ꓠꓽ ꓦꓬꓼ ꓠꓬꓲ ꓠꓱꓸ ꓐꓯꓼ ꓕꓲ ꓠꓬꓲ ꓗꓪ꓾ ꓬꓰ-ꓢꓴ ꓠꓬ ꓢꓲꓽ ꓫꓬ ꓦꓲ ꓗꓪ ꓓꓵ ꓡꓰ ꓢꓲ ꓟꓸ ꓟꓲꓽ ꓟꓸ ꓖꓶ ꓔꓬ ꓕꓯ꓾ ꓖꓳ ꓗꓪ ꓡꓯꓼ ꓙ ꓐꓽ ꓙꓴꓺ ꓡꓰ ꓢꓴ ꓕꓲ ꓣꓳ ꓔꓬ ꓡꓳ꓿ꓙꓵ ꓗ ꓟꓸ ꓒ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓬꓲ ꓔꓯ ꓓꓰꓺ ꓖꓴ ꓧꓪ ꓠꓲꓹ ꓫꓵ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ ꓬꓲ ꓠꓻ ꓫꓬꓹ ꓖꓶ ꓟꓽ ꓫꓬꓹ ꓖꓶ ꓐꓰ ꓬꓲ ꓜꓶꓻ ꓡꓳꓸ ꓠꓬꓲ ꓔꓬ ꓡꓳ꓿ꓬꓰ-ꓢꓴ ꓠꓬ ꓬꓲ ꓪꓽ ꓓꓵꓽ ꓙ ꓔꓬ ꓟ ꓔꓯ ꓢꓷꓸˍ ꓠꓬꓲ꓾ ꓡꓯꓼ ꓒꓯꓹ ꓙꓴꓺ ꓡꓰ ꓢꓴ ꓔꓯ꓾ ꓔꓴ ꓢꓲ ꓮꓽ ꓙꓵ ꓟꓲꓽ ꓙꓬꓽ ꓢꓲ ꓗꓪ ꓡꓯ꓾ ꓐꓯˍ ꓕꓯ꓾ ꓬꓲ ꓡ ꓢꓲ ꓦꓰꓼ ꓡ ꓡꓳ꓿ꓬꓰ-ꓢꓴ ꓠꓬ ꓬꓲ ꓪꓽ ꓔꓯ꓾ ꓠꓴ ꓪꓽ ꓔꓯ ꓥꓪ ꓕꓲ ꓘꓶꓽ ꓠ ꓠꓬꓲˍ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ꓾ ꓙꓲˍ ꓟ ꓐꓰ ꓟꓽ ꓙꓲ ꓟ꓾ ꓢꓯꓼ ꓟꓬ ꓚꓬꓴˍ ꓟ ꓐꓰ ꓢꓯꓼ ꓟꓬ ꓔꓯ ꓐꓬꓺ ꓡꓰ ꓝꓲˍ ꓟ꓾ ꓮ ꓡꓲ ꓕꓲ ꓫꓵꓽ ꓟ ꓬꓰ ꓓꓻ ꓡ?꓾ ꓐꓯˍ ꓡꓳ꓿ꓖꓳ ꓡꓱ ꓢꓲ ꓬꓲ ꓠꓬ ꓚꓳꓺ ꓡꓳ ꓐꓰ ꓬꓲ ꓪꓽ ꓮꓽ ꓙꓵ ꓔꓯ ꓡꓳꓸ ꓠꓬꓲ ꓢꓲ꓾ ꓡꓯꓼ ꓒꓯꓹ ꓙꓴꓺ ꓡꓰ ꓢꓴ ꓖꓳ ꓕꓲ ꓣꓳ ꓔꓯ꓾ ꓠꓴ ꓡꓯꓼ ꓒꓯꓹ ꓛꓱ ꓓꓳ ꓡꓯ꓾ ꓐꓯ ꓖꓶˍ ꓡꓳ꓿ ꓖꓳ ꓕꓯ ꓬꓲ ꓡꓯꓼ ꓒꓯꓹ ꓛꓱꓺ ꓓꓳ ꓡ ꓠꓬ ꓓꓻ ꓡꓰꓳ꓿ꓬꓲ ꓪꓽ ꓠꓽ ꓮꓽ ꓘꓶꓸ ꓠꓲꓹ ꓟ ꓦꓶꓻ ꓢꓲ꓾ ꓬꓰ-ꓢꓴ ꓔꓯ ꓮ ꓡꓲ ꓬꓰ ꓠꓯꓹ ꓟ ꓖꓪ ꓙꓱ ꓡꓯꓽ ꓘꓳˍ ꓡꓳ꓿
ꓡꓴ‐ꓘ 6ꓽ6‐11 ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓠꓽ ꓦꓬꓼ ꓠꓬꓲ ꓕꓯ ꓡꓯꓼ ꓒꓯ, ꓙꓴ ꓡꓰ ꓢꓴ ꓕꓲꓽ ꓣꓳ ꓔꓯ ꓫꓬ, ꓖꓶ_ ꓟ ꓗꓪ ꓐꓰ ꓕꓱ ꓟ ꓠꓬ ꓙꓵꓽ ꓗ ꓔꓯ ꓛꓳ_ ꓟ ꓓꓰ ꓢ ꓫꓱ. ꓤ ꓠꓵꓻ ꓠꓲ, ꓔꓯ ꓣꓱ ꓠ, ꓟ ꓣꓳ ꓔꓯ ꓘꓴ ꓔ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓬꓲ ꓬꓰ_ ꓟ ꓠꓬ ꓟꓲ ꓠꓯ ꓡ ꓞꓳ ꓐꓴ ꓬꓲ. ꓚꓱ, (ꓥ ꓠꓬ) ꓥꓳ ꓡꓳ. ꓓꓴ ꓐꓰ ꓒꓳ, ꓔꓳ, ꓔꓬ ꓥ ꓟꓲ ꓠꓱ. ꓐꓯꓼ ꓢꓴ ꓔꓯ ꓠꓬꓲ ꓙ ꓡꓳ. ꓙ ꓟ ꓐꓰ ꓫꓱ. ꓤ ꓠꓲ, ꓣꓳ. ꓚꓵ_ ꓟ ꓔꓯ ꓟ. ꓖꓶ ꓔ ꓡꓳ꓿ ꓔꓱ, ꓟ ꓔꓱ, ꓜꓳ ꓟ ꓠꓬ ꓠꓬ ꓘꓴ ꓜꓲꓼ ꓞꓳ ꓙꓵꓽ ꓗ ꓔꓯ ꓕꓶ ꓞ, ꓢꓲ ꓛꓳ_ ꓟ ꓓꓰ ꓢ ꓫꓱ. ꓤ ꓠꓵꓻ ꓠꓲ, ꓗꓪ ꓐꓰ ꓡꓰ ꓔꓬ ꓟ ꓔꓯ ꓢꓷ. ꓡꓰ ꓝꓲ_ ꓡꓳ꓿
