1 ꓠꓬ Nutrition ꓐꓰ ꓐꓯˍꓟ   ꓙꓳˍꓟ ꓜꓽ  ꓫꓵ ꓔꓯ ꓖꓶ ꓜꓽ ꓠ, ꓟ ꓣꓱꓽ ꓯꓬꓼ ꓡꓳ꓾ ꓮ ꓦ ꓬ ꓙꓳˍꓟ ꓜꓽ ꓫꓵ ꓠꓬ ꓮꓽ ꓫꓵ ꓥ ꓐꓰ ꓐꓯ ꓠꓬ ꓧꓪ꓾ ꓥꓪ.꓾ ꓬꓲꓽ ꓩꓴ꓾ ꓕꓱ ꓟ ꓠꓬ ꓧꓪꓽ ꓖꓳ ꓓꓱ ꓪꓴ ꓡ ꓝꓲˍꓟ ꓜꓽ ꓫꓵ ꓥ ꓢꓲ꓾ ꓜ ꓒꓴ.,  ꓫꓪ.,꓾ꓧꓶꓼ ꓐꓲꓼ  ꓐꓴ ꓠꓬ ꓧꓪꓽ ꓖꓳ ꓓꓱ ꓐꓱ ꓶ ꓢꓯꓼ ꓙꓳ ꓡ ꓝꓲˍꓟ ꓥ ꓢꓲ꓾ ꓳꓽ ꓒꓬ ꓳ ꓟꓲ ꓐꓰ ꓢꓲꓽ ꓑꓬ ꓡꓳ ꓑꓬ ꓠꓬ ꓠ., ꓫꓵꓽ ꓔꓯ ꓗ ꓠ, ꓟ ꓐꓱ ꓶ ꓮꓽ ꓘꓶꓼ ꓙꓲ ꓖꓴ ꓙꓳ ꓟ ꓥ ꓡꓳ꓿ ꓟꓽ ꓞꓲ ꓤ ꓟꓶ ꓤ ꓐꓴ ꓧꓪꓽ ꓖꓳꓽ ꓓꓱ ꓟꓬ ꓠꓬ ꓔꓬ ꓢ ꓙꓲ ꓖꓴ ꓙꓳ ꓠ, ꓟ ꓐꓱ ꓶ ꓣꓳ ꓛꓲ ꓛꓬ ꓡꓰ ꓫꓬ, ꓢꓲ꓾ ꓢꓷꓽ ꓢꓷꓽ ꓬꓲꓽ ꓬꓲ ꓔꓯ ꓖꓶ ꓓꓳ ꓝꓲ ꓠ, ꓗ. ꓡꓳ꓿

2 ꓠꓬ ꓢꓲ ꓢꓲ ꓫꓬ ꓫꓬ ꓔꓬ ꓝꓲ ꓠ, ꓟ ꓣꓱꓽ ꓯꓬꓼ ꓡꓳ꓾ ꓠ., ꓐꓶꓽ ꓓꓲ ꓔꓯ ꓗ ꓠ, ꓟ ꓜ ꓟꓽ ꓜ ꓕꓯ ꓬꓲ ꓑ ꓗꓪ ꓙꓰ ꓠꓬ ꓡꓯꓼ ꓒꓬ, ꓔꓯ ꓞ ꓑꓲ. ꓣ. ꓡꓰ  ꓒꓴ ꓡꓰ ꓠ ꓞꓲꓽ ꓪ ꓡꓰ ꓝꓲ꓾ ꓟꓽ ꓞꓲ ꓬꓲꓼ ꓙꓬ ꓔꓯ ꓥˍꓟꓲ ꓚ. ꓢꓲ꓾ ꓖꓶ ꓓꓳ ꓪ ꓡꓰ ꓝꓲ ꓠꓲ., ꓠꓵ ꓟ  ꓮꓽ ꓐ ꓮꓽ ꓟ ꓐꓴꓳ꓾ ꓝꓮꓲ ꓛꓲ ꓢꓱꓽ ꓡꓯꓼ ꓢꓱꓽ ꓔꓯ ꓥˍꓟꓲ ꓟꓽ ꓦ ꓦ ꓞꓶꓼ ꓖꓴ ꓢꓲ꓾ ꓖꓳ ꓓꓱ ꓔꓯ ꓢꓲ ꓢꓲ ꓫꓬ ꓫꓬ ꓔꓬ ꓪ ꓡꓰ ꓝꓲ꓿

3 ꓠꓬ ꓬꓲꓽ ꓟꓶ ꓐꓳ ꓠꓽ ꓬꓲꓽ ꓟꓶ ꓪ ꓡꓰ ꓝꓲ꓾ ꓤ ꓠꓱ ꓤ ꓐꓴ ꓪꓴꓽ ꓠꓶꓽ ꓐꓰ ꓧꓪꓽ ꓖꓳ ꓓꓱ ꓪꓴ ꓡ ꓟ ꓠꓬ ꓬꓲꓽ ꓪ ꓬꓲꓽ ꓟꓶ ꓔꓬ ꓟ ꓕꓲ ꓙꓵꓽ ꓗꓪ ꓥ ꓡꓳ꓿ ꓤ ꓠꓱ ꓤ ꓐꓴ ꓠꓬ ꓕꓲ ꓠꓬꓲ ꓬꓲꓽ ꓘꓴ ꓗꓪ 9  ꓐꓰ 12 ꓙꓵꓽ ꓗꓪ ꓛꓲ ꓬꓲ ꓟꓶ ꓖꓶ ꓠꓽ ꓗ. ꓟ ꓥ ꓡꓳ꓿ ꓟꓶ ꓘꓶꓼ ꓙꓵꓽ ꓗꓪ ꓠꓲ, ꓤ ꓬꓲꓽ ꓟꓶ ꓪ ꓠ, ꓟ ꓬꓲ ꓪ ꓔꓯ ꓐꓯ ꓟ. ꓖꓶ꓿

4 ꓠꓬ ꓠ., ꓐꓶ ꓓꓲ ꓗ ꓠꓯ., ꓞꓲꓽ ꓔꓯ ꓟꓽ ꓦ ꓦ ꓗꓽ ꓖꓶ ꓠ, ꓟ ꓣꓱꓽ ꓯꓬꓼ ꓡꓳ꓿ ꓕꓯ ꓢꓲ꓾ ꓮꓽ ꓘꓶꓽ ꓪꓴˍꓟ ꓠ., ꓫꓵꓼ ꓟꓽ ꓠ ꓡ ꓓꓴ ꓥꓳ꓿

5 ꓠꓬ ꓡꓳ ꓖꓪ ꓓꓴ ꓔꓯ ꓮꓽ ꓕꓯ ꓥˍꓟꓲ ꓡꓳ ꓖꓪ ꓝꓲ꓾ ꓤ ꓠꓱ ꓤ ꓐꓴ ꓔꓯ ꓑꓧꓳꓠꓰ ꓐꓰ ꓔꓦ ꓡꓰ ꓟꓽ ꓡꓳ. ꓠꓬꓲ ꓝꓲ ꓬꓲꓽ ꓑ ꓗꓪ ꓙꓰ ꓢꓲ꓾ ꓡꓳ ꓖꓪ ꓪ ꓡꓰ ꓝꓲ꓿ ꓕꓱ ꓡꓱ ꓬꓲ ꓑ ꓗꓪ ꓡꓳ ꓖꓪ ꓝꓲˍꓟ ꓠꓬ ꓧꓪꓽ ꓖꓳ ꓓꓱ ꓐꓱ ꓶ ꓙꓲ ꓖꓴ ꓙꓳ ꓟ ꓡꓰ ꓟꓽ ꓞꓲ ꓪꓳꓽ ꓔꓳ ꓐꓰ ꓧꓪꓽ ꓐꓴ., ꓔꓯ ꓟꓬ ꓠꓬ ꓢꓯꓼ ꓙꓳ ꓡ ꓝꓲ ꓟ ꓥ ꓡꓳ꓿ ꓠꓬꓲ. ꓠꓬꓲ ꓥꓪ ꓡꓰ ꓐꓯ ꓟ. ꓖꓶ ꓩꓴ ꓡ ꓟ ꓠꓬ ꓤ ꓠꓱ ꓤ ꓐꓴ ꓧꓪꓽ ꓖꓳ ꓓꓱ ꓔꓬ ꓢ ꓠ, ꓟ ꓐꓱ ꓶ ꓬꓰ ꓖꓶ ꓠˍꓟ ( 5) ꓚꓱꓼ ꓔꓯ ꓢꓷ. ꓙ ꓟꓷ ꓙ ꓩꓴ ꓗꓷ ꓟ ꓥ ꓡꓳ꓿