ꓠꓰꓑꓮꓡ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓟꓵꓽ ꓡꓶꓽ ꓡ ꓟ ꓑꓶ. ꓓꓴ ꓫ. ꓓꓴ ꓟꓷꓼ ꓓꓴ ꓐꓰ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓙ ꓟ
8 ꓦ ꓟ 28 ꓠꓬꓲ 2026 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓠꓰꓑꓮꓡ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓟꓵꓽ ꓡꓶꓽ ꓡ ꓟ ꓑꓶ. ꓓꓴ ꓫ. ꓓꓴ ꓟꓷꓼ ꓓꓴ ꓐꓰ ꓠꓻ ꓡꓰ ꓢꓴ ꓐꓰ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓪꓽ ꓘꓴ ꓙ ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓟꓽ ꓓꓴ ꓙ ꓔ ꓟ ꓙꓵ, ꓕꓯ ꓠꓰꓑꓮꓡ ꓗꓴꓷꓼ ꓗꓪ ꓪꓽ ꓚꓲ ꓪ ꓐ ꓗꓪ ꓐꓰ ꓪꓽ ꓬꓲꓻ ꓠꓬ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓢꓴ ꓠꓬꓲ ꓬꓲꓻ ꓙꓬ ꓡꓳ ꓘꓶꓽ ꓗꓪ ꓔꓬ ꓢꓴ ꓐꓴ ꓑ ꓫꓬ ꓐꓴ ꓮ ꓟꓬ, ꓠꓬ ꓫꓵꓻ ꓡꓰ ꓢꓴ ꓠꓻ ꓓꓴ ꓡꓰ ꓢꓴ ꓐꓴ ꓮ ꓟꓬ, ꓔꓬ ꓟ ꓥ ꓑꓶ. ꓓꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓟ ꓚꓱ, ꓔꓯ ꓐꓯ ꓖꓶ ꓔ ꓡꓳ꓿
ꓕꓱ ꓬꓲꓻ ꓙꓬ ꓙꓵꓽ ꓟꓶ ꓡꓰ ꓟ ꓑꓶ. ꓓꓴ ꓟꓶ ꓔꓬ ꓢꓴ ꓑ ꓫꓬ (350) ꓣꓳ ꓕꓯ ꓢꓲ꓾ ꓫꓵꓻ ꓡꓰ ꓢꓴ ꓐꓴ (900) ꓣꓳ ꓕꓯ ꓢꓲ ꓙꓳ ꓢꓲ ꓠꓬꓲ ꓟꓶ ꓔꓬ ꓢꓴ ꓐꓴ ꓮ ꓟꓬ, ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓖꓶ ꓔ ꓡꓳ꓿
(ꓟꓳꓴꓠꓔ ꓗꓮꓲꓡꓮꓢꓧ) ꓪꓽ ꓘꓴ ꓠ, ꓟ ꓐꓱ ꓶ ꓚꓳ ꓡ ꓢꓴ ꓐꓴ ꓐꓰ ꓠꓱ. ꓐꓯꓼ ꓗꓴꓷꓼ ꓗꓪ ꓐꓰ ꓠꓰꓑꓮꓡ ꓗꓴꓷꓼ ꓗꓪ ꓚꓳꓽ ꓗ ꓡ ꓢꓴ ꓮ ꓟꓬ, ꓣꓳ ꓥ ꓟꓲ ꓟꓶ ꓡꓰ ꓫꓵꓻ ꓡꓰ ꓢꓴ ꓮ ꓟꓬ, ꓔꓬ ꓟ ꓥ ꓡꓳ꓿
ꓠꓰꓑꓮꓡ ꓗꓴꓷꓼ ꓙꓵꓽ ꓢꓲꓺ ꓒ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰꓳ ꓡꓰ ꓮ ꓟꓶ ꓒꓬꓱꓼ ꓔꓬ ꓟ ꓫ. ꓓꓴ ꓟ ꓓꓴ ꓑꓶ. ꓓꓴ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓫꓵꓻ ꓡꓰ ꓢꓴ ꓐꓴ ꓝꓮꓲ ꓞꓰ ꓤ ꓢꓴ ꓐꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓟ ꓚꓱ, ꓔꓯ ꓐꓯ ꓖꓶ ꓗꓷ ꓟ ꓥ ꓡꓳ꓿
ꓝꓮꓲ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓞꓰ ꓤ ꓢꓴ ꓐꓴ ꓐꓱ ꓶ ꓜ ꓓꓴ ꓓꓳ ꓓꓴ ꓐꓰ ꓔꓬ ꓔꓶ. ꓣꓱ ꓬꓯꓡꓼ ꓣꓱ ꓞ ꓔꓬ ꓡꓳ ꓐꓰ ꓐꓯ ꓖꓶ ꓔ ꓡꓳ ꓐꓰ (Vatican news) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
