓡ ꓡꓳ= ꓪꓴ-ꓢ ꓡꓲꓽ ꓪꓴ-ꓢ ꓚꓱꓹ ꓠꓬ ꓮ ꓡꓰ ꓫꓵꓽ ꓞꓳ ꓫꓵꓽ ꓮ ꓡꓰ ꓫꓵꓽ ꓥꓳꓽ ꓫꓵꓽ ꓔꓯꓼ ꓡꓲꓽ ꓬꓲ ꓠ ꓪ ꓡꓳ= ꓖꓳ ꓡꓰ ꓠꓬ ꓢꓲ ꓫꓬ ꓕꓳ ꓶ ꓗꓪ ꓣꓳ ꓮ ꓡꓰ ꓐꓰ ꓟꓳˍ ꓐꓯ ꓠꓬ ꓪꓴ-ꓢ ꓐꓯꓼ ꓘꓶꓼ ꓠꓬ ꓠꓬꓲꓸ ꓚꓰ ꓙꓳˍ ꓟ ꓮꓸ ꓕꓽ ꓡꓰ ꓐꓰ ꓗꓹ ꓡꓳ= ꓣꓳ ꓣꓱꓽ ꓔꓬ ꓟ ꓮꓸ ꓕꓽ ꓠꓬ ꓕꓲ ꓚꓰ ꓡꓰ ꓙꓳˍ ꓥ꓾ ꓟꓲ ꓪꓴ-ꓢ ꓮꓸ ꓕꓽ ꓠꓬ ꓠꓬꓲ ꓚꓰ ꓙꓳˍ ꓡꓳ= ꓪꓴ-ꓢ ꓐꓯ ꓘꓶꓼ ꓠꓬ ꓮꓽ ꓟ ꓥ ꓐꓰ ꓣꓳ ꓓꓵ ꓙ ꓕꓯ ꓢꓲ ꓒ ꓬꓰ ꓢꓴ ꓥ ꓡꓳ= ꓬꓲ ꓚꓰ ꓬꓲ ꓪꓴꓸ ꓕꓯ ꓐꓯꓼ ꓘꓶꓼ ꓙꓳ ꓡꓳ= ꓖꓳ ꓟ ꓠꓬ ꓪꓴ-ꓢ ꓥ ꓡꓳ꓾ ꓐꓰ ꓬꓳ-ꓦ ꓶꓽ ꓓꓳ ꓫꓱꓹ ꓓꓳꓽ ꓗꓪ ꓐꓯ ꓔꓽ ꓡꓳ=

ꓣꓳ ꓡꓲ-ꓢꓴ ꓫꓵꓽ ꓣꓳ ꓡꓲꓽ ꓒꓰꓼ ꓠꓬ ꓠꓱꓸ ꓐꓯꓼ ꓫꓵꓽ ꓠꓱꓸ ꓐꓯꓼ ꓡꓲꓽ ꓒꓰꓼ ꓠꓯꓼˍ ꓗꓪ ꓓꓵ ꓙꓰ ꓠꓹ ꓟ ꓟꓽ ꓢ= ꓕꓱ ꓟ ꓡꓰ ꓐꓰ ꓠꓱꓸ ꓐꓯꓼˍ ꓫꓵꓽ ꓠꓱꓸ ꓐꓯꓼˍ ꓡꓲꓽ ꓒꓰꓼ ꓥˍ ꓟꓲ ꓣꓳ ꓡꓲ-ꓢꓴ ꓫꓵꓽ ꓣꓳ ꓡꓲꓽ ꓒꓰꓼ ꓠꓯꓼˍ ꓗꓪ ꓓꓵ ꓡ ꓠꓹ ꓟ ꓠꓬ ꓮ ꓡꓰ ꓥˍ ꓟꓲ ꓒꓬꓱꓼ ꓡ ꓟꓽ ꓓ= ꓮ ꓫꓵꓽ ꓥ ꓐꓯ ꓠꓬ ꓮꓽ ꓟ ꓔꓯ ꓡꓲꓽ ꓟꓽ ꓫꓱꓹ ꓞꓳ ꓫꓵꓽ ꓠꓬ ꓣꓳ ꓞꓳ ꓫꓵꓽ ꓥ ꓡꓳ= ꓖꓳ ꓡꓰ ꓐꓯ ꓥˍ ꓟꓲ ꓪꓴ-ꓢ ꓡꓰ ꓪꓴ-ꓚꓱꓹ ꓠꓬ ꓮ ꓡꓰ ꓫꓵꓽ ꓞꓳ ꓫꓵꓽ ꓮ ꓡꓰ ꓫꓵꓽ ꓡꓲꓽ ꓒꓰꓼ ꓗꓪ ꓥ  ꓟꓲ ꓬꓲꓸ ꓠꓬ ꓓꓵ ꓙꓰ  ꓡꓳ= ꓮ ꓫꓵꓽ ꓑꓶꓸ ꓓꓴ ꓥ ꓐꓯ ꓠꓬ ꓠꓬꓲꓸ ꓚꓱ ꓙꓳˍ ꓟ ꓮꓸ ꓔꓽ ꓥꓳ= ꓖꓳ ꓡꓰ ꓠꓬꓲ ꓞꓳ ꓫꓵꓽ ꓞꓳ ꓙꓰ ꓐꓴ ꓔꓯ ꓣꓳ ꓡꓳꓸ ꓠꓬꓲ ꓕꓯ ꓮ ꓠꓱ ꓪꓴ-ꓢ ꓔꓯ ꓟꓽ ꓢꓷꓸ ꓕꓯ ꓬꓲ ꓪ ꓛꓳ ꓡ ꓟ ꓡꓲꓽ ꓒꓰꓼ ꓔꓯ ꓢ ꓓ ꓕꓲ ꓐꓱ ꓟ ꓔꓯ ꓠꓬ ꓪꓴ-ꓢ ꓡꓲꓽ ꓪꓴ-ꓢ ꓚꓱꓹ ꓗꓪ ꓐꓰ ꓧꓶꓸꓹ ꓦ ꓟ ꓔꓯ ꓣꓳ ꓡꓳ ꓟꓳ ꓡꓳ= ꓙꓲꓸꓹ ꓔꓯ ꓠꓬ ꓳ ꓓꓽ ꓟꓽ ꓙꓲꓸꓹ ꓟ ꓔꓯ ꓠꓬ ꓡꓳꓸ ꓔ꓾ ꓕꓲ ꓚꓱꓹ ꓐꓯ ꓠꓬ ꓪꓴ-ꓢ ꓡꓲꓽ ꓪꓴ-ꓢ ꓚꓱꓹ ꓕꓱ ꓟ ꓠꓬ ꓡꓲꓽ ꓒꓰꓼ ꓔꓯ ꓢꓲ ꓫꓬ ꓡꓰ ꓝꓲˍ ꓟ ꓥ ꓡꓳ= ꓪꓴ-ꓢ ꓠꓬ ꓡꓲꓽ ꓒꓰꓼ ꓔꓯ ꓠꓲꓹ ꓠꓵ ꓡꓳ= ꓖꓳ ꓡꓰ ꓠꓬꓲ ꓬꓲꓸ ꓤ ꓠꓬꓲꓸ ꓤ ꓐꓴ ꓠꓬꓲ ꓚꓰ ꓙꓳˍ ꓟ ꓮꓸ ꓔꓽ ꓣꓳ ꓡꓲꓽ ꓒꓱꓼ ꓗꓪ ꓔꓶꓸ ꓞ ꓢꓲ꓾ ꓠꓬꓲ ꓟꓬꓱꓼ ꓓꓳ ꓙꓳˍ ꓟ ꓢꓷꓸ ꓠꓲꓹ ꓙꓳˍ ꓟ ꓙꓲꓸꓹ ꓟ ꓡꓲꓽ ꓒꓰꓼ ꓒꓬꓱꓼ ꓡ ꓠꓹ ꓟ ꓣꓳ ꓢꓯꓼ ꓕꓵꓼ ꓙꓰ ꓡꓯ=

The post ꓡꓲꓽ ꓒꓰꓼ ꓐꓰ ꓫꓸ ꓕꓱˍ ꓟ ꓣꓳ ꓬꓰˍ ꓕꓯ ꓪꓴ-ꓢ ꓡꓲꓽ ꓒꓰꓼ ꓟ ꓮ ꓫꓵꓽ ꓥ꓾ appeared first on Rva Lisu Kachin.

]]> https://rvalisukachin.org/2024/12/31/%ea%93%a1%ea%93%b2%ea%93%bd-%ea%93%92%ea%93%b0%ea%93%bc-%ea%93%90%ea%93%b0-%ea%93%ab%ea%93%b8-%ea%93%95%ea%93%b1%cb%8d-%ea%93%9f-%ea%93%a3%ea%93%b3-%ea%93%ac%ea%93%b0%cb%8d-%ea%93%95%ea%93%af/feed/ 0 1353 Daily Programs – ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ ꓚꓱ, (December 31, 2024) https://rvalisukachin.org/2024/12/31/daily-programs-%ea%93%95%ea%93%b2-%ea%93%a0%ea%93%ac%ea%93%b2-%ea%93%a1%ea%93%b0-%ea%93%95%ea%93%b2-%ea%93%a0%ea%93%ac%ea%93%b2-%ea%93%9f-%ea%93%9a%ea%93%b1-december-31-2024/ https://rvalisukachin.org/2024/12/31/daily-programs-%ea%93%95%ea%93%b2-%ea%93%a0%ea%93%ac%ea%93%b2-%ea%93%a1%ea%93%b0-%ea%93%95%ea%93%b2-%ea%93%a0%ea%93%ac%ea%93%b2-%ea%93%9f-%ea%93%9a%ea%93%b1-december-31-2024/#respond Tue, 31 Dec 2024 06:00:00 +0000 https://rvalisukachin.org/?p=1337 (1) ꓢꓲꓽ ꓫꓬ ꓕꓳꓽ ꓶ ꓔꓱ, ꓕˍ ꓟ (2) ꓡꓲꓽ ꓒꓰꓼ ꓐꓰ ꓫ. ꓕꓱˍ ꓟ ꓚꓱ, (3) ꓟꓵꓽ ꓘꓳꓼ ꓒꓳ, ꓚꓱ, (4) ꓟꓴꓽ ꓖꓪ ꓡꓯꓼ ꓫꓴ https://youtu.be/WZ2QDMXPN5U

The post Daily Programs – ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ ꓚꓱ, (December 31, 2024) appeared first on Rva Lisu Kachin.

]]> (1) ꓢꓲꓽ ꓫꓬ ꓕꓳꓽ ꓶ ꓔꓱ, ꓕˍ ꓟ (2) ꓡꓲꓽ ꓒꓰꓼ ꓐꓰ ꓫ. ꓕꓱˍ ꓟ ꓚꓱ, (3) ꓟꓵꓽ ꓘꓳꓼ ꓒꓳ, ꓚꓱ, (4) ꓟꓴꓽ ꓖꓪ ꓡꓯꓼ ꓫꓴ

https://youtu.be/WZ2QDMXPN5U

The post Daily Programs – ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ ꓚꓱ, (December 31, 2024) appeared first on Rva Lisu Kachin.

]]> https://rvalisukachin.org/2024/12/31/daily-programs-%ea%93%95%ea%93%b2-%ea%93%a0%ea%93%ac%ea%93%b2-%ea%93%a1%ea%93%b0-%ea%93%95%ea%93%b2-%ea%93%a0%ea%93%ac%ea%93%b2-%ea%93%9f-%ea%93%9a%ea%93%b1-december-31-2024/feed/ 0 1337 ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓟ (ꓡꓴ‐ꓘ꓿1ꓽ1‐18) https://rvalisukachin.org/2024/12/31/%ea%93%90%ea%93%af-%ea%93%98%ea%93%b6%ea%93%bd-%ea%93%a0%ea%93%ac-%ea%93%a7%ea%93%aa%ea%93%bd-%ea%93%96%ea%93%b3-%ea%93%93%ea%93%b1%ea%93%bd-%ea%93%92%ea%93%ac%ea%93%b1%ea%93%bc-%ea%93%a1-%ea%93%9f/ https://rvalisukachin.org/2024/12/31/%ea%93%90%ea%93%af-%ea%93%98%ea%93%b6%ea%93%bd-%ea%93%a0%ea%93%ac-%ea%93%a7%ea%93%aa%ea%93%bd-%ea%93%96%ea%93%b3-%ea%93%93%ea%93%b1%ea%93%bd-%ea%93%92%ea%93%ac%ea%93%b1%ea%93%bc-%ea%93%a1-%ea%93%9f/#respond Tue, 31 Dec 2024 05:00:00 +0000 https://rvalisukachin.org/?p=1350 https://youtu.be/WzHSeVdlziQ YO-V 1:1-18 ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓢꓲ ꓥꓪ ꓠꓴꓽˍ ꓐꓰ ꓕꓲ ꓪˍ ꓔꓬ ꓗꓷꓳ꓿”(YO-V 1:14) ꓪꓴ‐ꓢ ꓠꓬ ꓣꓳˍ ꓡꓰ ꓐꓰ ꓞꓳ ꓤ ꓒꓬꓱꓼ ꓡ ꓗꓷꓳ꓿ ꓬꓲ ꓠꓬ ꓣꓳ ꓠꓯꓸꓼ ꓗꓪ ꓟ ꓕꓲ ꓣꓳ ꓒꓬꓱꓼ ꓡꓺꓳ꓿ ꓬꓲ ꓠꓬ ꓞꓳ ꓤ ꓡꓰ ꓐꓰ ꓗꓷ ꓡꓰꓳ꓿ ꓪꓴ‐ꓢ ꓠꓬ ꓣꓳ ꓡꓰ ꓐꓰ ꓞꓳ ꓤ […]

The post ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓟ (ꓡꓴ‐ꓘ꓿1ꓽ1‐18) appeared first on Rva Lisu Kachin.

]]> https://youtu.be/WzHSeVdlziQ

YO-V 1:1-18

ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓢꓲ ꓥꓪ ꓠꓴꓽˍ ꓐꓰ ꓕꓲ ꓪˍ ꓔꓬ ꓗꓷꓳ꓿”(YO-V 1:14)

ꓪꓴ‐ꓢ ꓠꓬ ꓣꓳˍ ꓡꓰ ꓐꓰ ꓞꓳ ꓤ ꓒꓬꓱꓼ ꓡ ꓗꓷꓳ꓿ ꓬꓲ ꓠꓬ ꓣꓳ ꓠꓯꓸꓼ ꓗꓪ ꓟ ꓕꓲ ꓣꓳ ꓒꓬꓱꓼ ꓡꓺꓳ꓿ ꓬꓲ ꓠꓬ ꓞꓳ ꓤ ꓡꓰ ꓐꓰ ꓗꓷ ꓡꓰꓳ꓿ ꓪꓴ‐ꓢ ꓠꓬ ꓣꓳ ꓡꓰ ꓐꓰ ꓞꓳ ꓤ ꓒꓬꓱꓼ ꓡ ꓟ ꓔꓯ ꓣꓳ ꓓꓳ ꓟꓴ, ꓔꓬ ꓡꓳ꓿ ꓪꓴ‐ꓢ ꓠꓬ ꓣꓳ ꓐꓴ ꓔꓯ ꓬꓲ ꓤ ꓔꓲ. ꓖꓶˍ ꓟ ꓗꓪ ꓐꓰ ꓣꓳ ꓔꓯ ꓮ ꓟꓬ ꓗꓪ ꓛꓲ ꓠꓲ, ꓠꓵˍ ꓡꓳ꓾ ꓐꓯ ꓟ ꓟ. ꓖꓶ ꓡ ꓔꓬ ꓡꓳ꓿

ꓣꓳ ꓪꓴ‐ꓢ ꓠꓬ ꓣꓳ ꓠꓯꓸꓼ ꓗꓪ ꓔꓬ ꓢꓲ ꓠꓬꓲ ꓣꓳ ꓐꓰ ꓕꓲ ꓪ ꓮ ꓕꓯ ꓟꓲ ꓔꓬ ꓠ, ꓟ ꓠꓲ, ꓡꓶꓽ ꓙꓳˍ ꓡꓳ꓿

ꓣꓳ ꓐꓴ ꓠꓬ ꓢꓲ ꓒ ꓬꓲ ꓐꓳˍ ꓟ ꓠꓵꓻ ꓠꓲ, ꓬꓲ ꓒꓬꓱꓽ ꓶꓻ ꓞ, ꓠ ꓗ, ꓡꓳ꓿ ꓣꓳ ꓟꓶ ꓔ ꓟ ꓣꓱꓽ ꓛꓰꓽ ꓠꓱ. ꓐꓯ ꓢꓴ ꓔꓯ ꓐꓱ ꓖꓶˍ ꓟ ꓗꓪ ꓐꓰ꓾ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓐꓱ ꓖꓶˍ ꓟ ꓗꓪ ꓐꓰ꓾ ꓫ. ꓙꓵ ꓓꓴ ꓔꓳ, ꓜꓳꓽ ꓔꓬ ꓟ ꓠꓶꓽ ꓛꓳꓽ ꓕꓲ ꓛꓳꓽ ꓐꓴ ꓔꓯ ꓠꓲ, ꓧꓳ, ꓫꓵꓽ ꓧꓳ,ˍ ꓟ ꓟꓳ. ꓖꓶˍ ꓟ ꓗꓪ ꓐꓰ꓾ ꓣꓳ ꓐꓴ ꓔꓯ ꓠꓻ ꓡꓰ ꓝꓲ ꓢꓴ ꓐꓴ ꓔꓯ ꓖꓼ ꓖꓶ ꓢꓲ ꓠꓬꓲ ꓠꓵꓻ ꓠꓲ, ꓟꓳ. ꓖꓶˍ ꓟ ꓗꓪ ꓐꓰ꓾ ꓣꓳ ꓐꓴ ꓠꓬ ꓢꓲ ꓒ ꓬꓲ ꓠꓵꓻ ꓠꓲ, ꓢꓴ ꓔꓯ ꓟꓳ. ꓖꓶ ꓐ ꓡˍ ꓡꓳ꓿

ꓣꓳ ꓠꓬ ꓮ ꓡꓲ ꓗꓪ ꓛꓲ ꓬꓰˍ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓚꓵ ꓚꓵ ꓙꓳ ꓔꓬ ꓡꓳ ꓐꓯ ꓟ ꓢꓴ ꓢꓷ. ꓡꓰ ꓠ, ꓟ꓾ ꓣꓳ ꓞꓳ ꓙꓳ ꓢꓯ. ꓔꓬ ꓚꓱ, ꓗꓪ ꓐꓰ ꓠꓵꓻ ꓠꓲ, ꓟ. ꓖꓶ ꓓꓴ ꓬꓰ ꓡꓯ꓿

The post ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓟ (ꓡꓴ‐ꓘ꓿1ꓽ1‐18) appeared first on Rva Lisu Kachin.

]]> https://rvalisukachin.org/2024/12/31/%ea%93%90%ea%93%af-%ea%93%98%ea%93%b6%ea%93%bd-%ea%93%a0%ea%93%ac-%ea%93%a7%ea%93%aa%ea%93%bd-%ea%93%96%ea%93%b3-%ea%93%93%ea%93%b1%ea%93%bd-%ea%93%92%ea%93%ac%ea%93%b1%ea%93%bc-%ea%93%a1-%ea%93%9f/feed/ 0 1350 AD 230 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓔꓯ ꓬꓰ ꓙ ꓢꓴ Origen ꓚꓱ, (Church History) https://rvalisukachin.org/2024/12/30/ad-230-%ea%93%98%ea%93%b3%ea%93%bc-%ea%93%95%ea%93%af-%ea%93%98%ea%93%b4-%ea%93%9c%ea%93%b2%ea%93%bc-%ea%93%9e%ea%93%b3-%ea%93%94%ea%93%af-%ea%93%ac%ea%93%b0-%ea%93%99-%ea%93%a2%ea%93%b4-origen/ https://rvalisukachin.org/2024/12/30/ad-230-%ea%93%98%ea%93%b3%ea%93%bc-%ea%93%95%ea%93%af-%ea%93%98%ea%93%b4-%ea%93%9c%ea%93%b2%ea%93%bc-%ea%93%9e%ea%93%b3-%ea%93%94%ea%93%af-%ea%93%ac%ea%93%b0-%ea%93%99-%ea%93%a2%ea%93%b4-origen/#respond Mon, 30 Dec 2024 10:00:00 +0000 https://rvalisukachin.org/?p=1311 https://youtu.be/RCUF4UkjuQI

The post AD 230 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓔꓯ ꓬꓰ ꓙ ꓢꓴ Origen ꓚꓱ, (Church History) appeared first on Rva Lisu Kachin.

]]>

https://youtu.be/RCUF4UkjuQI

The post AD 230 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓔꓯ ꓬꓰ ꓙ ꓢꓴ Origen ꓚꓱ, (Church History) appeared first on Rva Lisu Kachin.

]]> https://rvalisukachin.org/2024/12/30/ad-230-%ea%93%98%ea%93%b3%ea%93%bc-%ea%93%95%ea%93%af-%ea%93%98%ea%93%b4-%ea%93%9c%ea%93%b2%ea%93%bc-%ea%93%9e%ea%93%b3-%ea%93%94%ea%93%af-%ea%93%ac%ea%93%b0-%ea%93%99-%ea%93%a2%ea%93%b4-origen/feed/ 0 1311 Daily Programs – ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ ꓚꓱ, (December 30, 2024) https://rvalisukachin.org/2024/12/30/daily-programs-%ea%93%95%ea%93%b2-%ea%93%a0%ea%93%ac%ea%93%b2-%ea%93%a1%ea%93%b0-%ea%93%95%ea%93%b2-%ea%93%a0%ea%93%ac%ea%93%b2-%ea%93%9f-%ea%93%9a%ea%93%b1-december-30-2024/ https://rvalisukachin.org/2024/12/30/daily-programs-%ea%93%95%ea%93%b2-%ea%93%a0%ea%93%ac%ea%93%b2-%ea%93%a1%ea%93%b0-%ea%93%95%ea%93%b2-%ea%93%a0%ea%93%ac%ea%93%b2-%ea%93%9f-%ea%93%9a%ea%93%b1-december-30-2024/#respond Mon, 30 Dec 2024 06:09:00 +0000 https://rvalisukachin.org/?p=1335 (1) ꓢꓲꓽ ꓫꓬ ꓕꓳꓽ ꓶ ꓝꓲ. ꓵˍ ꓟ (2) ꓘꓴ ꓜꓲꓼ ꓞꓳ ꓚꓺ ꓟꓲꓽ (3) ꓢꓲꓽ ꓫꓬ ꓕꓳꓽ ꓶ ꓗꓪ ꓟ ꓟꓷꓽ ꓠꓷ, ꓝ. ꓢꓴ ꓐꓴ ꓚꓱ, (4) ꓟꓴꓽ ꓖꓪ ꓡꓯꓼ ꓫꓴ https://youtu.be/LBTXfJ_UE6g

The post Daily Programs – ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ ꓚꓱ, (December 30, 2024) appeared first on Rva Lisu Kachin.

]]> (1) ꓢꓲꓽ ꓫꓬ ꓕꓳꓽ ꓶ ꓝꓲ. ꓵˍ ꓟ

(2) ꓘꓴ ꓜꓲꓼ ꓞꓳ ꓚꓺ ꓟꓲꓽ

(3) ꓢꓲꓽ ꓫꓬ ꓕꓳꓽ ꓶ ꓗꓪ ꓟ ꓟꓷꓽ ꓠꓷ, ꓝ. ꓢꓴ ꓐꓴ ꓚꓱ,

(4) ꓟꓴꓽ ꓖꓪ ꓡꓯꓼ ꓫꓴ

https://youtu.be/LBTXfJ_UE6g

The post Daily Programs – ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ ꓚꓱ, (December 30, 2024) appeared first on Rva Lisu Kachin.

]]> https://rvalisukachin.org/2024/12/30/daily-programs-%ea%93%95%ea%93%b2-%ea%93%a0%ea%93%ac%ea%93%b2-%ea%93%a1%ea%93%b0-%ea%93%95%ea%93%b2-%ea%93%a0%ea%93%ac%ea%93%b2-%ea%93%9f-%ea%93%9a%ea%93%b1-december-30-2024/feed/ 0 1335 ꓬ,‐ꓠ ꓬꓰ‐ꓢꓴ ꓔꓯ ꓟꓳꓻ ꓪˍ ꓟ (ꓡꓴ‐ꓘ꓿2ꓽ36‐40) https://rvalisukachin.org/2024/12/30/%ea%93%ac%e2%80%90%ea%93%a0-%ea%93%ac%ea%93%b0%e2%80%90%ea%93%a2%ea%93%b4-%ea%93%94%ea%93%af-%ea%93%9f%ea%93%b3%ea%93%bb-%ea%93%aa%cb%8d-%ea%93%9f-%ea%93%a1%ea%93%b4%e2%80%90%ea%93%98%ea%93%bf2/ https://rvalisukachin.org/2024/12/30/%ea%93%ac%e2%80%90%ea%93%a0-%ea%93%ac%ea%93%b0%e2%80%90%ea%93%a2%ea%93%b4-%ea%93%94%ea%93%af-%ea%93%9f%ea%93%b3%ea%93%bb-%ea%93%aa%cb%8d-%ea%93%9f-%ea%93%a1%ea%93%b4%e2%80%90%ea%93%98%ea%93%bf2/#respond Mon, 30 Dec 2024 05:00:00 +0000 https://rvalisukachin.org/?p=1348 https://youtu.be/d0QizVilIgU ꓝꓮꓲ ꓬꓹ-ꓫꓱ ꓕꓲ ꓪꓳꓼ ꓢꓴ ꓩ-ꓠꓴ-ꓡꓲ ꓬꓲ ꓮꓸ ꓟꓲꓽ꓾ ꓟꓷꓽ ꓠꓷꓹ ꓝꓸ ꓟ ꓬꓹ-ꓠ ꓟꓬꓱ ꓔ ꓟ ꓞꓳ ꓟꓳꓽ ꓟꓺ ꓕꓲ ꓣꓳ ꓔꓬ ꓡꓳ꓿ ꓬꓲ ꓔꓯ ꓝꓱꓺ ꓗꓷ ꓗꓸ ꓠꓯꓸ ꓫꓵꓽ ꓘꓳꓼ ꓕꓲ ꓘꓳ ꓗꓪ ꓬꓲ ꓤꓽ ꓖꓴ ꓫꓵꓻ ꓢꓲ꓾ ꓬꓲ ꓠꓬ ꓦꓰꓼ ꓞꓲ ꓡꓲ ꓘꓳꓼ ꓐꓲꓺ ꓡ ꓟ ꓟꓶꓽ ꓛꓵꓽ ꓟ ꓟꓳꓽ ꓕꓲ ꓣꓳ […]

The post ꓬ,‐ꓠ ꓬꓰ‐ꓢꓴ ꓔꓯ ꓟꓳꓻ ꓪˍ ꓟ (ꓡꓴ‐ꓘ꓿2ꓽ36‐40) appeared first on Rva Lisu Kachin.

]]>

https://youtu.be/d0QizVilIgU

ꓝꓮꓲ ꓬꓹ-ꓫꓱ ꓕꓲ ꓪꓳꓼ ꓢꓴ ꓩ-ꓠꓴ-ꓡꓲ ꓬꓲ ꓮꓸ ꓟꓲꓽ꓾ ꓟꓷꓽ ꓠꓷꓹ ꓝꓸ ꓟ ꓬꓹ-ꓠ ꓟꓬꓱ ꓔ ꓟ ꓞꓳ ꓟꓳꓽ ꓟꓺ ꓕꓲ ꓣꓳ ꓔꓬ ꓡꓳ꓿ ꓬꓲ ꓔꓯ ꓝꓱꓺ ꓗꓷ ꓗꓸ ꓠꓯꓸ ꓫꓵꓽ ꓘꓳꓼ ꓕꓲ ꓘꓳ ꓗꓪ ꓬꓲ ꓤꓽ ꓖꓴ ꓫꓵꓻ ꓢꓲ꓾ ꓬꓲ ꓠꓬ ꓦꓰꓼ ꓞꓲ ꓡꓲ ꓘꓳꓼ ꓐꓲꓺ ꓡ ꓟ ꓟꓶꓽ ꓛꓵꓽ ꓟ ꓟꓳꓽ ꓕꓲ ꓣꓳ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓬꓲ ꓠꓽ ꓮ ꓕꓯˍ ꓟꓲ ꓢꓲꓽ ꓫꓬ ꓦꓲ ꓗꓪ ꓐꓰ ꓟꓽ ꓓꓳ ꓙꓰ ꓙꓰ꓾ ꓜꓽ ꓓꓴ ꓚꓲꓸˍ ꓟ ꓐꓰ ꓪꓽ ꓘꓴˍ ꓟ ꓡꓰ ꓟꓳꓼ ꓡꓳ ꓢ ꓘꓪ ꓪꓴ-ꓢ ꓔꓯ ꓣꓱꓽ ꓙˍ ꓡꓳ꓿ 

ꓖꓳ ꓕꓲ ꓙꓵꓹ ꓗꓪ ꓬꓲˍ ꓟꓲ ꓬꓲ ꓪꓽ ꓔꓬ ꓗꓪ ꓡ ꓢꓲ꓾ ꓪꓴ-ꓢ ꓔꓯ ꓫꓸ ꓟꓳ ꓢꓲ ꓠꓬꓲ꓾ ꓤ ꓠꓱ ꓤ ꓔꓯ ꓖꓴ ꓢꓲ꓾ ꓙꓱ-ꓣꓴ-ꓢ-ꓡꓱ ꓔꓯ ꓫꓴꓹ ꓣꓴ ꓡ ꓟ ꓔꓯ ꓡꓳꓸ ꓔꓬ ꓢꓴ ꓮꓽ ꓙꓵ ꓔꓯ ꓐꓯ ꓟꓸ ꓖꓶˍ ꓡꓳ꓿ ꓬꓳ-ꓢꓷˍ ꓐꓰ ꓟ-ꓡꓲ ꓠꓬ ꓢꓲ ꓒꓽ ꓙꓵꓽ ꓗ ꓗꓪ ꓐꓯ ꓔ ꓟ ꓮꓽ ꓙꓵ ꓬꓰ ꓓꓳ ꓡꓰ ꓕꓯ꓾ ꓖ-ꓡꓲ-ꓡꓲ ꓟꓵ ꓬꓲ ꓪꓽ ꓚꓲꓸ ꓛꓬ ꓡꓳ ꓒꓱ ꓠ-ꓢ-ꓡꓱ ꓗꓪ ꓬꓲꓼ ꓙꓰˍ ꓡꓳ꓿ 

ꓤ ꓠꓱ ꓤ ꓠꓬ ꓪꓴꓽ ꓡ ꓢꓲ ꓢꓯꓼ ꓙꓳ ꓡ ꓡꓳ꓿ ꓙꓽ ꓜꓲꓼ ꓠꓲꓹˍ ꓟꓲ ꓟꓬꓽ ꓡ ꓢꓲ꓾ ꓪꓴ-ꓢ ꓣꓱꓽ ꓛꓰ ꓬꓲ ꓔꓯ ꓛꓳ ꓞꓹ ꓡꓳ꓿

The post ꓬ,‐ꓠ ꓬꓰ‐ꓢꓴ ꓔꓯ ꓟꓳꓻ ꓪˍ ꓟ (ꓡꓴ‐ꓘ꓿2ꓽ36‐40) appeared first on Rva Lisu Kachin.

]]> https://rvalisukachin.org/2024/12/30/%ea%93%ac%e2%80%90%ea%93%a0-%ea%93%ac%ea%93%b0%e2%80%90%ea%93%a2%ea%93%b4-%ea%93%94%ea%93%af-%ea%93%9f%ea%93%b3%ea%93%bb-%ea%93%aa%cb%8d-%ea%93%9f-%ea%93%a1%ea%93%b4%e2%80%90%ea%93%98%ea%93%bf2/feed/ 0 1348