rva lisu rva lisu, Author at Rva Lisu Kachin https://rvalisukachin.org/author/rva-lisu/ Rva Lisu Kachin Wed, 18 Sep 2024 12:41:41 +0000 en-US hourly 1 https://wordpress.org/?v=6.6.2 “ꓬꓲ ꓮ ꓘꓶ. ꓠꓲ, ꓠꓵˍ ꓠꓬꓲ ꓬꓲ ꓝꓴꓲ. ꓮꓽ ꓟꓬ, ꓖꓽ ꓖꓶˍ ꓟ ꓟꓶˍ ꓡꓳ꓿” https://rvalisukachin.org/2024/09/19/%ea%93%ac%ea%93%b2-%ea%93%ae-%ea%93%98%ea%93%b6-%ea%93%a0%ea%93%b2-%ea%93%a0%ea%93%b5%cb%8d-%ea%93%a0%ea%93%ac%ea%93%b2-%ea%93%ac%ea%93%b2-%ea%93%9d%ea%93%b4%ea%93%b2-%ea%93%ae%ea%93%bd/ https://rvalisukachin.org/2024/09/19/%ea%93%ac%ea%93%b2-%ea%93%ae-%ea%93%98%ea%93%b6-%ea%93%a0%ea%93%b2-%ea%93%a0%ea%93%b5%cb%8d-%ea%93%a0%ea%93%ac%ea%93%b2-%ea%93%ac%ea%93%b2-%ea%93%9d%ea%93%b4%ea%93%b2-%ea%93%ae%ea%93%bd/#respond Thu, 19 Sep 2024 05:00:00 +0000 https://rvalisukachin.org/?p=322 ꓡꓴ-ꓘ 7ꓽ47 ꓬꓲ ꓝꓴꓲꓸ ꓮ ꓟꓬꓹ ꓠꓬ ꓖꓼ ꓖꓶˍ ꓟ ꓟꓶˍ ꓡꓳ= ꓮ ꓡꓲꓳ ꓐꓯˍ ꓠꓬ ꓬꓲ ꓠꓬ ꓮ ꓘꓶꓸ ꓠꓲꓹ ꓠꓵˍ ꓟ ꓑꓶꓸ ꓓꓴ ꓥ ꓡꓳ= ꓢꓲ ꓫꓬ ꓕꓳꓽ ꓶ ꓝꓲꓸ ꓕꓱ ꓟ ꓠꓬ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓥ ꓟ ꓡꓴ-ꓘ 7ꓽ36-50 ꓗꓪ ꓟ ꓢꓲꓽ ꓫꓬ ꓕꓳꓽ ꓶ ꓝꓲꓸ ꓥ ꓡꓳ= […]

The post “ꓬꓲ ꓮ ꓘꓶ. ꓠꓲ, ꓠꓵˍ ꓠꓬꓲ ꓬꓲ ꓝꓴꓲ. ꓮꓽ ꓟꓬ, ꓖꓽ ꓖꓶˍ ꓟ ꓟꓶˍ ꓡꓳ꓿” appeared first on Rva Lisu Kachin.

]]> ꓡꓴ-ꓘ 7ꓽ47 ꓬꓲ ꓝꓴꓲꓸ ꓮ ꓟꓬꓹ ꓠꓬ ꓖꓼ ꓖꓶˍ ꓟ ꓟꓶˍ ꓡꓳ= ꓮ ꓡꓲꓳ ꓐꓯˍ ꓠꓬ ꓬꓲ ꓠꓬ ꓮ ꓘꓶꓸ ꓠꓲꓹ ꓠꓵˍ ꓟ ꓑꓶꓸ ꓓꓴ ꓥ ꓡꓳ=

ꓢꓲ ꓫꓬ ꓕꓳꓽ ꓶ ꓝꓲꓸ ꓕꓱ ꓟ ꓠꓬ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓥ ꓟ ꓡꓴ-ꓘ 7ꓽ36-50 ꓗꓪ ꓟ ꓢꓲꓽ ꓫꓬ ꓕꓳꓽ ꓶ ꓝꓲꓸ ꓥ ꓡꓳ= ꓝꓴꓲꓸ ꓙꓳˍ ꓟ ꓤ ꓟꓶ ꓤ ꓕꓲ ꓣꓳ ꓠꓬ ꓙꓽ ꓣꓳ ꓠꓲꓹ ꓡꓰ ꓓꓵꓽ ꓡ ꓢꓲ ꓢꓲ ꓒ ꓬꓲ ꓛꓲ ꓒꓯꓹ ꓔꓯ ꓬꓲ ꓟꓬ ꓐꓲꓻ ꓡꓰ ꓞꓲꓽ ꓖꓶ ꓗꓷ ꓢꓲ꓾ ꓬꓲ ꓪꓴꓸ ꓞꓱꓻ ꓡꓰ ꓫꓵꓹ ꓖꓶ ꓗꓷ ꓢꓲ ꓠꓬꓲ꓾ ꓬꓰ-ꓢꓴ ꓬꓲ ꓛꓲ ꓒꓯꓹ ꓗꓪ ꓐꓳꓼ ꓖꓶ꓾ ꓫꓳ ꓠꓱ ꓞꓶ ꓟꓰ ꓖꓶ ꓐꓰ ꓬꓰˍ ꓡꓳ= ꓢꓲ ꓒ ꓔꓯ ꓖꓳ ꓡꓱ ꓬꓰ ꓖꓶ ꓢꓴ ꓟꓽ ꓙꓳ= ꓤ ꓟꓶ ꓤ ꓖꓳ ꓕꓲ ꓣꓳ ꓟ ꓠꓽ ꓢꓲ ꓒ ꓬꓰ-ꓢꓴ ꓔꓯ ꓠꓲꓹ ꓠꓵˍ ꓟ ꓠꓲꓹ ꓟ ꓡꓰ꓾ ꓙꓲꓻˍ ꓟ ꓠꓲꓹ ꓟ ꓡꓰ ꓙꓽ ꓣꓳ ꓠꓲꓹ ꓡꓰ ꓬꓰ ꓖꓶˍ ꓡꓳ= ꓕꓲ ꓚꓱꓹ ꓐꓯ ꓪˍ ꓠꓬ ꓬꓲ ꓠꓬ ꓬꓲ ꓝꓴꓲꓸ ꓪꓽ ꓒꓵꓽ ꓔꓯ ꓚꓱꓹ ꓗꓷ ꓟ ꓥ ꓡꓳ=

ꓣꓳ ꓐꓴ ꓥˍ ꓟꓲ ꓣꓳ ꓬꓰ ꓛꓬꓻ ꓬꓰ ꓥꓳꓽ ꓡꓰ ꓟ ꓝꓴꓲꓸ ꓐꓱ ꓶ ꓠꓲꓹ ꓥꓴꓻ ꓠꓲꓹ ꓡꓰ ꓓꓵꓽ ꓙ ꓒꓳꓹ ꓬꓲꓼ ꓡ ꓠꓲꓹ ꓫꓵˍ ꓟ ꓠꓲꓹ ꓟ ꓙꓳ ꓠꓹ ꓟ ꓬꓳꓸ ꓚꓰꓽˍ ꓡꓳ= ꓝꓴꓲꓸ ꓪꓽ ꓒꓵꓽ ꓚꓱꓹ ꓠꓹ ꓟ ꓐꓱ ꓶ ꓠꓲꓹ ꓟ ꓡꓶꓸ ꓠꓹ ꓟ ꓬꓳꓸ ꓚꓰꓽˍ ꓡꓳ=

ꓠꓲꓹ ꓟ ꓡꓶꓸˍ ꓟ ꓠꓲꓹ ꓟ ꓡꓰ ꓙꓽ ꓣꓳˍ ꓟ ꓠꓲꓹ ꓟ ꓡꓰ꓾ ꓚꓲꓸ ꓛꓬ ꓝꓴꓲꓸ ꓐꓱ ꓶ ꓠꓲꓹ ꓥꓴꓻ ꓠꓲꓹ ꓡꓰ ꓝꓴꓲꓸ ꓛꓬ ꓬꓳꓸˍ ꓕꓯ ꓡꓰꓽ ꓣꓳ ꓝꓴꓲꓸ ꓠꓬ ꓖꓼ ꓖꓶˍ ꓟ ꓟꓶˍ ꓥꓳ= ꓮ ꓟꓬꓹ ꓔꓶ ꓔ ꓠꓬ ꓮ ꓟꓬꓹ ꓶꓼ ꓫ ꓟꓶˍ ꓥꓳ= ꓖꓳ ꓟˍ ꓡꓰ ꓐꓰ꓾ ꓪꓴ-ꓢ ꓔꓯ ꓣꓳ ꓠꓬ ꓐꓯ ꓘꓶ ꓗꓪ ꓐꓰ ꓡꓰꓽ ꓠꓲꓹ ꓠꓵˍ ꓟ ꓟꓽ ꓥ ꓥ꓾ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞꓳ ꓙꓳ ꓔꓬ ꓟ ꓚꓱꓹ꓾ ꓛꓳ ꓫꓱꓽ ꓔꓬ ꓟ ꓚꓱꓹ ꓗꓪ ꓐꓰ ꓠꓲꓹ ꓠꓵ ꓠꓹ ꓟ ꓬꓳꓸ ꓚꓵˍ ꓡꓳ=

ꓟꓷꓽ ꓠꓷꓹ ꓘꓶ ꓗꓪ ꓐꓰ ꓠꓬ ꓪꓴ-ꓢ ꓪꓴ-ꓢ ꓐꓰ ꓐꓯ ꓔꓬ ꓢꓲ꓾ ꓚꓵ ꓚꓵ ꓣꓱꓽ ꓬꓰˍ ꓟ ꓠꓬ ꓟꓽ ꓙꓲꓻ ꓟ ꓬꓰ= ꓖꓳ ꓡꓱ ꓬꓰ ꓟꓽ ꓓꓻ= ꓣꓳ ꓠꓬ ꓕꓲ ꓞꓲꓼ ꓕꓲ ꓑ ꓚꓬꓴꓸ ꓟꓶ ꓠꓹ ꓟ ꓐꓱ ꓶ꓾ ꓝꓴꓲꓸ ꓮ ꓟꓬꓹ ꓖꓼ ꓖꓶ ꓟꓶ ꓠ ꓔ ꓡꓳ= ꓝꓴꓲꓸ ꓮ ꓟꓬꓹ ꓖꓼ ꓖꓶ ꓟꓶ ꓠꓹ ꓟ ꓐꓱ ꓶ ꓠꓬ ꓪꓴ-ꓢ ꓔꓯ ꓟꓬꓽ ꓠꓬꓲ ꓠꓲꓹ ꓠꓵꓻ ꓠ ꓗꓹ ꓟ ꓥ ꓡꓳ=

https://youtu.be/iKnqdkScnSw

The post “ꓬꓲ ꓮ ꓘꓶ. ꓠꓲ, ꓠꓵˍ ꓠꓬꓲ ꓬꓲ ꓝꓴꓲ. ꓮꓽ ꓟꓬ, ꓖꓽ ꓖꓶˍ ꓟ ꓟꓶˍ ꓡꓳ꓿” appeared first on Rva Lisu Kachin.

]]> https://rvalisukachin.org/2024/09/19/%ea%93%ac%ea%93%b2-%ea%93%ae-%ea%93%98%ea%93%b6-%ea%93%a0%ea%93%b2-%ea%93%a0%ea%93%b5%cb%8d-%ea%93%a0%ea%93%ac%ea%93%b2-%ea%93%ac%ea%93%b2-%ea%93%9d%ea%93%b4%ea%93%b2-%ea%93%ae%ea%93%bd/feed/ 0 322 ꓒ‐ꓡꓲ‐ꓢꓷ ꓐꓴ ꓮ ꓡꓲ ꓗˍ ꓟ https://rvalisukachin.org/2024/09/18/%ea%93%92%e2%80%90%ea%93%a1%ea%93%b2%e2%80%90%ea%93%a2%ea%93%b7-%ea%93%90%ea%93%b4-%ea%93%ae-%ea%93%a1%ea%93%b2-%ea%93%97%cb%8d-%ea%93%9f/ https://rvalisukachin.org/2024/09/18/%ea%93%92%e2%80%90%ea%93%a1%ea%93%b2%e2%80%90%ea%93%a2%ea%93%b7-%ea%93%90%ea%93%b4-%ea%93%ae-%ea%93%a1%ea%93%b2-%ea%93%97%cb%8d-%ea%93%9f/#respond Wed, 18 Sep 2024 05:00:00 +0000 https://rvalisukachin.org/?p=314 ꓡꓴ‐ꓘ 7ꓽ31‐35 ꓝꓮꓲ ꓬꓰ-ꓢꓴ ꓡꓰ꓾ ꓕꓱ ꓡꓱ ꓥ ꓠꓬ ꓕꓱ ꓕꓲ ꓤꓶꓻ ꓟ ꓡꓽ ꓞꓳ ꓔꓯ ꓥꓪ ꓮꓸ ꓫꓵ ꓡꓰ ꓔꓯꓺ ꓠꓯꓹ ꓡ? ꓬꓲ ꓪꓽ ꓠꓬ ꓮꓸ ꓫꓵ ꓡꓰ ꓐꓰ ꓗꓹ ꓡ? ꓬꓲ ꓪꓽ ꓠꓽ ꓙꓵꓺ ꓗꓪ ꓠꓬꓲꓸ ꓠꓸ ꓢꓲ꓾ ꓬꓲ ꓪꓽ ꓛꓳꓽ ꓬꓲ ꓪꓽ ꓘꓴꓻ ꓡꓯꓽ ꓘꓳ ꓢꓲ ꓠꓬꓲ꓾ ꓥꓪ ꓠꓴꓽ ꓠꓬ ꓠꓴ ꓪꓽ ꓔꓯ […]

The post ꓒ‐ꓡꓲ‐ꓢꓷ ꓐꓴ ꓮ ꓡꓲ ꓗˍ ꓟ appeared first on Rva Lisu Kachin.

]]> ꓡꓴ‐ꓘ 7ꓽ31‐35

ꓝꓮꓲ ꓬꓰ-ꓢꓴ ꓡꓰ꓾ ꓕꓱ ꓡꓱ ꓥ ꓠꓬ ꓕꓱ ꓕꓲ ꓤꓶꓻ ꓟ ꓡꓽ ꓞꓳ ꓔꓯ ꓥꓪ ꓮꓸ ꓫꓵ ꓡꓰ ꓔꓯꓺ ꓠꓯꓹ ꓡ? ꓬꓲ ꓪꓽ ꓠꓬ ꓮꓸ ꓫꓵ ꓡꓰ ꓐꓰ ꓗꓹ ꓡ? ꓬꓲ ꓪꓽ ꓠꓽ ꓙꓵꓺ ꓗꓪ ꓠꓬꓲꓸ ꓠꓸ ꓢꓲ꓾ ꓬꓲ ꓪꓽ ꓛꓳꓽ ꓬꓲ ꓪꓽ ꓘꓴꓻ ꓡꓯꓽ ꓘꓳ ꓢꓲ ꓠꓬꓲ꓾ ꓥꓪ ꓠꓴꓽ ꓠꓬ ꓠꓴ ꓪꓽ ꓔꓯ ꓙꓵꓽ ꓡꓵꓽ ꓟꓵ ꓖꓶˍ ꓟꓲ꓾ ꓠꓴ ꓪꓽ ꓗꓪꓺ ꓟꓽ ꓛꓰꓹ ꓡ꓿ ꓥꓪ ꓠꓴꓽ ꓠꓬ ꓮꓸ ꓛꓬꓹ ꓙꓱˍ ꓟꓲ꓾ ꓠꓴ ꓪꓽ ꓟꓽ ꓥꓴꓻ ꓡ꓾ ꓐꓰ ꓐꓯ ꓡꓯꓽ ꓘꓳ ꓔꓬ ꓟ ꓤ ꓠꓱ ꓤ ꓐꓴˍ ꓡꓰ ꓐꓰ ꓗꓹ ꓡꓳ꓿ ꓮ ꓡꓲꓳ ꓐꓯ ꓠꓬ ꓖꓳ ꓓꓱꓽ ꓔꓲꓹ ꓖꓶ ꓢꓴ ꓬꓳ-ꓦ ꓠꓬ꓾ ꓜꓽ ꓓꓴ ꓚꓲꓸ ꓠꓬꓲ꓾ ꓛꓱꓼ ꓡꓱ ꓙꓵꓻˍ ꓟꓲ ꓟꓽ ꓓꓳ ꓓꓳ ꓡ ꓠꓬ꓾ ꓠꓴ ꓪꓽ ꓠꓽ ꓬꓲ ꓔꓯ ꓠꓲꓽ ꓕꓲ ꓟ ꓓꓯꓹ ꓡꓳ꓾ ꓐꓯˍ ꓡꓳ꓿ ꓡ-ꓞꓳ-ꓮ-ꓐꓲ ꓠꓽ ꓜꓽ ꓠꓬꓲ ꓓꓳꓻ ꓠꓬꓲ ꓐꓰ ꓡꓻ ꓠꓬ꓾ ꓠꓴ ꓪꓽ ꓠꓬ ꓬꓲ ꓔꓯ꓾ ꓬꓲ ꓠꓽ ꓜꓽ ꓓꓴˍ ꓐꓰ ꓛꓱꓼ ꓡꓱ ꓙꓵꓻ ꓗꓪꓸ ꓢꓴ꓾ ꓝꓲꓸ ꓫ ꓢꓴˍ ꓐꓰ ꓝꓴꓲ ꓙꓳ ꓢꓴ ꓐꓴ ꓗꓪ ꓛꓳꓽ ꓥ ꓡꓳ꓾ ꓐꓰ ꓐꓯˍ ꓡꓳ꓿ ꓖꓳ ꓡꓱ ꓥ ꓟꓲ ꓙꓽ ꓗꓴꓸ ꓠꓲꓹ ꓠꓬ ꓜꓳꓽˍ ꓟ ꓥ ꓟ꓾ ꓙꓽ ꓗꓴꓸ ꓠꓲꓹ ꓬꓲ ꓤ ꓐꓴ ꓡꓰ ꓟꓳꓸ ꓖꓶ ꓓꓳ ꓡ ꓡꓳ꓾ ꓐꓯˍ ꓡꓳ꓿

https://youtu.be/vshvNMgyAzE

The post ꓒ‐ꓡꓲ‐ꓢꓷ ꓐꓴ ꓮ ꓡꓲ ꓗˍ ꓟ appeared first on Rva Lisu Kachin.

]]> https://rvalisukachin.org/2024/09/18/%ea%93%92%e2%80%90%ea%93%a1%ea%93%b2%e2%80%90%ea%93%a2%ea%93%b7-%ea%93%90%ea%93%b4-%ea%93%ae-%ea%93%a1%ea%93%b2-%ea%93%97%cb%8d-%ea%93%9f/feed/ 0 314 ꓮ ꓠꓯꓻ ꓕꓲ ꓟ ꓟꓳꓻˍ ꓟ ꓢꓷ. ꓠꓲ, https://rvalisukachin.org/2024/09/18/%ea%93%ae-%ea%93%a0%ea%93%af%ea%93%bb-%ea%93%95%ea%93%b2-%ea%93%9f-%ea%93%9f%ea%93%b3%ea%93%bb%cb%8d-%ea%93%9f-%ea%93%a2%ea%93%b7-%ea%93%a0%ea%93%b2/ https://rvalisukachin.org/2024/09/18/%ea%93%ae-%ea%93%a0%ea%93%af%ea%93%bb-%ea%93%95%ea%93%b2-%ea%93%9f-%ea%93%9f%ea%93%b3%ea%93%bb%cb%8d-%ea%93%9f-%ea%93%a2%ea%93%b7-%ea%93%a0%ea%93%b2/#respond Wed, 18 Sep 2024 03:40:09 +0000 https://rvalisukachin.org/?p=318 ꓠꓲ, ꓠꓵˍ ꓟ ꓮꓽ ꓐ ꓮ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓮ ꓙꓵꓽ ꓢꓴ ꓔꓯ ꓧꓪ. ꓧꓪꓸꓼ꓾ ꓮ ꓠꓯꓻ ꓕꓲ ꓟ ꓟꓳꓻˍ ꓟ ꓢꓷ. ꓠꓲ, ꓐꓯˍ ꓟ ꓕꓲ ꓒꓳ, ꓗꓪ ꓐꓰ ꓢꓷ. ꓙ ꓟꓳ ꓙ ꓩꓴ ꓡˍ ꓥꓳ꓿ https://youtu.be/UCDLSqsXUvI ꓮ ꓠꓱ ꓕꓯ ꓮ ꓠꓯꓻ ꓕꓲ ꓟ ꓔꓬ ꓡꓳ꓿ ꓮ ꓠꓯꓻ ꓠꓬ ꓬꓲ ꓚꓲ. ꓛꓬ […]

The post ꓮ ꓠꓯꓻ ꓕꓲ ꓟ ꓟꓳꓻˍ ꓟ ꓢꓷ. ꓠꓲ, appeared first on Rva Lisu Kachin.

]]> ꓠꓲ, ꓠꓵˍ ꓟ ꓮꓽ ꓐ ꓮ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓮ ꓙꓵꓽ ꓢꓴ ꓔꓯ ꓧꓪ. ꓧꓪꓸꓼ꓾ ꓮ ꓠꓯꓻ ꓕꓲ ꓟ ꓟꓳꓻˍ ꓟ ꓢꓷ. ꓠꓲ, ꓐꓯˍ ꓟ ꓕꓲ ꓒꓳ, ꓗꓪ ꓐꓰ ꓢꓷ. ꓙ ꓟꓳ ꓙ ꓩꓴ ꓡˍ ꓥꓳ꓿

https://youtu.be/UCDLSqsXUvI

ꓮ ꓠꓱ ꓕꓯ ꓮ ꓠꓯꓻ ꓕꓲ ꓟ ꓔꓬ ꓡꓳ꓿ ꓮ ꓠꓯꓻ ꓠꓬ ꓬꓲ ꓚꓲ. ꓛꓬ ꓬꓲ “ꓥꓪ ꓠꓬ ꓟꓲ ꓠꓯ ꓕꓱ ꓟ ꓗꓪ ꓐꓲꓻ ꓡꓳ, ꓬꓰ ꓢꓴ ꓐꓰ꓾ ꓗ, ꓛꓲꓽ ꓓꓰ ꓡꓰ ꓢꓴ ꓥ ꓡꓳ꓾” ꓐꓯ ꓢꓲ ꓬꓲ ꓤꓶꓻ ꓔꓯ ꓗ, ꓛꓲꓽ ꓛꓲꓽ ꓡꓰꓽ ꓔꓬ ꓡꓳ꓿ ꓕꓲ ꓠꓬꓲ ꓙꓳˍ ꓕꓯ ꓡꓳ ꓗ. ꓕꓲ ꓟ ꓗꓪ ꓬꓲꓻ ꓙꓬ ꓠꓬ, ꓕꓲ ꓟ ꓔꓯ ꓬꓲ ꓟꓳꓻ ꓡꓰꓳ꓿ ꓕꓲ ꓖꓳ ꓓꓱꓽ ꓡꓱꓸꓼ ꓪꓽ ꓡꓰ ꓐꓰ ꓒꓴˍ ꓟ ꓔꓯ ꓟꓳꓻˍ ꓕꓯ “ꓥꓪ ꓠꓬ ꓮ ꓫꓵꓽ ꓑꓶ. ꓓꓴ ꓕꓲ ꓖꓳ ꓓꓱꓽ ꓡꓱꓸꓼ ꓠꓯ ꓔꓬ ꓥ ꓟꓽ ꓢꓷ.” ꓐꓰ ꓓꓵꓽ ꓙ ꓟꓶˍ ꓡꓳ꓿ ꓖꓳ ꓕꓯ ꓮ ꓠꓯꓻ ꓠꓬ “ꓟꓲ ꓠꓯ ꓗꓪ ꓗ, ꓛꓲꓽ ꓓꓰ ꓡꓰ ꓢꓴ ꓠꓬ ꓬꓲꓻ ꓙꓬ ꓥ ꓟꓽ ꓢꓷ.” ꓐꓰ ꓓꓵꓽ ꓙ ꓟꓶˍ ꓡꓳ꓿

ꓟꓽ ꓟꓶ ꓫꓵ ꓕꓯ ꓬꓲ ꓪ ꓠꓬꓲꓽ ꓟ ꓜꓲ ꓡꓯ ꓘꓳˍ ꓡꓳ꓿ ꓮ ꓠꓯꓻ ꓡꓰ ꓠꓬ, ꓔꓯ ꓕꓱ ꓡꓱ ꓐꓯ ꓡꓳ꓿ “ꓟꓲ ꓠꓯ ꓗꓪ ꓮ ꓘꓶ. ꓗ, ꓛꓲꓽ ꓢꓴ ꓠꓬ ꓠꓴ ꓥ ꓡꓳ” ꓐꓯ ꓡꓳ꓿ ꓬꓲꓻ ꓙꓬ ꓠꓬ, ꓡꓰ ꓕꓱ ꓡꓱ ꓒꓳ, ꓖꓶˍ ꓡꓳ꓿ “ꓥꓪ ꓥˍ ꓟꓲ ꓧꓶ. ꓕꓯ ꓕꓲ ꓙꓵ, ꓗꓪ ꓕꓱ ꓡꓱ ꓓꓵꓽ ꓙ ꓟꓶˍ ꓡꓳ꓿ ꓟꓲ ꓠꓯ ꓗꓪ ꓔꓬ ꓟ ꓢꓯ. ꓫꓵꓽ ꓢꓯ. ꓙꓰꓽ ꓮ ꓙꓵꓽ ꓠꓬ ꓚꓲ. ꓛꓬ ꓖꓳ ꓓꓱꓽ ꓠꓯꓸꓼ ꓗꓪ ꓐꓲꓻˍ ꓟ ꓙꓳˍ ꓡꓳ꓿ ꓖꓳ ꓟ ꓔꓯ ꓠꓲ, ꓘꓪꓽ ꓫꓵ ꓢꓲ ꓔꓬ ꓐꓷˍ ꓠꓬ ꓟꓲ ꓠꓯ ꓗꓪ ꓗ, ꓛꓲꓽ ꓓꓰ ꓡꓰ ꓢꓴ ꓥ ꓡꓳ” ꓐꓰ ꓒꓳ, ꓖꓶˍ ꓡꓳ꓿

ꓟ. ꓟꓲꓽ ꓕꓱ ꓟ ꓗꓪ ꓐꓰ ꓣꓳ ꓮ ꓡꓲ ꓟꓳꓻ ꓪ ꓓꓻˍ ꓡ ꓐꓯ ꓠꓬ꓾ ꓕꓲ ꓖ ꓕꓲ ꓧꓪ, ꓣꓳ ꓠꓯꓸꓼ ꓗꓪ ꓙꓳˍ ꓟ ꓔꓯ ꓠꓲ, ꓘꓪꓽ ꓟꓽ ꓫꓵˍ ꓟ꓾ ꓢꓴ ꓠꓯꓸꓼ ꓗꓪ ꓙꓳˍ ꓟ ꓔꓯ ꓟꓶ ꓠꓲ, ꓫꓵˍ ꓟ ꓮ ꓠꓯꓻ ꓡꓰ ꓐꓰ ꓗꓷ ꓡꓰˍ ꓟ ꓕꓲ ꓙꓵ, ꓥˍ ꓟꓲ ꓙꓳˍ ꓡꓳ꓿

ꓠꓲ, ꓠꓵˍ ꓟ ꓮꓽ ꓐ ꓮ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓟꓬꓽ ꓠꓬꓲ ꓐꓷ, ꓠꓬꓲ ꓣꓳ ꓟꓲ ꓠꓯ ꓕꓱ ꓟ ꓗꓪ ꓢꓯ. ꓔꓬ ꓟ ꓕꓲ ꓙꓵ, ꓕꓯ ꓠꓬ꓾ ꓕꓱ ꓡꓱ ꓫꓵꓽ ꓮ ꓟꓬ, ꓙꓳˍ ꓡꓳ꓿ ꓥꓪ ꓡꓰ ꓢꓯꓼ ꓖꓶ ꓠꓲ, ꓫꓵˍ ꓟ ꓠꓬ꓾ ꓣꓳ ꓠꓯꓸꓼ ꓗꓪ ꓙꓳˍ ꓟ ꓔꓯ ꓠꓲ, ꓘꓪꓽ ꓫꓵ꓿ ꓣꓳ ꓠꓯꓸꓼ ꓗꓪ ꓙꓳˍ ꓟ ꓠꓬ ꓠꓯˍ ꓥˍ ꓟꓲ꓾ ꓒꓴˍ ꓥ ꓟꓲ꓾ ꓐꓲꓻˍ ꓥ ꓟꓲ꓾ ꓟꓽ ꓐꓲꓻ ꓥ ꓟꓲ꓾ ꓣꓳ ꓖꓳ ꓓꓱꓽ ꓔꓯ ꓠꓲ, ꓘꓪꓽ ꓫꓵ ꓢꓲ ꓢꓯ. ꓔꓬ ꓠꓬ ꓟꓲ ꓠꓯ ꓗꓪ ꓗ, ꓛꓲꓽˍ ꓥꓳ꓿ ꓣꓳ ꓖꓳ ꓓꓱꓽ ꓗꓪ ꓙꓳˍ ꓟ ꓔꓯ ꓣꓳ ꓚꓲ. ꓛꓬ ꓠꓲ, ꓠꓵˍ ꓕꓯ ꓡꓰꓽ ꓢꓴ ꓡꓰ ꓠꓲ, ꓠꓵ ꓡˍ ꓥꓳ꓿ ꓒꓵꓽ ꓗ ꓬꓰ ꓡˍ ꓥꓳ꓿

The post ꓮ ꓠꓯꓻ ꓕꓲ ꓟ ꓟꓳꓻˍ ꓟ ꓢꓷ. ꓠꓲ, appeared first on Rva Lisu Kachin.

]]> https://rvalisukachin.org/2024/09/18/%ea%93%ae-%ea%93%a0%ea%93%af%ea%93%bb-%ea%93%95%ea%93%b2-%ea%93%9f-%ea%93%9f%ea%93%b3%ea%93%bb%cb%8d-%ea%93%9f-%ea%93%a2%ea%93%b7-%ea%93%a0%ea%93%b2/feed/ 0 318 ꓶꓼ ꓘꓶ ꓫꓱ, ꓘꓶ ꓐꓰ꓾ ꓫ. ꓘꓶ ꓟꓷꓼ ꓘꓶ (ꓡꓴ‐ꓘ 6ꓽ20‐26) https://rvalisukachin.org/2024/09/11/%ea%93%b6%ea%93%bc-%ea%93%98%ea%93%b6-%ea%93%ab%ea%93%b1-%ea%93%98%ea%93%b6-%ea%93%90%ea%93%b0%ea%93%be-%ea%93%ab-%ea%93%98%ea%93%b6-%ea%93%9f%ea%93%b7%ea%93%bc-%ea%93%98%ea%93%b6-%ea%93%a1/ https://rvalisukachin.org/2024/09/11/%ea%93%b6%ea%93%bc-%ea%93%98%ea%93%b6-%ea%93%ab%ea%93%b1-%ea%93%98%ea%93%b6-%ea%93%90%ea%93%b0%ea%93%be-%ea%93%ab-%ea%93%98%ea%93%b6-%ea%93%9f%ea%93%b7%ea%93%bc-%ea%93%98%ea%93%b6-%ea%93%a1/#respond Wed, 11 Sep 2024 05:00:00 +0000 https://rvalisukachin.org/?p=307 ꓡꓬ‐ꓗ 6ꓽ20‐26 ꓣꓳ ꓗꓳ ꓡꓳ ꓗꓪ ꓞꓳ ꓫꓸ ꓙꓳˍ ꓡꓳ꓾ ꓞꓳ ꓐꓳ ꓙꓳˍ ꓡꓳ= ꓥꓴꓻ ꓢꓴˍ ꓟꓲ ꓙꓳˍ ꓡꓳ= ꓪꓽ ꓧꓷꓼ ꓪꓽ ꓡꓰꓼ ꓢꓴˍ ꓟꓲ ꓙꓳˍ ꓡꓳ= ꓣꓳ ꓟꓲ ꓠꓯ ꓞꓳ ꓤ ꓐꓴ ꓥˍ ꓟꓲ ꓗꓹ ꓛꓲ ꓔꓬ ꓢꓴ ꓐꓴ꓾ ꓒꓴ ꓫꓵ ꓙꓳ ꓢꓴ ꓐꓴ ꓔꓯ ꓡꓰꓽ ꓔꓹ ꓠꓲꓹ ꓫꓵˍ ꓡꓳ= ꓖꓳ ꓡꓱ ꓥˍ ꓟꓲ […]

The post ꓶꓼ ꓘꓶ ꓫꓱ, ꓘꓶ ꓐꓰ꓾ ꓫ. ꓘꓶ ꓟꓷꓼ ꓘꓶ (ꓡꓴ‐ꓘ 6ꓽ20‐26) appeared first on Rva Lisu Kachin.

]]> ꓡꓬ‐ꓗ 6ꓽ20‐26

ꓣꓳ ꓗꓳ ꓡꓳ ꓗꓪ ꓞꓳ ꓫꓸ ꓙꓳˍ ꓡꓳ꓾ ꓞꓳ ꓐꓳ ꓙꓳˍ ꓡꓳ= ꓥꓴꓻ ꓢꓴˍ ꓟꓲ ꓙꓳˍ ꓡꓳ= ꓪꓽ ꓧꓷꓼ ꓪꓽ ꓡꓰꓼ ꓢꓴˍ ꓟꓲ ꓙꓳˍ ꓡꓳ= ꓣꓳ ꓟꓲ ꓠꓯ ꓞꓳ ꓤ ꓐꓴ ꓥˍ ꓟꓲ ꓗꓹ ꓛꓲ ꓔꓬ ꓢꓴ ꓐꓴ꓾ ꓒꓴ ꓫꓵ ꓙꓳ ꓢꓴ ꓐꓴ ꓔꓯ ꓡꓰꓽ ꓔꓹ ꓠꓲꓹ ꓫꓵˍ ꓡꓳ= ꓖꓳ ꓡꓱ ꓥˍ ꓟꓲ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓢꓲ ꓒ ꓬꓰ-ꓢꓴ ꓡꓰ ꓐꓯˍ ꓟ ꓠꓬ ꓣꓳ ꓞꓳ ꓙꓳ ꓔꓬ ꓟ ꓐꓰ ꓟꓰꓹ ꓟꓰꓹ ꓫꓵ ꓥ ꓡꓳ= ꓟꓸ ꓡꓰ ꓟꓰꓹ ꓥ ꓡꓳ= ꓞꓳ ꓫꓸ ꓐꓴꓳ꓾ ꓟꓴꓽ ꓗꓪ ꓗꓴꓷꓼ ꓠꓽ ꓠꓴ ꓪ ꓔꓯ ꓟ ꓥ ꓡꓳ= ꓦꓰꓼ ꓟꓷꓼ ꓢꓴ ꓐꓴ ꓠꓬ ꓜꓽ ꓐꓳ ꓡꓰˍ ꓥꓳ= ꓞꓳ ꓐꓳ ꓠꓬ ꓫꓸ ꓙꓵˍ ꓥꓳ= ꓪꓽ ꓧꓷꓼ ꓪꓽ ꓡꓰꓼ ꓗꓹ ꓢꓴ ꓐꓴ ꓠꓬ ꓫꓸ ꓙꓵˍ ꓥꓳ꓾ ꓐꓰ ꓢꓲ ꓒ ꓬꓰ-ꓢꓴ ꓡꓰ ꓐꓯˍ ꓡꓳ= ꓬꓲ ꓐꓯ ꓘꓶꓽ ꓠꓬ ꓞꓳ ꓫꓸ ꓐꓴ꓾ ꓦꓰꓼ ꓟꓷꓼ ꓢꓴ ꓐꓴ꓾ ꓟꓽ ꓗꓹ ꓛꓲꓽ ꓢꓴ ꓐꓴ ꓐꓱ ꓶ ꓠꓬ ꓙꓲꓻˍ ꓟ ꓓꓳꓽ ꓥ ꓡꓳ= ꓟꓬ ꓠꓯ ꓢꓴ꓾ ꓠꓲꓹ ꓦꓯꓸ ꓢꓴ ꓐꓴ ꓐꓱ ꓶ ꓠꓬ ꓟꓽ ꓙꓲꓻ ꓟ ꓓꓳꓽ ꓥ ꓡꓳ=

ꓖꓳ ꓟ ꓑꓶꓸ ꓓꓴ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓥˍ ꓟꓲ꓾ ꓪꓴ-ꓢ ꓟꓲ ꓙꓬ ꓗꓪ ꓟꓽ ꓫꓸ ꓙꓵ ꓡꓰ ꓠꓹ ꓟ꓾ ꓟꓽ ꓙꓲꓻ ꓟ ꓠꓲꓹ ꓦꓯꓸ ꓟ ꓠꓲꓹ ꓟ ꓔꓯ ꓡꓳ ꓗꓷ ꓢꓲ꓾ ꓠꓱꓸ ꓐꓯ ꓢꓴ ꓕꓯꓽ ꓢꓲ ꓗꓪ ꓟꓽ ꓘꓳꓹ ꓜꓽ ꓪ ꓡꓰ ꓠꓹ ꓟ ꓢꓯꓼ ꓕꓵꓼ ꓠ ꓔ ꓡꓳ= ꓪꓴ-ꓢ ꓠꓬ ꓙꓲꓻˍ ꓟ ꓚꓱꓹ ꓗꓪ ꓐꓰ ꓪꓴꓽ ꓡ ꓟꓴ ꓡˍ ꓟ ꓔꓯ ꓡꓰꓽ ꓠꓲꓹ ꓫꓵˍ ꓡꓳ= ꓠꓱꓸ ꓐꓯ ꓢꓴ ꓔꓯ ꓘꓳꓹ ꓜꓽˍ ꓟ ꓗꓪ ꓐꓰ ꓟꓶ ꓡˍ ꓟ ꓒꓴ ꓫꓵ ꓠꓬ ꓪꓴ-ꓢ ꓟꓲꓽ ꓙꓬ ꓗꓪ ꓪꓴ-ꓢ ꓟꓽ ꓠꓲꓹ ꓒꓴ ꓟ ꓔꓲ ꓓꓴ ꓥ ꓡꓳ=

ꓖꓳ ꓟ ꓑꓶꓸ ꓓꓴ 1 ꓘꓳ-ꓡꓱ-ꓕꓴ 7ꓽ31 ꓗꓪ “ꓟꓲ ꓠꓯ ꓖꓴꓽ ꓙꓴꓽ ꓣꓱꓽ ꓓꓴ ꓙꓳ ꓢꓴ ꓠꓬ ꓣꓱꓽ ꓟꓽ ꓡꓳꓼ ꓢꓴˍ ꓡꓰ ꓐꓰ ꓔꓬ ꓠ ꓗꓹ ꓡꓳ= ꓮ ꓡꓲꓳ ꓐꓯ ꓠꓬ ꓟꓲ ꓠꓯ ꓕꓱ ꓟ ꓠꓽ ꓡꓳꓹ ꓬꓰ ꓔꓬ ꓡꓳ=” ꓐꓰ ꓐꓯ ꓔ ꓡꓳ=

ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓟꓶ ꓠꓹ ꓟ ꓐꓱ ꓶ ꓔꓱꓹ ꓔꓱꓹ ꓚꓵ ꓚꓵ ꓡꓰꓽ ꓞꓳ ꓙꓳ ꓢꓯꓸ ꓔꓬ ꓢꓲ꓾ ꓣꓳ ꓢꓶꓸ ꓟꓽ ꓞꓲꓺ ꓟꓽ ꓙꓳ ꓢꓴ ꓫꓸ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓢꓲ ꓠꓬꓲ꓾ ꓞꓳ ꓙꓳ ꓙꓰ ꓡꓯ꓾ ꓐꓰ ꓬꓲꓼ ꓠꓬꓲꓸ ꓖꓶ ꓠꓲꓹ ꓫꓵˍ ꓡꓳ=

https://youtu.be/Wg7AiONiqhA

The post ꓶꓼ ꓘꓶ ꓫꓱ, ꓘꓶ ꓐꓰ꓾ ꓫ. ꓘꓶ ꓟꓷꓼ ꓘꓶ (ꓡꓴ‐ꓘ 6ꓽ20‐26) appeared first on Rva Lisu Kachin.

]]> https://rvalisukachin.org/2024/09/11/%ea%93%b6%ea%93%bc-%ea%93%98%ea%93%b6-%ea%93%ab%ea%93%b1-%ea%93%98%ea%93%b6-%ea%93%90%ea%93%b0%ea%93%be-%ea%93%ab-%ea%93%98%ea%93%b6-%ea%93%9f%ea%93%b7%ea%93%bc-%ea%93%98%ea%93%b6-%ea%93%a1/feed/ 0 307 ꓛꓳꓽ ꓒꓯ, ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓟ https://rvalisukachin.org/2024/09/10/%ea%93%9b%ea%93%b3%ea%93%bd-%ea%93%92%ea%93%af-%ea%93%9e%ea%93%b2-%ea%93%a0%ea%93%ac%ea%93%b2%ea%93%bd-%ea%93%a3%ea%93%b3-%ea%93%94%ea%93%af-%ea%93%a2%ea%93%b2%cb%8d-%ea%93%9f/ https://rvalisukachin.org/2024/09/10/%ea%93%9b%ea%93%b3%ea%93%bd-%ea%93%92%ea%93%af-%ea%93%9e%ea%93%b2-%ea%93%a0%ea%93%ac%ea%93%b2%ea%93%bd-%ea%93%a3%ea%93%b3-%ea%93%94%ea%93%af-%ea%93%a2%ea%93%b2%cb%8d-%ea%93%9f/#respond Tue, 10 Sep 2024 05:20:00 +0000 https://rvalisukachin.org/?p=303 ꓡꓴ‐ꓘ꓿6ꓽ12‐19 ꓛꓳꓽ ꓒꓯ, ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓟ ꓦꓬꓼ ꓠꓬꓲ ꓖꓳ ꓟ ꓗꓪ ꓬꓰ-ꓢꓴ ꓠꓬ ꓪꓽ ꓘꓴ ꓠꓹ ꓟ ꓪꓽ ꓚꓲ ꓗꓪ ꓓꓯ ꓙꓰ ꓢꓲ꓾ ꓕꓲ ꓦꓬꓼ ꓡꓱꓸꓼ ꓪꓴ-ꓢ ꓔꓯ ꓪꓽ ꓘꓴˍ ꓡꓳ꓿ ꓟꓲꓽ ꓕꓯꓽ ꓙꓲ ꓡ ꓕꓯ꓾ ꓬꓲ ꓛꓳꓽ ꓒꓯꓹ ꓐꓴ ꓔꓯ ꓘꓴ ꓔꓯꓹ ꓡ ꓢꓲ꓾ ꓬꓲ ꓪꓽ ꓗꓪ ꓐꓰ ꓞꓲ ꓠꓬꓲꓽ ꓣꓳ ꓢꓲ […]

The post ꓛꓳꓽ ꓒꓯ, ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓟ appeared first on Rva Lisu Kachin.

]]> ꓡꓴ‐ꓘ꓿6ꓽ12‐19

ꓛꓳꓽ ꓒꓯ, ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓟ

ꓦꓬꓼ ꓠꓬꓲ ꓖꓳ ꓟ ꓗꓪ ꓬꓰ-ꓢꓴ ꓠꓬ ꓪꓽ ꓘꓴ ꓠꓹ ꓟ ꓪꓽ ꓚꓲ ꓗꓪ ꓓꓯ ꓙꓰ ꓢꓲ꓾ ꓕꓲ ꓦꓬꓼ ꓡꓱꓸꓼ ꓪꓴ-ꓢ ꓔꓯ ꓪꓽ ꓘꓴˍ ꓡꓳ꓿ ꓟꓲꓽ ꓕꓯꓽ ꓙꓲ ꓡ ꓕꓯ꓾ ꓬꓲ ꓛꓳꓽ ꓒꓯꓹ ꓐꓴ ꓔꓯ ꓘꓴ ꓔꓯꓹ ꓡ ꓢꓲ꓾ ꓬꓲ ꓪꓽ ꓗꓪ ꓐꓰ ꓞꓲ ꓠꓬꓲꓽ ꓣꓳ ꓢꓲ ꓓꓳ ꓡ ꓢꓲ ꓠꓬꓲ꓾ ꓬꓲ ꓪꓽ ꓔꓯ꓾ ꓝꓲ-ꓓꓴ꓾ ꓐꓰ ꓟꓬꓱꓺ ꓖꓶˍ ꓡꓳ꓿ ꓕꓱꓻ ꓞꓲ ꓠꓬꓲꓽ ꓣꓳ ꓟ ꓠꓬ꓾ ꓒꓲ-ꓕꓱ ꓟꓬꓱ ꓔ ꓟ ꓢꓲ-ꓟꓴˍ ꓐꓰ ꓬꓲ ꓠꓬꓲ ꓤ ꓯ-ꓓꓱ-ꓣꓴ꓾ ꓬ-ꓗꓴˍ ꓐꓰ ꓬꓳ-ꓦ꓾ ꓒꓲ-ꓡꓲˍ ꓐꓰ ꓐ-ꓕꓳ-ꓡꓱ-ꓟꓲ꓾ ꓟ-ꓕꓲˍ ꓐꓰ ꓕꓳ-ꓟ ꓐꓰ ꓮ-ꓡꓱ-ꓒꓲ ꓬꓲ ꓮ ꓐꓲ ꓬ-ꓗꓴˍ ꓐꓰ ꓠꓲꓹ ꓡꓱ ꓢꓴ꓾ ꓐꓰ ꓘꓴˍ ꓟ ꓢꓲ-ꓟꓴˍ ꓐꓰ꓾ ꓬ-ꓗꓴ ꓬꓲ ꓤ ꓬꓴ-ꓔˍ ꓐꓰ ꓗꓸ ꓠꓯꓸ ꓕꓯ ꓢꓲ ꓒꓽ ꓔꓯ ꓪꓴꓽ ꓜ ꓢꓴ ꓒꓬꓱꓼ ꓡ ꓟ꓾ ꓘꓹ-ꓡꓲꓳ ꓢꓴ ꓬꓴ-ꓓ ꓕꓱ ꓞꓲ ꓠꓬꓲꓽ ꓣꓳ ꓥ ꓡꓳ꓿ 

ꓬꓰ-ꓢꓴ ꓠꓬ ꓬꓲ ꓪꓽˍ ꓐꓰ ꓬꓯꓼ ꓙꓰ ꓢꓲ꓾ ꓪꓽ ꓓꓰ ꓕꓲ ꓓꓰ ꓗꓪ ꓦꓰꓼ ꓞꓹ ꓡꓳ꓿ ꓖꓳ ꓗꓪ ꓬꓲ ꓛꓳꓽ ꓒꓯꓹ ꓐꓴ ꓬꓲ ꓜꓴ ꓓꓽ ꓟ ꓐꓰ꓾ ꓬꓴ-ꓔ ꓟꓵꓽ ꓮ ꓙꓵˍ ꓐꓰ ꓙꓱ-ꓣꓴ-ꓢ-ꓡꓱˍ ꓐꓰ ꓕꓲ-ꓬˍ ꓐꓰ ꓢꓲ-ꓓꓳ ꓟꓵꓽ ꓗꓪ ꓟ ꓬꓲꓻ ꓡꓴꓽ ꓐꓱ ꓓꓽ ꓟ ꓘꓶꓽ ꓗꓪ ꓐꓰ ꓡꓻ ꓟ ꓑ ꓫꓬꓼ ꓬꓲ ꓜꓴꓻ ꓓꓽ ꓟ ꓠꓬ꓾ ꓬꓲ ꓚ ꓟꓸ ꓖꓶˍ ꓟ ꓟꓸ ꓟꓲꓽ ꓔꓯ ꓠ ꓠꓹ ꓠꓹ ꓟ ꓐꓰ ꓠꓻ ꓫꓬꓹ ꓟꓶ ꓠꓹ ꓟ ꓡ ꓡꓳ꓿ ꓝꓮꓲ ꓟꓽ ꓫꓬ ꓠꓲꓽ ꓡꓰ ꓘꓶꓻ ꓡꓶꓽ ꓔꓬ ꓢꓴ ꓐꓴˍ ꓐꓰ꓾ ꓠꓻ ꓫꓵꓽ ꓠꓻ ꓙꓰ ꓠꓻ ꓔꓬ ꓢꓴ ꓐꓴ ꓔꓯ ꓫꓬꓹ ꓓꓻ ꓡꓰ ꓝꓲˍ ꓡꓳ꓿ ꓬꓰ-ꓢꓴ ꓖꓳ ꓓꓱꓽ ꓗꓪ ꓐꓰ ꓪꓽ ꓠꓬꓲˍ ꓟ ꓓꓳ ꓡ ꓢꓲ꓾ ꓬꓲ ꓪꓽ ꓮꓽ ꓙꓵ ꓢꓴ ꓔꓯ ꓫꓬꓹ ꓓꓻ ꓡꓰˍ ꓠꓬꓲ꓾ ꓡꓽ ꓞꓳ ꓬꓲ ꓜꓴ ꓮꓽ ꓙꓵ ꓠꓬ ꓬꓲ ꓔꓯ ꓫꓱꓹ ꓟꓶ ꓠꓹ ꓟ ꓢꓯꓼ ꓕꓵꓼˍ ꓡꓳ꓿

*****************************************************

ꓣꓳ ꓐꓴ꓾ ꓟꓬꓱꓽ ꓬꓰ ꓢꓴ ꓮ ꓙꓵꓽ꓾ ꓚꓲꓸ ꓛꓬ ꓔꓶ ꓙꓱꓼ ꓗꓪ ꓛꓲ ꓡꓰ ꓢꓴ ꓮ ꓙꓵꓽ ꓠꓬ꓾ ꓬꓲ ꓪ ꓮ ꓫꓵꓽ ꓪꓴꓸ ꓠꓬꓲ ꓟꓬꓱꓽ ꓕꓱ ꓟ ꓔꓯ ꓬꓰˍ ꓡ꓾ ꓮ ꓫꓵꓽ ꓑꓶꓸ ꓓꓴ ꓔꓶ ꓙꓱꓼ ꓗꓪ ꓛꓲ ꓬꓰˍ ꓗꓪ ꓛꓲ ꓧꓪꓸ ꓡꓰˍ ꓗꓪ ꓛꓲ ꓒꓬꓱꓼ ꓡˍ ꓡ꓾ ꓐꓯ ꓟ ꓔꓯ ꓢꓷꓸˍ ꓡꓳ= ꓟꓬꓱꓽ ꓟꓽ ꓬꓰ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓜꓽ ꓓꓴ ꓓꓳꓻ ꓓꓴ ꓐꓱ ꓶ ꓟꓽ ꓡꓳꓼ ꓡ= ꓧꓪꓸ ꓡꓰ ꓠꓲꓹ ꓫꓵˍ ꓠꓬ ꓟꓬꓱꓽ ꓟꓽ ꓢꓯꓼ ꓕꓵꓼ ꓠꓽ ꓟꓽ ꓓꓻ ꓐꓯˍ ꓟ ꓔꓯ ꓥˍ ꓟꓲ ꓟꓬꓱꓽ ꓬꓰ ꓢꓴ ꓮ ꓙꓵꓽ ꓠꓬ ꓢꓷꓸˍ ꓡꓳ= ꓡꓳꓽ ꓟꓲꓽ ꓥꓳꓽ ꓗꓪ ꓐꓰ “ꓮ ꓠ ꓘꓯ ꓟꓸ꓾ ꓮ ꓔ ꓢꓯ ꓬ” ꓐꓰ ꓐꓯˍ ꓟ꓾ ꓮ ꓘꓶꓸ ꓢꓯꓼ ꓕꓵꓼ ꓗꓷ ꓕꓯ ꓡꓰꓽ ꓧꓪꓸ ꓡꓰ ꓟ ꓟꓶˍ ꓥꓳ꓾ ꓐꓯ ꓟ ꓥ ꓡꓳ= ꓐꓯ ꓠꓲꓹ ꓫꓵˍ ꓟ ꓠꓬ ꓮ ꓫꓵꓽ ꓬꓰˍ ꓥˍ ꓟꓲ ꓢꓻ ꓢꓻ ꓡꓰꓽ ꓬꓰ ꓟꓽ ꓓꓻ ꓾ ꓐꓯ ꓟ ꓥ ꓡꓳ=

ꓠꓬꓲꓸ ꓠꓬꓲ ꓟ ꓶꓼ ꓓꓳ ꓫꓱꓹ ꓓꓳꓽ ꓕꓳꓽ ꓶ ꓗꓪ ꓢꓲ ꓒ ꓬꓰ-ꓢꓴ ꓬꓲ ꓟꓬꓱꓽ ꓗꓪ ꓬꓰ ꓙ ꓠꓹ ꓟ ꓐꓱ ꓶ ꓬꓰ ꓙ ꓢꓴ ꓣꓱꓽ ꓞꓹ ꓡꓳ= ꓖꓳ ꓡꓱ ꓥˍ ꓟꓲ ꓟꓳꓻ ꓢꓴ ꓥ ꓕ ꓑꓳꓸꓼ ꓔꓯ ꓬꓲ ꓟꓬꓱꓽ ꓗꓪ ꓧꓳꓽ ꓟꓽ ꓠ= ꓡꓳꓹ ꓬꓰˍ ꓗꓪ ꓛꓲ ꓚꓵ ꓚꓵ ꓬꓰ ꓖꓶ ꓐ ꓡ ꓢꓴ꓾ ꓬꓲ ꓘꓴ ꓜꓲꓼ ꓞꓳ ꓔꓯ ꓡꓳꓹ ꓬꓰˍ ꓗꓪ ꓛꓲ ꓑꓼ ꓗꓴꓸ ꓢꓴ ꓔꓯ ꓡꓰꓽ ꓬꓲ ꓢꓲꓺ ꓠ ꓔ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓬꓲ ꓐꓱ ꓶ ꓣꓱꓽ ꓬꓯꓼˍ ꓟ ꓝꓲ ꓓꓴ ꓔꓯ ꓢꓲꓺ ꓐ ꓡ ꓠꓹ ꓟ ꓐꓱ ꓶ ꓬꓲ ꓠꓬ꓾ ꓪ ꓚꓲ ꓗꓪ ꓓꓯꓻ ꓙꓰ ꓢꓲ ꓪꓴ-ꓢ ꓔꓬ ꓗꓪ ꓕꓲ ꓦꓬꓽ  ꓡꓱꓸꓼ ꓪꓽ ꓘꓴˍ ꓡꓳ꓾ ꓐꓰ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓯ ꓔ ꓡꓳ=

ꓮ ꓡꓲꓳ ꓐꓯ ꓠꓬ꓾ ꓔꓱꓹ ꓜꓳꓽˍ ꓟ꓾ ꓢꓯꓼ ꓕꓵꓼˍ ꓟ ꓝꓲ ꓓꓴ ꓟꓶ ꓠꓹ ꓟ ꓐꓱ ꓶ ꓪꓴ-ꓢ ꓕꓲ ꓣꓳˍ ꓡꓰꓽ ꓖꓶ ꓐ ꓡˍ ꓡꓳ꓾ ꓐꓯ ꓟ ꓔꓯ ꓣꓳ ꓮ ꓙꓵꓽ ꓔꓯ ꓢꓷꓸ ꓡꓰ ꓝꓲ ꓢꓲ꓾ ꓣꓳ ꓠꓬ ꓮ ꓫꓵꓽ ꓬꓰˍ ꓥˍ ꓟꓲ ꓟꓽ ꓬꓰ ꓧꓶꓸ ꓕꓯ ꓪꓴ-ꓢ ꓔꓯ ꓙꓵꓻ ꓠꓲꓹ ꓡꓰ ꓢꓯꓼ ꓕꓵꓼ ꓢꓲ ꓪꓽ ꓘꓴ ꓠꓹ ꓟ ꓣꓳ ꓔꓯ ꓟꓸ ꓖꓶ ꓡ ꓔꓬ ꓡꓳ=

ꓙꓲ-ꓢꓴ ꓠꓬ ꓕꓲ ꓦꓬꓽ ꓡꓱꓸꓼ ꓪꓴ-ꓢ ꓔꓯ ꓪꓽ ꓘꓴ ꓢꓲ꓾ ꓬꓲ ꓐꓱ ꓶ ꓝꓲ ꓓꓴ (12) ꓣꓳ ꓔꓯ ꓢꓲꓺ ꓐ ꓡ ꓗꓷ ꓟ ꓡꓰ ꓐꓰ꓾ ꓣꓳ ꓐꓴ ꓥˍ ꓟꓲ ꓪꓽ ꓘꓴ ꓢꓲ꓾ ꓢꓲ ꓒ ꓐꓰ ꓕꓲ ꓪꓽ ꓟꓬꓱꓽ ꓬꓰ ꓢꓲ ꓠꓬꓲ ꓧꓪꓸ ꓡꓰˍ ꓟ ꓔꓯ ꓟꓶ ꓡꓰ ꓠꓹ ꓟ꓾ ꓘꓳ ꓣꓴ ꓟꓶ ꓠꓹ ꓟ ꓢꓯꓼ ꓕꓵꓼ ꓙꓰ ꓡꓯ=

https://youtu.be/TSptZctkNKI

The post ꓛꓳꓽ ꓒꓯ, ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓟ appeared first on Rva Lisu Kachin.

]]> https://rvalisukachin.org/2024/09/10/%ea%93%9b%ea%93%b3%ea%93%bd-%ea%93%92%ea%93%af-%ea%93%9e%ea%93%b2-%ea%93%a0%ea%93%ac%ea%93%b2%ea%93%bd-%ea%93%a3%ea%93%b3-%ea%93%94%ea%93%af-%ea%93%a2%ea%93%b2%cb%8d-%ea%93%9f/feed/ 0 303 ꓡꓯ ꓒꓯꓹ ꓙꓴ ꓡꓰ ꓢꓴ ꓔꓯ ꓫꓬꓹ ꓓꓻ ꓡꓰˍ ꓟ https://rvalisukachin.org/2024/09/09/%ea%93%a1%ea%93%af-%ea%93%92%ea%93%af%ea%93%b9-%ea%93%99%ea%93%b4-%ea%93%a1%ea%93%b0-%ea%93%a2%ea%93%b4-%ea%93%94%ea%93%af-%ea%93%ab%ea%93%ac%ea%93%b9-%ea%93%93%ea%93%bb-%ea%93%a1%ea%93%b0%cb%8d/ https://rvalisukachin.org/2024/09/09/%ea%93%a1%ea%93%af-%ea%93%92%ea%93%af%ea%93%b9-%ea%93%99%ea%93%b4-%ea%93%a1%ea%93%b0-%ea%93%a2%ea%93%b4-%ea%93%94%ea%93%af-%ea%93%ab%ea%93%ac%ea%93%b9-%ea%93%93%ea%93%bb-%ea%93%a1%ea%93%b0%cb%8d/#respond Mon, 09 Sep 2024 05:00:00 +0000 https://rvalisukachin.org/?p=299 ꓡꓴ-ꓘ 6ꓽ6-11 ꓠꓽ ꓦꓬꓼ ꓠꓬꓲ ꓠꓱꓸ ꓐꓯꓼ ꓕꓲ ꓠꓬꓲ ꓗꓪ꓾ ꓬꓰ-ꓢꓴ ꓠꓬ ꓢꓲꓽ ꓫꓬ ꓦꓲ ꓗꓪ ꓓꓵ ꓡꓰ ꓢꓲ ꓟꓸ ꓟꓲꓽ ꓟꓸ ꓖꓶ ꓔꓬ ꓕꓯ꓾ ꓖꓳ ꓗꓪ ꓡꓯꓼ ꓙ ꓐꓽ ꓙꓴꓺ ꓡꓰ ꓢꓴ ꓕꓲ ꓣꓳ ꓔꓬ ꓡꓳ꓿ ꓙꓵ ꓗ ꓟꓸ ꓒ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓬꓲ ꓔꓯ ꓓꓰꓺ ꓖꓴ ꓧꓪ ꓠꓲꓹ ꓫꓵ ꓠꓬꓲ꓾ ꓠꓽ […]

The post ꓡꓯ ꓒꓯꓹ ꓙꓴ ꓡꓰ ꓢꓴ ꓔꓯ ꓫꓬꓹ ꓓꓻ ꓡꓰˍ ꓟ appeared first on Rva Lisu Kachin.

]]> ꓡꓴ-ꓘ 6ꓽ6-11

ꓠꓽ ꓦꓬꓼ ꓠꓬꓲ ꓠꓱꓸ ꓐꓯꓼ ꓕꓲ ꓠꓬꓲ ꓗꓪ꓾ ꓬꓰ-ꓢꓴ ꓠꓬ ꓢꓲꓽ ꓫꓬ ꓦꓲ ꓗꓪ ꓓꓵ ꓡꓰ ꓢꓲ ꓟꓸ ꓟꓲꓽ ꓟꓸ ꓖꓶ ꓔꓬ ꓕꓯ꓾ ꓖꓳ ꓗꓪ ꓡꓯꓼ ꓙ ꓐꓽ ꓙꓴꓺ ꓡꓰ ꓢꓴ ꓕꓲ ꓣꓳ ꓔꓬ ꓡꓳ꓿ ꓙꓵ ꓗ ꓟꓸ ꓒ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓬꓲ ꓔꓯ ꓓꓰꓺ ꓖꓴ ꓧꓪ ꓠꓲꓹ ꓫꓵ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ ꓬꓲ ꓠꓻ ꓫꓬꓹ ꓖꓶ ꓟꓽ ꓫꓬꓹ ꓖꓶ ꓐꓰ ꓬꓲ ꓜꓶꓻ ꓡꓳꓸ ꓠꓬꓲ ꓔꓬ ꓡꓳ꓿ ꓬꓰ-ꓢꓴ ꓠꓬ ꓬꓲ ꓪꓽ ꓓꓵꓽ ꓙ ꓔꓬ ꓟ ꓔꓯ ꓢꓷꓸˍ ꓠꓬꓲ꓾ ꓡꓯꓼ ꓒꓯꓹ ꓙꓴꓺ ꓡꓰ ꓢꓴ ꓔꓯ꓾ ꓔꓴ ꓢꓲ ꓮꓽ ꓙꓵ ꓟꓲꓽ ꓙꓬꓽ ꓢꓲ ꓗꓪ ꓡꓯ꓾ ꓐꓯˍ ꓕꓯ꓾ ꓬꓲ ꓡ ꓢꓲ ꓦꓰꓼ ꓡ ꓡꓳ꓿

ꓬꓰ-ꓢꓴ ꓠꓬ ꓬꓲ ꓪꓽ ꓔꓯ꓾ ꓠꓴ ꓪꓽ ꓔꓯ ꓥꓪ ꓕꓲ ꓘꓶꓽ ꓠ ꓠꓬꓲˍ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ꓾ ꓙꓲˍ ꓟ ꓐꓰ ꓟꓽ ꓙꓲ ꓟ꓾ ꓢꓯꓼ ꓟꓬ ꓚꓬꓴˍ ꓟ ꓐꓰ ꓢꓯꓼ ꓟꓬ ꓔꓯ ꓐꓬꓺ ꓡꓰ ꓝꓲˍ ꓟ꓾ ꓮ ꓡꓲ ꓕꓲ ꓫꓵꓽ ꓟ ꓬꓰ ꓓꓻ ꓡ?꓾ ꓐꓯˍ ꓡꓳ꓿ ꓖꓳ ꓡꓱ ꓢꓲ ꓬꓲ ꓠꓬ ꓚꓳꓺ ꓡꓳ ꓐꓰ ꓬꓲ ꓪꓽ ꓮꓽ ꓙꓵ ꓔꓯ ꓡꓳꓸ ꓠꓬꓲ ꓢꓲ꓾ ꓡꓯꓼ ꓒꓯꓹ ꓙꓴꓺ ꓡꓰ ꓢꓴ ꓖꓳ ꓕꓲ ꓣꓳ ꓔꓯ꓾ ꓠꓴ ꓡꓯꓼ ꓒꓯꓹ ꓛꓱ ꓓꓳ ꓡꓯ꓾ ꓐꓯ ꓖꓶˍ ꓡꓳ꓿ ꓖꓳ ꓕꓯ ꓬꓲ ꓡꓯꓼ ꓒꓯꓹ ꓛꓱꓺ ꓓꓳ ꓡ ꓠꓬ ꓓꓻ ꓡꓰꓳ꓿ ꓬꓲ ꓪꓽ ꓠꓽ ꓮꓽ ꓘꓶꓸ ꓠꓲꓹ ꓟ ꓦꓶꓻ ꓢꓲ꓾ ꓬꓰ-ꓢꓴ ꓔꓯ ꓮ ꓡꓲ ꓬꓰ ꓠꓯꓹ ꓟ ꓖꓪ ꓙꓱ ꓡꓯꓽ ꓘꓳˍ ꓡꓳ꓿

ꓟꓲ ꓠꓯ ꓞꓳ ꓤ ꓮ ꓙꓵꓽ ꓚꓲꓸ ꓛꓬ ꓓꓵꓽ ꓙ ꓫꓪꓸ ꓔˍ ꓟ ꓙꓳˍ ꓡꓳ= ꓕꓲ ꓐꓱ ꓠꓬ ꓬꓲ ꓚꓲꓸ ꓛꓬ ꓮ ꓫꓵꓽ ꓬꓰ ꓠꓯꓹˍ ꓡ ꓐꓯ ꓟ ꓔꓯ ꓛꓳꓽ ꓤ ꓛꓳꓽ ꓒꓯꓹ ꓐꓴ ꓔꓬ ꓗꓪ ꓐꓰ ꓚꓴꓽ ꓬꓲꓹ ꓓꓰꓽˍ ꓡꓳ꓾ ꓖꓪ ꓙꓱˍ ꓡꓳ= ꓖꓳ ꓡꓱ ꓖꓪ ꓙꓱ ꓢꓲ ꓠꓬꓲ ꓚꓲꓸ ꓛꓬ ꓓꓵꓽ ꓙ ꓔˍ ꓟ ꓬꓰˍ ꓠꓬ ꓪ ꓜꓲ ꓙꓲꓻˍ ꓡꓳ= ꓕꓲ ꓙꓰꓽ ꓔꓯ ꓬꓰ ꓠꓯꓹ ꓡ꓾ ꓟꓽ ꓬꓰ ꓠꓯꓹˍ ꓡ ꓐꓯˍ ꓟ ꓔꓯ ꓣꓳ ꓢꓷꓸ ꓡꓰˍ ꓥꓳ= ꓝꓮꓲ ꓕꓲ ꓐꓱ ꓠꓬ ꓚꓲꓸ ꓛꓬ ꓬꓰˍ ꓐꓰ ꓙꓽ ꓖꓶ ꓔ ꓟ ꓔꓯ ꓠꓱꓸ ꓐꓯ ꓢꓴ ꓔꓯ ꓟꓽ ꓢꓷꓸ ꓡꓰ ꓝꓲ= ꓠꓲꓹ ꓟ ꓘꓴꓽ ꓗꓪ ꓡꓰꓽ ꓫ ꓔ ꓡꓳ= ꓕꓲ ꓖ ꓕꓲ ꓧꓪ ꓠꓱꓸ ꓐꓯ ꓢꓴ ꓔꓯ ꓟꓽ ꓖꓪ ꓙꓱ ꓙꓱ ꓠꓲꓹ ꓟ ꓗꓪ ꓓꓵꓽ ꓙ ꓔ ꓟ ꓡꓰ ꓬꓰˍ ꓠꓬ ꓬꓰ ꓥꓳꓽ ꓡꓰ ꓬꓰ ꓚꓳꓼ ꓡꓰ ꓟ ꓙꓳ ꓡ ꓗꓴꓸˍ ꓡꓳ=

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓥ ꓟ ꓡꓴ-ꓘ 6ꓽ8 ꓗꓪ “ꓢꓲ ꓒ ꓬꓰ-ꓢꓴ ꓠꓬ ꓬꓲ ꓪ ꓓꓵꓽ ꓙ ꓔꓬ ꓟ ꓔꓯ ꓢꓷꓸˍ ꓡꓳ” ꓐꓰ ꓐꓯ ꓔ ꓡꓳ= ꓒ-ꓡꓲ-ꓢꓷ ꓐꓴ꓾ ꓙꓵꓽ ꓗ ꓟꓸ ꓒ ꓐꓴ ꓠꓬ ꓠꓽ ꓦꓬꓼ ꓠꓬꓲ ꓗꓪ ꓬꓰ-ꓢꓴ ꓮ ꓫꓵꓽ ꓬꓰ ꓟꓳꓸ ꓖꓶˍ ꓡ ꓐꓰ ꓡꓳꓸ ꓠꓬꓹ ꓔꓬ ꓖꓴˍ ꓡꓳ= ꓬꓰ-ꓢꓴ ꓔꓯ ꓝꓴꓲꓸ ꓧꓪ ꓠꓹ ꓟ ꓬꓲ ꓪ ꓠꓲꓹ ꓟ ꓗꓪ ꓮ ꓕꓯ ꓟꓲ ꓓꓵꓽ ꓙ ꓔꓬ ꓡꓳ= ꓖꓳ ꓡꓱ ꓠꓬꓲ ꓢꓲ ꓒ ꓬꓰ-ꓢꓴ ꓥˍ ꓟꓲ ꓬꓲ ꓪ ꓠꓲꓹ ꓟ ꓟꓽ ꓙꓲꓻ ꓟ ꓔꓯ ꓢꓷꓸˍ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ ꓠꓻ ꓫꓬꓹ ꓖꓶˍ ꓡꓳ=

ꓣꓳ ꓐꓴ ꓠꓬ ꓣꓳꓽ ꓬꓰ ꓟꓽ ꓐ ꓡ ꓟ ꓔꓯ ꓠꓱꓸ ꓐꓯ ꓢꓴ ꓕꓲ ꓣꓳ ꓣꓳ ꓬꓰ ꓐ ꓡˍ ꓕꓯ ꓬꓲ ꓐꓱ ꓶ ꓗꓹ ꓛꓲ ꓙ ꓠ ꓗꓹ ꓡꓳ= ꓬꓲ ꓐꓱ ꓶ ꓠꓲꓹ ꓒꓴ ꓠ ꓗꓹ ꓡꓳ= ꓬꓲ ꓔꓯ ꓦꓯꓸ ꓠꓲꓹ ꓙꓵꓽˍ ꓟ ꓠꓲꓹ ꓟ ꓡꓰ꓾ ꓟꓬ ꓔꓳꓹ ꓟ ꓠꓲꓹ ꓟ ꓡꓰ ꓟꓽ ꓙꓲꓻ ꓟ ꓬꓰ ꓟꓽ ꓓꓻ= ꓝꓮꓲ ꓠꓽ ꓦꓬꓼ ꓠꓬꓲˍ ꓡꓰꓽ ꓟꓽ ꓞꓲ꓾ 7 ꓠꓬꓲ ꓡꓱꓸꓼ ꓕꓲ ꓠꓽ ꓡꓱꓸꓼ꓾ ꓙꓲꓻˍ ꓟ ꓔꓯ ꓬꓰ ꓠꓯꓹ ꓡꓳ ꓐꓯ ꓟ ꓔꓯ ꓢꓲ ꓒ ꓬꓰ-ꓢꓴ ꓡꓰ ꓟꓸ ꓖꓶ ꓔꓬ ꓡꓳ=

ꓠꓽ ꓦꓬꓼ ꓠꓬꓲ ꓕꓲ ꓠꓬꓲ ꓗꓪ ꓡꓰꓽ ꓕꓲ ꓠꓬꓲ ꓡꓱꓸꓼ ꓪꓽ ꓡꓰꓽ ꓘꓴ ꓔꓬ ꓢꓲ꓾ ꓣꓱꓽ ꓞꓹ ꓔꓬ ꓢꓴ ꓐꓴ ꓔꓯ ꓟꓽ ꓬꓰ ꓙ ꓠꓬ ꓖꓳ ꓟ ꓔꓯ ꓪꓴ-ꓢ ꓟꓽ ꓠꓲꓹ ꓒꓴ ꓟ ꓥ ꓡꓳ= ꓙꓲꓻˍ ꓟ ꓟꓬꓱꓽ ꓬꓰ ꓠꓹ ꓟ ꓐꓱ ꓶ ꓬꓲ ꓦꓬꓼ ꓠꓬꓲ ꓟꓽ ꓐꓱ ꓔ= ꓮ ꓡꓲ ꓕꓲ ꓠꓬꓲ ꓗꓪ ꓙꓲꓻˍ ꓟ ꓟꓬꓽ ꓠꓬꓲ ꓬꓰ ꓠꓯꓹˍ ꓡꓳ꓾ ꓐꓯˍ ꓟˍ ꓟꓲ ꓟꓽ ꓙꓳ= 7 ꓠꓬꓲ ꓡꓱꓸꓼ꓾ ꓕꓲ ꓠꓽ ꓡꓱꓸꓼ ꓠꓬ ꓙꓲꓻˍ ꓟ ꓔꓯ ꓡꓰꓽ ꓬꓰ ꓠꓹ ꓟ ꓢꓲ ꓒ ꓬꓰ-ꓢꓴ ꓡꓰ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓣꓳ ꓐꓴ ꓔꓯ ꓟꓸ ꓖꓶ ꓡ ꓔꓬ ꓟ ꓥ ꓡꓳ=

https://youtu.be/3n7qvlymy6Y

The post ꓡꓯ ꓒꓯꓹ ꓙꓴ ꓡꓰ ꓢꓴ ꓔꓯ ꓫꓬꓹ ꓓꓻ ꓡꓰˍ ꓟ appeared first on Rva Lisu Kachin.

]]> https://rvalisukachin.org/2024/09/09/%ea%93%a1%ea%93%af-%ea%93%92%ea%93%af%ea%93%b9-%ea%93%99%ea%93%b4-%ea%93%a1%ea%93%b0-%ea%93%a2%ea%93%b4-%ea%93%94%ea%93%af-%ea%93%ab%ea%93%ac%ea%93%b9-%ea%93%93%ea%93%bb-%ea%93%a1%ea%93%b0%cb%8d/feed/ 0 299 ꓣꓳ ꓟꓬ ꓢꓶꓽ ꓠꓬ ꓪꓴ‐ꓢ ꓔꓯ ꓟꓳꓻ ꓘꓴ ꓠ, ꓟ꓾ ꓙꓲꓻˍ ꓟ ꓔꓯ ꓟꓳꓻ ꓠ, ꓟ꓾ ꓠ. ꓑꓳ ꓥˍ ꓟꓲ ꓙꓲꓻˍ ꓟ ꓔꓯ ꓠꓻ ꓠ, ꓗꓴ. ꓠ, ꓟ ꓟꓬꓽ ꓠꓬꓲ ꓬꓳ. ꓚꓰꓽˍ ꓡꓳ https://rvalisukachin.org/2024/09/07/%ea%93%a3%ea%93%b3-%ea%93%9f%ea%93%ac-%ea%93%a2%ea%93%b6%ea%93%bd-%ea%93%a0%ea%93%ac-%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%9f%ea%93%b3%ea%93%bb-%ea%93%98%ea%93%b4-%ea%93%a0/ https://rvalisukachin.org/2024/09/07/%ea%93%a3%ea%93%b3-%ea%93%9f%ea%93%ac-%ea%93%a2%ea%93%b6%ea%93%bd-%ea%93%a0%ea%93%ac-%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%9f%ea%93%b3%ea%93%bb-%ea%93%98%ea%93%b4-%ea%93%a0/#respond Sat, 07 Sep 2024 05:00:00 +0000 https://rvalisukachin.org/?p=292 ꓕꓲ ꓧꓪꓹ ꓙꓳˍ ꓕꓯ ꓢꓲ ꓒ ꓬꓰ-ꓢꓴ ꓠꓬ ꓬꓲꓻ ꓡꓴꓽ ꓐꓱ ꓬꓲ ꓘꓶꓽ ꓗꓪ ꓙꓻ ꓫꓱꓽ ꓔꓬ ꓕꓯ ꓡ ꓞꓳ ꓕꓲ ꓜꓴꓻ ꓠꓬ ꓠꓸ ꓑꓳ ꓟꓽ ꓑ ꓙ꓾ ꓫꓸ ꓕꓱ ꓟꓽ ꓗꓴꓸ ꓢꓴ ꓕꓲ ꓣꓳ ꓔꓯ꓾ ꓢꓲ ꓒ ꓬꓰ-ꓢꓴ ꓔꓬ ꓗꓪ ꓧꓳꓽ ꓔꓯꓹ ꓡˍ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓬꓲ ꓔꓯ ꓫꓱꓸ ꓤ ꓢꓲ ꓠꓬꓲ […]

The post ꓣꓳ ꓟꓬ ꓢꓶꓽ ꓠꓬ ꓪꓴ‐ꓢ ꓔꓯ ꓟꓳꓻ ꓘꓴ ꓠ, ꓟ꓾ ꓙꓲꓻˍ ꓟ ꓔꓯ ꓟꓳꓻ ꓠ, ꓟ꓾ ꓠ. ꓑꓳ ꓥˍ ꓟꓲ ꓙꓲꓻˍ ꓟ ꓔꓯ ꓠꓻ ꓠ, ꓗꓴ. ꓠ, ꓟ ꓟꓬꓽ ꓠꓬꓲ ꓬꓳ. ꓚꓰꓽˍ ꓡꓳ appeared first on Rva Lisu Kachin.

]]> ꓕꓲ ꓧꓪꓹ ꓙꓳˍ ꓕꓯ ꓢꓲ ꓒ ꓬꓰ-ꓢꓴ ꓠꓬ ꓬꓲꓻ ꓡꓴꓽ ꓐꓱ ꓬꓲ ꓘꓶꓽ ꓗꓪ ꓙꓻ ꓫꓱꓽ ꓔꓬ ꓕꓯ ꓡ ꓞꓳ ꓕꓲ ꓜꓴꓻ ꓠꓬ ꓠꓸ ꓑꓳ ꓟꓽ ꓑ ꓙ꓾ ꓫꓸ ꓕꓱ ꓟꓽ ꓗꓴꓸ ꓢꓴ ꓕꓲ ꓣꓳ ꓔꓯ꓾ ꓢꓲ ꓒ ꓬꓰ-ꓢꓴ ꓔꓬ ꓗꓪ ꓧꓳꓽ ꓔꓯꓹ ꓡˍ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓬꓲ ꓔꓯ ꓫꓱꓸ ꓤ ꓢꓲ ꓠꓬꓲ ꓬꓲ ꓔꓯ ꓘꓳ ꓫꓱ ꓫꓱ ꓗꓪ ꓘꓴ ꓔꓯꓹ ꓙꓰ ꓢꓲ꓾ ꓬꓲ ꓡꓯꓽ ꓒꓯꓹ ꓡꓰ ꓬꓲ ꓟꓬ ꓢꓶꓽ ꓬꓲ ꓠꓸ ꓑꓳꓻ ꓗꓪ ꓕꓲ ꓖꓶˍ ꓡꓳ= ꓗ ꓠꓯꓸ ꓖꓳ ꓕꓲ ꓣꓳ ꓠꓬ ꓠꓸ ꓑꓳꓻ ꓑ ꓙꓽ ꓡꓰ ꓢꓲ ꓠꓬꓲ ꓫꓸ ꓕꓱ ꓗꓴꓸ ꓡꓰꓳ=

ꓞꓳ ꓤ ꓮ ꓟꓬꓹ ꓠꓬ ꓬꓲ ꓔꓯ ꓓꓵꓽ ꓙꓽ ꓮ’ ꓡꓰ ꓢꓲ ꓠꓬꓲ꓾ ꓕꓱ ꓡꓱ ꓫꓵꓽ ꓡ ꓞꓳ ꓕꓱ ꓕꓲ ꓣꓳ ꓠꓬ ꓮ ꓡꓲ ꓫꓵꓽ ꓥ ꓡ? ꓠꓸ ꓑꓳꓻ ꓟꓽ ꓑ ꓙꓽ꓾ ꓟꓷꓽ ꓠꓷꓹ ꓟꓶ ꓢꓴ ꓕꓲ ꓣꓳ ꓔꓯ ꓥˍ ꓟꓲ ꓬꓲ ꓠꓬ ꓕꓱ ꓡꓱ ꓫꓬꓹ ꓐ ꓡˍ ꓡꓳ꓾ ꓐꓰ ꓐꓯ ꓢꓲ ꓬꓲ ꓔꓯ ꓫꓱꓸ ꓖꓶˍ ꓡꓳ= ꓕꓱ ꓟ ꓠꓬ ꓢꓸ ꓠꓯ ꓢꓲ ꓒ ꓦꓬꓼ ꓠꓬꓲ ꓗꓪ ꓣꓳ ꓑ ꓙꓽ ꓪˍ ꓟ (ꓟ-ꓘꓳ 7ꓽ31-37) ꓥ ꓡꓳ=

ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓟꓴ-ꓖꓪ ꓕꓳꓽ ꓶ ꓗꓪ ꓕꓱ ꓡꓱ ꓐꓳ ꓔ ꓟ ꓙꓳˍ ꓡꓳ= “ꓬꓲ ꓪ ꓠꓬ ꓟꓬ ꓢꓶꓽ ꓙꓳˍ ꓥ ꓟꓲ ꓟꓽ ꓟꓳꓻ꓾ ꓠꓸ ꓑꓳꓻ ꓙꓳˍ ꓥ ꓟꓲ ꓟꓽ ꓑ ꓙꓽ= ꓟꓷꓽ ꓠꓷꓹ ꓙꓳˍ ꓥˍ ꓟꓲ ꓫꓸ ꓕꓱ ꓟꓽ ꓗꓴꓸ” ꓐꓰ ꓐꓳ ꓔ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓠꓸ ꓑꓳꓻ ꓟꓽ ꓑ ꓙꓽ ꓟ ꓔꓯ ꓫꓬꓹ ꓖꓶˍ ꓟ ꓟꓸ ꓟꓲꓽ ꓗꓪ ꓐꓰ ꓣꓳ ꓔꓯ ꓢꓷꓸ ꓡꓰ ꓝꓲˍ ꓟ ꓠꓬ ꓣꓳ ꓔꓯ ꓠꓸ ꓑꓳꓻ ꓠꓬ ꓙꓳˍ ꓡꓳ= ꓖꓳ ꓡꓱ ꓐꓯ ꓥˍ ꓟꓲ ꓣꓳ ꓚꓵ ꓚꓵ ꓑ ꓙꓽˍ ꓡ꓾ ꓐꓯ ꓟ ꓔꓯ ꓣꓳ ꓓꓵꓽ ꓙ ꓠꓬꓲ ꓡꓯ= ꓣꓳ ꓠꓸ ꓑꓳꓻ ꓠꓬ ꓙꓳˍ ꓡꓳ= ꓖꓳ ꓡꓱ ꓐꓯ ꓥˍ ꓟꓲ ꓠꓸ ꓑꓳꓻ ꓖꓳ ꓟ ꓠꓬ ꓞꓳ ꓫꓸ ꓐꓴ ꓱꓽ ꓠꓱꓽ ꓔꓬ ꓟ ꓫꓸ ꓕꓱ ꓘꓶꓽ꓾ ꓝꓮꓲ ꓣꓱꓽ ꓞꓹ ꓔꓬ ꓢꓴ ꓐꓴ ꓫꓸ ꓕꓱ ꓘꓶꓽ ꓐꓴ ꓔꓯ ꓣꓳ ꓑ ꓙꓽˍ ꓡ= ꓕꓱ ꓟ ꓡꓰꓽ ꓟꓽ ꓞꓲ ꓟꓬꓽ ꓠꓬꓲ ꓐꓷꓹ ꓠꓬꓲ ꓪꓴ-ꓢ ꓐꓯ ꓘꓶꓽ ꓔꓯ ꓣꓳ ꓠ ꓠꓹ ꓔꓬ ꓡ꓾ ꓐꓯ ꓟ ꓣꓳ ꓓꓵꓽ ꓙꓽ ꓠꓬꓲ ꓡꓯ=

ꓮ ꓟꓶ ꓣꓳ ꓦꓬꓼ ꓠꓬꓲ ꓗꓪ ꓢꓳꓚꓲꓮꓡ ꓟꓰꓓꓲꓮ ꓮꓖꓰ ꓐꓯˍ ꓟ꓾ ꓮ ꓫꓵꓽ ꓥˍ ꓟꓲ ꓕꓱ ꓢꓳꓚꓲꓮꓡ ꓟꓰꓓꓲꓮ ꓗꓪ ꓡꓰꓽ ꓣꓳ ꓟꓳꓻˍ ꓟ ꓑꓶꓸ ꓓꓴ ꓣꓳ ꓠꓸ ꓑꓳꓻ ꓠꓬ ꓖꓳ ꓟ ꓔꓯ ꓡꓰꓽ ꓕꓲ ꓠꓬꓲ ꓕꓲ ꓠꓬꓲ ꓠ ꓠꓹ ꓔꓬ ꓕꓯ꓾ ꓢꓴ ꓮ ꓡꓲ ꓐꓰ ꓓꓶꓽ ꓡꓯ ꓘꓳ ꓔꓬ ꓟ꓾ ꓮ ꓡꓲ ꓐꓰ ꓟꓽ ꓙꓲꓻ ꓟ ꓬꓰ ꓗꓷ ꓟ꓾ ꓕꓱ ꓡꓱ ꓫꓵꓽ ꓔꓯ ꓕꓲ ꓠꓬꓲ ꓕꓲ ꓠꓬꓲ ꓣꓳ ꓠ ꓠꓹ ꓔꓬ ꓕꓯ ꓠꓬ꓾ ꓣꓳ ꓠꓬ ꓠꓸ ꓑꓳꓻ ꓙꓳˍ ꓥ ꓟꓲ ꓠꓸ ꓑꓳꓻ ꓟꓽ ꓑ ꓙꓽ ꓢꓴ ꓐꓰ ꓕꓲ ꓡꓰꓹ ꓗꓷ ꓡꓰˍ ꓥꓳ=

ꓕꓱ ꓟˍ ꓡꓰ ꓐꓰ ꓣꓳ ꓟꓬ ꓢꓶꓽ ꓙꓳˍ ꓥ ꓟꓲ ꓣꓳ ꓟꓬ ꓢꓶꓽ ꓠꓬ ꓢꓴ ꓔꓯ ꓟꓽ ꓙꓲꓻ ꓟ ꓟꓳꓻ꓾ ꓚꓲꓸ ꓛꓬ ꓚꓳꓽ ꓚꓲꓸ ꓛꓬ ꓠꓬ ꓙꓲꓻˍ ꓟ ꓡꓰꓽ ꓟꓳꓻ ꓢꓲ ꓠꓬꓲ ꓠꓱꓸ ꓐꓯ ꓢꓴ ꓔꓯ ꓟꓽ ꓙꓲꓻ ꓟ ꓡꓰꓽ ꓟꓳꓻ꓾ ꓝꓮꓲ ꓫꓸ ꓢꓴ ꓟꓷꓼ ꓢꓴ ꓐꓴ ꓔꓯ ꓡꓳꓸ ꓟꓽ ꓟꓳꓻ ꓠꓬ ꓣꓳ ꓟꓬ ꓢꓶꓽ ꓙꓳˍ ꓥ ꓟꓲ ꓬꓲ ꓖꓳꓽ ꓥꓳ= ꓟꓷꓽ ꓠꓷꓹ ꓘꓶ ꓥˍ ꓟꓲ ꓕꓱ ꓡꓱ ꓐꓰ ꓥꓳ=

ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓢꓸ ꓠꓯ ꓟꓸ ꓟꓲꓽ ꓗꓪ ꓐꓰ ꓣꓳ ꓔꓯ ꓐꓯ ꓖꓶ ꓡ ꓔꓬ ꓟ ꓠꓬ꓾ ꓢꓲ ꓒ ꓬꓰ-ꓢꓴ ꓔꓯ ꓣꓳꓽ ꓪꓽ ꓘꓴ ꓠꓹ ꓟ ꓬꓳꓸ ꓚꓰꓽˍ ꓡꓳ= ꓣꓳ ꓟꓬ ꓢꓶꓽ ꓟꓳꓻ ꓘꓴ ꓠꓹ ꓟ꓾ ꓪꓴ-ꓢ ꓔꓯ ꓟꓳꓻ ꓘꓴ ꓠꓹ ꓟ꓾ ꓙꓲꓻˍ ꓟ ꓔꓯ ꓟꓳꓻ ꓘꓴ ꓠꓹ ꓟ꓾ ꓣꓳ ꓠꓸ ꓑꓳꓻ ꓥˍ ꓟꓲ ꓙꓲꓻˍ ꓟ ꓔꓯ ꓠ ꓠꓹ ꓗꓴꓸ ꓠꓹ ꓟ꓾ ꓫꓸ ꓢꓴ ꓟꓷꓼ ꓢꓴ ꓘꓴ ꓘꓶ ꓔꓯ ꓑ ꓙꓽ ꓘꓴ ꓠꓹ ꓟ ꓐꓰ꓾ ꓣꓳ ꓟꓷꓽ ꓠꓷꓹ ꓥˍ ꓟꓲ ꓙꓲꓻˍ ꓟ ꓔꓯ ꓫꓸ ꓕꓱ ꓗꓴꓸ ꓠꓹ ꓟ꓾ ꓧꓸ ꓟ ꓬꓰ ꓐ ꓡˍ ꓠꓹ ꓟ꓾ ꓧꓸ ꓟ ꓕꓱ ꓐ ꓡ ꓠꓹ ꓟ ꓐꓱ ꓶ ꓣꓳ ꓢꓯꓼ ꓕꓵꓼ ꓙꓰ ꓡꓯ= 

https://youtu.be/WtJrlDcSGhU

The post ꓣꓳ ꓟꓬ ꓢꓶꓽ ꓠꓬ ꓪꓴ‐ꓢ ꓔꓯ ꓟꓳꓻ ꓘꓴ ꓠ, ꓟ꓾ ꓙꓲꓻˍ ꓟ ꓔꓯ ꓟꓳꓻ ꓠ, ꓟ꓾ ꓠ. ꓑꓳ ꓥˍ ꓟꓲ ꓙꓲꓻˍ ꓟ ꓔꓯ ꓠꓻ ꓠ, ꓗꓴ. ꓠ, ꓟ ꓟꓬꓽ ꓠꓬꓲ ꓬꓳ. ꓚꓰꓽˍ ꓡꓳ appeared first on Rva Lisu Kachin.

]]> https://rvalisukachin.org/2024/09/07/%ea%93%a3%ea%93%b3-%ea%93%9f%ea%93%ac-%ea%93%a2%ea%93%b6%ea%93%bd-%ea%93%a0%ea%93%ac-%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%9f%ea%93%b3%ea%93%bb-%ea%93%98%ea%93%b4-%ea%93%a0/feed/ 0 292 ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓠꓹ ꓟ ꓐꓱ ꓶ ꓜꓽ ꓖꓶ ꓠꓯꓹ ꓟ ꓜꓽ ꓓꓴ (7) ꓙꓰꓽ https://rvalisukachin.org/2024/09/06/%ea%93%aa%ea%93%b4%ea%93%b8-%ea%93%a0%ea%93%b7%ea%93%b8-%ea%93%9a%ea%93%b2%ea%93%b8-%ea%93%9f%ea%93%b6-%ea%93%93%ea%93%b4-%ea%93%a2%ea%93%af%ea%93%bc-%ea%93%aa%ea%93%bd-%ea%93%a0%ea%93%ac%ea%93%b2/ https://rvalisukachin.org/2024/09/06/%ea%93%aa%ea%93%b4%ea%93%b8-%ea%93%a0%ea%93%b7%ea%93%b8-%ea%93%9a%ea%93%b2%ea%93%b8-%ea%93%9f%ea%93%b6-%ea%93%93%ea%93%b4-%ea%93%a2%ea%93%af%ea%93%bc-%ea%93%aa%ea%93%bd-%ea%93%a0%ea%93%ac%ea%93%b2/#respond Fri, 06 Sep 2024 12:20:00 +0000 https://rvalisukachin.org/?p=286 ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓠꓹ ꓟ ꓐꓱ ꓶ ꓜꓽ ꓖꓶ ꓠꓯꓹ ꓟ ꓜꓽ ꓓꓴ (7) ꓙꓰꓽ ꓐꓴ ꓠꓬ꓾ ꓥꓪꓸ ꓕꓱ ꓟ ꓘꓴꓽ ꓗꓪ ꓳꓟꓰꓖꓮ 3 ꓝꓮꓔꓔꓬ ꓮꓚꓲꓓꓢ ꓓꓯꓹˍ ꓟ ꓥ ꓡꓳ= ꓢꓯꓼ ꓕꓱ ꓟ ꓗꓪ ꓰꓑꓮ ꓐꓰ ꓓꓧꓮ ꓢꓯꓼ ꓓꓵˍ ꓟ ꓥ ꓢꓲ꓾ ꓕꓱ ꓟ ꓠꓬ ꓣꓳ ꓪꓴꓸ ꓠꓷꓸ ꓚꓲꓸ ꓟꓶ […]

The post ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓠꓹ ꓟ ꓐꓱ ꓶ ꓜꓽ ꓖꓶ ꓠꓯꓹ ꓟ ꓜꓽ ꓓꓴ (7) ꓙꓰꓽ appeared first on Rva Lisu Kachin.

]]> ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓠꓹ ꓟ ꓐꓱ ꓶ ꓜꓽ ꓖꓶ ꓠꓯꓹ ꓟ ꓜꓽ ꓓꓴ (7) ꓙꓰꓽ ꓐꓴ ꓠꓬ꓾

  • ꓬꓲ ꓞꓶꓻ ꓟꓬꓽˍ ꓟ ꓥꓪꓸ

ꓥꓪꓸ ꓕꓱ ꓟ ꓘꓴꓽ ꓗꓪ ꓳꓟꓰꓖꓮ 3 ꓝꓮꓔꓔꓬ ꓮꓚꓲꓓꓢ ꓓꓯꓹˍ ꓟ ꓥ ꓡꓳ= ꓢꓯꓼ ꓕꓱ ꓟ ꓗꓪ ꓰꓑꓮ ꓐꓰ ꓓꓧꓮ ꓢꓯꓼ ꓓꓵˍ ꓟ ꓥ ꓢꓲ꓾ ꓕꓱ ꓟ ꓠꓬ ꓣꓳ ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓔꓯ ꓘꓶꓸ ꓢꓯꓼ ꓙꓳ ꓡꓰ ꓝꓲˍ ꓡꓳ= ꓕꓲ ꓫꓵꓽ ꓫꓵꓽ ꓢꓳ ꓣꓴˍ ꓟ ꓗꓪˍ ꓟꓲ ꓢꓳꓻ ꓢꓻ ꓡꓰ ꓝꓲˍ ꓡꓳ= ꓪꓴꓸ ꓠꓷꓸ ꓫꓵꓽ ꓙꓴꓽ ꓐꓱ ꓶ ꓥˍ ꓟꓲ ꓮ ꓘꓶꓸ ꓙꓲꓻˍ ꓟ ꓥ ꓡꓳ=

  • ꓐꓰꓣꓣꓲꓰꓢ – ꓢꓔꓣꓮꓪꓐꓰꓣꓣꓬ

ꓐꓰꓣꓣꓬ ꓢꓶꓽ ꓘꓴꓽ ꓗꓪ ꓙꓳˍ ꓟ ꓝꓡꓮꓦꓳꓠꓳꓲꓓꓢ ꓢꓯꓼ ꓐꓴ ꓠꓬ ꓪꓴꓸ ꓠꓷꓸ ꓡꓰ ꓚꓲꓸ ꓟꓶˍ ꓟ ꓢꓯꓼ ꓞꓰꓻ ꓡꓰˍ ꓟ ꓔꓯ ꓗꓽ ꓕꓸ ꓙ ꓐ ꓡˍ ꓡꓳ= ꓪꓴꓸ ꓠꓷꓸ ꓗꓪ ꓓꓳꓼ ꓒꓬꓱꓼ ꓡˍ ꓟ ꓔꓯ ꓥˍ ꓟꓲ ꓗꓽ ꓕꓸ ꓙ ꓐ ꓡˍ ꓟ ꓡꓰꓽ ꓟꓽ ꓞꓲꓺ ꓪꓴꓸ ꓠꓷꓸ ꓫꓵꓽ ꓙꓴꓽ ꓐꓱ ꓶ ꓮ ꓘꓶꓸ ꓙꓲꓻˍ ꓟ ꓥ ꓡꓳ=

  • ꓬꓲ ꓫꓵꓸ ꓬꓲ ꓠꓲꓹ ꓟ ꓐꓴ ꓔꓯ ꓟꓬꓽ ꓟꓬꓽ ꓜꓽ ꓠ ꓔ ꓡꓳ=

ꓬꓲ ꓫꓵꓸ ꓬꓲ ꓠꓲꓹ ꓟ ꓐꓴ ꓗꓪ ꓳꓟꓰꓖꓮ 3 ꓝꓮꓔꓔꓬ ꓮꓚꓲꓓꓢ꓾ ꓮꓠꓔꓲꓳꓫꓲꓓꓮꓠꓔꓢ꓾ ꓟꓮꓖꓠꓰꓢꓲꓴꓟ꓾ ꓜꓲꓠꓚ꓾ ꓟꓰꓡꓮꓔꓳꓠꓲꓠ ꓐꓰ ꓔꓣꓬꓑꓔꓳꓑꓧꓮꓠ ꓢꓯꓼ ꓐꓴ ꓙꓳˍ ꓟ ꓥ ꓡꓳ= ꓢꓯꓼ ꓕꓱ ꓟ ꓐꓴ ꓠꓬ ꓣꓳ ꓕꓲ ꓫꓵꓽ ꓫꓵꓽ ꓢꓳ ꓣꓴˍ ꓟ ꓗꓪ ꓪꓴꓸ ꓠꓷꓸ ꓠꓬ ꓖꓼ ꓟꓽ ꓟꓶ ꓗꓷ ꓡˍ ꓟ ꓔꓯ ꓗꓽ ꓕꓸ ꓙ ꓖꓶˍ ꓡꓳ= ꓪꓴꓸ ꓠꓷꓸ ꓗꓪ ꓓꓳꓼ ꓒꓬꓱꓼ ꓡˍ ꓟ ꓔꓯ ꓗꓽ ꓕꓸ ꓙ ꓖꓶˍ ꓟ ꓡꓰꓽ ꓟꓽ ꓞꓲꓺ꓾ ꓕꓱ ꓟ ꓥˍ ꓟꓲ ꓪꓴꓸ ꓠꓷꓸ ꓫꓵꓽ ꓙꓴꓽ ꓢꓯꓼ ꓪ ꓠꓬꓲ ꓡ ꓠꓹ ꓟ ꓬꓰ ꓙ ꓖꓶˍ ꓡꓳ=

  • ꓓꓮꓣꓗ ꓚꓧꓳꓚꓳꓡꓮꓔꓰ

ꓓꓮꓣꓗ ꓚꓧꓳꓚꓳꓡꓮꓔꓰ ꓗꓪ ꓥˍ ꓟꓲ ꓮꓽ ꓢꓳ ꓕꓯ ꓟ ꓡꓰ ꓝꓡꓮꓦꓳꓠꓳꓲꓓꓢ ꓢꓯꓼ ꓐˍ ꓟ ꓓꓵˍ ꓟ ꓑꓶꓸ ꓓꓴ꓾ ꓢꓯꓼ ꓕꓱ ꓟ ꓠꓬ ꓪꓴꓸ ꓠꓷꓸ ꓗꓪ ꓬꓲ ꓓꓳꓼ ꓒꓬꓱꓼ ꓡˍ ꓟ ꓔꓯ ꓗꓽ ꓕꓸ ꓙ ꓖꓶˍ ꓡꓳ= ꓪꓴꓸ ꓠꓷꓸ ꓫꓵꓽ ꓙꓴꓽ ꓢꓯꓼ ꓪꓽ ꓠꓬꓲ ꓡꓰ ꓝꓲˍ ꓡꓳ= ꓝꓮꓲ ꓓꓮꓣꓗ ꓚꓧꓳꓚꓳꓡꓮꓔꓰ ꓗꓪ ꓚꓮꓝꓝꓰꓲꓠꓰ ꓐꓰ ꓔꓧꓰꓳꓐꓣꓳꓟꓲꓠꓰ ꓢꓯꓼ ꓓꓵˍ ꓟ ꓑꓶꓸ ꓓꓴ ꓪꓴꓸ ꓠꓷꓸ ꓔꓯ ꓢꓰ ꓡꓰ ꓝꓲ ꓢꓲ꓾ ꓢꓳ ꓣꓴˍ ꓟ ꓗꓪ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡꓰ ꓝꓲˍ ꓡꓳ=

  • ꓚꓳꓝꓝꓰꓰ ꓐꓰ꓾ ꓡꓽ ꓚꓬꓸ(ꓛꓽ ꓬꓰꓹ)

ꓚꓳꓝꓝꓰꓰ ꓐꓰ ꓡꓽ ꓚꓬꓸ ꓘꓴꓽ ꓗꓪ ꓚꓮꓝꓝꓰꓲꓠꓰ ꓢꓯꓼ ꓓꓵˍ ꓟ ꓥ ꓢꓲ ꓠꓬꓲ꓾ ꓢꓯꓼ ꓕꓱ ꓟ ꓠꓬ ꓪꓴꓸ ꓠꓷꓸ ꓔꓯ ꓢꓰ ꓡꓰ ꓝꓲˍ ꓡꓳ= ꓝꓮꓲ ꓢꓳ ꓣꓴˍ ꓟ ꓗꓪˍ ꓟꓲ ꓠꓲꓹ ꓟ ꓙꓳ ꓙꓳ ꓡꓰꓽ ꓢꓳ ꓣꓴ ꓐ ꓡ ꓝꓲˍ ꓡꓳ= ꓝꓮꓲ ꓢꓯꓼ ꓕꓱ ꓟ ꓠꓬ ꓮꓓꓰꓠꓳꓢꓲꓠꓰ ꓐꓰ ꓘꓴˍ ꓟ ꓧꓳꓣꓟꓳꓠꓰꓢ ꓔꓯ(ꓪꓴꓽ ꓧꓶ ꓡꓰ ꓢꓻˍ ꓟ ꓧꓳꓣꓟꓳꓠꓰꓢ) ꓔꓯ ꓗꓽ ꓕꓸ ꓙ ꓖꓶˍ ꓡꓳ=

ꓝꓮꓲ ꓡꓽ ꓚꓬꓸ ꓘꓴꓽ ꓗꓪ ꓡ-ꓔꓧꓰꓮꓠꓲꓰ ꓐꓰ ꓘꓴˍ ꓟ ꓮꓟꓲꓠꓳ ꓮꓚꓲꓓ ꓕꓲ ꓙꓰꓽ ꓓꓯꓹˍ ꓟ ꓥ ꓡꓳ= ꓢꓯꓼ ꓕꓱ ꓟ ꓠꓬ ꓣꓳ ꓢꓳ ꓣꓴˍ ꓟ ꓗꓪ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡ ꓝꓲ ꓢꓲ ꓠꓬꓲ꓾ ꓠꓲꓹ ꓟ ꓓꓵꓽ ꓙ ꓪꓴꓽ ꓧꓶ ꓢꓻˍ ꓟ ꓔꓯ ꓥˍ ꓟꓲ ꓠꓲꓸ ꓡꓰ ꓝꓲˍ ꓡꓳ= ꓠꓲꓹ ꓟ ꓔꓯ ꓥˍ ꓟꓲ ꓢꓲ ꓡꓲ ꓡꓰ ꓝꓲˍ ꓡꓳ= ꓮ ꓫꓵꓽ ꓪꓴꓸ ꓠꓬꓲ ꓥ ꓡ ꓐꓯ ꓠꓬ꓾ ꓖꓮꓐꓮ ꓐꓰ ꓘꓴˍ ꓟ (ꓣꓳ ꓪꓴꓸ ꓠꓷꓸ ꓗꓪ ꓙꓳˍ ꓟ ꓢꓯꓼ ꓕꓲ ꓙꓰꓽ) ꓔꓯ ꓟꓬꓽ ꓠꓬꓲ ꓓꓳꓻ ꓡ ꓝꓲ ꓐ ꓡˍ ꓟ ꓑꓶꓸ ꓓꓴ ꓥ ꓡꓳ=

ꓝꓮꓲ ꓕꓱ ꓡꓽ ꓛꓬꓸ( ꓛꓽ ꓬꓰꓹ) ꓐꓰ ꓚꓳꓝꓝꓰꓰ ꓗꓪ ꓥˍ ꓟꓲ ꓝꓡꓮꓦꓳꓠꓳꓲꓓꓢ ꓢꓯꓼ ꓓꓵˍ ꓟ ꓑꓶꓸ ꓓꓴ ꓪꓴꓸ ꓠꓷꓸ ꓫꓵꓽ ꓙꓴꓽ ꓔꓯ ꓪꓽ ꓠꓬꓲ ꓡꓰ ꓝꓲˍ ꓡꓳ= ꓖꓳ ꓟ ꓑꓶꓸ ꓓꓴ ꓚꓳꓝꓝꓰꓰ ꓐꓰ ꓡꓽ ꓚꓬꓸ ꓔꓯ ꓮ ꓕꓯ ꓟꓳ ꓓꓳꓻ ꓠ ꓔ ꓡꓳ= ꓖꓳ ꓡꓱ ꓐꓯ ꓥˍ ꓟꓲ ꓕꓲ ꓐꓱ ꓠꓬ ꓚꓳꓝꓝꓰꓰ ꓓꓳꓻˍ ꓕꓯ ꓠꓲꓹ ꓟ ꓔꓷꓹ ꓗꓴꓸˍ ꓟ ꓑꓶꓸ ꓓꓴ꓾ ꓡꓽ ꓚꓬꓸ (ꓛꓽ ꓬꓰꓹ) ꓔꓯ ꓓꓳꓻ ꓖꓶ ꓐ ꓡˍ ꓡꓳ=

  • ꓪꓳꓽ ꓒꓬꓽ ꓠꓲꓹ ꓛꓵꓼ ꓜꓽˍ ꓟ ꓗꓪ ꓐꓰˍ ꓟꓲ ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡ ꓝꓲˍ ꓡꓳ=

ꓪꓳꓽ ꓒꓬꓽ ꓠꓲꓹ ꓛꓵꓼ ꓠꓯꓸꓼ ꓗꓪ ꓦꓲꓔꓮꓟꓲꓠ ꓗ꓾ ꓝꓳꓡꓮꓔꓰ꓾ ꓡꓴꓔꓰꓲꓠ꓾ ꓠꓲꓔꓣꓮꓔꓰ꓾ ꓮꓠꓔꓲꓳꓫꓲꓓꓮꓠꓔ ꓢꓯꓼ ꓐꓴ ꓓꓵˍ ꓟ ꓥ ꓡꓳ= ꓢꓯꓼ ꓕꓱ ꓟ ꓐꓴ ꓠꓬ ꓪꓴꓸ ꓠꓷꓸ ꓫꓵꓽ ꓬꓲꓻˍ ꓟ ꓗꓪ ꓪꓽ ꓠꓬꓲ ꓡꓰ ꓠ ꓬꓰ ꓙ ꓖꓶˍ ꓡꓳ= ꓢꓳ ꓣꓴˍ ꓟ ꓗꓪˍ ꓟꓲ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡꓰ ꓝꓲˍ ꓡꓳ= ꓝꓮꓲ ꓕꓲ ꓑꓹ ꓕꓲ ꓑꓹ ꓟꓲ ꓡꓰꓹ ꓢꓻˍ ꓟ ꓔꓯ ꓥˍ ꓟꓲ ꓠꓲꓸ ꓡꓰ ꓝꓲˍ ꓡꓳ= ꓖꓳ ꓡꓱ ꓠꓬꓲ ꓪꓳꓽ ꓒꓬꓽ ꓠꓲꓹ ꓛꓵꓼ ꓔꓯ ꓟꓬꓽ ꓠꓬꓲ ꓜꓽ ꓖꓶ ꓠꓯꓹ ꓟ ꓥ ꓡꓳ=

  • ꓳꓮꓔꓟꓰꓮꓡ ꓐꓰ ꓜ ꓫꓵꓽ ꓫꓵꓽ

ꓕꓱ ꓟ ꓘꓴꓽ ꓗꓪ ꓣꓳ ꓪꓴꓸ ꓠꓷꓸ ꓡꓰ ꓟꓬꓽ ꓠꓬꓲ ꓣꓱꓽ ꓞꓹ ꓟ ꓚꓮꓣꓐꓳꓧꓬꓓꓣꓮꓔꓰꓢ ꓐꓴ ꓔꓯ ꓡꓴꓽ ꓖꓶˍ ꓡꓳ= ꓣꓳ ꓜꓽ ꓔꓬ ꓟ ꓜ ꓒꓴꓻ ꓐꓴ ꓠꓬ ꓮ ꓟꓬꓹ ꓔꓱꓹ ꓒꓴ ꓡꓰ ꓠ ꓫꓬꓹ ꓔ ꓟ ꓑꓶꓸ ꓓꓴ ꓜꓻ ꓗꓪ ꓓꓵˍ ꓟ ꓬꓲ ꓢꓯꓼ ꓕꓲ ꓐꓱ ꓒꓲꓼ ꓡꓰˍ ꓟ ꓥ ꓡꓳ= ꓖꓳ ꓡꓱ ꓥˍ ꓟꓲ ꓣꓳ ꓕꓱ ꓡꓱ ꓜ ꓫꓵꓽ ꓫꓵꓽ ꓐꓰ ꓳꓮꓔꓟꓰꓮꓡ ꓐꓴ ꓗꓪ ꓠꓬ ꓬꓲ ꓢꓯꓼ ꓒ ꓐꓲ ꓓꓵˍ ꓡꓳ= ꓕꓱ ꓟ ꓘꓴꓽ ꓗꓪ ꓠꓬ ꓚꓳꓟꓑꓡꓰꓫ ꓚꓮꓣꓐꓳꓧꓬꓓꓣꓮꓔꓰꓢ ꓾ ꓝꓲꓐꓰꓣ꓾ ꓦꓲꓔꓮꓟꓲꓠ ꓐ꓾ ꓦꓲꓔꓮꓟꓲꓠ ꓰ꓾ ꓟꓮꓖꓠꓰꓢꓲꓴꓟ ꓢꓯꓼ ꓐꓴ ꓓꓵˍ ꓟ ꓥ ꓡꓳ= ꓢꓯꓼ ꓕꓱ ꓟ ꓓꓯˍ ꓟ ꓑꓶꓸ ꓓꓴ ꓣꓳ ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡꓰ ꓝꓲˍ ꓡꓳ= ꓢꓳ ꓣꓴˍ ꓟ ꓗꓪ ꓚꓲꓸ ꓟꓶ ꓢꓻ ꓡꓰ ꓝꓲˍ ꓡꓳ=

ꓕꓱ ꓗꓪ ꓐꓯ ꓗꓷ ꓟ ꓡꓰ ꓐꓰ ꓳꓲꓡꓬ ꓝꓲꓢꓧ ꓬꓲ ꓞꓶꓻ ꓟꓬꓽˍ ꓟ ꓥꓪꓸ ꓜꓽ ꓖꓶ꓾ ꓐꓰꓣꓣꓬ ꓢꓶꓽ ꓔꓯˍ ꓟꓲ ꓜꓽ꓾ ꓬꓲ ꓫꓵꓸ ꓬꓲ ꓠꓲꓹ ꓟ ꓐꓰ ꓓꓮꓣꓗ ꓚꓧꓳꓚꓳꓡꓮꓔꓰ ꓔꓯˍ ꓟꓲ ꓜꓽ ꓖꓶ= ꓝꓮꓲ ꓚꓳꓝꓝꓰꓰ ꓡꓽ ꓚꓬꓸ ꓓꓳꓻ ꓖꓶ= ꓪꓳꓽ ꓒꓬꓽ ꓠꓲꓹ ꓛꓵꓼ ꓐꓰ ꓳꓮꓔꓟꓰꓮꓡ ꓐꓰ ꓜ ꓫꓵꓽ ꓫꓵꓽ ꓐꓴ ꓔꓯ ꓜꓽ ꓖꓶˍ ꓕꓯ ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡˍ ꓥꓳ=

ꓮ ꓟꓶ ꓐꓯ ꓖꓶ ꓗꓷ ꓟ ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓠꓹ ꓟ ꓐꓱ ꓶ ꓜꓽ ꓖꓶ ꓠꓯꓹ ꓟ ꓜꓽ ꓓꓴ (7) ꓙꓰꓽ ꓔꓯ ꓠꓬ ꓠꓯꓻ ꓞꓲꓼ ꓟꓸ ꓒ ꓜꓲꓠ ꓟꓲꓠ ꓔꓴꓠ ꓡꓰ ꓬꓳꓴꓔꓴꓐꓰ ꓗꓪ ꓐꓯ ꓖꓶ ꓔ ꓟ ꓔꓯ꓾ ꓝꓮꓲ ꓕꓲ ꓝꓸ ꓐꓯ ꓖꓶ ꓩꓴ ꓡˍ ꓟ ꓥ ꓡꓳ=

https://youtu.be/deHLgmOI3MU

The post ꓪꓴꓸ ꓠꓷꓸ ꓚꓲꓸ ꓟꓶ ꓓꓴ ꓢꓯꓼ ꓪꓽ ꓠꓬꓲ ꓠꓹ ꓟ ꓐꓱ ꓶ ꓜꓽ ꓖꓶ ꓠꓯꓹ ꓟ ꓜꓽ ꓓꓴ (7) ꓙꓰꓽ appeared first on Rva Lisu Kachin.

]]> https://rvalisukachin.org/2024/09/06/%ea%93%aa%ea%93%b4%ea%93%b8-%ea%93%a0%ea%93%b7%ea%93%b8-%ea%93%9a%ea%93%b2%ea%93%b8-%ea%93%9f%ea%93%b6-%ea%93%93%ea%93%b4-%ea%93%a2%ea%93%af%ea%93%bc-%ea%93%aa%ea%93%bd-%ea%93%a0%ea%93%ac%ea%93%b2/feed/ 0 286 ꓜꓽ ꓓꓴ ꓚꓲ.ˍ ꓟ ꓔꓯ ꓟꓳ. ꓠ ꓠꓬꓲˍ ꓟ https://rvalisukachin.org/2024/09/06/%ea%93%9c%ea%93%bd-%ea%93%93%ea%93%b4-%ea%93%9a%ea%93%b2-%cb%8d-%ea%93%9f-%ea%93%94%ea%93%af-%ea%93%9f%ea%93%b3-%ea%93%a0-%ea%93%a0%ea%93%ac%ea%93%b2%cb%8d-%ea%93%9f/ https://rvalisukachin.org/2024/09/06/%ea%93%9c%ea%93%bd-%ea%93%93%ea%93%b4-%ea%93%9a%ea%93%b2-%cb%8d-%ea%93%9f-%ea%93%94%ea%93%af-%ea%93%9f%ea%93%b3-%ea%93%a0-%ea%93%a0%ea%93%ac%ea%93%b2%cb%8d-%ea%93%9f/#respond Fri, 06 Sep 2024 05:11:00 +0000 https://rvalisukachin.org/?p=282 ꓡꓴ‐ꓘ ꓿ 5ꓽ33‐39 ꓬꓲ ꓪꓽ ꓡꓰ ꓬꓰ-ꓢꓴ ꓔꓯ꓾ ꓬꓳ-ꓦ ꓬꓲ ꓛꓳꓽ ꓒꓯꓹ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓛꓳꓽ ꓒꓯꓹ ꓐꓴ ꓠꓬ꓾ ꓟꓽ ꓠꓽ ꓠꓽ ꓜꓽ ꓓꓴ ꓚꓲꓸ ꓢꓲ ꓪꓽ ꓘꓴˍ ꓡꓳ꓿ ꓖꓳ ꓡꓱ ꓥ ꓟꓲ ꓠꓴ ꓛꓳꓽ ꓒꓯꓹ ꓐꓴ ꓠꓽ ꓜ ꓠꓬꓲ ꓓꓳ ꓠꓬꓲ ꓬꓰ ꓔꓬ ꓡꓳ꓾ ꓐꓯˍ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓤ ꓟꓶꓻ ꓝꓱꓺ […]

The post ꓜꓽ ꓓꓴ ꓚꓲ.ˍ ꓟ ꓔꓯ ꓟꓳ. ꓠ ꓠꓬꓲˍ ꓟ appeared first on Rva Lisu Kachin.

]]> ꓡꓴ‐ꓘ ꓿ 5ꓽ33‐39

https://youtu.be/PZdl6ZEhYNo

ꓬꓲ ꓪꓽ ꓡꓰ ꓬꓰ-ꓢꓴ ꓔꓯ꓾ ꓬꓳ-ꓦ ꓬꓲ ꓛꓳꓽ ꓒꓯꓹ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓛꓳꓽ ꓒꓯꓹ ꓐꓴ ꓠꓬ꓾ ꓟꓽ ꓠꓽ ꓠꓽ ꓜꓽ ꓓꓴ ꓚꓲꓸ ꓢꓲ ꓪꓽ ꓘꓴˍ ꓡꓳ꓿ ꓖꓳ ꓡꓱ ꓥ ꓟꓲ ꓠꓴ ꓛꓳꓽ ꓒꓯꓹ ꓐꓴ ꓠꓽ ꓜ ꓠꓬꓲ ꓓꓳ ꓠꓬꓲ ꓬꓰ ꓔꓬ ꓡꓳ꓾ ꓐꓯˍ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓤ ꓟꓶꓻ ꓝꓱꓺ ꓑꓮꓲꓽ ꓗꓪ ꓟꓯꓸ ꓡꓯꓸ ꓒ ꓔꓬ ꓢꓰꓽ ꓕꓯ ꓪꓰ ꓤ ꓐꓴ ꓔꓯ ꓜꓽ ꓓꓴ ꓚꓲꓸ ꓝꓲ ꓚꓰꓼ ꓡ? ꓖꓳ ꓡꓱ ꓥ ꓟꓲ ꓟꓯꓸ ꓡꓯꓸ ꓒ ꓔꓯ ꓠꓬ ꓬꓲ ꓪꓽ ꓗꓪ ꓐꓰ ꓣꓴ ꓔꓯꓹ ꓙꓰˍ ꓟ ꓬꓲ ꓙꓵꓹ ꓛꓲ ꓡ ꓥꓳ꓿ ꓖꓳ ꓕꓯ ꓠꓽ ꓬꓲ ꓪꓽ ꓜꓽ ꓓꓴ ꓚꓲꓸˍ ꓥꓳ꓾ ꓐꓯ ꓖꓶˍ ꓡꓳ꓿ 

ꓬꓰ-ꓢꓴ ꓡꓰ ꓔꓯ ꓥꓳꓽ ꓕꓲ ꓟ ꓣꓱꓽ ꓢꓲ ꓬꓲ ꓪꓽ ꓔꓯ꓾ ꓐꓵ ꓞꓶꓽ ꓫꓵꓼ ꓕꓲ ꓡꓯꓼ ꓚꓵꓹ ꓧꓽ ꓗꓷ ꓢꓲ ꓐꓵ ꓞꓶꓽ ꓐꓰꓽ ꓗꓪ ꓑꓱꓺ ꓢꓴ ꓟꓽ ꓙꓳ꓿ ꓖꓳ ꓡꓱ ꓬꓰˍ ꓠꓬ꓾ ꓬꓲ ꓠꓽ ꓐꓵ ꓞꓶꓽ ꓫꓵꓼ ꓔꓯ ꓚꓵꓹ ꓧꓽ ꓠ ꓗꓷ ꓡꓰ ꓢꓲ꓾ ꓑꓱꓺ ꓔ ꓥ ꓟꓲ ꓬꓲ ꓐꓰꓽ ꓔꓯ ꓟꓽ ꓧꓳꓹ ꓐꓰ ꓗꓹ ꓥꓳ꓿ 

ꓝꓮꓲ ꓛꓱꓼ ꓡꓱ ꓙꓵꓻ ꓫꓵꓼ ꓠꓬ ꓧꓪꓽ ꓙꓲ ꓡꓵꓸ ꓐꓰꓽ ꓗꓪ ꓧꓳꓽ ꓢꓴ ꓟꓽ ꓙꓳ꓿ ꓖꓳ ꓡꓱ ꓬꓰˍ ꓠꓬ꓾ ꓛꓱꓼ ꓡꓱ ꓙꓵꓻ ꓫꓵꓼ ꓡꓰ ꓧꓪꓽ ꓙꓲ ꓡꓵꓸ ꓐꓰꓽ ꓔꓯ ꓐꓶꓽ ꓡꓰ ꓝꓲ ꓢꓲ꓾ ꓛꓱꓼ ꓡꓱ ꓙꓵꓻˍ ꓟꓲ ꓧꓳꓸ ꓡꓰˍ ꓥꓳ꓿ ꓧꓪꓽ ꓙꓲ ꓡꓵꓸˍ ꓟꓲ ꓐꓬꓺ ꓡꓰˍ ꓥꓳ꓿ ꓛꓱꓼ ꓡꓱ ꓙꓵꓻ ꓫꓵꓼ ꓠꓽ ꓧꓪ ꓙꓲ ꓡꓵꓸ ꓫꓵꓼ ꓗꓪ ꓧꓳꓽ ꓠ ꓗꓹ ꓡꓳ꓿ ꓛꓱꓼ ꓡꓱ ꓙꓵꓻ ꓬꓲ ꓡꓵ ꓓꓳꓻ ꓝꓳ ꓢꓴ ꓠꓬ ꓛꓱꓼ ꓡꓱ ꓙꓵꓻ ꓬꓲ ꓫꓵꓼ ꓓꓳ ꓠꓲꓹ ꓟꓽ ꓫꓵ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ꓾ ꓙꓵꓻ ꓡꓵ ꓟꓬꓽ ꓠꓬꓲ ꓙꓲˍ ꓡꓳ꓾ ꓐꓰ ꓐꓯˍ ꓥꓳ꓾ ꓐꓯˍ ꓡꓳ꓿

The post ꓜꓽ ꓓꓴ ꓚꓲ.ˍ ꓟ ꓔꓯ ꓟꓳ. ꓠ ꓠꓬꓲˍ ꓟ appeared first on Rva Lisu Kachin.

]]> https://rvalisukachin.org/2024/09/06/%ea%93%9c%ea%93%bd-%ea%93%93%ea%93%b4-%ea%93%9a%ea%93%b2-%cb%8d-%ea%93%9f-%ea%93%94%ea%93%af-%ea%93%9f%ea%93%b3-%ea%93%a0-%ea%93%a0%ea%93%ac%ea%93%b2%cb%8d-%ea%93%9f/feed/ 0 282 ꓥꓪ. ꓮ ꓟꓬ, ꓓꓳꓽ ꓟꓶˍ (ꓟꓡꓴ‐ꓘ 5ꓽ1‐11) https://rvalisukachin.org/2024/09/05/%ea%93%a5%ea%93%aa-%ea%93%ae-%ea%93%9f%ea%93%ac-%ea%93%93%ea%93%b3%ea%93%bd-%ea%93%9f%ea%93%b6%cb%8d-%ea%93%9f%ea%93%a1%ea%93%b4%e2%80%90%ea%93%98-5%ea%93%bd1%e2%80%9011/ https://rvalisukachin.org/2024/09/05/%ea%93%a5%ea%93%aa-%ea%93%ae-%ea%93%9f%ea%93%ac-%ea%93%93%ea%93%b3%ea%93%bd-%ea%93%9f%ea%93%b6%cb%8d-%ea%93%9f%ea%93%a1%ea%93%b4%e2%80%90%ea%93%98-5%ea%93%bd1%e2%80%9011/#respond Thu, 05 Sep 2024 05:00:00 +0000 https://rvalisukachin.org/?p=278 ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓠꓬ ꓡꓴ-ꓘ 5ꓽ1-11 ꓥ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓢꓲ-ꓟꓴ ꓒꓲ-ꓕꓱ ꓔꓯ ꓘꓴˍ ꓟ ꓟꓸ ꓟꓲꓽ ꓥ ꓡꓳ=  ꓢꓲ-ꓟꓴ ꓒꓲ-ꓕꓱ ꓠꓬ ꓥꓪꓸ ꓧꓪ ꓒ ꓕꓲ ꓣꓳ꓾ ꓥꓪꓸ ꓓꓳꓽ ꓢꓴ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓥꓪꓸ ꓓꓳꓽ ꓔꓬ ꓢꓴ ꓥ ꓡꓳ= ꓬꓲ ꓠꓬ […]

The post ꓥꓪ. ꓮ ꓟꓬ, ꓓꓳꓽ ꓟꓶˍ (ꓟꓡꓴ‐ꓘ 5ꓽ1‐11) appeared first on Rva Lisu Kachin.

]]> ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓠꓬ ꓡꓴ-ꓘ 5ꓽ1-11 ꓥ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓢꓲ-ꓟꓴ ꓒꓲ-ꓕꓱ ꓔꓯ ꓘꓴˍ ꓟ ꓟꓸ ꓟꓲꓽ ꓥ ꓡꓳ= 

ꓢꓲ-ꓟꓴ ꓒꓲ-ꓕꓱ ꓠꓬ ꓥꓪꓸ ꓧꓪ ꓒ ꓕꓲ ꓣꓳ꓾ ꓥꓪꓸ ꓓꓳꓽ ꓢꓴ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓥꓪꓸ ꓓꓳꓽ ꓔꓬ ꓢꓴ ꓥ ꓡꓳ= ꓬꓲ ꓠꓬ ꓥꓪꓸ ꓮ ꓟꓬꓹ ꓧꓪ ꓟꓶ ꓘꓴ ꓢꓴ ꓕꓲ ꓣꓳˍ ꓟꓲ ꓥ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓕꓲ ꓦꓬꓼ ꓙꓳˍ ꓕꓯ ꓥꓪꓸ ꓕꓲ ꓟˍ ꓟꓲ ꓠꓸ ꓟꓽ ꓟꓶ꓾ ꓓꓳꓽ ꓟꓽ ꓟꓶ= ꓖꓳ ꓕꓯ ꓢꓲ ꓒ ꓬꓰ-ꓢꓴ ꓠꓬ ꓬꓲ ꓔꓯ ꓡ ꓢꓲ꓾ ꓥꓪꓸ ꓑꓱꓸ ꓔꓯ ꓬꓲꓻ ꓙꓬ ꓠꓯꓸˍ ꓟ ꓗꓪ ꓩꓴ ꓬꓯꓼ ꓗꓷ꓾ ꓐꓰ ꓐꓯ ꓖꓶˍ ꓕꓯ ꓒꓲ-ꓕꓱ ꓡꓰ꓾ ꓥꓪ ꓠꓴꓽ ꓠꓽ ꓕꓲ ꓦꓬꓼ ꓡꓱꓸꓼ ꓓꓳꓽˍ ꓥ ꓟꓲ ꓮ ꓫꓵꓽ ꓓꓳꓽ ꓟꓽ ꓟꓶ= ꓖꓳ ꓡꓱ ꓥ ꓟꓲ ꓠꓴ ꓡꓰ ꓐꓯˍ ꓠꓬꓲ꓾ ꓥꓪꓸ ꓑꓱꓸ ꓩꓴ ꓬꓯꓼ ꓗꓷˍ ꓥꓳ꓾ ꓐꓰ ꓐꓯ ꓢꓲ ꓥꓪꓸ ꓑꓱꓸ ꓔꓯ ꓬꓲꓻ ꓙꓬ ꓠꓯꓸˍ ꓟ ꓗꓪ ꓩꓴ ꓬꓯꓼ ꓗꓷˍ ꓡꓳ= ꓖꓳ ꓕꓯ ꓬꓲ ꓪ ꓠꓬ ꓥꓪꓸ ꓑꓱꓸ ꓧꓽ ꓡꓰ ꓠ ꓗꓪ ꓛꓲ ꓥꓪꓸ ꓮ ꓟꓬꓹ ꓓꓳꓽ ꓟꓶ ꓡꓰꓳ= ꓖꓳ ꓟ ꓔꓯ ꓟꓳꓻ ꓡꓰ ꓕꓯ ꓬꓲ ꓠꓬ ꓢꓲ ꓒ ꓬꓰ-ꓢꓴ ꓟꓲꓽ ꓕꓯꓽ ꓢꓲ ꓗꓪ ꓟꓳꓼ ꓡꓰ ꓢꓲ꓾ ꓥꓪ ꓠꓬ ꓝꓴꓲꓸ ꓙꓳ ꓢꓴ ꓥ ꓡꓳ= ꓥꓪ ꓔꓯˍ ꓐꓰ ꓧꓹ ꓙꓰ꓾ ꓐꓰ ꓐꓯ ꓖꓶˍ ꓡꓳ=

ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓱ ꓟ ꓔꓯ ꓣꓳ ꓡꓳꓸ ꓠꓬꓲˍ ꓕꓯ ꓒꓲ-ꓕꓱ ꓠꓬ ꓮ ꓡꓲ ꓘꓶ ꓪꓽ ꓠꓬꓲˍ ꓥ ꓟꓲ꓾ ꓓꓻˍ ꓥ ꓟꓲ꓾ ꓢꓲ ꓒ ꓬꓰ-ꓢꓴ ꓡꓰ ꓬꓲ ꓔꓬ ꓗꓪ ꓛꓲ ꓡˍ ꓕꓯ ꓢꓲ ꓒ ꓬꓰ-ꓢꓴ ꓬꓲ ꓪꓽ ꓠꓬꓲˍ ꓟ ꓔꓯ ꓒꓲ-ꓕꓱ ꓟꓳꓻˍ ꓡꓳ=  

ꓕꓲ ꓖ ꓕꓲ ꓧꓪꓹ ꓗꓪ ꓣꓳ ꓠꓬ ꓠꓲꓹ ꓟ ꓙꓬ ꓡꓰˍ ꓕꓯ꓾ ꓕꓲ ꓦꓬꓼ ꓡꓱꓸꓼ ꓥꓪꓸ ꓧꓪ ꓔꓬ ꓥ ꓟꓲ ꓧꓪ ꓟꓽ ꓟꓶ ꓟ ꓒꓲ-ꓕꓱˍ ꓡꓰ ꓐꓰ ꓣꓳ ꓮ ꓫꓵꓽˍ ꓟꓲ ꓬꓰ ꓟꓽ ꓟꓶ ꓟ ꓦꓬꓼ ꓠꓬꓲˍ ꓟꓲ ꓙꓳˍ ꓡꓳ= ꓧꓪ ꓜꓽ ꓧꓪ ꓓꓳˍ ꓟ ꓗꓪ꓾ ꓜꓽ ꓟꓲ ꓓꓰ ꓟꓲ ꓬꓰ ꓜꓽˍ ꓟ ꓗꓪ꓾ ꓒꓴ ꓫꓵꓺ ꓧꓪˍ ꓟ ꓗꓪ ꓣꓳ ꓮ ꓡꓲ ꓘꓶꓸ ꓪꓽ ꓠꓬꓲˍ ꓥ ꓟꓲ ꓮ ꓘꓶꓸ ꓓꓻˍ ꓥ ꓟꓲ꓾ ꓕꓲ ꓖ ꓕꓲ ꓧꓪꓹ ꓗꓪ ꓮ ꓫꓵꓽˍ ꓟꓲ ꓧꓪ ꓟꓽ ꓟꓶ ꓬꓰ ꓟꓽ ꓟꓶ ꓟ ꓦꓬꓼ ꓠꓬꓲˍ ꓟꓲ ꓙꓳ ꓡˍ ꓥꓳ= ꓖꓳ ꓡꓱ ꓠꓬꓲ ꓠꓬꓲꓸ ꓠꓬꓲ ꓢꓲ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓐꓯ ꓖꓶ ꓡ ꓔꓬ ꓟ ꓠꓬ ꓬꓲꓻ ꓙꓬ ꓠꓯꓸˍ ꓟ ꓗꓪ ꓥꓪꓸ ꓑꓱꓸ ꓔꓯ ꓡꓳ ꓧꓳꓽ ꓗꓷ ꓐꓰ ꓣꓳ ꓔꓯ ꓐꓯ ꓖꓶ ꓡ ꓔꓬ ꓡꓳ= ꓐꓯ ꓠꓲꓹ ꓫꓵˍ ꓟ ꓠꓬ ꓪꓴ-ꓢ ꓔꓯ ꓪ ꓜꓲ ꓮ ꓠꓯꓸ ꓠꓯꓸ ꓙꓵꓻ ꓢꓲ ꓠꓬꓲ ꓢꓯꓼ ꓕꓵꓼ꓾ ꓐꓰ ꓐꓯ ꓖꓶ ꓡ ꓔꓬ ꓟ ꓥ ꓡꓳ=

ꓙꓵꓻ ꓠꓲꓹ ꓕꓱ ꓟ ꓠꓬ ꓟꓬꓽ ꓠꓬꓲ ꓬꓳꓸ ꓚꓵˍ ꓟ ꓥ ꓡꓳ= ꓙꓵꓻ ꓠꓲꓹ ꓠꓬ ꓢꓯꓼ ꓪꓽ ꓥ ꓡꓳ= ꓙꓵꓻ ꓠꓲꓹ ꓠꓬ ꓣꓳ ꓡꓯꓼ ꓙꓴꓽ ꓥ ꓡꓳ= ꓡ ꓞꓳ ꓕꓲ ꓣꓳ ꓡꓯꓼ ꓙꓴꓽ ꓟꓽ ꓙꓳ ꓠꓬ ꓮ ꓫꓵꓽˍ ꓟꓲ ꓬꓰ ꓟꓽ ꓐ ꓡ= ꓞꓳ ꓤ ꓕꓲ ꓣꓳ ꓬꓲ ꓢꓯꓼ ꓪ ꓠꓬ ꓡꓯꓽ ꓪꓵꓽ ꓗꓪ ꓟꓽ ꓓꓹ꓾ ꓛꓲ ꓪꓵꓽ ꓗꓪ ꓟꓽ ꓓꓹ= ꓬꓲ ꓢꓯꓼ ꓪ ꓠꓬ ꓙꓵꓻ ꓠꓲꓹ ꓗꓪ ꓓꓹˍ ꓡꓳ=

ꓓ-ꓪꓵ ꓠꓬ ꓡ ꓞꓳ ꓓꓽ ꓟ ꓥ ꓟ ꓖꓳ-ꓡꓲ-ꓬ ꓔꓯ ꓧꓪꓸ ꓘꓴˍ ꓟ ꓠꓬ ꓬꓲ ꓢꓯꓼ ꓪꓽ ꓠꓬ ꓬꓲ ꓡꓯꓽ ꓪꓵꓽ ꓗꓪ ꓓꓹˍ ꓟ ꓑꓶꓸ ꓓꓴ ꓟꓽ ꓥ= ꓬꓲ ꓢꓯꓼ ꓪ ꓠꓬ ꓙꓵꓻ ꓠꓲꓹ ꓠꓯꓸꓼ ꓗꓪ ꓓꓹˍ ꓟ ꓪꓴꓸ ꓠꓬꓲ ꓥ ꓡꓳ= ꓮ ꓫꓵꓽ ꓟꓲ ꓬꓰ ꓐ ꓡ ꓢꓴ ꓪꓴ-ꓢ ꓠꓬ ꓥꓪ ꓔꓯ ꓬꓰ ꓙˍ ꓥꓳ ꓐꓰ ꓬꓲ ꓙꓵꓻ ꓔ ꓟ ꓙꓵꓻ ꓠꓲꓹ ꓗꓪ ꓢꓯꓼ ꓪ ꓖꓳ ꓟ ꓙꓳˍ ꓡꓳ=

ꓖꓳ ꓡꓱ ꓠꓬꓲ ꓒꓲ-ꓕꓱ ꓠꓬ ꓡꓯꓽ ꓙꓴꓽ ꓟꓽ ꓙꓳ= ꓕꓲ ꓦꓬꓼ ꓡꓱꓸꓼ ꓥꓪꓸ ꓧꓪˍ ꓥ ꓟꓲ ꓧꓪ ꓟꓽ ꓟꓶ= ꓖꓳ ꓡꓱ ꓥ ꓟꓲ ꓢꓲ ꓒ ꓬꓰ-ꓢꓴ ꓡꓰ ꓬꓲ ꓔꓯ ꓕꓵꓼ ꓪꓽ ꓖꓶˍ ꓟ ꓑꓶꓸ ꓓꓴ ꓬꓲ ꓠꓬ ꓥꓪꓸ ꓮ ꓟꓬꓹ ꓓꓳꓽ ꓟꓶ ꓡꓰꓳ=

ꓕꓲ ꓖ ꓕꓲ ꓧꓪꓹ ꓣꓳ ꓥˍ ꓟꓲ ꓮ ꓫꓵꓽ ꓧꓪˍ ꓟꓲ ꓧꓪ ꓟꓽ ꓟꓶ꓾ ꓠꓲꓹ ꓟ ꓙꓬ ꓡꓰ ꓔꓬ꓾ ꓠꓲꓹ ꓟ ꓫꓸ ꓡꓰ ꓔꓬ ꓕꓯ꓾ ꓙꓰ ꓚꓱꓹ ꓔꓯ ꓟꓽ ꓟꓳꓻ ꓕꓯ ꓙꓵꓻ ꓠꓲꓹ ꓮ ꓔꓳꓸ ꓗꓪ ꓐꓰ ꓛꓳ ꓫꓱꓽ ꓙꓰ= ꓙꓵꓻ ꓠꓲꓹ ꓠꓬ ꓣꓳ ꓢꓯꓼ ꓪ ꓥ ꓡꓳ= ꓙꓵꓻ ꓠꓲꓹ ꓠꓬ ꓣꓳ ꓡꓯꓽ ꓙꓴꓽ ꓥ ꓡꓳ= ꓙꓵꓻ ꓠꓲꓹ ꓠꓬ ꓣꓳ ꓔꓯ ꓙꓰ ꓐ ꓡ ꓝꓲˍ ꓟ ꓧꓪꓽ ꓞꓶꓻ ꓥ ꓡꓳ= ꓖꓳ ꓡꓱ ꓠꓬꓲ ꓪꓴ-ꓢ ꓡꓰ ꓣꓳ ꓔꓯ ꓐꓯ ꓖꓶ ꓡˍ ꓟ ꓙꓵꓻ ꓠꓲꓹ ꓔꓯ ꓪꓳ ꓫꓳꓸ ꓢꓲ ꓠꓬꓲ ꓡꓯꓼ ꓫꓵ ꓢꓯꓼ ꓕꓵꓼ=

ꓝꓮꓲ ꓕꓲ ꓫꓵꓽ ꓠꓬ ꓒꓲ-ꓕꓱ ꓠꓬ ꓢꓲ ꓒ ꓬꓰ-ꓢꓴ ꓔꓯ ꓖꓼ ꓦ ꓗꓷˍ ꓡꓳ= ꓮ ꓫꓵꓽ ꓑꓶꓸ ꓓꓴ ꓥˍ ꓐꓯ ꓠꓬ꓾ ꓬꓲ ꓠꓽ ꓟꓽ ꓒꓵꓽ꓾ ꓬꓲ ꓠꓬ ꓝꓴꓲꓸ ꓙꓳ ꓢꓴ ꓥ ꓟ ꓬꓲ ꓢꓷꓸˍ ꓡꓳ= ꓕꓲ ꓖ ꓕꓲ ꓧꓪꓹ ꓣꓳ ꓠꓬ ꓝꓴꓲꓸ ꓬꓰ ꓗꓷ ꓕꓯ ꓪꓴ-ꓢ ꓠꓬ ꓣꓳ ꓐꓰ ꓶꓽ ꓤ ꓗꓶꓹ ꓶꓽ ꓡꓰꓳ꓾ ꓐꓰ ꓓꓵꓽ ꓙ ꓗꓴꓸˍ ꓡꓳ= ꓣꓳ ꓝꓴꓲꓸ ꓬꓰ ꓪ ꓡꓰ ꓕꓯ꓾ ꓟꓽ ꓙꓲꓻ ꓟꓽ ꓜꓳꓽ ꓟ ꓬꓰ ꓪ ꓡꓰ ꓕꓯ꓾ ꓪꓴ-ꓢ ꓠꓬ ꓥꓪ ꓐꓰ ꓶꓽ ꓡꓰꓳ= ꓪꓴ-ꓢ ꓠꓬ ꓶꓽ ꓤ ꓙꓰ ꓗꓷꓳ꓾ ꓐꓰ ꓓꓵꓽ ꓙ ꓟꓶˍ ꓥ ꓟꓲ ꓕꓱ ꓟ ꓠꓬ ꓣꓳ ꓠꓲꓹ ꓟ ꓡꓰꓽ ꓥ ꓡꓳ=

ꓖꓳ ꓡꓱ ꓐꓯ ꓥ ꓟꓲ ꓢꓲ ꓒ ꓬꓰ-ꓢꓴ ꓠꓬ ꓣꓳ ꓒ ꓕꓲꓺ ꓗꓪ ꓔꓬ ꓡꓳ= ꓪꓴ-ꓢ ꓠꓬ ꓝꓴꓲꓸ ꓔꓯ ꓠꓲꓹ ꓜꓳˍ ꓥ ꓟꓲ ꓝꓴꓲꓸ ꓬꓰ ꓢꓴ ꓔꓯ꓾ ꓝꓴꓲꓸ ꓙꓳ ꓢꓴ ꓔꓯ ꓠꓬ  ꓠꓲꓹ ꓠꓵˍ ꓡꓳ ꓐꓰ ꓐꓯ ꓡꓳ= ꓖꓳ ꓡꓱ ꓠꓬꓲ ꓢꓲ ꓒ ꓬꓰ-ꓢꓴ ꓠꓬ ꓣꓳ ꓒ ꓕꓲꓺ ꓗꓪ ꓔꓬ ꓡꓳ= ꓣꓳ ꓝꓴꓲꓸ ꓬꓰ ꓗꓷˍ ꓟ ꓑꓶꓸ ꓓꓴ ꓣꓳ ꓠꓬ ꓶꓽ ꓤ ꓗꓶꓹ ꓡꓰˍ ꓟˍ ꓡꓰ ꓐꓰ ꓠꓲꓹ ꓟ ꓠꓯꓸꓼ ꓗꓪ ꓓꓵꓽ ꓙ ꓟꓶˍ ꓥ ꓟꓲ ꓪꓴ-ꓢ ꓠꓬ ꓣꓳ ꓒ ꓕꓲꓺ ꓗꓪ ꓔꓬ ꓡꓳ= ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓣꓳ ꓠꓬ ꓝꓴꓲꓸ ꓬꓰ ꓪ ꓡꓰ ꓥ ꓟꓲ ꓮ ꓫꓵꓽ ꓠꓲꓹ ꓟ ꓙꓬ ꓓꓴ ꓟꓽ ꓙꓳ ꓙꓳ ꓝꓴꓲꓸ ꓬꓰˍ ꓟ ꓗꓪ ꓐꓰ ꓓꓵꓽ ꓙ ꓒꓳꓹ ꓬꓲꓼ ꓡ ꓢꓲ ꓠꓬꓲ ꓙꓵꓻ ꓠꓲꓹ ꓔꓯ ꓠꓯꓸˍ ꓟ ꓗꓪ ꓗꓶ ꓔ ꓢꓲ ꓠꓬꓲ ꓛꓳ ꓫꓱꓽˍ ꓥꓳ ꓐꓯ ꓠꓬ ꓣꓳ ꓐꓱ ꓶ ꓮ ꓫꓵꓽ ꓬꓰˍ ꓟꓲ ꓧꓪꓸ ꓡꓰ ꓢꓲ ꓠꓬꓲ ꓗꓹ ꓛꓲꓽˍ ꓟ ꓤꓶꓻ ꓒꓬꓱꓼ ꓡˍ ꓥꓳ ꓐꓰ ꓮ ꓙꓵꓽ ꓢꓴ ꓔꓯ ꓐꓯ ꓖꓶ ꓠꓲꓹ ꓫꓵˍ ꓡꓳ=

https://youtu.be/pJe3puxCnBg

The post ꓥꓪ. ꓮ ꓟꓬ, ꓓꓳꓽ ꓟꓶˍ (ꓟꓡꓴ‐ꓘ 5ꓽ1‐11) appeared first on Rva Lisu Kachin.

]]> https://rvalisukachin.org/2024/09/05/%ea%93%a5%ea%93%aa-%ea%93%ae-%ea%93%9f%ea%93%ac-%ea%93%93%ea%93%b3%ea%93%bd-%ea%93%9f%ea%93%b6%cb%8d-%ea%93%9f%ea%93%a1%ea%93%b4%e2%80%90%ea%93%98-5%ea%93%bd1%e2%80%9011/feed/ 0 278