ꓕꓲ ꓖ ꓕꓲ ꓧꓪꓽ ꓠꓴ ꓓꓵ ꓙ ꓠꓬꓲ ꓡ? ꓮꓽ ꓠꓱ ꓢꓲꓽ ꓒ ꓬꓰ‐ꓢꓴ ꓯꓬꓼ ꓠꓬꓲ ꓗꓪ ꓡꓲꓽ ꓒꓱꓼ ꓬꓲꓽ ꓪ ꓫ. ꓕꓱ ꓗꓷ ꓟ ꓚꓱ, ꓐꓰ ꓮꓽ ꓟꓶ 2000 ꓘꓳꓼ ꓗ. ꓠꓯꓼ ꓣꓳ ꓫ. ꓪ ꓕꓱˍꓟ ꓣꓳ ꓚꓱ, ꓣꓳ ꓡꓲꓽ ꓒꓱꓼ ꓐꓰ ꓫꓱꓼ ꓡ? ꓐꓯˍꓟ ꓠꓴ ꓓꓵ ꓙ ꓠꓬꓲ ꓡ? ꓮꓽ ꓠꓱꓼ ꓯꓬꓼ ꓠꓬꓲ ꓗꓪ ꓬꓲꓼ ꓪꓽ ꓡꓲꓽ ꓒꓱꓼ ꓠꓬꓲ.ꓠꓬꓲ ꓙꓵ., ꓠꓲ, ꓠꓯꓼ ꓘꓴ ꓗꓪ ꓮꓽ ꓡꓲ ꓓꓵ ꓡ ꓠꓯꓼ ꓡ ꓐꓯˍꓟ ꓔꓯ ꓣꓳ ꓠꓽ ꓡꓳ. ꓓꓴ ꓬꓰ ꓡꓯ꓿ ꓣꓳ ꓗ‐ꓕꓳ‐ꓡꓲꓘ ꓘꓴꓽ ꓜꓲꓼ ꓞꓳ ꓗꓪ ꓔꓲ.. ꓒ ꓪꓽ ꓔꓲ ꓫꓬ ꓔꓽ ꓟ ꓕꓳꓽ ꓶ ꓕꓲ ꓟ ꓙꓳ ꓡꓳ꓿ ꓕꓱ ꓗꓪ ꓮꓽ ꓡꓲ ꓐꓯ ꓔꓽ ꓐꓯ ꓠꓬ ꓡꓲꓽ ꓒꓱꓼ ꓮꓽ ꓙꓵꓽ ꓔꓯ ꓠꓽ ꓠ ꓓꓴ ꓥ ꓡꓳ꓿
ꓖꓳ ꓡꓰ ꓠꓬ ꓘꓴꓽ ꓜꓲꓼ ꓞꓳ ꓐꓯˍꓟ ꓠꓬ ꓶ ꓠꓬꓲꓽ ꓟ ꓙꓳ ꓡꓳ ꓐꓰ ꓐꓯ ꓔꓽ ꓡꓳ꓿ ꓶꓽ ꓕꓲ ꓟ ꓠꓬ ꓮꓽ ꓫꓵꓽ ꓥ ꓐꓯ ꓠꓬ ꓡꓲꓽ ꓒꓱꓼ ꓘꓴꓽ ꓠꓯ,ꓼ ꓗꓪ ꓙꓲˍꓟ ꓔꓯ ꓠꓽ ꓠ ꓠꓯˍꓟ ꓙꓲˍꓟ ꓬꓰ ꓠꓯ.ꓼˍꓟ ꓡꓲꓽ ꓒꓱꓼ ꓔꓯ ꓟꓽ ꓦ ꓟ ꓔꓯ ꓟꓽ ꓬꓰ ꓠꓯ.ꓼˍꓟ ꓐꓳ ꓔꓽ ꓟ ꓥ ꓡꓳ꓿ ꓮꓽ ꓡꓲ ꓗ. ꓠꓬꓲ ꓠꓬ ꓐꓯ, ꓠꓬ ꓙꓵ., ꓠꓲ, ꓠꓬ 2000 ꓘꓳꓼ ꓗꓪ ꓛꓲ ꓥˍꓟꓲ ꓢꓯꓼ ꓔꓽ ꓟ ꓑꓶ. ꓓꓴ ꓮꓽ ꓡꓰ ꓫꓵꓽ ꓡꓲꓽ ꓒꓱꓼ ꓔꓯ ꓥˍꓟꓲ ꓬꓲꓽ ꓪ ꓔꓬ ꓟ ꓥ ꓡꓳ꓿
ꓮꓽ ꓡꓰ ꓫꓵꓽ ꓥꓳꓽ ꓫꓵꓽ ꓕꓱ ꓥˍꓟꓲ ꓪꓴ‐ꓢ ꓠꓯ.ꓼ ꓗꓪ ꓑ ꓠ, ꓟ ꓣꓳ.. ꓚꓵꓽ ꓡꓳ꓿ ꓘꓴꓽ ꓜꓲꓼ ꓞꓳ ꓠꓬ ꓡꓲꓽ ꓒꓱꓼ ꓠꓯ.ꓼ ꓘꓴꓽ ꓗꓪ ꓓꓵ ꓡ ꓠꓽ ꓗ. ꓡꓳ ꓐꓰ ꓖꓳ ꓕꓳꓽ ꓶ ꓗꓪ ꓐꓳ ꓔꓽ ꓡꓳ ꓠꓲ., ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓿ ꓕꓲ ꓠꓬꓲ. ꓡꓲꓽ ꓕꓲ ꓠꓬꓲ ꓣꓳ ꓞꓳ ꓙꓳˍꓟ ꓗꓪ ꓙꓵ., ꓠꓲ, ꓐꓯ, ꓟ ꓠꓬ ꓣꓳ ꓡꓲꓽ ꓒꓱꓼ ꓗꓪ ꓟꓽ ꓓꓵ ꓡ ꓕꓯ ꓠꓬ ꓮꓽ ꓡꓰ ꓥ ꓟꓲ ꓒꓬꓱꓽ ꓡ ꓟꓽ ꓕ꓾ ꓖꓳ ꓟ ꓑꓶ. ꓓꓴ ꓙꓲ‐ꓢꓴ ꓢꓲ ꓤ ꓔꓯ ꓙꓵꓽ ꓢꓴ ꓣꓳ ꓐꓴ ꓮꓽ ꓙꓵꓽ ꓔꓯ ꓡꓳ. ꓗꓷ ꓟꓽ ꓕ ꓢꓲꓽ ꓒ ꓬꓰ‐ꓢꓴ ꓬꓲ ꓛꓲ ꓛꓬ ꓡꓰ ꓬꓳ‐ ꓦ ꓡꓲꓽ ꓒꓱꓼ ꓗꓪ ꓓꓵ ꓡ ꓢꓲꓽ ꓠꓬ ꓬꓴ‐ꓔ ꓕꓲ ꓣꓳ ꓡꓰ ꓐꓰ ꓙ ꓫꓱ, ꓖꓳ ꓙꓰ ꓟꓽ ꓔꓯ ꓣꓳ ꓢꓷ. ꓪ ꓡꓳ꓿ ꓠꓬꓲ. ꓠꓬꓲ ꓪꓴ‐ꓢ ꓠꓬ ꓣꓳ ꓡꓲꓽ ꓒꓱꓼ ꓠꓯ.ꓼ ꓘꓴꓽ ꓗꓪ ꓓꓵ ꓡ ꓟ ꓑꓶ. ꓓꓴ ꓣꓳ ꓡꓲ‐ꓢꓴ ꓡꓲꓽ ꓒꓱꓼ ꓘꓴꓽ ꓗꓪ ꓥˍꓟꓲ ꓔꓬ ꓡꓳ꓿
