ꓢꓲꓽ ꓒ ꓬꓰ‐ꓢꓴ ꓠꓬ ꓬꓲ. ꓚꓲ ꓛꓬ ꓞꓳ ꓫ. ꓕꓲ ꓣꓳ ꓡꓰ ꓐꓰ ꓒꓬꓱꓼ ꓟꓳ ꓡ ꓢꓲ꓾ ꓞꓳ ꓫ. ꓔꓯ ꓮꓽ ꓘꓶꓼ ꓠꓲ.,ꓠꓵ ꓪ ꓡꓰ ꓗ. ꓡ? ꓐꓯˍꓟ ꓚꓱ, ꓔꓯ ꓣꓳ ꓐꓴ ꓠꓽ ꓡꓳ. ꓙꓰ ꓓꓴ ꓬꓰ ꓡꓯ꓿ ꓮꓽ ꓫꓵꓽ ꓑꓶ. ꓓꓴ ꓪꓴ‐ꓢ ꓠꓲ., ꓟ ꓠꓬ ꓞꓳ ꓫ. ꓐꓴ ꓐꓱ ꓶ ꓟꓬ ꓠꓬꓲ ꓟꓳ ꓡ? ꓣꓳ ꓓꓵ ꓙ ꓓꓴ ꓬꓰ ꓡꓯ꓿ ꓢꓲ ꓫꓬ ꓕꓳꓽ ꓶ ꓔꓯ ꓡꓳ. ꓠꓬꓲ ꓥˍꓟꓲ ꓫ. ꓢꓴ ꓟꓷꓼ ꓢꓴ ꓢꓯꓼ ꓟꓽ ꓙꓳ ꓢꓴ ꓠꓽ ꓢꓴ ꓐꓬ ꓢꓴ ꓝꓮꓲ ꓟꓶ ꓚꓲ ꓟ ꓐꓴ ꓔꓯ ꓠꓲ., ꓠꓵ ꓟ ꓚꓱ, ꓐꓳ ꓔꓽ ꓟ ꓥ ꓡꓳ꓿
ꓖꓳ ꓡꓰ ꓐꓯ ꓠꓬ ꓞꓳ ꓐꓳ ꓪ ꓔꓲ.. ꓐꓴ ꓔꓯ ꓠꓲ., ꓠꓵ ꓡ? ꓟꓽ ꓥ꓾ ꓬꓲ. ꓠꓬꓲ ꓮꓽ ꓙꓵꓽ ꓢꓴ ꓔꓯ ꓠꓲ., ꓠꓵ ꓟ ꓥ ꓡꓳ꓿ ꓕꓯ ꓥꓳꓽ ꓐꓯ ꓠꓬ ꓠꓯ., ꓞꓲꓼ ꓟ. ꓒ ꓐꓴ ꓥˍꓟꓲ ꓠꓽ ꓢꓴ ꓔꓯ ꓡꓰ ꓠꓯ., ꓞꓲ ꓫꓬ ꓖꓶ ꓟ ꓥ ꓡꓳ꓿ ꓕꓱ ꓟ ꓡꓰ ꓐꓰ ꓞꓳ ꓫ ꓢꓴ ꓐꓴ ꓔꓯ ꓥˍꓟꓲ ꓬꓲ. ꓪ ꓤꓶ., ꓗꓪ ꓟꓬ ꓠꓬꓲ ꓠꓬ ꓪꓴ‐ꓢ ꓔꓯ ꓣꓱꓽ ꓯꓬꓼ ꓟ ꓥ ꓡꓳ꓿
ꓪꓴ‐ꓢ ꓔꓯ ꓠꓬ ꓠꓲ., ꓠꓵ ꓡꓳ ꓐꓰ ꓐꓯ ꓢꓲ꓾ ꓫ. ꓢꓴ ꓟꓷꓼ ꓢꓴ ꓔꓯ ꓠꓬꓲ ꓟ ꓟꓵ ꓬꓰ ꓕꓯ ꓠꓬ ꓮꓽ ꓡꓰ ꓥˍꓟꓲ ꓪꓴ‐ꓢ ꓐꓰ ꓙ ꓡꓯꓼ ꓘꓳ ꓟꓽ ꓑ ꓡ꓿ꓢꓲꓽ ꓒ ꓬꓰ‐ꓢꓴ ꓥˍꓟꓲ ꓞꓳ ꓫ. ꓕꓲ ꓣꓳ ꓡꓰ ꓐꓰ ꓒꓬꓱꓼ ꓟꓳ ꓡ ꓟ ꓥ ꓡꓳ꓿
