ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓢꓲ ꓒ ꓬꓰ‐ꓢꓴ ꓡꓰ ꓮ ꓠꓱ ꓟꓷꓽ ꓠꓷ, ꓝ. ꓒ ꓐꓴ꓾ ꓙꓲ ꓫꓬ ꓢꓴ ꓐꓴ ꓟꓽ ꓟꓳꓻ ꓠꓬꓲ ꓗꓷ ꓟ ꓔꓯ ꓠꓬꓲ. ꓠꓬꓲ ꓠꓴ ꓪ ꓟꓳꓻ ꓠꓬꓲ ꓗꓷꓳ꓿ ꓑˍ ꓟꓲ ꓑ ꓙꓽ ꓠꓬꓲ ꓡꓰꓳ꓾ ꓐꓯˍ ꓟ ꓟ. ꓟꓲꓽ ꓗꓪ ꓐꓰ ꓣꓳ ꓠ ꓡꓳ. ꓓꓴ ꓥꓳ꓿ ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓠꓬ (ꓟ‐ꓕꓲ꓿ 13ꓽ10‐17) ꓥ ꓡꓳ꓿ ꓬꓲ ꓕꓲꓽ ꓟꓴꓽ ꓠꓬ ꓕꓱ ꓡꓱ ꓥꓳ꓿

ꓢꓲ ꓒ ꓬꓰ‐ꓢꓴ ꓔꓯ ꓬꓲ ꓝꓲ ꓓꓴ ꓐꓴ ꓡꓰ ꓕꓱ ꓡꓱ ꓠ ꓠꓬꓲˍ ꓡꓳ꓿ ꓟ. ꓒꓽꓳ ꓮ ꓫꓵꓽ ꓑꓶ. ꓓꓴ ꓥꓪ ꓠꓴꓽ ꓔꓯ ꓐꓰ ꓠꓱ. ꓐꓯ ꓢꓴ ꓔꓯ ꓟꓽ ꓫꓱ. ꓡꓯ ꓘꓳ ꓟ ꓔꓯ ꓥꓳꓽ ꓗꓪ ꓐꓰ ꓕꓱ ꓡꓱ ꓐꓰ ꓟ. ꓖꓶˍ ꓡ꓾ ꓐꓰ ꓐꓯˍ ꓟ ꓟ. ꓟꓲꓽ ꓥ ꓡꓳ꓿

ꓢꓲ ꓒ ꓬꓰ‐ꓢꓴ ꓕꓱ ꓡꓱ ꓒꓳ, ꓖꓶˍ ꓡꓳ꓿ ꓠꓴ ꓪ ꓠꓬ ꓥꓪ ꓔꓯ ꓮ ꓕꓯ ꓟꓲ ꓥꓪ ꓔꓯ ꓟꓳ ꓠꓬꓲˍ ꓡꓳ꓿ ꓥꓪ ꓔꓯ ꓥꓪ ꓐꓯ ꓘꓶꓽ ꓗꓪ ꓐꓰ ꓮ ꓕꓯ ꓟꓲ ꓘꓳ ꓣꓴ ꓠ ꓠ, ꓟꓶˍ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓕꓲ ꓐꓱ ꓠꓽ ꓪꓴ‐ꓢ ꓐꓯ ꓘꓶ ꓔꓯ ꓘꓳ ꓣꓴ ꓟꓽ ꓐ ꓡ ꓟ꓾ ꓙꓽ ꓜꓲꓼ ꓟꓽ ꓐ ꓡ ꓟ꓾ ꓕꓲ ꓐꓱ ꓠꓬ ꓕꓱ ꓡꓱ ꓪꓴ‐ꓢ ꓐꓰ ꓶꓽ ꓤ ꓗꓷ ꓡꓰ ꓢꓲ ꓠꓬꓲ ꓪꓴ‐ꓢ ꓔꓯ ꓙꓵꓻ ꓟꓽ ꓐ ꓡ ꓢꓴ ꓮ ꓙꓵꓽ ꓐꓱ ꓶ ꓠꓬ ꓢꓲ ꓒ ꓬꓰ‐ꓢꓴ ꓠꓬ ꓕꓱ ꓡꓱ ꓐꓰ ꓔꓯ ꓥꓳꓽ ꓣꓱꓽ ꓢꓲ ꓠꓬꓲ ꓐꓯ ꓟ. ꓖꓶˍ ꓟ ꓥ ꓡꓳ꓾ ꓐꓰ ꓐꓯˍ ꓟ ꓬꓲ. ꓬꓲ ꓢꓲ ꓥ ꓡꓳ꓿