ꓠꓲꓹ ꓠꓵˍ ꓟ ꓮ: ꓐ ꓮ ꓟ ꓮ ꓬꓲꓼ ꓠꓬꓲ ꓤ ꓐꓴ꓾ ꓮ ꓙꓵ: ꓔꓯ ꓧꓪ. ꓧꓪꓸꓼ ꓐꓯ ꓩꓴ ꓡˍ ꓥꓳ= ꓠꓬꓲ. ꓠꓬꓲ ꓥꓪ ꓢꓯꓼ ꓖꓶ ꓠꓲꓹ ꓫꓵˍ ꓟ ꓠꓬ “ꓠꓬꓲ. ꓠꓬꓲ ꓠꓬ ꓬꓲ ꓫꓵꓼ ꓬꓰ ꓐ ꓡˍ ꓟ ꓠꓬꓲ ꓥ ꓡꓳ꓾” ꓐꓯˍ ꓟ ꓬꓲ ꓕꓲ: ꓟꓴ ꓗꓪ ꓐꓰ ꓥ ꓡꓳ=
ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓗꓪ ꓥˍ ꓟꓲ ꓮ ꓫꓵ: ꓟ: ꓘꓳ ꓟ ꓟꓳꓻ ꓟꓲ: ꓕꓯ: ꓙꓲ ꓡꓺꓳ ꓟ: ꓥ ꓡ= ꓠꓬꓲ. ꓠꓬꓲ ꓗꓪ ꓧꓪ. ꓧꓪꓸꓼ ꓐꓰ ꓔꓬ ꓖꓴˍ ꓠꓬꓲ ꓠꓲꓹ ꓒꓴ ꓙ ꓔꓬ ꓡꓳ=
ꓠꓬꓲ. ꓠꓬꓲ ꓗꓪ ꓮ ꓫꓵ: ꓔꓯ ꓬꓰˍ ꓥꓳ꓾ ꓮ ꓡꓲ ꓗꓪ ꓙꓰ ꓠ ꓗꓹ ꓡꓳ꓾ ꓐꓰ ꓓꓵ: ꓙ: ꓗꓷꓳ ꓡ=
ꓕꓲ ꓖ ꓕꓲ ꓧꓪ, ꓗꓪ ꓠꓯꓼ ꓠꓯꓼ ꓧꓪ. ꓛꓲ: ꓡ ꓗꓷ ꓟ ꓡꓰ ꓬꓰ ꓠ ꓔˍ ꓟˍ ꓟꓲ ꓮ: ꓟꓬꓹ꓾ ꓠꓲꓹ ꓟ ꓠꓯꓸꓼ ꓗꓪ ꓥˍ ꓟꓲ ꓮ ꓟꓰ ꓕꓯ ꓟ ꓙꓳ ꓔꓬ ꓟ ꓪꓴ. ꓠꓬꓲ ꓠꓬꓲ. ꓠꓬꓲ ꓕꓲ ꓠꓬꓲ ꓪꓴ. ꓔꓴˍ ꓟ ꓡꓰ ꓪꓴ: ꓧꓶˍ ꓟ ꓫꓱ. ꓫꓱ.ˍ ꓗꓹ ꓥꓳ=
ꓖꓳ ꓡꓱ ꓥˍ ꓟꓲ ꓠꓬꓲ. ꓟꓰ ꓠꓯꓼ ꓠꓯꓼ ꓗꓪ ꓡꓰ: ꓮ ꓙꓵ: ꓔꓯ ꓕꓲ ꓧꓪꓹˍ ꓡꓰ: ꓬꓰ ꓓꓳ ꓡꓰ ꓝꓲ ꓟ: ꓛꓵ꓾ ꓕꓲ ꓟ ꓗ ꓠꓯ. ꓕꓲ ꓟ ꓮ ꓤ ꓤ ꓡꓰ: ꓬꓰ ꓡꓯ=
ꓠꓯꓼ ꓜ ꓤ ꓜ:꓾ ꓬꓲꓻ ꓛ ꓓꓳꓻ ꓠꓬꓲ (ꓛ: ꓬꓰꓹ) ꓤ ꓓꓳꓻ ꓠꓬꓲ ꓬꓰ ꓢꓲ ꓠꓲꓹ ꓟ ꓔꓯ ꓢꓲ ꓡꓲ ꓡꓰ ꓝꓲ= ꓗ ꓠꓯ. ꓕꓯ ꓠꓬ ꓠꓬꓲ. ꓠꓬꓲ ꓬꓰ ꓠ ꓔˍ ꓟ ꓟꓬꓱ: ꓠꓯꓸꓼ ꓗꓪ ꓐꓰ ꓟꓬ: ꓠꓬꓲ ꓬꓳ. ꓚꓰ:ˍ ꓟ ꓔꓯ ꓧꓶ. ꓕꓯ ꓬꓰ=
ꓮ ꓙꓵ: ꓔꓯ ꓕꓲ ꓕꓳˍ ꓓꓵ: ꓙ ꓟ: ꓛꓵ=
ꓠꓬꓲ. ꓠꓬꓲ ꓐꓱ ꓶ ꓠꓬꓲ. ꓠꓬꓲ ꓔꓯˍ ꓡꓰ: ꓜꓳ: ꓜꓳ: ꓞꓳ ꓙꓳ ꓡꓯ=
ꓝꓮꓲ ꓠꓬꓲ. ꓠꓬꓲ ꓗꓪ ꓮ ꓡꓲ ꓟꓬ ꓛꓲ ꓟꓬꓱ: ꓟꓬ:ˍ ꓡꓳ ꓐꓯ ꓥ ꓟꓲ ꓚꓲ. ꓛꓬ ꓔꓯ ꓚꓲ. ꓛꓬ ꓗꓪ: ꓫꓵꓼ ꓠꓹ ꓟ ꓕ: ꓟꓲ ꓡꓰꓹ=
ꓬꓲꓻ ꓙꓬ ꓓꓳꓻ ꓠꓹ ꓟ ꓕ: ꓟꓲ ꓡꓰꓹ=
ꓜ ꓔꓯ ꓬꓲ ꓙꓵꓹ ꓙꓳ ꓙꓳˍ ꓡꓰ: ꓜ:=
ꓪꓴ: ꓧꓶ ꓡ ꓕꓯ ꓕꓲ ꓑꓹ ꓤ ꓕꓲ ꓝꓲ. ꓤ ꓠ: ꓖꓶ=
ꓬꓰ ꓠ ꓔˍ ꓟ ꓟꓬꓱ: ꓔꓯ ꓬꓰ ꓢꓯꓼ ꓕꓵꓼˍ ꓟˍ ꓡꓰ ꓐꓰ ꓚꓲ. ꓛꓬ ꓖꓳ ꓓꓱ: ꓔꓯ ꓥˍ ꓟꓲ ꓟ: ꓟꓲ ꓡꓰꓹ ꓡꓰꓹ ꓗꓪ: ꓫꓵꓼ ꓠ ꓗꓹ ꓡꓳ=
ꓠꓬꓲ. ꓠꓬꓲ ꓗꓪ ꓣꓳ ꓔꓯ ꓕꓲ ꓣꓳ ꓣꓳ ꓡꓰ ꓠꓲꓹ ꓟ ꓘꓶ ꓡꓶ ꓡꓰ ꓝꓲ ꓡˍ ꓟꓲ ꓮ ꓙꓵ: ꓔꓯ ꓒꓳꓹ ꓖꓶ ꓟ: ꓛꓵ= ꓕꓲ ꓐꓱ ꓔꓯ ꓐ: ꓧꓶꓼ ꓐ ꓡꓱ ꓬꓰ ꓢꓲ ꓗꓳ. ꓙꓰˍ ꓟ ꓥˍ ꓟꓲ ꓣꓳ ꓠꓲꓹ ꓟ ꓔꓯ ꓢꓲ ꓡꓲ ꓡꓰ ꓝꓲˍ ꓡꓳ=
ꓖꓳ ꓡꓱ ꓠꓬꓲ ꓠꓬꓲ. ꓠꓬꓲ ꓗꓪ ꓚꓲ. ꓛꓬ ꓔꓯ ꓕꓱ ꓡꓱ ꓐꓯ ꓖꓶ=
”ꓠꓬꓲ. ꓠꓬꓲ ꓔꓯ ꓥꓪ ꓟꓬ: ꓠꓬꓲ ꓙꓲˍ ꓟ ꓕꓲ ꓒꓳꓹ ꓗꓪ ꓐꓰ ꓞꓳ ꓙꓳ ꓙꓰˍ ꓥꓳ= ꓮ ꓙꓵ: ꓔꓯ ꓐꓲ ꓜꓲꓼ ꓡꓰ ꓠ ꓬꓰ ꓟ: ꓛꓵ= ꓥꓪ ꓐ ꓡˍ ꓗꓪ ꓛꓲˍ ꓡꓰ: ꓬꓰˍ ꓠꓬ ꓡꓳꓼ ꓡꓰꓳ” ꓐꓰ ꓐꓯ ꓖꓶ=
ꓠꓬꓲ. ꓠꓬꓲ ꓠꓬ ꓮ ꓟꓰ ꓕꓯ ꓟ ꓡꓰ ꓟ: ꓥ꓾ ꓬꓲ ꓫꓵꓼ ꓪꓴ. ꓔꓴ ꓐ ꓡˍ ꓟ ꓠꓬꓲ ꓫꓵꓼ ꓕꓲ ꓠꓬꓲ ꓥ ꓡꓳ= ꓮ ꓙꓵ: ꓶꓼ ꓛꓳˍ ꓟ ꓠꓬꓲ ꓕꓲ ꓠꓬꓲ ꓒꓬꓱꓼ ꓡ ꓝꓲ= ꓮ ꓟꓶ ꓕꓲ ꓙꓵꓹ ꓗꓪ ꓐꓰ ꓪꓴ. ꓔꓴ ꓢꓲ ꓕꓲ ꓠꓬꓲ ꓡꓱꓸꓼ ꓗꓪ ꓗꓹ ꓗꓹ ꓛꓲ:ˍ ꓛꓲ:ˍ ꓡꓰ: ꓗꓳ. ꓘꓳ ꓙꓰ ꓐ ꓡ ꓝꓲ꓾ ꓮ ꓙꓵ: ꓢꓴ ꓧꓪ. ꓧꓪꓸꓼ ꓔꓬ=
