ꓢꓲꓺ ꓒ ꓬꓰ˗ꓢꓴ ꓡꓰ ꓝꓲ ꓓꓴ ꓞꓲ ꓠꓬꓲꓽ ꓣꓳ ꓔꓯ ꓪꓴ˗ꓢ ꓶꓼ ꓓꓳ ꓫꓱꓹ ꓓꓳ ꓚ ꓟꓸ ꓠꓹ ꓟ ꓝꓲ ꓩꓴ ꓟ
ꓧꓪ. ꓧꓪ ꓠꓬꓲ. ꓠꓬꓲ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓡꓴ‐ꓘ ꓕꓳ ꓶ 9ꓽ1‐6 ꓝꓲ. ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ ꓛꓳ ꓒꓯ, ꓞꓲ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓟ ꓚꓱ, ꓔꓯ ꓣꓳ ꓔꓯ ꓣꓳ ꓐꓴ ꓠ ꓡꓳ ꓗꓷ ꓟꓥ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ ꓝꓲ ꓓꓴ ꓐꓴ ꓔꓯ ꓪꓴ‐ꓢ ꓗꓴꓷꓼ ꓶꓼ ꓓꓳ ꓫꓱ, ꓓꓳ ꓐꓰ ꓠꓻ ꓢꓴ ꓒꓬ ꓢꓴ ꓐꓴ ꓐꓰ ꓠꓽ ꓔꓯ ꓗꓼ ꓓꓳ ꓗꓷ ꓠ, ꓟ ꓬꓲ ꓝꓲ ꓓꓴ ꓐꓴ ꓔꓯ ꓝꓲ ꓩꓴ ꓗꓷ ꓟ ꓥ ꓡꓳ꓿

ꓠꓬꓲ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓠꓴ ꓥꓪ ꓔꓯ ꓥ ꓟꓲ ꓟꓽ ꓪ ꓡꓯꓽ ꓘꓳ ꓟ ꓟꓽ ꓫꓱ, ꓡꓯꓽ ꓘꓳ ꓟ ꓚꓱ, ꓗꓪ ꓐꓰ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓘꓴ ꓔꓬ ꓟ ꓥ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ ꓝꓲ ꓓꓴ ꓐꓴ ꓔꓯ ꓠꓻ ꓒꓬꓼ ꓢꓴ ꓔꓯ ꓓ ꓡꓰ ꓝꓲˍ ꓟ ꓐꓰ ꓠꓽ ꓔꓯ ꓗ ꓓꓳ ꓟ ꓙꓵꓻ ꓪ ꓖꓶ ꓟ ꓥꓡꓳ꓿
ꓕꓱ ꓡꓰ ꓐꓰ ꓝꓲ ꓓꓴ ꓐꓴ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓡꓰ ꓖꓶ ꓟ ꓙꓵꓻ ꓪ ꓔꓯ ꓣꓱ ꓢꓲ ꓠꓬꓲ ꓠꓻ ꓒꓬ ꓢꓴ ꓔꓯ ꓫꓬ, ꓓ ꓡꓰ ꓟ ꓠꓽ ꓘꓴ ꓔꓬ ꓢꓴ ꓐꓴ ꓮ ꓟꓬ, ꓔꓯ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓟꓬꓱꓺ ꓗꓪ ꓐꓰ ꓓ ꓡꓰ ꓝꓲ ꓟ ꓥ ꓡꓳ꓿

ꓪꓴ‐ꓢ ꓟꓬꓱꓽ ꓗꓪ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓞꓳ ꓫꓱ, ꓠ, ꓟ ꓐꓱ ꓶ ꓣꓳ ꓚꓵˍ ꓡꓳ꓿ ꓪꓴ‐ꓢ ꓟꓬꓱꓽ ꓬꓰ ꓕꓯ ꓚꓲ. ꓛꓬ ꓓ ꓟ ꓟꓬꓱꓺ ꓓꓳꓽ ꓧꓪ ꓔꓯ ꓤ ꓟꓳ ꓢꓲ ꓠꓬꓲ ꓢꓲꓺ ꓒ ꓡꓰ ꓖꓶ ꓔ ꓟ ꓠꓵꓻ ꓠꓲ, ꓔꓯ ꓣꓱ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓐꓯ ꓖꓶ ꓔ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓠꓬ ꓬꓲ ꓝꓲ ꓓꓴ ꓐꓴ ꓔꓯ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓚꓺ ꓠ, ꓟ ꓙꓰ ꓝꓲ ꓟ ꓙꓵ, ꓕꓯ ꓒꓴ ꓔꓯ ꓟꓽ ꓔꓯ ꓝꓲ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓒꓴ ꓐꓰ ꓫꓵ ꓔꓯ ꓤ ꓟꓳ ꓠ, ꓟ ꓐꓱ ꓶ ꓐꓯ ꓖꓶ ꓔ ꓡꓳ꓿ ꓦꓻ ꓕꓲ ꓒꓳ, ꓗꓪ ꓐꓰ ꓢꓯꓼ ꓕꓵꓼ ꓠ, ꓟ ꓣꓳ ꓚꓵˍ ꓟ ꓚꓱ, ꓔꓯ ꓐꓯ ꓖꓶ ꓔ ꓡꓳ꓿

ꓝꓮꓲ ꓢꓲꓺ ꓒ ꓬꓰ‐ꓢꓴ ꓡꓰ ꓙꓽ ꓥꓳˍ ꓟꓲ ꓡꓯꓼ ꓔꓲ. ꓡꓯꓼ ꓙꓯ ꓐꓴ ꓞꓶꓼ ꓟꓲ ꓠꓬꓲꓽ ꓘꓳ, ꓕꓯ ꓔꓯ ꓐꓰ ꓐꓯ ꓖꓶ ꓔ ꓡꓳ꓿ ꓐꓯ ꓠꓲ, ꓫꓵˍ ꓟ ꓠꓬ ꓧꓪꓽ ꓖꓳ ꓓꓱ ꓕꓲ ꓒꓳ, ꓕꓯ ꓢꓲ ꓦꓻ ꓕꓲ ꓒꓳ, ꓔꓯ ꓟꓬꓱꓽ ꓬꓰ ꓠ, ꓟ ꓪꓴ‐ꓢ ꓔꓯ ꓙꓵꓻ ꓠ, ꓟ ꓐꓯ ꓖꓶ ꓔ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓪꓴ‐ꓢ ꓟꓬꓱꓽ ꓶꓼ ꓓꓳ ꓫꓱ, ꓓꓳ ꓚꓺ ꓖꓶ ꓝꓲ ꓕꓯ ꓬꓲ ꓝꓲ ꓓꓴ ꓐꓴ ꓔꓯ ꓧꓪꓽ ꓖꓳ ꓓꓱ ꓐꓰ ꓦꓻ ꓕꓲ ꓒꓳ, ꓐꓱ ꓶ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓚ. ꓧꓪꓽ ꓖꓳ ꓓꓱ ꓐꓱ ꓶ ꓠꓻ ꓒꓬ ꓢꓴ ꓐꓰ ꓠꓲꓽ ꓔꓯ ꓗ ꓓꓳ ꓟ ꓔꓯ ꓬꓰ ꓖꓶ ꓝꓲˍ ꓟ ꓥꓡꓳ꓿
ꓢꓲꓺ ꓒ ꓟꓬꓱꓽ ꓬꓰ ꓕꓯ ꓦꓻ ꓕꓲ ꓒꓳ, ꓡꓰ ꓟꓽ ꓞꓲ ꓪꓴꓽ ꓟꓴ ꓡ ꓚꓱ, ꓔꓯ ꓠꓯꓼ ꓞꓲꓼ ꓦꓲꓻ ꓢꓳꓻ ꓦꓲꓻ ꓒꓴ ꓖꓶ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓠꓵꓻ ꓠꓲ, ꓟꓳ. ꓖꓶ ꓠ, ꓟ ꓥ ꓡꓳ꓿

ꓝꓮꓲ ꓢꓴ ꓡꓰ ꓟꓽ ꓘꓳ, ꓣꓴ ꓔꓯ ꓖꓳ ꓕꓲ ꓡꓳ ꓒꓱ ꓗꓪ ꓐꓰ ꓓꓳ ꓙꓰ ꓐꓰ ꓐꓯ ꓖꓶ ꓡꓳ꓿ ꓪꓴ‐ꓢ ꓠꓬ ꓟꓲ ꓠꓯ ꓡ ꓞꓳ ꓐꓴ ꓔꓯ ꓚꓲ. ꓛꓬ ꓓꓴ ꓙ ꓚꓱ, ꓔꓯ ꓞꓳ ꓒꓴ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓔꓯ ꓟꓽ ꓘꓳ, ꓣꓴ ꓢꓲꓺ ꓒ ꓬꓰ‐ꓢꓴ ꓔꓯ ꓟꓽ ꓘꓳ, ꓣꓴ ꓐꓴ ꓠꓬ ꓬꓲ ꓪ ꓪꓽ ꓒꓴ ꓪ ꓠꓯ, ꓡꓳ ꓐꓰ ꓐꓯ ꓖꓶ ꓡꓳ꓿

ꓠꓬꓲ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓢꓲꓺ ꓒ ꓬꓰ‐ꓢꓴ ꓗ. ꓠꓯ ꓢꓲ ꓛꓳꓽ ꓫꓱ, ꓠ, ꓟ ꓮ ꓫꓵꓽ ꓠꓬ ꓗꓽ ꓞꓲ ꓔꓬ ꓡ?
ꓝꓮꓲ ꓢꓲꓺ ꓒ ꓬꓰ‐ꓢꓴ ꓔꓯ ꓙꓵꓻ ꓠ, ꓟ ꓮ ꓫꓵꓽ ꓠꓬ ꓗꓽ ꓔꓬ ꓡ?
ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓟꓬꓱꓽ ꓐꓰ ꓙꓲ ꓟ ꓟꓬꓱꓽ ꓬꓰ ꓠ, ꓟ ꓮ ꓫꓵꓽ ꓠꓬ ꓣꓳ ꓔꓯ ꓗꓽ ꓕ ꓔꓬ ꓡ? ꓠ ꓠꓬꓲ ꓔꓬ ꓟ ꓥ ꓡꓳ꓿