ꓮ ꓫꓵꓽ ꓑꓶꓸ ꓓꓴ ꓬꓲꓻ ꓙꓬ ꓙꓵꓽ ꓡ ꓟ ꓚꓱꓹ (Climate change)
ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓗꓪ ꓐꓰ ꓮ ꓫꓵꓽ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓡ ꓡ꓾ ꓐꓯ ꓟ ꓚꓱ, ꓔꓯ ꓣꓳ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓮ ꓟꓶ ꓟ ꓙꓵ, ꓗꓪ ꓣꓳ ꓟꓵꓽ ꓣꓳ ꓡꓳ ꓗꓪ ꓗꓳ. ꓗꓷ ꓟ ꓙꓵ, ꓐꓰ ꓟꓽ ꓪ ꓟ꓾ ꓟꓽ ꓫꓱ ꓡꓯꓽ ꓘꓳ, ꓓꓴ ꓮ ꓟꓬ, ꓙꓳ ꓔꓬꓟ ꓥ ꓡꓳ꓿ ꓟꓵꓽ ꓘꓳꓼ ꓦꓬꓼ ꓠꓬꓲ ꓔꓯ ꓡꓳ. ꓠꓬꓲ ꓠꓬ ꓮ ꓘꓶ. ꓛꓲ ꓟꓽ ꓙꓲ ꓟ ꓔꓯ ꓣꓳ ꓡꓳ. ꓟꓳ ꓔꓬ ꓟ ꓥ ꓡꓳ꓿
ꓬꓲꓻ ꓙꓬ ꓮ ꓟꓬ, ꓙꓵꓽ ꓡ ꓟ ꓡꓳ ꓒꓱ ꓓꓽ ꓞꓳ ꓘ, ꓮ ꓟꓬ, ꓬꓲꓻ ꓙꓬ ꓙꓵꓽ ꓟꓶ ꓡꓰ꓾ ꓢꓲ ꓠꓬꓲ ꓡ ꓞꓳ ꓫꓵꓻ ꓡꓰ ꓟ ꓑ ꓫꓬ ꓐꓴ ꓐꓬ ꓡꓰ ꓟ꓾ ꓑ ꓫꓬ ꓐꓴ ꓠꓻ ꓓꓴ ꓡꓰ ꓟ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓟ ꓠꓬ ꓕꓲ ꓠꓬꓲ ꓕꓯ ꓢꓲ ꓕꓲ ꓠꓬꓲ ꓥ ꓡꓳ꓿
ꓖꓳ ꓡꓱ ꓠꓬ ꓮ ꓫꓵꓽ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓟꓵꓽ ꓡꓵꓽ꓾ ꓟꓴꓽ ꓙꓴꓽ ꓚꓵˍ ꓡ ꓟ ꓚꓱ, ꓔꓯ ꓣꓳ ꓐꓴ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓕꓱ ꓡꓱ ꓫꓵꓽ ꓪꓴꓽ ꓬꓲ ꓚꓰ. ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓒꓬꓱꓼ ꓡ ꓟ ꓫꓵꓽ ꓪꓴꓽ ꓥ ꓡꓳ꓿
ꓟꓲ ꓦ ꓦ ꓡ ꓟ ꓬꓲ ꓙꓵ, ꓒꓳ, ꓡ ꓟ ꓑꓶ. ꓓꓴ ꓟꓵꓽ ꓘꓳꓼ ꓒꓳ, ꓡ ꓟ ꓝꓲ. ꓟ ꓔꓯ ꓒꓬꓱꓼ ꓡ ꓝꓲ ꓟ ꓔꓯ ꓒꓬꓱꓼ ꓡ ꓟ ꓟꓲ ꓥ ꓡꓳ꓿ ꓟꓲ ꓠꓯ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓛꓲ ꓝ ꓡ ꓟ ꓥ ꓡꓳ꓿ ꓖꓳ ꓡꓱ ꓟ ꓪꓴ. ꓠꓬꓲ ꓟꓲ ꓠꓯ ꓬꓲ ꓔꓶ. ꓮ ꓟꓬ, ꓗꓪ ꓠꓬ ꓟꓲ ꓝ ꓝ ꓝꓲ. ꓟꓽ ꓥ ꓟꓲ ꓝ ꓮ ꓘꓶ. ꓛꓲ ꓝ. ꓡ ꓟ ꓔꓯ ꓣꓳ ꓐꓴ ꓡꓳ. ꓟꓳ ꓓꓽ ꓟ ꓥ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓟꓶ ꓝ ꓮ ꓘꓶ. ꓛꓲ ꓝ ꓟ ꓑꓶ. ꓓꓴ ꓰꓴꓣꓳ ꓟꓵꓽ ꓗꓪ ꓫꓵꓻ ꓢꓴ ꓡ ꓞꓳ ꓐꓴ ꓮ ꓟꓬ, ꓔꓬ ꓟ ꓔꓯ ꓡꓳ. ꓐꓴ ꓡꓳ. ꓟꓳ ꓓ ꓟ ꓥ ꓡꓳ꓿ ꓖꓳ ꓟ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓥ ꓡꓳ꓿
ꓝꓮꓲ ꓬꓲ ꓙꓵ, ꓟꓽ ꓥ ꓟꓲ ꓦ ꓮ ꓟꓬ, ꓛꓲ ꓦ ꓡ ꓟ ꓑꓶ. ꓓꓴ ꓬꓲ ꓙꓬ ꓙꓵ ꓡ ꓟ ꓔꓯ ꓒꓬꓱꓼ ꓡ ꓝꓲ. ꓟ ꓥ ꓡꓳ꓿ ꓗꓳ. ꓗꓷ ꓟ ꓙꓵ, ꓕꓯ ꓦ ꓐ ꓕꓲ ꓦ ꓦ ꓗꓷ ꓟ ꓟꓲ ꓦ ꓠꓬ ꓮ ꓟꓶ ꓟ ꓙꓵ, ꓗꓪ ꓕꓲ ꓠꓬꓲ ꓠꓬꓲꓽ ꓠꓬꓲ ꓡꓰ ꓦ ꓗꓷ ꓟ ꓪꓴ. ꓠꓬꓲ ꓬꓲ ꓙꓬ ꓙꓵꓽ ꓡ ꓟ ꓔꓯ ꓒꓬꓱꓼ ꓡ ꓟ ꓟꓲ ꓥ ꓡꓳ꓿
ꓢꓲ, ꓠꓯ ꓗꓪ ꓢꓲ, ꓜꓲ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓥ ꓡꓳ꓿ ꓢꓲ, ꓠꓯ ꓗꓪ ꓣꓳ ꓟ ꓢꓲ, ꓜꓲ ꓡꓳ ꓜꓲ ꓠꓬ ꓟꓲ ꓦ ꓦ ꓡ ꓕꓯ ꓟꓲ ꓦ ꓬꓲꓻ ꓔꓯ ꓣꓴ ꓔꓯ ꓖꓶ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓕꓯ ꓕꓯ ꓢꓲ, ꓜꓲ ꓐꓴ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓝꓲ ꓟ ꓥ ꓡꓳ꓿
ꓝꓮꓲ ꓕꓲ ꓫꓵꓽ ꓠꓬ ꓡꓳ ꓒꓱ ꓓꓽ ꓗꓪ ꓑꓶ ꓚꓵꓽ ꓔꓯ ꓮ ꓔꓳ ꓔꓳ ꓡꓳ ꓟ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓡ ꓝꓲ ꓟ ꓔꓯ ꓒꓬꓱꓼ ꓡ ꓝꓲ ꓟ ꓥ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓟꓬ, ꓠꓬ ꓑꓶ. ꓚꓵꓽ ꓔꓯ ꓮ ꓔꓳ ꓔꓳ ꓡꓰ ꓔꓳ ꓔ ꓝꓮꓲ ꓑꓡꓮꓢꓔꓲꓚ ꓔꓯ ꓥ ꓟꓲ ꓮ ꓔꓳ ꓔꓳ ꓡꓰ ꓔꓳ ꓔ ꓟ ꓪꓴ. ꓠꓬꓲ ꓬꓲꓻ ꓙꓬ ꓟꓶ ꓡ ꓝꓲ ꓟ ꓔꓯ ꓒꓬꓱꓼ ꓡ ꓟꓲ ꓥ ꓡꓳ꓿
ꓖꓳ ꓡꓱ ꓠꓬ ꓣꓳ ꓞꓳ ꓡꓱ ꓞꓳ ꓡꓯ. ꓐꓴ ꓮ ꓡꓲ ꓐꓰ ꓬꓲꓻ ꓙꓬ ꓙꓵꓽ ꓡ ꓟ ꓔꓯ ꓗꓽ ꓕꓽ ꓟ ꓟꓬꓱꓽ ꓗꓪ ꓬꓰ ꓐ ꓡ ꓡ ꓐꓯ ꓠꓬ
ꓣꓳ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞꓳ ꓙꓳ ꓚꓱ, ꓗꓪ ꓣꓳ ꓓꓲ ꓟ ꓟꓬꓱꓽ ꓗꓪ ꓐꓰ ꓓꓽ ꓪꓴ. ꓪꓴ. ꓔꓴ ꓢꓲ ꓠꓬꓲ ꓙꓲ ꓟ ꓚꓱ, ꓗꓪ ꓞꓳ ꓙꓳ ꓠꓯ, ꓟ ꓐꓱ ꓶ ꓥ ꓡꓳ꓿
ꓑꓶ ꓚꓵꓽ ꓔꓯ ꓜꓲ ꓜꓲ ꓟꓴ ꓟꓴ ꓡꓳ ꓠ, ꓟ꓾ ꓑꓡꓮꓢꓔꓲꓚ ꓣꓱ ꓟ ꓔꓯ ꓤ ꓟꓳ ꓠ, ꓟ ꓢꓯꓼ ꓕꓵꓼ ꓡꓯ꓿
ꓢꓲ, ꓜꓲ ꓡꓳ ꓜꓲ ꓮ ꓟꓬ, ꓔꓶ ꓠ, ꓟ ꓢꓯꓼ ꓕꓵꓼ ꓡꓯ꓿ ꓢꓲ, ꓜꓲ ꓔꓶ ꓟ ꓠꓬ ꓛꓲ ꓡ ꓟ ꓙꓵ, ꓠꓯ, ꓗꓪ ꓬꓲ ꓙꓬ ꓟꓽ ꓙꓵꓽ ꓡ ꓠ, ꓟ ꓗꓽ ꓕꓽ ꓟ ꓥ ꓡꓳ꓿
ꓝꓮꓲ ꓢꓷ. ꓠꓲ, ꓚꓴ ꓬꓲ ꓮ ꓟꓬ, ꓧꓪ ꓢꓲ ꓠꓬꓲ ꓣꓳ ꓒ ꓕꓲ ꓗꓪ ꓔꓬ ꓢꓴ ꓐꓴ ꓔꓯ ꓐꓯ ꓟ. ꓖꓶ ꓓꓴ ꓬꓰ ꓡꓯ꓿
ꓛꓲ ꓡ ꓟ ꓙꓵ, ꓔꓯ ꓖꓪ ꓫꓵꓽ ꓠ, ꓟ ꓠꓬ ꓣꓳ ꓞꓳ ꓡꓯ. ꓐꓴ ꓡꓯꓽ ꓒꓯ, ꓗꓪ ꓙꓳ ꓟ ꓥ ꓡꓳ꓿ ꓖꓳ ꓡꓱ ꓠꓬ ꓣꓳ ꓞꓳ ꓡꓱ ꓞꓳ ꓡꓯ. ꓐꓴ ꓢꓯꓼ ꓕꓵꓼ ꓢꓲ ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓝꓲ ꓟ ꓔꓯ ꓒꓬꓱꓼ ꓡ ꓝꓲ ꓟ ꓚꓱ, ꓔꓯ ꓤ ꓟꓳ ꓓꓴ ꓬꓰ ꓡꓯ꓿
ꓙꓲ ꓟ ꓟꓵꓽ ꓘꓳꓼ ꓦꓬꓼ ꓠꓬꓲ ꓔꓯ ꓘꓳ, ꓣꓴ ꓪ ꓠ, ꓟ ꓢꓯꓼ ꓕꓵꓼ ꓡꓯ꓿
ꓫ. ꓟꓳ ꓪ꓿
