ꓗ‐ꓛꓲ ꓗꓴꓷꓼ ꓫꓴꓻ ꓡꓳ‐ꓟꓶ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓠꓻ ꓓꓴ ꓑꓬ ꓓꓴ ꓙꓳ ꓡ ꓕꓯ ꓠꓻ ꓫꓬ, ꓠ, ꓟ ꓫ. ꓔꓬ ꓟ ꓓꓳꓽ
11 ꓦ ꓟ 21 ꓠꓬꓲ 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓟꓵꓽ ꓡꓳ‐ꓟꓶ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓠꓻ ꓓꓴ ꓑꓬ ꓓꓴ ꓙꓳ ꓢꓴ ꓐꓴ ꓠꓻ ꓫꓬ, ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓗꓷ ꓡꓰ ꓟ ꓠꓬ ꓡꓳ‐ꓟꓶ ꓡꓳ ꓒꓱ ꓗꓪ ꓠꓯꓻ ꓞꓲꓼ ꓮ ꓘꓶ. ꓟꓽ ꓙꓳ ꓡꓰ ꓟ ꓐꓰ ꓠꓯꓻ ꓞꓲꓼ ꓪꓴꓽ ꓠ, ꓟ ꓮ ꓘꓶ. ꓫ. ꓔꓬ ꓟ ꓪꓴ. ꓠꓬꓲ ꓠꓻ ꓢꓴ ꓑꓬ ꓢꓴ ꓐꓴ ꓠꓻ ꓫꓬ, ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓑ ꓫꓬ ꓐꓴ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓮ ꓟꓶ ꓟ ꓙꓵ, ꓗꓪ ꓠꓻ ꓓꓴ ꓑꓬ ꓢꓴ ꓐꓴ ꓠꓬ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓥ ꓟꓲ ꓒꓴ ꓮ ꓘꓶ. ꓟꓽ ꓙꓳ ꓠꓬ ꓠꓻ ꓫꓬ ꓠ, ꓟ ꓙꓰ ꓠ, ꓟ ꓮ ꓘꓶ. ꓫ. ꓔ ꓡꓳ ꓐꓰ ꓐꓯ ꓔ ꓡꓳ꓿ ꓠꓯꓻ ꓞꓲꓼ ꓦꓲꓻ ꓗꓪ ꓕꓲ ꓟꓶꓼ ꓘꓶꓼ ꓬꓲꓼ ꓔ ꓕꓯ (3) ꓫꓬ, ꓒꓯꓼ ꓗꓴ ꓡꓰꓳ ꓐꓰ ꓐꓯ ꓔ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓗ‐ꓛꓲ ꓗꓴꓷꓼ ꓡꓳ‐ꓟꓶ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓠꓻ ꓫꓬ, ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ (Kachin News Group) ꓗꓪ ꓐꓰ ꓢꓷ. ꓪ ꓡꓳ꓿
