ꓔꓲꓺ ꓒ ꓑꓰꓔꓰꓣ ꓜ-ꓬꓳ-ꓒꓴ ꓦꓵꓻ ꓦꓬꓼ ꓠꓬꓲ ꓟꓲ-ꓢ ꓬꓰˍ ꓟ
ꓠꓬꓲ. ꓠꓬꓲ 8 ꓦ ꓟ 17 ꓠꓬꓲ 2026 ꓘꓳꓼ ꓠ: ꓕꓲ: ꓠꓬꓲ ꓗꓪ ꓠꓬ ꓔꓲꓺ ꓒ ꓑꓰꓔꓰꓣ ꓜ-ꓬꓳ- ꓒꓴ (60) ꓘꓳꓼ ꓐꓲ ꓡꓰ ꓟ ꓦꓵꓻ ꓦꓬꓼ ꓠꓬꓲ ꓔꓯ ꓢꓔ.ꓙꓳꓧꓠ ꓚꓬ-ꓑꓳ-ꓛ ꓗꓪ ꓟꓲ-ꓢ ꓔꓲ ꓪ: ꓘꓴˍ ꓟ ꓬꓰ ꓗꓷꓳ=
ꓔꓲꓺ ꓒ ꓑꓰꓔꓰꓣ ꓜ-ꓬꓳ-ꓒꓴ (60) ꓐꓲ ꓪꓴ-ꓢ ꓔꓯ ꓫ. ꓟꓳˍ ꓟ ꓟꓲ-ꓢ ꓔꓯ ꓔꓲꓺ ꓒ ꓟꓲꓚꓧꓮꓰꓡ꓾ ꓐꓰ ꓔꓲꓺ ꓒ ꓙꓳꓢꓰꓑꓧ ꓛꓪ-ꓔ ꓐꓴ꓾ ꓔꓲꓺ ꓒ ꓢ: ꓣꓳ ꓗꓪ ꓐꓰ ꓟꓲ-ꓢ ꓔꓲ ꓖꓶ ꓗꓷꓳ=
ꓔꓲꓺ ꓒ ꓮ ꓒꓴ ꓡꓰ ꓐꓯˍ ꓟ ꓠꓬ꓾ ꓮ ꓟꓶ ꓟ ꓡꓰ ꓦꓵꓻ ꓦꓬꓼ ꓠꓬꓲ ꓐꓱ ꓶ ꓟꓲ-ꓮ ꓬꓰ ꓪ: ꓘꓴˍ ꓟ ꓠꓬ ꓬꓲ ꓪꓴ. ꓬꓰˍ ꓟ ꓥ ꓡꓳ꓾ ꓐꓰ ꓐꓯˍ ꓡꓳ=
ꓮ ꓟꓶ ꓟ ꓙꓵꓹ ꓗꓪ ꓔꓲꓺ ꓒ ꓑꓰꓔꓰꓣ ꓜ-ꓬ-ꓒꓴ ꓠꓬ ꓛ-ꓖꓳ ꓟꓵ: ꓗꓪ ꓪꓴ-ꓢ ꓟꓬꓱ: ꓟꓯꓻ ꓔꓬ ꓟ ꓔꓲꓺ ꓒ ꓥ ꓡꓳ=
ꓔꓲꓺ ꓒ ꓐꓱ ꓶ ꓤꓶꓻ ꓫꓵ ꓟꓯ ꓫꓵ ꓠꓹ ꓟ ꓐꓱ ꓶ ꓪ: ꓘꓴ ꓙ ꓖꓶ ꓓꓴ ꓬꓰ ꓡꓯ= ꓔꓲꓺ ꓒ ꓜ‐ꓬꓳ‐ꓒꓴ ꓠꓬ ꓗꓳ. ꓗꓷ ꓟ ꓙꓵ, ꓕꓯ ꓣꓦꓮ ꓡꓲ‐ꓢꓴ ꓓꓳꓽ ꓫꓵꓽ ꓐꓯ ꓑꓶ ꓔꓶ. ꓗꓪ ꓥ ꓟꓲ ꓪꓴ‐ꓢ ꓟꓯ ꓗꓷ ꓢꓲ ꓠꓬꓲ ꓢ‐ꓑ‐ꓑꓳ ꓡꓳ ꓒꓱ꓾ ꓑꓴꓔꓮꓳ ꓡꓳ ꓒꓱ ꓐꓰ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓥ ꓟꓲ ꓪꓴ‐ꓢ ꓟꓬꓱꓽ ꓟꓯ ꓗꓷ ꓢꓴ ꓔꓲꓺ ꓒ ꓓꓽ ꓥ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓛ‐ꓖꓳ ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓥ ꓢꓲ ꓠꓬꓲ ꓞꓳ ꓡꓱ ꓞꓳ ꓡꓯ. ꓐꓴ ꓔꓯ ꓢꓷ. ꓠꓲ, ꓚꓱ, ꓞꓳ ꓙꓳ ꓚꓱ, ꓗꓪ ꓪꓴꓽ ꓟꓴ ꓡ ꓠ, ꓟ ꓐꓱ ꓶ ꓮ ꓘꓶ. ꓢꓯꓼ ꓕꓵꓼ ꓖꓶ ꓢꓴ ꓔꓲꓺ ꓒ ꓥ ꓡꓳ꓿ ꓔꓲꓺ ꓒ ꓠꓬ ꓬꓲ ꓚꓲ. ꓛꓬ ꓐꓱ ꓶ ꓟꓽ ꓓꓴ ꓙ ꓞꓳ ꓡꓱ ꓞꓳ ꓡꓯ. ꓐꓴ ꓪꓴꓽ ꓟꓴ ꓡ ꓠ, ꓟ ꓚꓱ, ꓗꓪ ꓬꓲ ꓒꓴ ꓫꓵ ꓔꓯ ꓣꓱ ꓖꓶ ꓢꓲ ꓠꓬꓲ ꓢꓯꓼ ꓕꓵꓼ ꓖꓶ ꓢꓴ ꓔꓲꓺ ꓒ ꓓꓽ ꓥ ꓡꓳ꓿
