ꓕꓱ ꓕꓲ ꓠꓽ ꓡꓲꓽ ꓒꓱꓼ ꓐꓰ ꓫ. ꓕꓱ ꓟ ꓗꓪ ꓠꓬ ꓙꓲ‐ꓫꓬ ꓢꓴ ꓐꓳ‐ꓡꓳ ꓠꓬ Gurung ꓡ ꓞꓳ ꓔꓬ ꓗꓪ ꓙꓰ ꓢꓲ꓾ ꓶꓽ ꓓꓳꓽ ꓫꓱꓼ ꓓꓳꓽ ꓙ ꓟ. ꓙꓰ, ꓟ ꓗꓪ ꓐꓰ ꓢꓳ ꓣꓴ ꓓꓴ ꓣꓳ ꓬꓰ ꓡꓯ꓿ ꓐꓲꓳ‐ꓡꓳ ꓠꓬ Hanlin ꓞꓳ ꓫꓵꓽ ꓐꓴ ꓔꓬ ꓗꓪ ꓙꓰ ꓢꓲ꓾ ꓟ. ꓟꓲ ꓚ ꓟ. ꓖꓶ ꓔꓬ ꓕꓯ ꓝꓲ ꓓꓳ ꓕꓳꓽ ꓶ 17ꓽ 22 ꓗꓪ ꓮꓽ ꓡꓲ ꓐꓰ ꓐꓯ ꓔꓬ ꓕꓯ ꓠꓴ ꓪ ꓔꓬ ꓗꓪ ꓥꓪ ꓡ ꓕꓯ ꓠꓴ ꓪꓽ ꓮꓽ ꓙꓵ ꓠꓬ ꓪꓴ‐ꓢ ꓔꓯ ꓞꓳ ꓒꓴꓽ ꓢꓴ ꓥ ꓡꓳꓽ ꓐꓯ, ꓟ ꓥꓪ ꓢꓷ. ꓡꓳ꓾ ꓐꓰ ꓐꓯ ꓢꓲ꓾ ꓪꓴ ꓓꓵ ꓡꓳ꓿
ꓠꓴ ꓪ ꓚꓳ ꓡꓳ ꓗꓪ ꓫꓬ ꓔꓽ ꓟ ꓠꓲꓽ ꓜ ꓦꓲ., ꓐꓰ ꓥꓪ ꓠꓴ ꓟꓽ ꓢꓷꓽ ꓟ ꓪꓴ‐ꓢ ꓐꓰ ꓕꓳꓽ ꓶ ꓐꓳ ꓔꓽ ꓢꓲ꓾ ꓠꓬ ꓪꓴ‐ꓢ ꓗ ꓤ ꓫꓬ ꓔꓽ ꓕꓱ ꓡꓱ ꓫꓵꓽ ꓮꓽ ꓟꓬ, ꓟꓳ ꓡꓳ ꓐꓰ ꓐꓯ ꓢꓲ꓾ ꓠꓬ ꓟ. ꓪꓴ ꓓꓵ ꓡꓳ꓿ ꓠꓴ ꓪꓽ ꓟꓽ ꓢꓷꓽ ꓟ ꓪꓴ‐ꓢ ꓐꓰ ꓐꓯ, ꓟ ꓖꓳ ꓕꓲ8 ꓣꓳ ꓟ ꓚꓱ,ꓥꓪ ꓠꓴ ꓔꓯ ꓐꓯꓼ ꓟ. ꓖꓶ ꓥꓳ꓿
ꓐꓳ‐ꓡꓳ ꓠꓬ ꓙꓰ ꓢꓲꓽ ꓠꓬ ꓬꓲꓼ ꓪ ꓔꓯ ꓠꓴ ꓪ Hanlin ꓡ ꓞꓳ ꓡꓲꓽ ꓒꓱꓼ ꓠꓬ ꓮꓽ ꓕꓳ ꓡꓰ ꓥꓳꓽ ꓢꓲꓽ ꓒ ꓬꓰ‐ꓢꓴ ꓔꓯ ꓙꓵꓽ ꓡꓯꓼ ꓐꓰ ꓐꓯ ꓢꓲ꓾ ꓬꓲꓼ ꓟꓽ ꓬꓰ꓾ ꓬꓲꓼ ꓪ ꓡꓲꓽ ꓒꓱꓼ ꓔꓯ ꓛꓳꓽ ꓬꓲꓼ ꓪ ꓥꓳꓽ ꓫ. ꓕꓱ ꓢꓲ꓾ ꓟꓳ, ꓟ ꓔꓯ ꓪꓴ‐ ꓢ ꓶꓽ ꓓꓳꓽ ꓫꓱ, ꓓꓳꓽ ꓙ ꓟ. ꓖꓶ ꓠꓽ ꓗꓪ ꓛꓲ ꓬꓲꓼ ꓢꓯꓼ ꓕꓵ ꓡꓳ꓿ ꓬꓲꓽ ꓡꓲ ꓬꓲꓽ ꓪ ꓔꓯ ꓐꓯˍꓟ ꓠꓬ ꓠꓴ ꓪ ꓠꓬ ꓠꓴ ꓪ ꓟꓽ ꓢꓷꓽ ꓟ ꓔꓯ ꓟ. ꓟꓲ ꓟꓽ ꓪꓴꓽ ꓓꓵ ꓕꓵ ꓡꓳ꓿ Hanlin ꓡ ꓞꓳ ꓐꓯ, ꓟ ꓠꓬ ꓮꓽ ꓠꓱ ꓕꓯ ꓡꓲ ꓓꓵ ꓙ ꓚꓱ, ꓫ. ꓚꓱ, ꓗꓪ ꓮꓽ ꓘꓶꓼ ꓓ ꓢꓴ ꓡꓰ ꓥ ꓡꓳ꓿ ꓬꓲꓽ ꓪ ꓠꓬ ꓢꓷ. ꓠꓲ., ꓔꓯ ꓡꓲ ꓠꓲ., ꓫꓵ ꓡꓳ꓿ ꓮꓽ ꓫꓵꓽ ꓟꓬꓱꓽ ꓬꓰ ꓥˍꓟꓲ ꓬꓲꓽ ꓪ ꓐꓱ ꓶ ꓮꓽ ꓫꓵꓽ ꓟꓶ ꓡ? ꓐꓯˍꓟ ꓔꓯ ꓡꓰ ꓓꓵ ꓙ ꓡꓳ꓿ ꓕꓱ ꓡꓱ ꓪꓴ‐ꓢ ꓐꓯ ꓖꓶ ꓚ. ꓟ. ꓖꓶ ꓕꓯ ꓕꓲ ꓐꓱ ꓠꓬ ꓠꓽ ꓠ., ꓡꓳ꓿ ꓠꓬꓲ.ꓠ ꓬꓲ ꓠꓴ ꓥꓪ ꓥˍꓟꓲ ꓛꓲ ꓛꓬ ꓡꓲ‐ꓢꓴ ꓫꓵꓽ ꓠꓯꓼ ꓘꓴ ꓗꓪ ꓥˍꓟꓲ ꓪꓴ‐ꓢ ꓣꓱꓽ ꓚꓵ ꓕꓱ ꓟ ꓘꓴ ꓣꓴ ꓟꓶ ꓡꓰꓳ꓿ ꓪꓴ‐ꓢ ꓡꓲꓽ ꓒꓱꓼ ꓕꓱ ꓟ ꓥˍꓟꓲ ꓣꓳ ꓠꓯꓼ ꓗꓪ ꓓꓵ ꓡꓳ꓿ ꓣꓳ ꓡꓲ‐ꓢꓴ ꓫꓵꓽ ꓠꓯꓼ ꓘꓴ ꓗꓪ ꓥˍꓟꓲ ꓪꓴ‐ꓢ ꓐꓯ ꓖꓶ ꓓꓵ ꓡ ꓟ ꓑꓶ. ꓓꓴ ꓡꓲꓽ ꓒꓱꓼ ꓘꓴ ꓠꓯꓼ ꓗꓪ ꓐꓰ ꓪꓴ‐ꓢ ꓔꓯ ꓫꓱꓼ ꓖꓶ ꓠꓽ ꓟ ꓚꓱ, ꓥ ꓡꓳ꓿ ꓣꓳ ꓡꓲ‐ꓢꓲ ꓡꓲꓽ ꓒꓱꓼ ꓔꓯ ꓚꓳ ꓢꓲ꓾ ꓪꓴ‐ꓢ ꓔꓯ ꓫꓱꓼ ꓖꓶ ꓓꓴ ꓬꓰ ꓡꓯ꓿
