ꓠꓱꓸ ꓐꓯꓼ ꓙꓵꓸꓹ ꓐꓰ ꓫꓹ ꓕꓱˍꓟ ꓗꓪ ꓠꓬ matteo riccis ꓚꓱꓹ ꓔꓯ ꓠꓽ ꓠꓹ ꓓꓴ ꓬꓰ ꓡꓯ꓾
ꓠꓬ matteo riccis ꓠꓬ ꓧꓶꓽ ꓟꓵ ꓗꓪ ꓒ ꓪꓴꓸ ꓕꓲ ꓣꓳ ꓙꓰ ꓢꓲ ꓠꓬꓲ ꓪꓴ-ꓢ ꓐꓯꓽ ꓖꓶ ꓚ ꓟꓸ ꓖꓶ ꓢꓴ ꓕꓲ ꓣꓳ ꓥ ꓡꓳ= matteo riccis ꓠꓬ ꓔꓲꓸꓸ ꓒ ꓕꓲ ꓣꓳ ꓒꓬꓱꓽ ꓡ ꓢꓲ꓾ ꓬꓲ ꓠꓬ ꓪꓴ-ꓢ ꓟꓸ ꓟꓲ ꓚ ꓠꓹ ꓟ ꓕꓲ ꓗꓴꓷꓼ ꓡꓲꓽ ꓕꓲ ꓗꓴꓷꓼ ꓗꓪ ꓙꓰ ꓡꓰˍ ꓡꓳ=
matteo riccis ꓠꓬ ꓧꓶꓽ ꓟꓵ ꓗꓪ 1520 ꓘꓳꓼ ꓕꓯ ꓡ ꓡꓳ= ꓕꓱ ꓡꓱ ꓐꓰ ꓧꓶꓽ ꓟꓵ ꓗꓪ ꓛꓲ ꓬꓰ ꓕꓯ ꓧꓶꓽ ꓖꓪ ꓫꓵꓽ ꓔꓯ ꓖꓪ ꓢꓲ꓾ ꓪꓴ-ꓢ ꓟꓸ ꓟꓲ ꓚ ꓟꓸ ꓖꓶ ꓗꓷ ꓟ ꓥ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓬꓲ ꓠꓬ ꓫꓸ ꓢꓴ ꓐꓴ ꓚꓱꓹ ꓟꓵꓽ ꓘꓳꓼ ꓚꓱꓹ ꓠꓱꓸ ꓐꓯꓼ ꓕꓲ ꓫꓵꓽ ꓡꓲꓽ ꓕꓲ ꓫꓵꓽ ꓚꓱꓹ ꓔꓯ ꓐꓯꓼ ꓟꓸ ꓖꓶ ꓗꓷ ꓟ ꓥ ꓡꓳ=
ꓕꓱ ꓡꓱ ꓬꓰˍꓟ ꓑꓶꓸ ꓓꓴ ꓧꓶꓽ ꓗꓴꓷꓼ ꓙꓵꓽ ꓢꓲ ꓒ ꓥˍꓟꓲ ꓬꓲ ꓔꓯ ꓘꓴꓽ ꓣꓴ ꓟ ꓥ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓧꓶꓽ ꓐꓴ ꓠꓬ ꓙꓵꓸꓹ ꓠꓲꓹ ꓪ ꓡꓰ ꓢꓲ꓾ ꓪꓴ-ꓢ ꓔꓯ ꓦ ꓡꓱ ꓢꓴ ꓮ ꓟꓬꓹ ꓟꓬ ꓡ ꓔꓬ ꓡꓳ= ꓕꓱ ꓡꓱ ꓦ ꓡꓱ ꓡ ꓟ ꓗꓪ ꓧꓶꓽ ꓡꓰ ꓥˍꓟ ꓮ ꓒꓴ ꓮ ꓑ ꓔꓯ ꓒꓴ ꓗꓸ ꓬꓰˍꓟ ꓔꓯ ꓥˍꓟꓲ ꓖꓶ ꓬꓰ ꓔꓬ ꓟ ꓥ ꓡꓳ= ꓟꓽ ꓟꓶ ꓫꓵꓽ ꓕꓯ ꓬꓲ ꓪ ꓫꓸ ꓪ ꓟꓬ ꓡꓰ ꓘꓳꓼ ꓓꓴ ꓕꓲ ꓟ ꓙꓳ ꓡ ꓡꓳ꓾ ꓣꓳ-ꓟ ꓗꓪ ꓔꓬ ꓟ ꓔꓲꓸꓸ ꓒ ꓪ ꓔꓲ ꓐꓰ matteo riccis ꓟꓽ ꓓ ꓡꓯꓼ ꓘꓳ ꓗꓷ ꓡꓰ ꓡꓳ= vatican ꓗꓪ ꓐꓰ ꓐꓯˍꓟ ꓠꓬ ꓧꓶꓽ ꓐꓴ ꓪꓴꓹ ꓓꓵ ꓔꓵꓼ ꓟ ꓠꓬ ꓠꓲꓽ ꓔꓯ ꓦ ꓡꓱ ꓟ ꓥꓳ ꓐꓰ ꓐꓯ ꓢꓲ꓾ vatican ꓗꓪ ꓐꓰ ꓬꓲ ꓔꓯ ꓠꓽ ꓡꓰ ꓝꓲ ꓟ ꓥ ꓡꓳ= ꓕꓱ ꓡꓱ ꓗꓷ ꓡꓰ ꓟ ꓑꓶꓸ ꓓꓴ ꓧꓶꓽ ꓟꓵ ꓗꓪ ꓪꓴ-ꓢ ꓔꓯ ꓦ ꓡꓱ ꓢꓴ ꓮ ꓘꓶꓸ ꓟ ꓟꓬ ꓡ ꓟ ꓥ ꓡꓳ=
