ꓟꓲ ꓠꓯ ꓞꓺ ꓡ ꓟ ꓔꓯ ꓗꓽ ꓕꓽ ꓠ, ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓽ ꓠꓲ, ꓫꓵˍ ꓟ ꓚꓱ,
ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓟꓲ ꓠꓯ ꓞꓺ ꓡ ꓟ ꓔꓯ ꓗꓽ ꓕꓽ ꓠ, ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓽ ꓠꓲ, ꓫꓵˍ ꓟ ꓚꓱ, ꓔꓯ ꓣꓳ ꓡꓳ. ꓠꓬꓲ ꓓꓴ ꓬꓰ ꓡꓯ꓿ ꓟꓲ ꓠꓯ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓛꓲ ꓞꓺ ꓡ ꓟ ꓥ ꓡꓳ꓿
ꓕꓱ ꓟ ꓠꓬ ꓟꓲ ꓠꓯ ꓞꓳ ꓤ ꓡꓰ ꓟꓵꓽ ꓘꓳꓼ ꓔꓯ ꓐꓬ ꓡꓰ ꓠ, ꓟ ꓬꓰ ꓔꓬ ꓟ ꓪꓴ. ꓠꓬꓲ ꓥ ꓡꓳ꓿ ꓕꓱ ꓡꓰ ꓐꓰ ꓟꓲ ꓠꓯ ꓞꓺ ꓡ ꓟ ꓪꓴ. ꓠꓬꓲ ꓟꓲ ꓠꓯ ꓞꓳ ꓤ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓫ. ꓡꓰ ꓝꓲ. ꓟ ꓝꓮꓲ ꓟꓲ ꓠꓯ ꓫꓵꓽ ꓪꓴꓽ ꓓꓽ ꓕꓲ ꓟ ꓒꓬꓱꓼ ꓡ ꓔꓬ ꓟ ꓥ ꓡꓳ꓿ ꓟꓲ ꓠꓯ ꓞꓺ ꓡ ꓟ ꓔꓯ ꓗꓽ ꓕꓽ ꓠ, ꓟ ꓞꓳ ꓤ ꓕꓲ ꓣꓳ ꓡꓰ ꓕꓲ ꓣꓳ ꓠꓯ, ꓗꓪ ꓟꓬꓱꓽ ꓟꓯ, ꓠ, ꓔ ꓟ ꓥ ꓡꓳ꓿
ꓟꓵꓽ ꓗꓳ, ꓓꓵ ꓓꓵ ꓗꓪ ꓟ ꓙꓼ ꓪꓽ ꓞꓶ ꓪꓴꓽ ꓢꓴ ꓐꓴ ꓐꓰ ꓟꓬꓱꓽ ꓢꓲꓽ ꓒꓽ ꓐꓴ ꓠꓬ ꓕꓱ ꓡꓱ ꓐꓰ ꓟꓲ ꓠꓯ ꓞꓺ ꓡ ꓟ ꓔꓯ ꓗꓽ ꓕꓽ ꓠ, ꓟ ꓟꓽ ꓠꓲ, ꓫꓵˍ ꓟ ꓥ ꓡꓳ꓿ ꓬꓲ ꓪ ꓠꓬ Gas House ꓐꓯ ꓟ ꓡꓰ ꓟꓲ ꓠꓯ ꓗꓪ ꓟꓲ ꓦꓲꓻ ꓔꓯ ꓟꓽ ꓢꓲꓽ ꓟꓽ ꓫꓬ, ꓗꓷ ꓡꓰ ꓝꓲ ꓔꓯ ꓗꓽ ꓕꓽ ꓠ, ꓟ ꓟꓽ ꓠꓲˍ ꓫꓵˍ ꓟ ꓥ ꓡꓳ꓿
ꓮ ꓫꓵꓽ ꓪꓴ. ꓠꓬꓲ ꓥ ꓐꓯ ꓠꓬ ꓬꓲ ꓪ ꓕꓱ ꓡꓰ ꓬꓰ ꓠꓬ ꓶꓼ ꓧꓪꓽ ꓞꓶꓻ ꓠꓬ ꓪꓴꓽ ꓜꓽ ꓟꓽ ꓪ ꓐꓰ ꓓꓴ ꓙ ꓟ ꓪꓴ. ꓠꓬꓲ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ Australia ꓗꓴꓷꓼ ꓗꓪ ꓐꓰ ꓢꓷ. ꓠꓲ, ꓙꓳ ꓒꓽ Patrick Michael’s ꓡꓰ ꓐꓯ ꓔ ꓟ ꓠꓬ Gas House ꓡꓰ ꓟꓲ ꓠꓯ ꓟꓲ ꓦꓲꓻ ꓔꓯ ꓟꓽ ꓫꓬ ꓟꓽ ꓫꓬ, ꓗꓷ ꓡꓰ ꓟ ꓔꓯ ꓚꓵˍ ꓚꓵˍ ꓒꓬꓱꓼ ꓡ ꓟꓽ ꓒꓬꓱꓼ ꓡ ꓐꓯ ꓟ ꓔꓯ ꓚꓵ. ꓚꓺ ꓠ, ꓟ ꓔꓯ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿
ꓝꓮꓲ ꓧꓪꓽ ꓞꓶꓻ ꓣꓱ ꓟ ꓪꓴ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓒꓬꓱꓼ ꓡ ꓠꓬ ꓕꓱ ꓡꓱ ꓫꓵꓽ ꓔꓯ ꓤ ꓟꓳ ꓠ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓕꓳ ꓶ ꓗꓪ ꓐꓳ ꓔ ꓡꓳ꓿
ꓖꓳ ꓡꓱ ꓥ ꓟꓲ ꓮꓴꓢꓔꓣꓮꓡꓲꓮ ꓢꓷ. ꓠꓲ, ꓙꓳ ꓒꓽ ꓡꓰ ꓕꓱ ꓡꓱ ꓕꓳ ꓶ ꓐꓳ ꓔ ꓟ ꓠꓬ ꓖ‐ꓟ‐ꓠꓲ ꓗꓴꓷꓼ ꓗꓪ ꓐꓰ ꓠꓱ. ꓐꓯꓼ ꓗꓴꓷꓼ ꓗꓪ ꓟ ꓙꓼ ꓧꓪꓽ ꓞꓶꓻ ꓪꓴꓽ ꓪꓴ ꓐꓴ ꓡꓰ ꓒꓴ ꓖꓶ ꓢꓲ ꓠꓬꓲ ꓕꓳ ꓶ ꓐꓳ ꓝꓲ ꓡꓳ ꓐꓰ ꓢꓴ ꓡꓰ ꓐꓯ ꓔ ꓟ ꓙꓳ ꓟ ꓥ ꓡꓳ꓿
ꓟꓲ ꓠꓯ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓠ, ꓟ ꓟꓬꓱꓽ ꓬꓰ ꓟ ꓖꓪ ꓙꓱ ꓜꓲꓼ ꓓꓴ ꓬꓰ ꓟ ꓙꓵ, ꓕꓯ ꓗꓴꓷꓼ ꓓꓽ ꓐꓴ ꓠꓬ ꓟꓽ ꓐ ꓗꓷ ꓡꓰ ꓟ ꓪꓴ. ꓠꓬꓲ ꓢꓯꓼ ꓮ ꓟꓬ, ꓟꓽ ꓙꓳ ꓗꓷ ꓡꓰ ꓟ ꓥ ꓡꓳ꓿ ꓟꓲ ꓦꓲꓻ ꓔꓯ ꓟꓽ ꓢꓲ ꓟꓽ ꓫꓬ, ꓗꓷ ꓡꓰ ꓟ ꓬꓰ ꓢꓴ ꓐꓴ ꓟꓬꓱꓽ ꓢꓲꓽ ꓒꓽ ꓐꓴ ꓔꓯ ꓒꓴ ꓖꓳ ꓠ, ꓟ ꓐꓯ ꓟ ꓙꓵ, ꓕꓯ ꓡ ꓞꓳ ꓮ ꓟꓬ, ꓠꓬ ꓟꓽ ꓘꓳ, ꓣꓴ ꓡ ꓟ ꓥ ꓡꓳ꓿
ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞꓺ ꓡ ꓟ ꓔꓯ ꓗꓽ ꓕꓽ ꓠ ꓟ ꓐꓱ ꓶ ꓟꓬꓱꓽ ꓬꓰ ꓠ, ꓟ ꓖꓪ ꓙꓱ ꓜꓲꓼ ꓔ ꓥ ꓟꓲ ꓚꓵˍ ꓚꓵˍ ꓟꓬꓱ ꓬꓰ ꓠ, ꓟ ꓠꓬ ꓮ ꓘꓶ. ꓫ. ꓟ ꓟꓬꓱꓽ ꓕꓲ ꓫꓵꓽ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓔꓬ ꓟ ꓟꓲ ꓠꓯ ꓣꓳ ꓠꓲ, ꓠꓵ ꓢꓲ ꓠꓬꓲ ꓟꓲ ꓠꓯ ꓞꓺ ꓡ ꓝꓲ ꓟ ꓚꓱ, ꓔꓯ ꓗꓽ ꓕꓽ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿
