ꓠꓬꓲꓸꓠꓬꓲ ꓫꓸ ꓢꓴ ꓟꓷꓼ ꓢꓴ ꓐꓰ ꓫꓸꓔꓱˍꓟ ꓗꓪ ꓠꓬ ꓫꓸꓢꓴ ꓟꓷꓼ ꓢꓴ ꓐꓰ ꓕꓲ ꓠꓲꓸꓹ ꓕꓲ ꓪꓽ ꓠꓲꓹ ꓧꓳꓽ ꓢꓲ ꓧꓳꓽ ꓢꓲ꓾ ꓠꓬꓲ ꓬꓰ ꓙ ꓠꓽ ꓟ ꓚꓱꓹ ꓔꓯ ꓠꓽ ꓠ ꓓꓴ ꓬꓰ ꓡꓯ= ꓣꓳ ꓟꓲ ꓠꓯ ꓞꓳ ꓤ ꓟꓬ ꓠꓬꓲ ꓠꓬ ꓫꓸꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓕꓯ ꓫꓸꓢꓴ ꓟꓷꓼ ꓢꓴ ꓕꓯ ꓢꓲ ꓗꓪ ꓔꓬ ꓢꓲ ꓠꓬꓲ ꓫꓸ ꓢꓴ ꓟꓷꓼ ꓢꓴ ꓔꓯ ꓠꓬ ꓫꓱꓼ ꓤ ꓓꓴ ꓧˍꓟ ꓚꓴ ꓤ ꓕꓲ ꓟ ꓡꓰ ꓐꓰ ꓬꓰ ꓙ ꓔꓬ ꓫꓵꓼ ꓟꓬ ꓡꓳ=ꓬꓰ ꓙ ꓕꓳꓼ ꓙ ꓥˍꓟꓲ ꓢꓯꓼ ꓐꓬꓱꓼ ꓔꓱ ꓕꓱ ꓡꓱ ꓬꓰ ꓢꓲ꓾internet ꓕꓯ ꓢꓲ ꓗꓪ ꓚꓰꓽ ꓔ ꓟ ꓔꓯ ꓣꓳ ꓡꓳꓸ ꓟꓳ ꓡꓳ= ꓠꓬꓲꓸꓠꓬꓲ ꓘꓴ ꓜꓲꓼ ꓞꓳ ꓡꓰ ꓣꓳ ꓔꓯ ꓕꓱ ꓡꓱ ꓟꓽ ꓬꓰ ꓠꓹ ꓟ ꓣꓳ ꓔꓯ ꓟꓸ ꓖꓶ ꓡ ꓡꓳ= ꓮ ꓡꓰ ꓐꓰ ꓬꓰ ꓠꓽ ꓗꓸ ꓡ? ꓐꓯˍꓠꓬ ꓫꓸ ꓢꓴ ꓟꓷꓼ ꓢꓴ ꓐꓰ ꓕꓲ ꓠꓲꓸꓹ ꓕꓲ ꓪ ꓙ ꓖꓴ ꓫꓱꓼ ꓠꓽ ꓗꓸ ꓡꓳ=
ꓬꓲꓽ ꓪꓽ ꓡꓯꓼ ꓐꓯꓼ ꓔꓯ ꓖꓳ ꓢꓲ꓾ ꓬꓲꓽ ꓪ ꓠꓲꓸꓹ ꓟ ꓠꓯꓸꓼ ꓗꓪ ꓓꓵ ꓙ ꓟ ꓐꓯ ꓠꓲꓸꓹ ꓫꓵˍꓟ ꓮꓽ ꓙꓵꓽ ꓔꓯ ꓐꓯ ꓖꓶ ꓝꓲ ꓠꓽ ꓗꓸ ꓡꓳ= ꓕꓱ ꓕꓯ ꓢꓲ꓾ ꓫꓸ ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓟ ꓥꓳ= ꓐꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓣꓳ ꓔꓯ ꓟꓸ ꓖꓶ ꓔ ꓟ ꓥ ꓡꓳ= ꓒꓴ ꓤ ꓫꓵꓸꓹ ꓤ ꓖꓶ ꓔꓲ ꓖ꓾ ꓜꓽ ꓓꓴ ꓧꓪ ꓓꓴ ꓖꓶ ꓔꓲ ꓖ꓾ ꓟꓽ ꓥ ꓥ ꓬꓲꓽ ꓪ ꓐꓰ ꓕꓲ ꓛꓳ ꓙ ꓫꓱꓼ ꓠꓹ ꓟ꓾ ꓝꓮꓲ ꓬꓲꓽ ꓤꓶꓸꓹ ꓘꓴ ꓗꓪ ꓕꓳꓽ ꓜꓳꓼ ꓔꓬ ꓟ ꓬꓲꓽ ꓪ ꓐꓯ ꓠꓲꓸꓹ ꓫꓵˍ ꓟ ꓫꓸ ꓪ ꓘꓶꓽ ꓔꓯ ꓣꓳ ꓠꓲꓸꓹ ꓟ ꓠꓯꓸꓼˍꓗꓪ ꓗꓷ ꓔ ꓢꓲ ꓠꓬꓲ ꓬꓲꓽ ꓪ ꓡꓰ ꓐꓯˍꓟ ꓫꓸ ꓪ ꓔꓯ ꓠꓽ ꓠ ꓖꓶ ꓠꓹ ꓟ ꓘꓴꓽ ꓜꓲꓼ ꓞꓳ ꓗꓪ ꓐꓰ ꓣꓳ ꓔꓯ ꓟꓸ ꓖꓶ ꓔ ꓡꓳ= ꓟꓽ ꓞꓲ ꓕꓲ ꓫꓵꓽ ꓫꓵꓽ ꓗꓷ ꓡ ꓕꓯ ꓥˍꓟꓲ ꓫꓸ ꓢꓴ ꓟꓷꓼ ꓢꓴ ꓕꓲ ꓐꓳ ꓗꓪ ꓔꓬ ꓖꓶ ꓠꓽ ꓗˍꓟ ꓥ ꓡꓳ= ꓖꓳ ꓡꓰ ꓠꓬꓲ ꓣꓳ ꓘꓴ ꓜꓲꓼ ꓞꓳ ꓗꓪ ꓐꓰ ꓣꓳ ꓫꓸ ꓢꓴ ꓟꓷꓼ ꓢꓴ ꓔꓯ ꓬꓰ ꓐꓰ ꓐꓯˍꓕꓯ ꓒꓴ ꓫꓵꓸꓹ ꓖꓶ ꓔꓲ ꓖ꓾ ꓟꓽ ꓥ꓾ ꓬꓲꓽ ꓪ ꓐꓰ ꓕꓲ ꓪꓽ ꓙ ꓫꓱꓼ ꓠꓽ ꓟ ꓣꓳꓸꓸ ꓚꓵ ꓡꓳ=
