ꓪꓽ ꓘꓴ ꓚꓱ, (5) ꓚꓱ,

ꓣꓳ ꓕꓲ ꓣꓳ ꓡꓲ ꓕꓲꓽ ꓣꓳ ꓪꓴ‐ꓢ ꓔꓯ ꓪꓽ ꓘꓴ_ ꓟ ꓠꓬ ꓟꓽ ꓫꓱ, ꓡꓯ ꓘꓳ꓾ ꓮ ꓡꓰ ꓐꓰ ꓥ ꓟꓲ ꓘꓴ ꓠ, ꓡꓳ꓾ ꓖꓳ ꓡꓱ ꓥ ꓟꓲ ꓠꓬꓲ. ꓠꓬ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓪꓽ ꓘꓴ ꓙꓵ, (5) ꓙꓵ, ꓕꓱ ꓡꓱ ꓐꓰ ꓟ. ꓖꓶ ꓔ ꓡꓳ꓿

 ꓬꓲ. ꓪꓴ. ꓕꓲ ꓟ ꓟ ꓠꓬ꓾ ꓦ ꓡꓱ ꓪꓽ ꓗꓴ_ ꓟ ꓚꓱ, ꓥ ꓡꓳ꓾ ꓦ ꓡꓱ ꓪꓽ ꓘꓴ_ ꓟ ꓚꓱ, ꓐꓯ_ ꓕꓯ ꓣꓳ ꓠꓬ ꓐ,ꓐ ꓪꓴ‐ꓢ꓾ ꓤ ꓔꓲ ꓪꓴ‐ꓢ꓾ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓔꓯ ꓪꓴ‐ꓢ ꓥ ꓡꓳ ꓐꓯ ꓢꓲ ꓪꓴ. ꓓꓵ ꓕꓵꓼ ꓪꓽ ꓘꓴ_ ꓟ ꓦ ꓡꓱ ꓟ ꓬꓲ. ꓚꓱ, ꓥ ꓡꓳ꓿ ꓠꓬꓲꓽ ꓚꓱ, ꓠꓬ꓾ ꓫꓱ. ꓤ ꓘꓶꓽ ꓓꓰꓽ_ ꓟ ꓪꓽ ꓘꓴ ꓚꓱ, ꓥ ꓡꓳ꓾ ꓣꓳ ꓠꓬ ꓝꓴꓲ ꓓꓽ ꓟ ꓬꓰ ꓛꓬ ꓗꓷ ꓕꓯ ꓪꓴ‐ꓢ ꓐꓰ ꓶꓽ ꓤ ꓐꓰ ꓗꓷ ꓡꓰ ꓕꓯ ꓪꓴ‐ꓢ ꓬꓲ ꓫꓱ. ꓤ ꓟ ꓣꓳ ꓣꓱ ꓞ, ꓕꓯ ꓪꓴ‐ꓢ ꓔꓯ ꓫꓱ. ꓤ ꓘꓶꓽ ꓓꓰ_ ꓟ ꓪꓽ ꓘꓴ ꓚꓱ, ꓥ ꓡꓳ꓿ ꓢꓽ ꓚꓱ, ꓠꓬ꓾ ꓣꓳ ꓪꓽ ꓘꓴ ꓕꓯ ꓣꓳ ꓐꓱ ꓶ ꓡꓰ ꓟꓽ ꓞꓲ ꓠꓱ. ꓐꓯꓼ ꓣꓳ ꓠꓶꓽ ꓛꓳ ꓐꓱ ꓶ ꓠꓱ. ꓐꓯꓼ ꓢꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ_ ꓟ ꓬꓰ_ ꓟ ꓬꓲ ꓚꓱ, ꓥ ꓡꓳ꓿ ꓝꓮꓲ ꓡꓲ ꓚꓱ, ꓠꓬ꓾ ꓫ ꓟꓳ ꓠꓲ, ꓡꓰ ꓪꓴ‐ꓢ ꓔꓯ ꓪꓽ ꓘꓴ ꓟ ꓚꓱ, ꓥ ꓡꓳ꓿ ꓪꓴ‐ꓢ ꓡꓰ ꓣꓳ ꓔꓯ ꓬꓰ ꓖꓶ ꓗꓷ ꓟ ꓮ ꓙꓵ ꓪꓴ‐ꓢ ꓡꓰ ꓣꓳ ꓔꓯ ꓢꓯꓼ ꓟꓬ ꓖꓶ ꓡ ꓟ ꓮ ꓫꓵ ꓬꓰ ꓖꓶ ꓡ ꓟ ꓮ ꓙꓵ ꓔꓯ ꓥ ꓟꓲ ꓣꓳ ꓕꓱ ꓡꓱ ꓓꓵ ꓙ ꓢꓲ ꓠꓬꓲ ꓪꓴ‐ꓢ ꓔꓯ ꓫ ꓟꓳ ꓠꓲ, ꓡꓰ ꓪꓽ ꓘꓴ_ ꓟ ꓥ ꓡꓳ꓿ ꓥꓪꓽ ꓠꓬ꓾ ꓪꓴ‐ꓢ ꓔꓯ ꓓꓳ ꓟꓳ, ꓫꓱ. ꓖꓶ_ ꓟ ꓥ ꓡꓳ꓾ ꓪꓴ‐ꓢ ꓠꓬ ꓢꓲ ꓫꓬ_ ꓡꓳ꓾ ꓢꓲ ꓫꓬ ꓡꓳ꓾ ꓢꓲ ꓫꓬ ꓡꓳ꓾ ꓟꓴ ꓗꓪ ꓝꓲ ꓓꓴ ꓬꓲ ꓜꓴ ꓬꓲ ꓟꓯꓼ ꓐꓴ ꓐꓰ ꓕꓲ ꓡꓲ, ꓪꓴ‐ꓢ ꓔꓯ ꓓꓳ ꓟꓳ, ꓫꓱ. ꓖꓶ_ ꓟ꓾ ꓪꓴ‐ꓢ ꓠꓬ ꓙꓲ ꓓꓰ ꓡꓰ_ ꓟ꓾ ꓐꓯ ꓢꓲ ꓓꓳ ꓟꓳ, ꓫꓱ. ꓖꓶ_ ꓟ ꓬꓲ ꓚꓱ, ꓟꓲ ꓥ ꓡꓳ꓿

ꓕꓱ ꓥꓪ ꓚꓱ, ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓕꓱ ꓡꓱ ꓐꓰ ꓥ ꓟꓲ ꓘꓴ ꓠ, ꓡꓳ ꓐꓯ ꓢꓲ ꓟ. ꓖꓶ ꓔ ꓟ ꓥ ꓡꓳ꓾ ꓝꓮꓲ ꓕꓱ ꓥꓪꓽ ꓚꓱ, ꓗꓪ ꓠꓬ ꓢ ꓙꓵ ꓗꓪ ꓐꓰ ꓪꓽ ꓘꓴ ꓠ ꓡꓳ꓾ ꓕꓱ ꓟ ꓠꓬ ꓣꓳ ꓕꓲꓽ ꓠꓬꓲ ꓡꓲ ꓕꓲꓽ ꓠꓬꓲ ꓪꓽ ꓘꓴ ꓘꓶꓽ ꓗꓪ ꓐꓰ ꓢꓲ ꓒ ꓡꓰ ꓟ. ꓔ ꓟ ꓪꓽ ꓘꓴ ꓓꓴ ꓗꓪ ꓐꓰ ꓣꓳ ꓟꓷꓽ ꓠꓷ, ꓗꓪ ꓐꓰ ꓫ ꓕꓱ ꓗꓪ ꓐꓰ ꓪꓽ ꓘꓴ ꓠ ꓡꓳ꓾ ꓝꓮꓲ ꓕꓲ ꓙꓵ ꓟ ꓠꓬ ꓪꓴ‐ꓢ ꓔꓯ ꓣꓳ ꓓꓵꓽ ꓙ ꓛꓲ ꓢꓲ ꓠꓬꓲ ꓣꓳ ꓠꓲ, ꓟ ꓠꓯꓼ ꓗꓪ ꓐꓰ ꓪꓴ‐ꓢ ꓔꓯ ꓪꓽ ꓘꓴ ꓠ ꓟ ꓥ ꓡꓳ꓾ ꓝꓮꓲ ꓕꓲꓽ ꓟ ꓟ ꓠꓬ ꓪꓴ‐ꓢ ꓣꓳ ꓕꓲ ꓠꓲ, ꓕꓲ ꓪ ꓣꓳ ꓠꓲ, ꓟ ꓠꓯꓼ ꓗꓪ ꓢꓲ ꓡꓲ, ꓐꓰ ꓪꓴ‐ꓢ ꓔꓯ ꓓꓵꓽ ꓙ ꓢꓲ ꓠꓬꓲ ꓪꓽ ꓘꓴ_ ꓟ ꓥ ꓡꓳ꓿ ꓖꓳ ꓟ ꓡꓰ ꓐꓰ ꓧꓶ. ꓕꓯ ꓐꓯ ꓗꓳ. ꓡ ꓟ ꓥꓪꓽ ꓚꓱ, ꓔꓯ ꓕꓱ ꓟ ꓢ ꓚꓱ, ꓗꓪ ꓐꓰ ꓣꓳ ꓮ ꓡꓰ ꓕꓲ ꓚꓱ, ꓔꓯ ꓛꓳ ꓢꓲ ꓪꓽ ꓘꓴ ꓠ, ꓟ ꓢꓯꓼ ꓖꓶ ꓩꓴ ꓡ ꓥꓳ꓿