ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓟꓵꓽ ꓡꓶꓽ ꓬꓲꓻ ꓙꓬ ꓙꓵꓽ ꓡ ꓕꓯ ꓮ ꓡꓲ ꓐꓰ ꓤ ꓟꓳ ꓠꓯ, ꓟ ꓚꓱ, (climate change)
ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓗꓪ ꓐꓰ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓟꓵꓽ ꓡꓶꓽ ꓬꓲꓻ ꓙꓬ ꓙꓵꓽ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓮ ꓡꓲ ꓐꓰ ꓬꓰ ꓠ, ꓟ ꓔꓯ ꓐꓯ ꓟ. ꓖꓶ ꓓꓴ ꓥꓳ꓿
ꓮ ꓟꓶ ꓟ ꓙꓵ, ꓗꓪ ꓣꓳ ꓔꓬ ꓟ ꓗꓴꓷꓼ꓾ ꓡꓳ ꓒꓱ꓾ ꓞꓳ ꓘ, ꓡꓰ ꓟꓽ ꓞꓲ ꓠꓱ. ꓐꓯꓼ ꓗꓴꓷꓼ ꓮ ꓟꓬ, ꓗꓪ ꓥ ꓟꓲ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓟꓵꓽ ꓙꓴꓽ ꓙꓵꓽ ꓟ꓾ ꓬꓲꓻ ꓙꓬ ꓙꓵꓽ ꓟ ꓟꓵꓼ ꓡꓶꓽ ꓟ ꓑꓶ. ꓓꓴ ꓡ ꓞꓳ ꓮ ꓟꓬ, ꓠꓬ ꓫ. ꓓꓴ ꓟꓷꓽꓓꓴ ꓔꓳ, ꓜꓳ ꓔꓬ ꓟ ꓓꓳꓽ ꓔꓯ ꓣꓳ ꓐꓴ ꓐ ꓙ ꓪ ꓟ ꓥ ꓡꓳ꓿
ꓮ ꓡꓲ ꓕꓲ ꓙꓵ, ꓗꓪ ꓟꓵꓽ ꓘꓳꓼ ꓒꓳ, ꓔꓬ ꓟ ꓑꓶ. ꓓꓴ ꓟꓵꓽ ꓡꓶꓽ ꓡ ꓟ ꓬꓲꓻ ꓙꓬ ꓙꓵꓽ ꓡ ꓟ ꓠꓬ ꓣꓳ ꓐꓴ ꓒ ꓕꓲ ꓗꓪ ꓙꓳ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓥ ꓟꓲ ꓟꓲ‐ꓦ ꓮ ꓟꓬ, ꓦ ꓟ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓡꓳ ꓒꓱ ꓐꓴ ꓙꓳ ꓟ ꓥ ꓡꓳ꓿
ꓖꓳ ꓡꓱ ꓠꓬ ꓮ ꓡꓲ ꓕꓲ ꓙꓵ, ꓗꓪ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓫꓵꓽ ꓪꓴꓽ ꓠꓬ ꓔꓳ, ꓜꓳ ꓡ ꓠ, ꓟ ꓠꓬ ꓣꓳ ꓒ ꓕꓲ ꓗꓪ ꓙꓳ ꓟ ꓑꓶ. ꓓꓴ ꓣꓳ ꓐꓴ ꓙꓽ ꓖꓶ ꓔ ꓠ, ꓟ ꓙꓳ ꓟ ꓥ ꓡꓳ꓿
ꓕꓱ ꓡꓰ ꓫꓵꓽ ꓫꓵꓽ ꓪꓴꓽ ꓠꓬ ꓠꓴ ꓥꓪ ꓐꓰ ꓶꓻ ꓤ ꓗꓪ ꓙꓳ ꓟ ꓫꓵꓽ ꓪꓴꓽ ꓟꓽ ꓥ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓫ. ꓓꓴ ꓟꓷꓽ ꓓꓴ ꓔꓯ ꓟꓽ ꓔꓳ, ꓜꓳ ꓡ ꓟ ꓙꓵ, ꓔꓯ ꓡꓰ ꓙꓻ ꓖꓶ ꓔ ꓣꓳ ꓚꓵˍ ꓟ ꓥ ꓡꓳ꓿
ꓖꓳ ꓡꓱ ꓠꓬ ꓣꓳ ꓐꓴ ꓟꓵꓽ ꓘꓳꓼ ꓒꓳ, ꓡ ꓑꓶ. ꓓꓴ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓡ ꓙꓵ, ꓕꓯ ꓣꓳ ꓮ ꓡꓲ ꓫꓵꓽ ꓙ ꓖꓶ ꓔ ꓟ ꓚꓱ, ꓔꓯ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓓꓽ ꓪꓴ. ꓣꓳ ꓚꓵˍ ꓟ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓫ. ꓓꓴ ꓟꓷ ꓓꓴ ꓟꓽ ꓔꓳ, ꓜꓳ ꓡ ꓟ ꓙꓵ, ꓕꓯ ꓡꓰ ꓙ ꓖꓶ ꓠ, ꓟ ꓮ ꓘꓶ. ꓣꓳ ꓚꓵˍ ꓡꓳ꓿
ꓰꓟꓰꓣꓖꓰꓠꓚꓬ ꓐꓮꓖ ꓣꓳ ꓮ ꓘꓶ. ꓣꓱ ꓬꓯꓼ ꓫꓵꓽ ꓔꓯ ꓙ ꓖꓶ ꓔ ꓠ, ꓟ ꓥ ꓡꓳ꓿ 1. ꓠꓬ ꓮ ꓕꓯ ꓥ ꓟꓲ 3 ꓫꓵꓽ ꓜ ꓓꓴ ꓓꓳ ꓓꓴ ꓙ ꓖꓶ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿
2 ꓠꓬ ꓣꓳ ꓦꓲꓻ ꓗꓪ ꓮ ꓘꓶ. ꓣꓳ ꓚꓵˍ ꓟ ꓕꓳ ꓶ ꓔꓯꓺ ꓥꓳꓽ ꓐꓯ ꓠꓬ (ꓟ‐ꓑꓲ‐ꓔꓲ) ꓝꓮꓲ ꓦꓲꓻ ꓘꓴꓽ ꓐꓱ ꓶ ꓣꓳ ꓚꓵˍ ꓟ ꓕꓳ ꓶ ꓒꓬꓻ ꓐꓴ ꓥ ꓡꓳ꓿
3 ꓠꓬ ꓠꓯꓼ ꓞꓲꓼ ꓔꓯ ꓪꓴꓽ ꓢꓲ ꓠꓬꓲ ꓦꓲꓻ ꓗꓪ ꓙ ꓖꓶ ꓠ, ꓟ ꓥ ꓟꓲ ꓮ ꓘꓶ. ꓣꓳ ꓚꓵˍ ꓟ ꓥ ꓡꓳ꓿ ꓝꓮꓲ ꓑꓧꓳꓠꓰ ꓐꓰ ꓑꓳꓪꓰꓣ ꓐꓮꓠꓗ ꓮ ꓔꓳ ꓡꓯ ꓓꓴ ꓔꓯ ꓥ ꓟꓲ ꓙ ꓖꓶ ꓢꓲ ꓠꓬꓲ ꓪꓴꓽ ꓔ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿
ꓟꓵꓽ ꓘꓳꓼ ꓒꓳ, ꓡ ꓟ ꓑꓶ ꓓꓴ ꓫ. ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓮ ꓡꓲ ꓬꓰ ꓠꓯ, ꓟ ꓡ ꓐꓯ ꓠꓬ ꓔꓯꓺ ꓥꓳꓽ ꓐꓯ ꓠꓬ ꓟꓴꓽ ꓙꓴꓽ ꓙꓵ ꓡ ꓠꓬ ꓮ ꓘꓶ. ꓛꓲ ꓜꓶ ꓟ ꓢ‐ꓐꓳ ꓘꓴꓽ ꓗꓪ ꓔꓬ ꓠ, ꓟ ꓣꓳ ꓚꓵˍ ꓡꓳ꓿
ꓝꓮꓲ ꓮ ꓔꓳ ꓙ ꓜꓲ, ꓝꓮꓲ ꓢꓲ, ꓜꓲ ꓐꓴ ꓙꓳ ꓟ ꓗꓪ ꓐꓰ ꓶꓻ ꓤ ꓗꓪ ꓔꓬ ꓠ, ꓟ ꓣꓳ ꓚꓵˍꓟ ꓥ ꓡꓳ꓿
ꓝꓮꓲ ꓬꓲꓻ ꓙꓬ ꓙꓵꓽ ꓡ ꓟ ꓙꓵ, ꓕꓯ ꓢꓴ ꓡꓰ ꓮ ꓔꓳ ꓔꓳ ꓐꓯ ꓟ ꓓꓳꓽ ꓫꓵꓽ ꓐꓴ ꓔꓯ ꓟꓽ ꓙꓵꓻ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿ ꓓꓳꓽ ꓐꓯ ꓑꓶ ꓔꓲ, ꓗꓪ ꓡꓰ ꓐꓯ ꓔ ꓟ ꓓꓳꓽ ꓫꓵꓽ ꓐꓴ ꓔꓯ ꓡꓰ ꓙꓵꓻ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿
ꓬꓲꓻ ꓙꓬ ꓙꓵꓽ ꓟ ꓙꓵ, ꓕꓯ ꓙ ꓖꓴ ꓗꓪ ꓮ ꓔꓳꓽ ꓔꓳꓽ ꓕꓽ ꓙꓰ꓾ ꓮꓽ ꓔꓳꓽ ꓙ ꓟꓼ ꓙꓳ ꓟ ꓔꓲ, ꓗꓪ ꓞ ꓞ ꓙꓰ ꓠ,ꓟ ꓣꓳ ꓚꓵˍ ꓡꓳ꓿
ꓠꓲ, ꓠꓵ ꓟ ꓬꓲ ꓤ ꓠꓬꓲ ꓤ ꓐꓴꓽꓳ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓡ ꓟ ꓫꓵꓽ ꓪꓴꓽ ꓠꓬ ꓮ ꓡꓲ ꓐꓰ ꓥ ꓟꓲ ꓗꓽ ꓕꓽ ꓟꓽ ꓐ ꓡ ꓟ ꓫꓵꓽ ꓪꓴꓽ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓟꓲ ꓠꓯ ꓡ ꓞꓳ ꓐꓴ ꓡꓰ ꓓꓽ ꓪꓴ. ꓕꓯ ꓡꓰ ꓙ ꓖꓶ ꓔ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿ ꓕꓱ ꓡꓰ ꓬꓰ ꓠꓬ ꓮ ꓘꓶ. ꓛꓲ ꓫ. ꓓꓴ ꓟꓽ ꓔꓳ ꓜꓳ ꓡ ꓓꓴ ꓥ ꓡꓳ꓿
ꓣꓳ ꓞꓳ ꓡꓱ ꓐꓴ ꓠꓬ ꓢꓯꓼ ꓪ ꓙꓳ ꓟ ꓞꓳ ꓡꓱ ꓐꓴ ꓥ ꓡꓳ꓿ ꓝꓮꓲ ꓣꓳ ꓕꓲ ꓘꓴꓽ ꓗꓪ ꓥ ꓟꓲ ꓮ ꓡꓲ ꓐꓰ ꓐꓯ ꓟ. ꓖꓶ ꓠ,ꓟ ꓣꓳ ꓚꓵˍ ꓡꓳ꓿
ꓠꓬꓲ. ꓠꓬꓲ ꓗꓪ ꓐꓰ ꓣꓳ ꓦꓲꓻ ꓗꓪ ꓮ ꓡꓲ ꓫꓵꓽ ꓐꓴ ꓔꓯ ꓣꓳ ꓚꓵˍ ꓟ ꓶꓻ ꓤ ꓐꓴ ꓔꓯ ꓙ ꓖꓶ ꓔ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓣꓳ ꓔꓬ ꓟ ꓟꓵꓽ ꓗꓪ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓤ ꓟꓳ ꓢꓲ ꓠꓬꓲ ꓔꓬ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿
