ꓠꓲꓽ ꓔꓲꓺ ꓧꓪꓽ ꓔꓯ ꓜ ꓓ_ ꓡ (ꓥ ꓠꓬ) ꓠꓲꓽ ꓕꓯ ꓔꓲꓺ ꓔ ꓟ ꓜ ꓓꓴ ꓔꓯ ꓜ ꓓ_ ꓡ꓾
ꓪꓴ‐ꓢ ꓦ ꓡꓱ ꓢꓴ ꓕꓲꓽ ꓣꓳ ꓠꓬ ꓟꓬ ꓠꓬꓲ ꓠꓬ ꓠꓲꓽ ꓔꓲꓺ ꓔ ꓟ ꓜ ꓓꓴ ꓔꓯ ꓕꓽ ꓐꓯ ꓠꓲꓽ ꓐꓰ ꓗꓴ. ꓙꓰ ꓙꓳ_ ꓟ ꓮ ꓙꓵ ꓔꓯ ꓕꓲꓽ ꓢꓯ. ꓟꓲ ꓟꓽ ꓬꓰ ꓟ ꓥ ꓡꓳ꓾ ꓖꓳ ꓡꓱ ꓥ ꓟꓲ ꓝꓲ ꓓꓴ ꓒꓳ‐ꓡꓳ ꓡꓰ ꓕꓱ ꓡꓱ ꓐꓯ ꓔ ꓡꓳ꓿ 1 ꓘꓳ‐ꓡꓱ‐ꓕꓴ 8 ꓕꓱ ꓗꓪ ꓜ ꓓꓴ ꓚꓲ. ꓛꓬ ꓠꓬ ꓮ ꓫꓵ ꓝꓴꓲ ꓟꓲ ꓟꓽ ꓙꓳ꓾ ꓟꓽ ꓢꓲ ꓟꓽ ꓫꓬ ꓟꓽ ꓗꓷ꓾ ꓜ ꓓꓴ ꓠꓬ ꓪꓴ‐ꓢ ꓡꓰ ꓚꓰꓼ ꓔ ꓟ ꓑꓶ ꓓꓴ ꓜ ꓓ_ ꓡꓳ꓿ ꓖꓳ ꓡꓱ ꓥ ꓟꓲ ꓠꓲꓽ ꓔꓲꓺ ꓔ ꓟ ꓜ ꓓꓴ ꓔꓯ ꓣꓳ ꓜ ꓕꓯ ꓠꓱ. ꓐꓯꓼ ꓕꓲꓽ ꓣꓳ ꓣꓳ ꓙꓵꓻ ꓠꓲ, ꓐꓱ ꓶ ꓦꓶ. ꓡꓰ ꓓꓴ ꓙꓵꓻ ꓠꓲ, ꓚꓱ, ꓔꓯ ꓢꓪ. ꓫ. ꓓꓴ ꓕꓱ ꓡꓱ ꓒꓬꓱꓼ ꓝꓲ_ ꓥꓳ ꓐꓯ ꓠꓬ ꓠꓱ. ꓐꓯꓼ ꓕꓲ ꓣꓳ ꓔꓯ ꓙꓵꓻ ꓠꓲ, ꓐꓬ ꓡꓰ ꓝꓲ ꓓꓴ ꓗꓷ ꓡꓰ_ ꓥꓳ ꓐꓯ ꓠꓬ ꓣꓳ ꓟꓽ ꓜ ꓟ ꓠꓬ ꓟꓬ ꓠꓬꓲ ꓙꓲ_ ꓡꓳ꓾ ꓐꓰ ꓝꓲ ꓓꓴ ꓒꓳ‐ꓡꓳ ꓡꓰ ꓐꓯ ꓔ ꓟ ꓥ ꓡꓳ꓿
ꓖꓳ ꓟ ꓑꓶ ꓓꓴ ꓠꓲ, ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓲ ꓐꓱ ꓠꓬ ꓕꓲ ꓢꓯ. ꓟꓲ ꓟꓽ ꓜ ꓟ ꓥ ꓡꓳ꓾ ꓜ ꓢꓴ ꓟꓲ ꓙꓳ_ ꓡꓳ꓾ ꓖꓳ ꓡꓱ ꓥ ꓟꓲ ꓟꓽ ꓜ ꓟ ꓠꓬ ꓪ ꓚꓲ ꓙꓲ_ ꓡꓳ꓿ ꓮ ꓫꓵ ꓑꓶ ꓓꓴ ꓐꓯ ꓠꓬ ꓣꓳ ꓕꓱ ꓡꓱ ꓜ ꓟ ꓗꓪ ꓐꓰ ꓠꓱ. ꓐꓯꓼ ꓕꓲꓽ ꓣꓳ ꓣꓳ ꓙꓵꓻ ꓠꓲ, ꓦꓶ. ꓡꓰ ꓗꓪ ꓐꓰ (ꓥ ꓠꓬ) ꓙꓵꓻ ꓠꓲ, ꓛꓬ ꓡꓰ ꓓꓴ ꓙꓳ_ ꓟ ꓑꓶ ꓓꓴ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓕꓲꓽ ꓢꓯ. ꓟꓲ ꓜ ꓟꓽ ꓓ ꓟ ꓠꓬ ꓟꓽ ꓥ꓾ ꓕꓱ ꓟ ꓣꓳ ꓜ ꓟ ꓠꓬ ꓪꓴ‐ꓢ ꓡꓰ ꓚꓰꓼ ꓔ ꓟ ꓜ ꓓꓴ ꓠꓬ ꓚꓲ. ꓛꓬ ꓠꓬ ꓢꓲ ꓫꓬ ꓡꓳ꓿ ꓖꓳ ꓟ ꓑꓶ ꓓꓴ ꓜ ꓓ ꓡꓳ ꓐꓰ ꓝꓲ ꓓꓴ ꓒꓳ‐ꓡꓳ ꓡꓰ ꓐꓯ ꓔ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓣꓳ ꓠꓬ ꓠꓲꓽ ꓔꓲꓺ ꓔ ꓟ ꓮ ꓙꓵ ꓗꓴ. ꓙꓰ ꓟꓽ ꓙꓳ ꓟ ꓑꓶ ꓓꓴ ꓟꓽ ꓜ ꓟ ꓠꓬ ꓟꓬ ꓠꓬꓲ ꓙꓲ_ ꓡꓳ ꓐꓯ ꓔ ꓟ ꓥ ꓡꓳ꓿
