ꓕꓱ ꓕꓲ ꓠꓽ ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓐꓰ ꓫꓸ ꓕꓱˍꓟ ꓗꓪ ꓠꓬ ꓮ ꓠꓱ Second vatican ꓐꓰ ꓐꓯˍꓟ ꓠꓬꓲꓽ ꓧꓪ ꓕꓲ ꓧꓪꓽ ꓜꓲꓼ ꓓꓴ ꓟꓽ ꓬꓰ ꓢꓲ ꓕꓯ ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓐꓰ ꓫꓸ ꓪ ꓕꓱˍꓟ ꓠꓬ ꓮ ꓘꓶꓽ ꓟꓽ ꓙꓳ ꓟ ꓥ ꓡꓳ=ꓗ-ꓕꓳ-ꓡꓲꓗ ꓗꓪ ꓐꓰ ꓠꓯꓸ ꓐꓯꓼ ꓙꓵꓹꓸꓹ ꓠꓲꓹ ꓔꓯ ꓘꓴˍꓟ ꓬꓲꓼ ꓪ ꓐꓰ ꓫꓸ ꓪ ꓕꓱˍꓟ ꓠꓬ ꓗ-ꓕꓳ-ꓡꓲꓗ ꓘꓴꓽ ꓜꓲ ꓞꓳ ꓗꓪ ꓓꓵ ꓡ ꓠꓽ ꓟ ꓡꓰ ꓢꓯꓼ ꓕꓵꓽ ꓔꓬ ꓡꓳ= ꓝꓮꓲ ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓗꓪ ꓦ ꓡꓱ ꓔꓬ ꓢꓴ ꓐꓴ ꓔꓯ ꓠꓬ ꓬꓲ ꓪ ꓦ ꓡꓱ ꓟ ꓠꓬ ꓟꓽ ꓜꓳ ꓐꓰ ꓕꓱ ꓡꓱ ꓐꓯ ꓔꓬ ꓟ ꓥ ꓡꓳ= ꓖꓳ ꓡꓰ ꓐꓯ ꓥˍꓟꓲ ꓮ ꓟꓶ Second vatican ꓜꓲꓼ ꓓꓴ ꓓ ꓟ ꓬꓰ ꓗꓷ ꓗꓸ ꓠꓯꓽ ꓐꓳ ꓩꓴ ꓡ ꓟ ꓕꓳꓽ ꓶ ꓗꓪ ꓠꓬ ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓗꓪ ꓥˍꓟꓲ ꓙꓲˍꓟ ꓙꓳ ꓔꓬ ꓡꓳ ꓐꓰ ꓐꓳ ꓩꓴ ꓗꓷ ꓡ ꓟ ꓥ ꓡꓳ= ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓘꓴ ꓗꓪ ꓥˍꓟꓲ ꓕꓱ ꓡꓱ ꓐꓰ ꓙꓵꓸꓹ ꓠꓲꓹ ꓠꓵꓸꓹ ꓠꓲꓹ ꓕꓱ ꓟ ꓠꓬ ꓙꓲˍꓟ ꓥ ꓡꓳ= ꓝꓮꓲ ꓗ-ꓕꓳ-ꓡꓲꓗ ꓘꓴꓽ ꓜꓲ ꓞꓳ ꓗꓪ ꓓꓵ ꓡ ꓢꓷꓸ ꓟꓽ ꓞꓲꓼ ꓬꓲ ꓪ ꓐꓰ ꓫꓸ ꓕꓱ ꓡꓯꓼ ꓘꓳꓹ ꓢꓲ꓾ ꓙꓲˍꓟ ꓛꓳ ꓒꓯꓹ ꓬꓰ ꓔꓬ ꓟ ꓥ ꓡꓳ=
ꓕꓱ ꓟ ꓡꓰ ꓐꓰ ꓟꓽ ꓞꓲꓼ ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓗꓪ ꓔꓬ ꓢꓴ ꓥˍꓟꓲ ꓬꓲ ꓪꓽ ꓠꓬ ꓙꓲˍꓟ ꓔꓯ ꓛꓳꓽ ꓙꓳ ꓕꓯ ꓕꓱ ꓚꓵꓸꓸ ꓟ ꓥˍꓟ ꓢꓲꓽ ꓒ ꓬꓰ-ꓢꓴ ꓬꓲ ꓚꓱꓹ ꓔꓯ ꓬꓲ ꓪ ꓠꓲꓹ ꓟ ꓠꓯꓸ ꓘꓴꓽ ꓗꓪ ꓐꓰ ꓛꓳ ꓙꓳ ꓠꓬ ꓬꓲ ꓪ ꓥˍꓟꓲ ꓚꓬꓱꓽ ꓟꓶ ꓡꓳ ꓐꓰ ꓡꓳꓸ ꓟꓳ ꓪ ꓟ ꓥ ꓡꓳ= ꓮ ꓡꓰ ꓫꓵꓽ ꓦ ꓡꓱ ꓚꓱꓹ ꓗꓪ ꓕꓱ ꓡꓱ ꓞꓳ ꓙꓳ ꓔꓬ ꓥˍꓟꓲ ꓬꓲ ꓪ ꓘꓴꓽ ꓠꓯꓸꓘꓴꓽ ꓗꓪ ꓙꓵꓽ ꓫꓵ ꓕꓲ ꓫꓵꓽ ꓙꓳ ꓡꓳ= ꓥ ꓡꓳ꓾ ꓢꓲꓽ ꓒ ꓠꓬ ꓣꓳ ꓙꓵꓸꓹ ꓠꓲꓹ ꓠꓯꓸ ꓘꓴꓽ ꓗꓪ ꓚꓵ ꓚꓵ ꓔꓬ ꓡꓳ= ꓣꓳ ꓦ ꓡꓱ ꓖꓴ ꓥ ꓡꓳ=ꓬꓲ ꓕꓲ ꓣꓳ ꓡꓲ ꓪꓴ-ꓢ ꓥ ꓡꓳ= ꓟꓲ ꓠꓯ ꓕꓱ ꓟ ꓗꓪ ꓠꓬ ꓪꓴ-ꓢ ꓬꓲ ꓕꓲ ꓣꓳ ꓡꓰ ꓔꓬ ꓟ ꓥ ꓡꓳ= ꓠꓯꓸ ꓐꓯꓼ ꓙꓵꓸꓹ ꓠꓲꓹ ꓐꓰ ꓫꓸ ꓕꓱ ꓡꓯꓼ ꓘꓳꓹ ꓢꓲ꓾ ꓬꓲ ꓪ ꓙꓵꓸꓹ ꓠꓲꓹ ꓔꓯ ꓥˍꓟꓲ ꓒꓴ ꓡꓯ꓾ ꓕꓱ ꓡꓱ ꓬꓰ ꓠꓬ ꓗꓹ ꓛꓲ ꓓꓴ ꓙꓳ ꓡ ꓥꓳ=
