ꓠꓱꓸ ꓐꓯꓼ ꓙꓵꓸꓹ ꓠꓲꓹ ꓐꓰ ꓫꓸ ꓕꓱˍꓟ ꓚꓱꓹ ꓗꓪ ꓠꓬꓲꓸ ꓠꓬꓲ ꓠꓬ ꓢꓯꓼ ꓟꓬ ꓔꓯ ꓮꓽ ꓡꓰ ꓐꓰ ꓞꓸ ꓟꓷˍꓡ? ꓗ-ꓕꓳ-ꓡꓲꓗ ꓘꓴꓽ ꓜꓲ ꓞꓳ ꓗꓪ ꓐꓰ ꓮ ꓡꓰ ꓟꓸ ꓖꓶ ꓡ? ꓐꓯˍꓟ ꓚꓱꓹ ꓔꓯ ꓣꓳ ꓠꓽ ꓠ ꓓꓴ ꓬꓰ ꓡꓯ= ꓣꓳ ꓑ ꓙ ꓠꓬꓲꓸ ꓢꓴ ꓙꓳ ꓡꓳ꓾ ꓙꓵꓸꓹ ꓠꓲꓹ ꓗꓪ ꓐꓰ ꓣꓳ ꓚꓬꓱꓼ ꓟꓶˍꓡꓳ꓾ꓐꓰ ꓑ ꓙ ꓠꓬꓲˍꓟ ꓥ ꓡꓳ=ꓣꓳ ꓚꓲ ꓛꓬ ꓢꓯꓼ ꓪ ꓗꓪ ꓐꓰ ꓟꓽ ꓥ꓾ ꓣꓳ ꓙꓵꓸꓹꓠꓲꓹ ꓗꓪ ꓐꓰ ꓡꓰ ꓚꓬꓱꓼ ꓟꓶ ꓡꓳ ꓐꓰ ꓣꓳ ꓑ ꓙ ꓠꓬꓲˍꓟ ꓥ ꓡꓳ= ꓬꓲ-ꓩꓴ-ꓢꓳ ꓕꓳꓽ ꓶ 2ꓽ 8-9 ꓗꓪ ꓣꓳ ꓠꓬ ꓣꓱ ꓛꓰ ꓙꓵꓸꓹ ꓠꓲꓹ ꓠꓯꓸꓼ ꓘꓴ ꓗꓪ ꓐꓰ ꓚꓬꓱꓼ ꓟꓶ ꓡꓳ꓾ ꓣꓳ ꓢꓯꓼ ꓕꓵꓼ ꓟꓬꓱꓽ ꓬꓰ ꓔꓬ ꓟ ꓗꓪ ꓐꓰ ꓟꓽ ꓥ꓾ꓐꓰ ꓐꓯ ꓔꓽ ꓡꓳ= ꓕꓱ ꓟ ꓡꓰ ꓐꓰ ꓟꓽ ꓞꓲ ”ꓬ-ꓗꓴ ꓕꓳꓽ ꓶ 2ꓽ 17 ꓗꓪ ꓠꓬ ꓙꓵꓸꓹ ꓠꓲꓹˍꓟꓲ ꓖꓳ ꓟˍꓡꓰ ꓐꓰ ꓥꓳ꓾ ꓬꓰ-ꓟ ꓟꓬꓱꓽ ꓟꓽ ꓙꓳ ꓠꓬ ꓫꓵꓸꓹ ꓞꓹ ꓟ ꓥ ꓡꓳ꓾” ꓐꓰ ꓐꓯ ꓔꓽ ꓡꓳ=
ꓖꓳ ꓡꓰ ꓠꓬꓲ ꓗ-ꓕꓳ-ꓡꓲꓗ ꓘꓴꓽ ꓜꓲꓼ ꓞꓳ ꓢꓯꓼ ꓟꓬ ꓝꓸ ꓟꓷˍꓟ ꓚꓱꓹ ꓗꓪ ꓮꓽ ꓡꓰ ꓐꓳ ꓔꓽ ꓐꓯˍꓠꓬ ꓣꓱ ꓚꓱ ꓐꓯˍꓟ ꓠꓬ ꓪꓴ-ꓢ ꓠꓯꓸꓼ ꓘꓴꓽ ꓗꓪ ꓐꓰ ꓧꓶꓽ ꓕꓯ ꓡ ꓟ ꓥ ꓡꓳ= ꓣꓳ ꓛꓲ ꓚꓬ ꓢꓯꓼ ꓕꓵꓼ ꓟꓽ ꓛꓲ꓾ꓢꓯꓼ ꓪ ꓗꓪ ꓐꓰ ꓟꓽ ꓥ ꓪꓴ-ꓢ ꓠꓵꓸꓹ ꓠꓲꓹ ꓠꓯꓸꓼ ꓗꓪ ꓐꓰ ꓡ ꓟ ꓥ ꓡꓳ꓾ ꓕꓱ ꓟ ꓠꓬ ꓣꓱ ꓛꓱ ꓥ ꓡꓳ= ꓣꓱ ꓛꓰ ꓐꓰ ꓠꓵꓸꓹ ꓠꓲꓹ ꓠꓬ ꓙꓵꓸꓹ ꓠꓲꓹ ꓬꓲ ꓢꓷꓽ ꓥ ꓡꓳ ꓐꓰ ꓘꓴꓽ ꓜꓲ ꓞꓳ ꓗꓪ ꓐꓯ ꓔꓽ ꓟ ꓥ ꓡꓳ= ꓥ ꓡꓳ꓾ ꓣꓳ ꓠꓬ ꓛꓲ ꓛꓬ ꓙꓲˍꓟ ꓟꓬꓱꓽ ꓗꓪ ꓐꓰ ꓚꓬꓱꓼ ꓟꓶˍꓟ ꓟꓽ ꓥ꓾ ꓖꓳ ꓡꓰ ꓐꓯ ꓥˍꓟꓲ ꓙꓵꓸꓹ ꓠꓲꓹ ꓠꓯꓸꓼ ꓘꓴꓽ ꓗꓪ ꓞꓳ ꓫꓱ ꓟ ꓗꓪ ꓐꓰ ꓟꓳꓸ ꓖꓶ ꓡ ꓟ ꓙꓵꓸꓹ ꓠꓲꓹ ꓬꓲ ꓢꓷꓽ ꓥ ꓟ ꓙꓲˍꓟ ꓟꓬꓱꓽ ꓗꓪ ꓐꓰ ꓣꓳ ꓠꓬ ꓚꓬꓱꓼ ꓟꓷˍꓟ ꓥ ꓡꓳ꓾ ꓕꓱ ꓟ ꓠꓬ ꓣꓳ ꓢꓷꓸ ꓠꓽ ꓗꓹ ꓡꓳ=
ꓥꓪ ꓠꓬ ꓢꓲ ꓒꓽ ꓔꓯ ꓙꓵˍꓡꓳ ꓐꓰ ꓐꓯ ꓢꓲ꓾ ꓕꓲ ꓠꓬꓲꓸ ꓡꓲ ꓕꓲ ꓠꓬꓲ ꓬꓲ ꓬꓰ ꓔꓬ ꓟ ꓠꓬ ꓟꓽ ꓢꓲ ꓟ ꓫꓬ ꓟ ꓟꓬꓱꓽ ꓬꓰ ꓔꓬ ꓐꓭ ꓠꓬ ꓮ ꓡꓰ ꓥˍꓟꓲ ꓬꓲ ꓙꓵꓸꓹ ꓠꓲꓹ ꓔꓯ ꓚꓬꓱꓼ ꓟꓽ ꓑ ꓡ꓾ꓬ-ꓗ ꓕꓳꓽ ꓶ ꓗꓪ ꓙꓳ ꓟ ꓡꓰ ꓐꓰ ꓙꓵꓸꓹ ꓠꓲꓹ ꓕꓱ ꓟ ꓠꓬ ꓢꓯꓼ ꓔꓬ ꓠꓽ ꓗꓸ ꓡꓳ=ꓢꓲ ꓒꓽ ꓠꓯꓸꓼ ꓘꓴꓽ ꓗꓪ ꓙꓵˍꓟ ꓙꓵꓸꓹ ꓠꓲꓹ ꓢꓲ ꓒꓽ ꓖꓶ ꓡ ꓟ ꓣꓱ ꓛꓱ ꓕꓱ ꓟ ꓔꓯ ꓘꓴ ꓣꓴ ꓑ ꓡˍꓟ ꓙꓵꓸꓹ ꓠꓲꓹ ꓔꓯ ꓣꓳ ꓙꓵˍꓟ ꓟꓬꓱꓽ ꓗꓪ ꓐꓰ ꓟꓳꓸ ꓖꓶ ꓑ ꓡ ꓠꓹ ꓟ ꓢꓯꓼ ꓕꓵꓼ ꓠꓽ ꓗꓹ ꓡꓳ= ꓕꓱ ꓡꓱ ꓬꓰ ꓔꓬ ꓠꓬ ꓣꓳ ꓚꓬꓱꓽ ꓟꓶ ꓡ ꓥꓳ=
