ꓚꓬ‐ꓑꓳ‐ꓛ ꓘ, ꓗꓪ ꓐ, ꓐ ꓟ, ꓟ ꓑꓮꓲꓽ ꓦꓬꓼ ꓠꓬꓲ ꓬꓰˍ ꓟ (Happy Parent’s day)
7 ꓦ ꓟ 26 ꓠꓬꓲ 2026 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓠꓬ ꓙꓲꓻ ꓫꓬ ꓢꓴ Joachim ꓐꓰ ꓮnne ꓑꓮꓲꓽ ꓦꓬꓼ ꓠꓬꓲ ꓥ ꓢꓲ ꓠꓬꓲ ꓕꓲ ꓟꓲ ꓠꓯ ꓡꓱꓼ ꓗꓪ ꓔꓬ ꓟ ꓐ, ꓐ ꓟ, ꓐ ꓐꓴ ꓑꓮꓲꓽ ꓦꓬꓼ ꓦꓬꓲ ꓟꓲ ꓥ ꓡꓳ꓿
ꓐ, ꓐ ꓟ, ꓟ ꓐꓴ ꓑꓮꓲꓽ ꓦꓬꓼ ꓠꓬꓲ ꓔꓯ ꓚꓬ‐ꓑꓳ‐ꓛ ꓞꓳ ꓘ, ꓗꓪ ꓔꓲꓺ ꓒ ꓙꓳꓢꓰꓑꓧ ꓛꓬ‐ꓔ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ‐ꓢ ꓔꓶꓺ ꓖꓶ ꓓꓴ ꓔꓯ ꓬꓰ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓡꓰ ꓟ. ꓟꓲꓽ ꓚꓺ ꓟ ꓗꓪ ꓐ, ꓐ ꓟ, ꓟ ꓐꓴ ꓔꓯ ꓞꓳ ꓒꓵꓽ ꓠ, ꓟ ꓢꓲꓽ ꓫꓬ ꓕꓳ ꓶ ꓗꓪ ꓥ ꓟꓲ ꓐꓯ ꓖꓶ ꓔ ꓟ ꓥ ꓡꓳ꓿ ꓪꓴ‐ꓢ ꓔꓯ ꓠꓲ, ꓠꓵ ꓟ ꓮ‐ꓟꓲ ꓮ‐ꓐꓲ ꓐꓴ ꓠꓬ ꓐ, ꓐ ꓟ, ꓟ ꓐꓴ ꓔꓯ ꓠꓲ, ꓠꓵ ꓟ ꓚꓱ, ꓔꓯ ꓐꓯ ꓖꓶ ꓔ ꓟ ꓥ ꓡꓳ꓿ ꓝꓮꓲ ꓪꓴ‐ꓢ ꓡꓰ ꓪꓴ‐ꓢ ꓙꓵꓽ ꓗ ꓞꓲ ꓙꓵꓽ ꓔꓯ ꓖꓶ_ ꓟ ꓙꓵ, ꓕꓯ ꓥ ꓟꓲ ꓐ, ꓐ ꓟ, ꓟ ꓐꓴ ꓔꓯ ꓞꓳ ꓒꓵꓽ ꓠ, ꓟ ꓠꓬ ꓪꓴ‐ꓢ ꓙꓵꓽ ꓗ ꓗꓪ ꓖꓶ ꓔ ꓟ ꓥ ꓡꓳ꓿
ꓝꓮꓲ ꓟꓲ‐ꓢ ꓔꓲꓺ ꓖꓶ ꓟ ꓬꓰ ꓓꓳ ꓡꓰ ꓠꓬ ꓞꓳ ꓡꓱ ꓐꓴ ꓐꓰ ꓤ ꓠꓱ ꓤ ꓐꓴ ꓡꓰ ꓟꓴ ꓖꓪ ꓖꓪ ꓢꓲ ꓠꓬꓲ ꓐ, ꓐ ꓟ, ꓟ ꓐꓴ ꓔꓯ ꓓꓳ, ꓟꓴ ꓟ ꓔꓯ ꓥ ꓟꓲ ꓗ, ꓛꓲ ꓛꓲ ꓡꓰ ꓬꓰ ꓗꓷꓳ꓿
ꓐ, ꓐ ꓟ, ꓟ ꓑꓮꓲꓽ ꓗꓪ ꓡ ꓢꓴ ꓐꓴ ꓔꓯ ꓥ ꓟꓲ ꓚꓬ‐ꓑꓳ‐ꓛ ꓘꓴ ꓜꓲꓼ ꓞꓳ ꓐꓴ ꓡꓰ ꓜ ꓓꓴ ꓔꓯ ꓥ ꓟꓲ ꓖꓶ ꓜ ꓗꓷ ꓟ ꓥ ꓡꓳ꓿
ꓐ, ꓐ ꓟ, ꓟ ꓐꓴ ꓑꓮꓲꓽ ꓔꓯ ꓠꓬ ꓕꓲ ꓘꓳꓼ ꓡꓰ ꓕꓲ ꓘꓳꓼ 7 ꓦ ꓟ (26) ꓠꓬꓲ ꓗꓪ ꓕꓲ ꓟꓲ ꓠꓯ ꓡꓱꓼ ꓗꓪ ꓙꓳ ꓟ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓴ ꓠꓬ ꓬꓰ ꓔꓬ ꓟ ꓥ ꓡꓳ꓿
